悅興茶餐廳小廚

营业中

休息中

呢間餐廳真係充滿住人情味，最近我又帶阿仔過嚟食飯，話說好耐冇去過，老闆係一位和藹嘅伯伯，佢特別鍾意小朋友，仲會同我仔仔傾偈，令到我哋食飯時感覺好溫馨。佢哋嘅小炒真係有鑊氣 ，例如炸肉丸外脆內嫩，裏面加咗馬蹄，點埋喼汁，真係覺得好特別椒鹽鮮魷，豉汁蒸白鱔 都好有水準，仲可以帶自己鍾意嘅海鮮過嚟，伯伯會幫你加工，有時買條靚魚過嚟蒸，真係食得開心最重要係，呢度嘅價錢真係平，每人大約$120-$150就可以食得好滿足。睇到好多家庭都鍾意嚟呢度食飯，氣氛真係好溫馨。伯伯雖然年紀大，但係做事一樣親力親為，真心希望呢間餐廳可以一直做落去，將呢份美食同人情味帶比更多人。

每次上堂也來光顧、好多客人買海鮮給他們加工、於是我們也買來給加工、味道可以、不過不生、價錢也合理、今星期照舊買了幾款海鮮來加工、廚房佬走出來大聲喝咁多野點煑、老細也說不煑了、拿走、我們沒要求限時要煑、可慢慢上、但老細趕人走、我們已說海鮮買了拿去那裏、幫忙煑這次、下次不帶來了、老細仍說帶走不煑、非常無奈不知如何是好！甚麼店舖、員工態度也差、甚麼老字號？我來光顧不是受氣、不可一世、看天怎懲罰他們，太得寸進尺、幾好食也不會再來

$68 就食到炒 #蟶子 配白飯真心幾抵食而且喺午餐時間有都幾特別 @ #北角茶餐廳 #悅興同事推介海鮮最後要了 #豉椒炒蟶子 等咗大約10分鐘嚟到，蟶子唔叫好大隻但勝在份量都多都鮮甜，而且有豉椒味幾香口。不過有少少蟶子有少少沙但都可接受，白飯一大碗都軟熟不會好濕。例湯似素湯味道清清哋有濃濃蔬菜感午餐有成十幾樣，有海鮮又有小菜炒飯，價錢$5X-$7X送湯抵食，不過同事就話晚市會貴啲因為同事成開，待應仲見到佢送左每人一隻餃子，皮有少少厚身但材料不少味道不會太濃幾好味

繼續是炮台山一帶的中午飯日常。這一次，就經朋友介紹，在水星街有一間很街坊的食店，可以說是抵食夾大件，而且味道又算不錯。可是，朋友故意地不開名，要我去找。有一天的中午，我決定來尋，看了幾看，面前的《悅興茶餐廳小廚》似乎就是朋友所說的街坊食堂。根據手寫的餐牌，也就是該日的 ABCD 餐，我選擇了洋蔥豬扒飯。多汁，很像傳統的瑩光汁，味道香甜，是伴飯的佳物。份量足，兩大片的豬扒，肉夠腍亦有肉香味，夠飽，夠滿足。跟餐要了一杯奶茶，一看奶茶的色澤已經知道，這是一杯有水準的港式奶茶。濃香的茶底，入口香滑，加了濃濃的淡奶，奶香味突出之餘，又絲毫沒有把香滑的口感減去，是一杯令人開心的餐後飲品。夠飽，夠滿足，就是這一餐的形容詞。若我繼續留在炮台山一帶工作，需要平靚正午餐的時候，這《悅興茶餐廳小廚》，會是 on my list 之一。

員工態度非常惡劣，我只係問佢拎辣椒醬，竟然俾佢話，仲要當我無度，最後都無俾到我，個呀叔仲手指指叫我走，我真係未試過甘俾一間餐廳對待，以後都唔會再幫襯😡😡😡

落大雨的日子，不想煮飯，又無乜胃口，食個碟頭飯算了。兩口子一人叫一碟，豉椒肉片飯和豬扒炒烏冬，再叫一碗例湯，簡簡單單解決一餐。我碟豬扒炒烏冬都唔錯，好大碟，豬扒好多，還有芽菜，青蔥，炒得超香，豬扒鬆軟，烏冬依韌，芽菜，青蔥都非常新鮮，＄59不是最平價，但性價比高，很多街坊都來幫襯。👍

只係諗住入去買外賣，落單嘅時候比個阿叔玩野，明明餐牌上面寫任何炒粉麵飯加錢可以配野飲，咁我諗住叫個飯加杯野飲拎走啦。點知個阿叔不停話冇！冇！冇！咁係冇得加錢配野飲（明明餐牌咁寫）定係冇水吧野飲呢？之後佢話冇啊 ，你唔知架喇！ 心諗你乜都冇講梗係唔知啦！之後仲嬲！佢擺低紙筆粒聲唔出走開左，咁係咁！其實食物質素係重要，但服務同待遇都重要架嘛！最算有幾好食，係一個唔好嘅環境下食，都係一個唔好嘅經驗！唔緊要啦！冇下次咋嘛！

菜式有鑊氣，款式又多一直以來都食過好多次見到有好多明星都幫襯而且價錢非常之合理，嗰日一行10人過嚟食飯叫左好多唔同菜式，最後埋單一人都係$100鬆啲，同區真係冇乜高性價比嘅餐廳

叫咗五個餸，全部味道一流！大家都食到捧住個肚，真係味味都高質！不得不提的是豆腐魚湯，好鮮甜，飲到唔停得重有蚵仔粥，料足味美，一定要同家人再來過。不過環境就一般，以味道取勝！讚！

炒粉麵飯非常有水準，新派茶餐廳冰室差9條街，食完特登走去再食。碟頭飯麵菜單係阿叔喺張紙仔上面手寫，都算係特色。不過老式街坊食店唔好expect好有乜fancy嘢，小弟粗人一個就唔介意。

十分失望，第一次吃的水凖上乘，今次第二次的水準完全失望而且老板態度惡劣，还要堅持相片的水準是上乘的作品。他说炒了十几年也是這樣，這樣要叫他自己去廟街吃一次才炒，但我第一次吃的明顕不是這樣才会再来吃，如果第一次是這樣我已經投诉了啦！炒聖子细到好似未發育一樣，這個其次，還有因為數量只有這麼少，我只是吃了兩條然後馬上問職員了，職員話是這樣的，幾多穀就會有幾多肉，老板还要責任客人好似未吃过他们炒的聖子咁，他炒了十几年也是這樣的，如果你唔識，他會用內地操口問候的，如果我第一次見到這樣的炒聖子，我一定不會再來了。

想寫呢間食評好耐，終於有時間了！其實由未食過到現在已食左好多次（2017食左超過6-8次，2018未食），本來就係要去OpenRice search下有咩好食，就比我找到呢間悅興嘅食評，見食評雖少，但也是好評（但卻是2013，真係n年前），就當比次機會大家去試下啦！點知一試愛上！第一次來跟舊食評叫蟹肉蒸蛋啦，再叫最愛叫嘅小菜咕嚕肉，d餸黎到賣相靚已好吸引仲要份量大（細食者真係唔好一人叫一個小菜，唔係真係食唔哂架！）蒸蛋又香又滑，蟹肉唔多但真係蟹肉黎，唔係蟹柳），好味！（不過近兩次去都冇左蟹肉蒸蛋了，只有其他蒸蛋）到咕嚕肉，甜酸適中，啖啖肉，好味！份量真係超大，我地兩個唔細食都食到飽到上心口！經過呢次之後，我就連續去左幾個星期，仲帶埋家人去食，試埋脆皮燒雞，元蹄等等，都係好好味，冇失望！服務就一般正常啦，家庭式經營咁，老闆都幾友善架！真心推介！

放工, 屋企無飯開, 同左同事去食飯~同事推介下入左黎食飯, 估唔到有驚喜 !蟹蒸水蛋伙計推介當日D 蟹好新鮮, 所以叫左呢個D 蛋真係蒸到啱啱好, 好滑, 仲滑過阿媽屋企煮果D !!!食過一次, 真係想個個星期都黎食一餐~仲有我最鐘意既咕嚕肉, 個面真係脆, 再加埋酸甜汁, 我可以食一碟~~霸王雞, 食得出唔似冰鮮雞, 肉質有咬口肥瘦適中, 都幾大碟, 唔似有D 茶餐廳得細細隻雞芥蘭炒牛肉, 芥蘭都幾靚, 一D都唔老牛肉都啱啱好~總括黎講, 對於我呢D 成日出街食飯, 每日都食到唔知食咩好既人因為個蒸水蛋, 覺得搵返屋企住家飯既味道 !同埋呢D 有人情味既小店真係買少見少, 而且有質素得黎又唔太貴, 會得閑幫襯下, 支持下佢地!!

咁又一年了~平日食LUNCH都好鍾意同同事食悅興~不過個人覺得晚飯小菜更為出色!尤其佢個芥蘭炒牛肉!!!不過好耐冇食過了… 點解講咁又一年?因為佢一到冬天, 就會有蟹粥!!!! (其實係蟹湯飯) 睇下相先~~~ 真係好好食!!!!D湯好濃~蟹就唔算多肉, (可能係我唔識食… 因為平日好少食蟹) 但佢有D肉片~好入味!!! 食曬成碗岩岩好 ^^ 正AR!!! 加多杯凍0 T 都時係$39~~~ 係天后食飯, 呢個價真係算平~ (好多都OVER $40) 題外話︰佢MENU 冇的~ 但店員會係落單時推介~ 印象中好似一到冬天就日日有^^

超時工作，很需要找一間可以補給的餐廳，以致不會在工作時不支。來到這間較古色的小廚，「叫餸食飯」是最好的選擇。因為一行三人，所以就點了三個餸。那知道原來每一碟的份量都不少，真是實力派的表現。第一餸是通菜炒肉片，因同行的人中有不吃牛肉的，所以就把經典的牛肉改為肉片。雖然改了，但味道仍很好，夠惹味；菜也新鮮，夠脆。第二道是芋頭臘味煲很喜歡這煲的芋頭夠多（因為臘味其實頗肥，少吃為妙），而且滲有臘味的味道，加上有很多汁，餸飯一流。最後是本次的最愛：豆豉蒸排骨不容易在外邊可以吃到這個餸，因為蒸餸的時間不短，不是經濟較益高的東西。而喜歡這裡的不單是排骨夠多，放在最底的豆卜更是精華的所在，豉油、豆豉及排骨的味道有齊，絶對是停不了口。