悠蔬食 (渣甸中心) (已結業)

自己不嬲係食肉獸，早排新年食滯左，真係的起心肝食返D清D嘅野，男朋友多菜少肉，就推薦我食呢間素食店，話好出名又好食一黎到果然已經有人排緊隊，環境係藍色為主題，感覺好清雅唔想諗食咩要左二人餐，前菜到甜品都有成五道菜，前菜經已好豐富，紅菜頭蘋果合桃最有驚喜，蔬菜同水果兩種清甜好襯蘆筍素香鬆苜蓿芽手卷 - 估唔到清新得黎都好夠味香芒牛油果苜蓿芽手卷 - 呢個好啱口味，有一絲日式手卷嘅感覺～～白松露椰菜花忌廉濃湯 - 純粹濃郁嘅椰菜花味，有白松露份外香松茸竹笙黃耳百合燉湯 - 就算無肉都唔會淡味，同埋好足料紅咖哩野菜猴頭菇配薄餅 - 好多素食都係由猴頭菇呢種食材整，，味道超濃郁惹味，加上茄子等嘅新鮮蔬菜，好味椰香冬蔭鮮蔬意大利飯 - 味道調得啱啱好，有趣嘅配搭蝶戀花伯爵紅茶布丁燒，賣相好靚，茶味頗香濃

同事話近排成日出街食飯，下午想食清清地，我就話不如去食素食!餐廳位於渣甸中心25樓，食飯時間都需要等1、2部X先上到去，冇諗過原來好多人下午都會選擇食素，我們到達餐廳的時候都差不多滿座了!跟同事看過餐牌後，二人都選擇了lunch set，lunch set包括有湯、前菜、主食同埋飲品，我地仲加錢點了甜品呢!前菜-胡麻茄子伴牛蒡，呢個前菜都幾開胃，因為茄子同牛蒡有胡麻醬伴著，下面的菜柚子汁，所以非常醒胃!天山雪蓮椰子花生雪耳湯，蓮子同花生煲到淋淋地幾好食，雪耳很滑，湯料還有粟米，所以個湯非常清甜。甘筍蕃茄桃膠忌廉濃湯，這個非常濃，有點傑身但又不會很漏，好重甘筍味!和風淮山野菌燴扁意粉配香脆腐皮卷($98)，這裡明明是食素的，但在意粉上有個類似雞膇的東西，原來就是腐皮卷，把腐皮卷到雪條棍上，很有趕!而扁意粉食落味道有點黑松露味，但食真一點是菇的味道，淮山很爽口!點心拼盤配青菜雜菌煨麵($108)，點心拼盤包括有燒賣、素叉燒包、春卷同埋素餃，當中春卷同埋素餃都比較好食，春卷炸得很脆，內裡的粉絲和木耳很爽脆。素餃的菜也很爽口，唔會淋哂!而煨麵很清，湯底味道而菜為主，還有少少菇味，確實夠清!餐飲

訂了一枱，同事一同食下午茶farewell，選擇了這間健康素食。環境唔錯，在渣甸中心25樓！地方在中心位置，好方便！之前食過晚餐，下午茶第一次食，都有8款選擇，包飲品，大概$58（要加一）我們人多所以坐房仔內，可以自成一角。午餐至3點，我們人齊只可點下午茶。大家都點了一個茶餐，有飲品選擇！（點心拼盤）唔似素食，有4種不同點心，如春卷、蒸餃、燒賣及叉燒包，賣相好得！（番茄田園忌廉燴扁意粉）份量一人好夠，酸酸甜甜幾開胃！（擔擔麵）可選辣或不辣最多人點這個，好香麻醬味！有紫菜、香蔥、花生粒粒，幾香幾好味！我點了少辣，麵份量多，麻醬配上辣味，好香好野味（悠蔬食甜蜜盒子）好靚喔！又好多生果、蜜糖的香甜！有忌廉的滑滑，配上脆脆麵包！好足料（香脆五殼杏仁牛乳）五殼好多纖維又健康，牛乳滑又杏仁味香！

呢度既素食唔錯架ヽ(●´∀`●)ﾉ， dinner set有前菜、手卷、湯、主食同甜品，好豐富呢！！ 前菜：黑木耳、鮮果沙律、南瓜莓乾雪泥，黑木耳酸酸甜甜清新開胃(ﾟ∀ﾟ)，南瓜雪泥軟綿好香南瓜味！ 手卷：香芒牛油果首蓿芽手卷，芒果好甜，首蓿芽食落脆脆地，入面冇飯架，但成個手卷都好好食(*‘ v`*) 湯：周打黃耳桃膠忌廉湯、猴頭菇竹笙黃黃雪耳蓮子燉湯，忌廉湯味道香濃，松露味突出，中湯就好清甜足料，感覺好滋補(^u^) 主菜：牛油果鮮豆包雙薯藜麥焗千層闊麵，好香芝士味，上面鋪滿牛油果，每一層嘅闊麵都搽上咗開胃嘅茄醬，入面仲有薯仔粒同蕃薯仔粒，仲有鮮豆包，所以口感好豐富，不錯的(ﾉ>ω<)ﾉ 牛肝菌松子菠菜忌廉意大利飯伴天婦羅蘆筍，有勁多嘅牛肝菌，每一啖都食到菇菌，意大利飯有口感，味道creamy！ 甜品：#檸香乳酪蛋糕、焦糖榛子千層蛋糕，千層蛋糕幾香滑，焦糖味都好香(,,・ω・,,). 悠蔬食地址：銅鑼灣渣甸街50號渣甸中心25樓

銅鑼灣渣甸中心25樓的悠蔬食，今日食素食，第一次食全素食〜點知都幾驚喜 味道不錯的一餐素菜。前菜，頭盤，主菜至甜品都有驚喜，環境裝修也不錯，雖然地方有點逼，但感覺舒服，使人有一種溫馨的感覺，店員亦十分有禮貌。  前菜有：涼拌蘋果紅菜頭及雲耳涼盤。 酸酸甜甜十分醒胃！  香芒牛油果苜蓿芽手卷 + 蘆荀素香鬆苜蓿芽手卷，因為紫菜好脆，所以建議上檯後要趁快食。  黑松露薯蓉焗大啡菇，超大件及多汁，感覺與食扒一樣  猴頭菇焗飯，焗飯內另有一些薯仔，露筍等等，不足的地方是overcook，但味道不錯。  菠菜汁意大利飯，雖然比較淡味，但完全不感到油膩，啖啖都有香菇，口感極好。  甜品：焗蘋果酥皮盒！酥皮盒內都是蘋果肉桂味，不太甜，蘋果都是少少清爽，味道不錯！  總括而言 都值得一試嘅 .

今天跟女友下班後去銅鑼灣行逛，她突然心血來潮說要吃齋，我不知她是看了網上什麼的減肥配方，或聽了閏蜜什麼的秘方餐單，或純道聽途說殺生不好，所以想吃齋，但不理何種原因，總之我就只有聽的份；連忙打開OpenRice看看附近有否素食餐廳，我心中一直默念，没有没有没有，但俗語說得好，愈是不想，愈會出現，果不其然，很快便找到附近有家叫悠蔬食的素食餐廳，觀其食物照片，大多是西式菜，大多都以假亂真，如果不是有目的地找素食，真的會被其外觀騙到，以為是普通西餐廳。 餐廳佈置與一般cafe無異，没有富麗堂皇的裝潢，但卻給人舒適自在的感覺。 我們點了一個晚市套餐，包括前菜、手捲、餐湯、主菜、甜品及飲品，盛惠$248；前菜是涼伴拼盤、手捲是香芒牛油果苜蓿芽手卷、主菜是椰香冬蔭公扁意粉、餐湯是猴頭菇竹笙雪蓮子燉湯，至於甜品，我們加了25要赤苺紅蓮；除了套餐外，我們還點了牛肝菌乾燒伊麵，及千層蛋糕。 食物没有等很久很快便上枱，份量也比想像中多；單看食物賣相真會被其給騙到，因為真的跟其他西式意粉没什分別。 椰香冬蔭公扁意粉，意粉上還有兩個吉烈苟蒻，意粉入口彈牙，每一條意粉都沾滿冬蔭公醬汁，不會太咸太辣，配上其他蔬菜，

前果排雨濕濕，搞到人都眼濕濕，所以決定去一間「藍」調啲嘅餐廳。現在愈來愈多人食素，今次就嚟呢間悠蔬食試下。喺銅鑼灣云云咁多間素餐廳之中，遇上悠蔬食! 完全唔似食齋,粒丸的口感同肉丸沒有分別。份量足，2個人食都夠。新派素食，出品都好新穎脫俗，西餐風格！比較多年輕人去惠顧。 整體嚟講，呢間好值得試啊！而且輪椅朋友亦非常方便，係餐廳內比較窄，記住要預早book位同餐廳講聲有輪椅，咁佢可以安排比較方便嘅位置俾你。 呢間餐廳仲有樣正野，就係每個月menu都會轉，時時有新鮮感！

今日試咗呢間比較唔同嘅餐廳唔同在於佢係素食嚟嘅🥬🥦🥒平時都好少食素食，因為成日覺得中式嗰啲齋好似好油膩咁🤭今日試左呢間OpenRice都好多好評嘅悠蔬食佢素食嘅菜式有中式有西式，都幾多選擇🤗今次就叫左個dinner set，有前菜，手卷，湯🥣，主菜🍝，甜品🍮同飲品🍹前菜- 有鮮果沙律🥗，涼拌黑木耳同南瓜雪泥，黑木耳酸酸甜甜幾開胃😋手卷🌯- 分別係蘆筍同芒果🥭牛油果🥑手卷，不過入邊嘅唔係飯，而係菜湯- 中式西式每樣試咗一個，猴頭菇燉湯幾清甜，周打蜆忌廉湯就濃味d主菜- 椰香冬陰扁意粉🍝，呢個面頭有兩舊好似吉列魷魚咁嘅嘢，原來係蒟蒻嚟㗎，又幾得意喎，另外仲揀咗個牛肝菌菠菜risotto🍛，兩款主菜嘅味道都幾突出，幾好食啊👍🏻甜品- 試咗個海鹽焦糖榛子crepe cake🍰同士多啤梨撻🍓，個crepe cake好有驚喜呀🤩，Cream夠滑，味道都好食，一定要叫呢個啊👍🏻

以往都食過幾間素食餐廳，但呢間既菜色真係令人頗感驚喜，係好好味的素食餐廳～好多餸都加入左水果，令到口感更加豐富同清新（可能係我自己都偏愛食生果）～有個紅菜頭前菜好好味～個湯又好足料同鮮甜～幾道餸都令人感到耳目一新～有幾道餸來左掛住食唔記得左影相，甜品都好好飲，今次同屋企人慶祝生日，仲訂左個紫薯千層蛋糕，味道都ok，唔會太甜太膩～總之整體食物質素好好～一定係會再去食既素食餐廳～如果人多可以包vip room，（不過有最低消費）～房間寬敞～整體環境乾淨舒服～

白色情人節當然要食餐好啦！今晚就嚟到食素😁😁 悠蔬食真係好有心思，裝修靚又多菜式揀✌🏻嚟過好幾次都見menu係唔同嘅😮 嗌左一個套餐先，前菜有3款，分別係南瓜薯波沙律、木耳同鮮果沙律🥗🥗 木耳十分爽口，帶小小酸辣，好開胃😋南瓜雪泥更有馬蹄粉增加口感😃 忌廉湯好足料！有桃膠同豐富野菌😽飲落都好夠creamy 😸 Main就係黑松露野菜螺絲粉💁🏻‍♀️💁🏻‍♀️好香嘅松露味！入面有多種瓜類同番茄，食落有層次！上面都幾多芝士添😈腐皮卷唔油，幾脆皮👍🏻👍🏻 另一個main叫竹炭pizza🍷🍷上面舖滿瓜、大菇、野菜、青椒同芝士，食落好fresh! 餅底都多薄，overall係新嘅口味，值得一試🐿🐿甜品一個係strawberry tart☺️士多啤梨好多，入面係奶黃口味吉士，tart夠咬口😀 蘋果酥皮盒係必食的！酥皮微甜，帶牛油香，配上酸甜適中嘅蘋果、提子食好滿足😽😽😋

臨出發去旅行前，約咗兩位同行友人飯聚傾下行程，因為其中一位朋友茹素，所以揀咗呢間素食餐廳。第一次去這間素食餐廳，原來裝修華麗，女孩子必定喜歡這個粉藍色的格局。我哋點咗幾款食物，包括香芒牛油果手卷、周打黃耳桃膠忌廉濃湯、牛油果雙薯藜麥焗千層闊麵、竹炭薄餅。朋友鍾意食牛油果，所以點了兩款有牛油果食品，我比較喜歡牛油果千層闊麵，有香濃蕃茄醬，牛油果不油膩，千層闊麵質感很好，整個食物味道很夾，滿飽肚的。竹炭薄餅，賣相很吸引，黑黑的餅皮好特別，薄餅鋪滿很多餡料，包括三色椒、菠蘿、菇，非常豐富，而且薄餅皮焗得香脆，我好鍾意呢個素pizza。另外，周打黃耳桃膠忌廉濃湯都係我最愛，估唔到飲第一啖就有黑松露的味道，但在這菜名卻沒有提及黑松露，很是驚喜，黃耳桃膠都是健康食品，多吃有益，況且這個湯香濃好味道，一碗都不夠我哋三個人分。Overall 我哋都好滿意&好滿足呢餐

又一個加班既晚上，本身約咗個朋友食飯都差啲遲到，掛住做都無晒胃口，即刻想食啲健康既嘢平衡翻。好彩個朋友都係素食者，佢揾咗呢間銅鑼灣嘅上樓素食餐廳。我地主要嗌咗個蜜汁脆鱔、黑松露薯蓉焗大啡菇同埋焗千層麵。初時聽倒蜜汁脆鱔就好好奇，心諗究竟會用咩素食黎煮，點知等一陣就到咗，誰不知已經即時有股香味湧上黎，大廚用咗菇類去做鱔，成個菜好有質感同咬口，食落完全好似真係食緊鱔咁。大廚用蜜汁緊扣住菇類，而且菇類偏硬身，配合猛火快炒既烹調技巧，食落甜甜地，好好味。再黎個焗大啡菇先係重點，大啡菇真係手掌咁大，總共有三個，都幾飽肚㗎。黑松露個味係高温烤焗既情況下，味道都好出，而且伴住薯蓉食，感覺好新鮮。

以前食親素食都無肉食，d野食又好淡味，覺得無啖好食。所以從來都無特登搵間素食餐廳，近排濕疹發作，要戒口，就算出街都想食得健康。上網搵左呢間悠蔬食，我地揀左兩款lunch set包左前菜，湯，主菜同飲品， 幾抵食！首先係前菜芝麻 蜜汁薯仔蓮藕沙律蓮藕片炸得脆卜卜唔會有油益味 再配埋個酸may may嘅蜜汁醬幾好食， 啲沙律菜亦都好新鮮！湯款有中式西式簡甘筍南瓜椰菜花薑湯一飲落口就有好強烈嘅南瓜 同薑味， 仲好幼滑天山雪蓮椰子花生雪耳湯雪耳湯飲完一啲口渴都冇相信冇落到味精 好有媽咪煲湯嘅味道台式滷水面呢款台式滷水好香， 令到啲麵同紅蘿蔔都好甜。香脆腐皮卷腐皮卷包到成隻雞髀，賣相好得意。點心拼盤 鮮茄什箘准山麵點心賣相都吾錯，幾好。淮山麵個鮮茄湯底清清地， 健康得呢對腸胃都好啲。鹽酥靈芝菇呢度整親㗎咋嘢全部都脆口不油膩，非常正， 靈芝菇亦都好新鮮。

今次呢間素食餐廳水準好，環境舒適，雖然位於大廈高樓層，相當隱蔽，但係都好多人黎幫襯。我地無叫到dinner set，主要係想試吓佢啲招牌菜。我地兩個人叫咗兩個前菜同一個主食share，埋單都係同叫dinner set差不多價錢。先講黑松露薯蓉焗大啡茹(158)個招牌菜，餐廳毫不客氣，大啡茹個size同手掌心差不多大，加咗薯蓉的大啡菇食落味道更rich，再配搭黑松露醬，味道出乎意外的夾。將大啡茹切開，蘑菇汁係芝士同蘑菇之間滲出黎，芝士薯蓉同松露的味道相輔相成，沾上碟底的茄汁更能將味道調出，令味道吃落更有層次。另外，我地仲叫咗個蜜汁脆膳($98)，廚師將香菇切成的條狀，再炸成脆膳，炸過的香菇食起食落口感鬆脆，脆膳帶著略油濕的微脆。醬料味道酸甜，脆膳夾雜著蜜汁同芝麻的香味，咀嚼爽甜，耐人尋味。黎完兩味小食前菜，主食焗千層麵($148)終於登場，素食的材料包括新鮮的牛油果，配搭濃汁的千層麵，不像一般的肉類配菜油膩，食落冇咁頂，好似有層油係個胃度。最鐘意呢間餐廳嘅係，食每碟美味的料理，都不用怕肥，放心將食物放進口🤤

今日喺朋友嘅生日，因為佢比較鍾意食素菜，所以就揀咗悠蔬食。一入到去個環境非常之優雅，職員俾咗卡位我哋坐，整體環境又唔嘈，都幾舒服同埋好適合傾計。我哋叫咗Dinner Set，一個pizza同埋蜜汁脆鱔。Dinner set 都好豐富，一開始會有三樣前菜，有涼拌杞子百合黑木耳，日本南瓜莓乾薯泥，同埋泰式鮮果沙律。呢三個前菜食完之後變得更加開胃，令到下幾道菜式更加如虎添翼。之後就上一個老筍素香鬆苜宿芽手卷，食落口非常之爽口，成個配搭又新穎又新鮮，都真係幾好味，值得推薦個set有中湯同西湯揀，我揀左中湯，今日中湯係猴頭菇竹笙黃耳雪蓮子燉湯，一個細細燉盅好足料，令到個湯味更加濃郁，更加鮮甜。跟住就到主菜，我哋叫咗個牛肝菌松子菠菜意大利飯，有時喺出邊食嘅意大利飯係好硬嘅，而呢一個意大利飯硬度適中，而且配搭埋牛肝菌松子，非常之好味，食完之後又唔會好膩，值得推薦最後呢一個set係包埋甜品，我哋就加咗$25食佢個榛子千層蛋糕，唔太甜，完全啱我口味。而我散叫的日式竹炭手作Pizza，超級好味，佢個底做到好脆，呢個真係做得好出色。值得推薦而蜜汁脆鱔，做得好真，食落口真係好似食緊條鱔，完全唔似素⋯整體今日食