悅嚐 (已結業)

自從搬來鰂魚涌住兼方便返工，疫情已持續多時，我同屋企人晚飯慣咗如果唔自己煮就買外賣，都唔想堂食，近排疫情穩定多返出嚟食，於是諗起附近嘅健康小店 悅嚐～好掛住佢呀。🥺其實我哋一家四口算係常客，過去跟兩位大廚姐姐都算熟絡😙。貴為 熟客，如果我預先通知想點一啲餐牌以外嘅菜式，我咁有誠意，悅嚐都會考慮幫我煮㗎，可以說 “點得出就做得出的客人美食”。今晚點咗煎蝦餅、洋蔥燴牛肉條、瑤柱蛋白炒飯和炒雜齋。～蝦餅煎得真係好香口，配埋甜甜酸酸嘅醬汁，真係好開胃！～洋蔥燴牛肉條係我必食，佢哋煮嘅牛肉淋得嚟又煙韌，又惹味，聞到已經好香，正！🤤～點咗呢兩道菜餸飯，不過齋食瑤柱蛋白炒飯既少油又爽口已經好美味。～年紀大咗始終想食多啲蔬菜😅，姐姐幫我炒咗碟雜齋，感覺當堂好健康呀！～經常幫襯佢哋，知道佢哋嘅蝦好鮮甜，同姐姐講開，佢哋就幫我整咗碟椒鹽炒蝦🦐，真係好感動囉！原來我開聲點得出嘅菜，佢哋做得出嘅都會煮，鬼叫我係常客咩😬🤭雖然鰂魚涌愈來愈多食店，但我鍾意呢間小店細細間坐得幾舒服，而且最緊要係食物真係冇落味精，好味得嚟又健康👍🏼呢間小店個名真係改得唔錯，好啱我，因為我只追求食得simple但係enjoy呀，名符其

午飯時間嘅鰂魚涌間間茶餐廳都人滿為患 💩但偏偏佢······可以直行直入🤔一窺究竟之後發現佢價錢同外面其他餐廳大同小異5字頭接近6字🥴但食物質素有待改善以追上主流同等價錢餐廳嘅水準🤔奶茶較稀 麻醬略嫌不足 雞絲冷麵普普通通 未能令餐廳本身突圍而出💩評分(out of 5⭐️)味道 Taste: ⭐️⭐️⭐️性價比 Value for money: ⭐️⭐️ 服務 Services: ⭐️⭐️⭐️位置 Location: ⭐️⭐️⭐️⭐️回頭率 To Return?: ⭐️

呢日多嘢做，遲落樓食晏，好多餐廳都唔使輪位，都係揀番間小店試下，上次試過外賣覺得呢間幾好味。大大綠色招牌🟩，此店雖小，但佈局簡而雅，樓面姐姐禮貌招呼，睇見食品照片開胃，我哋點選嘅菜式好快就送到枱上，見到賣相經用心制作😋；同事食過都讚有質素；👩🏻‍🍳店姐姐都話自家調味，絕無味精！！我哋食落大表贊同🤝🏼。因為我哋經常外出用餐，一食就知，呢間食品堅無味精，實在難得🙏😉在疫市下經營，健康飯堂是客人必選，抵讚！🍚🥢🍜。終於搵到啦，以後當呢度係飯堂，難得在鰂魚涌有間食店有家的感覺，☺️ 一定經常幫襯。

以前食過係幾好味， 冇咩味精， 但係要等得耐啲先有得食嘅關係，所以都比較少去早幾日去買外賣晚餐，照樣等成廿幾分鐘， 不過預左係咁，所以附近行下再返嚟拎叫左個酸菜魚，我平時食魚唔怕鯹都覺得鯹到食唔到，又成pat 厚粉痴住，啲配菜豆腐蕃茄仲好味過啲魚。。湯係唔辣嘅，少少酸菜， 所以成碗只係食到配菜，咁就$68 喇仲有個蒜蓉菜芯，淋哂，又偏鹹，食左幾條就算，又係嘥哂2樣餸都好味精，成晚狂飲水口乾 + 瞓唔到， 真係冇下次

在迎月的前一天🌕，我在鰂魚涌政府合署上課📚。之前經朋友介紹下，知道附近有一間味道不錯，有住家飯感覺的小店。雖然周圍食肆林立，但好希望趁今日品嚐一次🍻。推門而進，有多幅貓貓掛圖🐱，店內兩位親切的女士🙋🏻‍♀️🙋🏻‍♀️，笑容滿面上前接待。我點了一客香煎無骨豬扒時菜拌麵。無骨豬扒肉質嫩滑😋，拌麵醬汁味道適中。飲品清單中竟然有羅漢果茶☕，充滿住家的溫情，在繁忙的都巿中送上一點温暖。一般來說，茶餐廳的食物一定有味精，令人口渴及頭痛。但我食完這頓午飯後，都沒有出現這個現象，齒頰留香🥳。下次一定會再去光顧😘😍。

晚市真係好好食 周不是ot都會黎食晚飯 兩個姨姨好似媽咪咁親切 你想食咩佢都會煮比你早午餐都有食過 但都係晚市好食啲基本上鰂魚涌唯一比到家的感覺既餐廳成日送油菜 送野飲 極力推介每一次佢地都會慰問你近況 小店賣既唔止係美味 仲係人情味 同三五知己去叫小菜會好似居酒屋咁 可以暢所欲言 開懷大笑招牌菜包括蔥油雞 （極力推薦） 新鮮斬起 鮮味十足 麻婆豆腐 辣度剛剛好 送飯一流 但肯定冇加味精鍾意食菜既仲有清炒 蒜炒 上湯浸娃娃菜煲肥牛豆腐煲好創新 基本上成個晚市小菜menu冇一樣野唔好食

收工返到鰂魚涌都9:30 pm，好多餐廳都已經收咗⋯⋯唔想食快餐店，就開OpenRice搵吓餐廳！好彩OpenRice見到呢間仲有得叫餐，見其他人都話幾好食，所以就試一試揀咗一個蕃茄洋蔥牛肉條拌麵，行到返屋企大概半個鐘，依然都仲係熱辣辣個牛肉好好味，炆得好淋好入味，食完個嘴係粘粘地架😋😋餐廳寫住唔落味精，食完的確唔口渴而且好開心佢可以揀羅漢果茶，好少餐廳會有，而且飲落真係好香羅漢果味❤️飲完覺得喉嚨舒服仲有餐廳個姨姨好好笑容，好有禮貌！之後都會想再幫襯

話說食鰂魚涌嘅野開始有d悶，終於忍唔住試下..開左一段時間而又未試過嘅悅嚐。入到去，位置唔多，不過餐牌上都有我想點嘅野食，同男友坐低左後，就叫左 洋蔥蕃茄燴牛肉飯 同埋 蒜香麻醬雞絲拌麵。唔洗等好耐就好快有野食，份量都比預期多。洋蔥蕃茄燴牛肉飯，估唔到佢d牛咁大舊，但係原來好林，岩哂我箍牙怕冇力咬/或者攝牙繚嘅麻煩人，比起其他出名嘅牛腩麵d牛，好味好多！仲要唔係普通白米，係用靚嘅殼米。蒜香麻醬雞絲拌麵，用筷子夾開d餸，就聞到好香麻油味，有雞絲、有蟹柳，撈完一齊食，好好味！仲要碗麵係暖暖地，我地唔想食凍野，岩哂。食完，飲埋杯咖啡，飽到不行，超級滿足。

一連光顧了三次，最推薦咖喱雞蛋包飯。必食！！賣相非常普通但實則非常有驚喜！份量很足够也很入味只不過五十五蚊連野飲！鋪仔細細上菜速度較慢 但可見是用心出品值得等待！

呢間經過見到兩人唔駛等就走左入去，外賣原來有得平幾蚊。但我地最後見有位就入左去。野食等左一陣就上，仲熱熱地既。份量岩岩好，飽肚得黎唔會太撐。個豬扒撈麵唔錯，調味岩岩好，唔會覺得無味，又唔會覺得過咸，啲油我覺得多左少少，但我朋友話還好。豬扒好腍，好味😋咖哩雞蛋包飯樣樣都好，惟一一樣我唔鐘意既就係飯裡面啲蘿蔔粒好硬。可能係我自己本身唔鐘意食蘿蔔粒啦。咖哩汁唔會太辣，裡面都有好幾件雞食下～另外食完出到去我朋友話好大陣油煙味，下次都係外賣，又有得平啲。

呢日要喺鰂魚涌🐠上全日堂，所以lunch都喺呢頭解決，呢頭果然係商業區，所以一到lunch time(其實一點都未夠)間間餐廳都排滿哂人，好彩見到有間小店相對地少人，等咗五分鐘到就入得。舖仔細細坐滿哂人，有lunch menu，見天氣太熱所以叫撈麵食，食湯麵應該會全程爆汗。叫咗🍋檸檬雞翼拌麵($48)，同埋凍羅漢果茶(+$3)。等咗無耐就上菜喇，雞翼有4大隻，有微微嘅檸香，但食落就無乜檸檬味，下面嘅拌麵啲顏色望落就好似好咸，但實際又ok，麵質幾彈牙，份量夠👌到放學都未餓🤣。飲品就叫咗凍羅漢果茶，好少餐廳有，個味甘甘哋唔太甜，都唔錯，但如果凍啲會好啲。總括嚟講，如果我喺呢頭返工都應該間唔時會嚟呢間小店食晏，午餐價錢喺呢區算抵，味道唔錯，樓面得一個姐姐負責哂全部工作，但都好好禮貌好迅速👍🏻。

今日仲係落下唔落下雨，心情仲係因為逃犯條例修訂而不安。個個都落台，唔通你又落台呀？作為小市民，我只係想食餐安樂茶飯，啲野食好味既，幫襯多啲啫⋯⋯但好對唔住，我唔會再俾機會你啦⋯⋯我食過好多喇沙海鮮麵，好多時啲精髓係佢個湯，呢到好平淡，又唔甜，又唔辣，又唔香，咁佢仲係唔係一碗喇沙呢？我點解要俾多十蚊，食佢呢碗唔係喇沙既麵呢？唔...佢用料其實都好豐富既，魚片，鮮蝦，雞蛋，豆卜，蟹柳。真係真材實料黎既，最可惜都係個湯。

週末閒來經過這間位於鰂魚涌的小店，招牌光猛，吸引我同老公和表姐試下，晚餐菜式多樣，點菜食落有家鄕味道，同厨師傾計，好隨和；才知更是同鄕。值得推介是食物份量足，冇味精，配上藜麥白飯，或麵，飲料有免費美味有益的羅漢果茶，很多食肆都冇供應！店雖小，環境佈置有些西式味，掛鐘有懷舊味，夠簡潔。整體食得有家的感覺，小店營業時間話到晚上十点半，廚師👩‍🍳話都有彈性嘅，客人想食當然做哩㗎！咁有心！一定要再來光顧！

每次去鰂魚涌都會幫襯這間 ，喜歡這裏的小菜沒有味精和有住家菜式的味道， 味道亦相當好 ，這裏的飯加入红米和藜麥煮的會較健康， 這裏的酸菜肉絲米線亦相當好味， 亦喜歡這裡的羅漢果茶

小秘書冒著寒風，今朝八點唔夠就返到office準備開會。忙完一輪，終於可以去食嘢🤩 我就最有冒險精神試新餐廳㗎喇😃 見 #悅嚐 開咗一段時間，新舖裝修嘅殘餘物資應該清哂喇掛🤔 可以去試試。收得我$38一個早餐，理應質素唔錯... #沙嗲牛肉出前一丁 配 #炒蛋厚蛋士、凍檸茶加$3！先上枱嘅係 #沙嗲牛肉出前一丁，餐廳以鮮牛肉做主菜，沙嗲味太濃反而遮蓋咗肉嘅鮮味，出前一丁無落原裝麻油，無咗特色🙃 炒蛋好滑，厚多士夠鬆軟，+$3果杯凍檸茶無咩特別，ok啦！不過夾夾埋埋要$41埋單... 貴咗啲啦！