悠蔬食 (渣甸中心) (已結業)

過完年，食咗無數咁多垃雜野。覺得自己已經肥咗10磅。終於到初七開工喇，夜晚約咗男朋友食飯，同佢一致認為要食下齋養下生，同埋最緊要係積下福！行咗一陣就決定去銅鑼灣呢間素食餐廳。 我哋就咁入去等左5分鐘左右就有得食，都幾快。老實講我覺得個裝修麻麻哋，可以裝得有情調少少，但睇落都叫舒服！ 入到去餐廳有位女士(懷疑老闆娘)即刻同我地介紹餐廳招牌菜同埋啲特色野，仲叫我地睇下佢哋餐廳嘅素食教學片。好可愛！ 同男朋友今日胃口麻麻，可能係因為過年食滯咗😂 最後淨係點左三個餸，分別係鹹香茄子猴頭菇豆腐煲，百合杞子豆乳浸溫室皇帝苗，同雜錦香樁炒飯。 第一個出嘅係百合杞子皇帝苗，我勁鍾意食，食到比男朋友笑我係牛！😂但真心覺得好健康同冇味精，我哋重要飲埋呢個餸啲湯。拍得住我煲嗰啲湯🤣😂 第二個茄子猴頭菇豆腐煲好夠味要黎送飯一流。夠味得來食完亦都唔會完全冇口乾感覺，更加肯定呢間野一定完全冇落味精！ 最後佢個炒飯絕對係值得一讚，師傅應該功夫夠深。強力推介鍾意食齋嘅朋友不妨一試呢間素菜餐廳。以後打算每個月嘅正月15也會再去！

啱啱過完農曆年，初七第一日開工吉日。夜晚約咗女朋友食飯，同佢一致認為要食下齋，食下素食養生同配合下節日。喺銅鑼灣搵到呢間都幾出名嘅素食餐廳。冇book位以為冇乜人，就咁走上去walk-in，所以等左一陣先有得食，但係都算快10分鐘左右。入到去個裝修都幾好，睇落舒舒服服！入到去餐廳職員即刻同我地介紹餐廳招牌菜及套餐，服務態度幾好👍🏻 睇得出係有心機照顧客人！ 因為本身今日胃口麻麻地，可能係因為要開工😂我哋最後冇點到套餐，只係散叫。對於我呢啲食肉獸而言，本來冇乜咩期望，諗住陪女朋友應吓節就算。點知原來呢間素食餐廳有別於其他齋鋪。唔係嗰啲整啲素叉燒素魚肉加素牛肉啲鋪頭。係我哋嘅角度，呢啲先係真正嘅素食餐廳！ 我地點左三個餸，分別係鹹香茄子猴頭菇豆腐煲，百合杞子豆乳浸溫室皇帝苗，同雜錦香樁炒飯。 第一個出嘅係百合杞子皇帝苗，我女朋友勁鍾意食覺得好健康，我識落就真係覺得係冇味精，同埋夠新鮮，可能同女朋友成日打邊爐嘅關係，我哋習慣性飲埋呢個餸啲湯。哈哈第二個茄子猴頭菇豆腐煲夠入味，不過不失。但係佢個炒飯就值得一讚，每粒飯都分明同埋冇油係底。師傅應該功夫夠深。大家鍾意食齋嘅朋友不妨一試呢間素菜餐廳。

每日嘅11點-3點都有lunch set，包括前菜+湯+主食同飲品，仲可以加錢食甜品添。如果唔想叫lunch set，可以散叫其他小食或者其他菜式，但小編覺得叫set抵好多，所以叫左一個lunch set~👇🏻新年lunch set $138 (另加一)😋四喜烤夫 前菜已經有驚喜，好入味，又唔會太咸😋天山雪蓮椰子花生雪耳湯估唔到冇肉都可以咁好飲，足料，味道夠濃郁，好香椰子味😋香酥菇扒配鴻運當頭鮮茄菠蘿炒飯香酥菇扒炸得好鬆脆，好香口粒粒炒飯都有蕃茄醬包住，味道岩岩好😋天山雪菊桂圓杞子特飲 (熱) 😋擔擔麵($68 另加一)另外仲叫左個擔擔麵食，開頭仲驚冇肉會好dry，點知個湯低好濃郁，完全打破我對素食嘅想法。小編個日去好多人，book左位都要等一陣，所以提提大家一定要book位呀。(銅鑼灣站F1出口約行2分鐘)

呢排食肉食到好重口味 想食番啲清淡啲嘅嘢但又唔知道應該食粥好定食咩好所以我決定去搵間素食 呢啲間素食就係喺我公司附近嘅悠蔬食 我點咗兩個手捲 呢兩個手捲係用菜整出嚟嘅味道非常之一級版 而我仲叫咗個好似肉嘅煲但係唔記得咗叫咩名但個味道都幾惹味尤其是入面啲雜菌菇菇味非常之 正到爆 我對面嗰位朋友就叫左個類似芝士味嘅意大利麵 呢個味道真係幾好㗎因為之前對嘢實在太大對啦所以食到我哋已經飽到食唔曬得番一半 呢聲真係好鬼抵又好味

幾十年無見的幼稚園同學從加拿大回港渡假，相約於銅鑼灣Sogo等，於是選擇了有一段時間沒去過的悠蔬素吃午餐。此店是位於銅鑼灣渣甸街50號的渣甸中心25 樓。看過餐牌後，我們叫了兩個set lunch。今天的前菜是洛神花梨藜麥沙律，健康之餘，都算醒胃。我們各要了中式和西式的湯，同學叫的是印度椰子腰果雪耳湯，她說好飲。我的紅甜菜蕃茄忌廉濃湯也不錯。再來的主食，柱侯蘿蔔素腩飯的味道就普普通通，素腩略厭細粒且欠軟淋的口感。另外，泰式野菜大啡菇炒金邊粉都算好味。加埋熱飲兩杯，埋單$194。總括來說，這裡的食品是過得去啦！

近年素食大行其道，皆因大家都想食健康d.今日就帶左女朋友黎銅鑼灣食。先黎既係忌廉磨菇湯~忌廉味超濃，而且有粒粒磨菇，口感非常好。藜麥蕃茄伴芝麻醬~清新開胃牛蒡青瓜粉皮，經典上海小食，加上牛蒡十分配搭。蘋果紅菜頭伴合桃，蘋果染上紅菜頭既顏色，非常漂亮。牛油果香芒手卷，紫菜脆口非常。冬蔭鮮蔬意大利飯~飯面既係吉列蒟蒻，口感非常特別。紅咖喱野菜猴頭菇配印度薄餅。紅咖啡味道香濃，少辣中帶甜。最後係銅鑼灣特有既百爵紅茶布丁不單外表漂亮，茶味布丁加上士多啤梨夾到不得了。有機會一定再黎食！

🥗現在愈來愈多人食素，今次就嚟呢間悠蔬食試下。🥒Dinner set配搭都幾多，主菜西式中式日式都有，都係$258加一。🍎前菜總共有三款，包括有麻醬牛蒡青瓜粉皮、柚香紅菜頭蘋果拌合桃、脆藜麥羅馬蕃茄拌芝麻醬。三款前菜都食落幾開胃。🥑跟住就係手卷，佢有兩款，我就揀左香芒牛油果苜蓿芽手卷。芒果酸酸甜甜，牛油果味道都好濃，苜蓿芽食落脆脆地，成個手卷都幾好味。🍲餐湯有中式燉湯同埋西湯，中式燉湯好足料，好清甜，好好飲。🍲另外都叫左西湯，唔係set嚟嘅，$78，白松露椰菜花忌廉濃湯。松露既味道好濃，而且唔會太鹹，都好好味。🍝主食方面就叫左菠菜野菌忌廉燴扁意粉伴香烤茄子，菠菜味就唔係話非常濃，但有勁多野菌，亦好creamy，好好食！😋另外都叫左黑松露薯蓉焗大啡菇，$158，自己本身好鍾意食大啡菇，呢個都好好食！🍰甜品方面就加錢叫左個蝶戀花百爵紅茶布丁燒，呢個係銅鑼灣限定嚟㗎！食落口，OMG！感覺好特別，特別係上面個塊脆脆片夾埋個布丁，甜度岩岩岩，又好夾，正！🍹飲品都加左錢叫左個藍蝶花雪梨汁，但呢個就唔係咁特別，不過影相係授嘅！😎整體嚟講，呢間好值得試啊！而且輪椅朋友亦非常方便，係餐廳內比較窄，記住要

之前朋友帶我食尖沙咀嘅素食覺得好有水準發現銅鑼灣原來都有佢嘅分店心思思想再食今次決定我再帶朋友嚟試埋銅鑼灣分店今次一行二人決定每人一個set dinner上次試過菠菜野菌忌廉扁意粉同埋冬陰公意大利飯兩個主食都冇令我失望今次決定叫啲新嘢試吓前菜呢三款前菜都各有特色特別係柚香紅菜頭蘋果拌合桃即刻食下真係食到停唔到口黑松露椰菜花忌廉濃湯口感creamy飲到好香嘅松露味之餘，亦冇蓋過椰菜花味香芒牛油果苜蓿芽手卷記得第一次食呢個手卷嘅時候覺得冇飯有少少空虛不過第二次再食反而愛上左呢種口感咬落去好趣食呀食 食呀食 又食得幾過癮 牛肝菌栗子芋頭野菌啫啫煲上菜果下勁香！特別係芹菜帶起晒成煲野嘅香味入面除咗菇、栗子、芋頭之外仲有少少素肉(不過始終我唔係素食者，覺得如果有真嘅肉喺度會好食d )大啡菇鮮豆包栗子紫薯焗千層闊麵上次已經好想食不過賣晒今次終於有機會試到啦其實佢入邊唔係有好多層麵（好似只有一層）反而係有加入切粒嘅紫薯、薯仔、栗子等等所以唔會令到澱粉質過多鋪喺面嘅大啡菇加埋芝士好正唔怪得上次咁快賣晒啦甜品千層蛋糕味道OK不過佢 d crepe 可以再薄少少

悠蔬食改變肥雞雞對素食嘅一餐😊尋日肥雞去咗銅鑼灣一間叫悠蔬食嘅素食餐廳試下佢個午餐， 入到去裝修全部都係tiffany blue ，好舒服 😁二條友嗌咗三個main course😋， 第一個係南瓜忌廉蘑菇燴扁意粉👅 呢個意粉真係宇宙無敵正! 香甜嘅南瓜汁配埋creamy嘅source, 仲有松子仁獨特嘅香氣👃同埋蘑菇嘅温醇，口感一流💋第二個嗌咗滷水上海面，有醃得好入味嘅蘿白，冬菇同炸紫菜卷，正！💕第三個系豆漿椰菜花湯麵配點心拼盤，坦白講，豆漿味吾系好濃，但系個點心拼盤熱辣辣，個齋叉燒包好似堅叉燒包咁，令肥雞懷疑人生👶最後嗌多個綠茶千層蛋糕，綠茶味濃，cream 又滑，真心推荐🙂

銅鑼灣從來係我眼中都係行街為主，食飯都少。今日我放假朋友叫我去搵佢食Lunch，初頭見到個menu都覺貴貴地，但見到份量同款色，覺得值！同埋唔駛等太耐就有位，同埋感覺銅鑼灣嘅嘢都真係高質D，哈哈！秘製滷水拼盤雖然細細碗，但其實諗真一層又啱嫁bor，因為如果大大碗，你都食飽，點食其他呢！哈哈～南瓜薑湯 唔太記得佢個全名係咩，但好深印象係薑湯嚟，仲有D南瓜添，真係好唔錯！不過如果你鍾意飲湯宜家又凍，咁要呢個滲就啱哂。蘆筍蘑茹青醬忌廉笠意粉 $98套餐揀呢個粉嘅原因只係覺得佢好清新，但其實佢嘅醬都幾重手，哈哈！只係成個清新感佈滿係成個意粉到，其實無咩壞處。份量都多，我食咗一大半已經有種飽到喊出嚟嘅感覺。韓國蘆薈柚子蜜我好鍾意飲柚子蜜。仲要係熱咗種，凍反而無咁鍾意飲。加上今日好凍啊，飲咗個喉嚨又舒服，身體又暖D。🍽7/10🔎 悠蔬食 (銅鑼灣)銅鑼灣渣甸街50號渣甸中心25樓

第一次食fusion 素菜一入去就点菜了香脆的紫菜卷芽菜，清甜的青瓜，好fresh好有口感前菜有青瓜木耳粉皮，非常惹味，湯有2款，熱烘烘的，西湯以黑松露菌打磨忌廉，中湯有藥材茶樹菇百合竹笙等，非常滋陰呢款小食更特別吸引，有蘋果紅菜頭，核桃等配搭，酸甜甜的，非常開胃主菜有海鮮湯豆腐海帶烏冬，香菇，金菇，非常足料而且好有和食風味意大利海鮮飯了，好吸引，以為係忌廉飯炒，原來係有少少甜辣，而且粒粒飯以珍珠米煮，配合鬆脆脆的蘆薈，咬囗煙韌最後甜品非常吸引，藍苺燒布丁，野苺帶出鮮甜的口感，以士多啤梨，藍苺汁伴碟，好有春的氣息，一道夢幻的浪漫的甜品另外有別出心裁的紫薯椰汁糕，木槺芝士蛋糕，搽茶千層蛋糕

好耐冇試過同老媽子出街食飯，今晚一於轉下口味，過年前食素清下腸胃。悠蔬食呢間餐廳位於銅鑼灣鬧市，約一大班親戚朋友同事都非常方便。餐廳佈置簡約自然，有圓枱就好似家的感覺，和食素的主題好貼切。菜單方面一點也不馬虎，由前菜到甜品都精心設計，可以媲美西餐和日本菜，款式又多，搞到我點選菜色都花了15分鐘。晚市套餐就比較抵食，所以點了一客另外再加兩碟小菜。套餐包括前菜: 麻醬牛蒡青瓜粉皮、柚香紅菜頭蘋果拌合桃、脆藜麥羅馬番茄伴芝麻醬，非常有驚喜，好像日本菜般有三款精緻的小吃，以鮮蔬果為主，不同調味配搭令味蕾醒覺又開胃。手卷: 蘆筍素香鬆苜蓿芽手卷想不到可以有這樣的方式呈現手卷這食品，苜蓿芽代替了飯，清新爽口，加了沙律醬及素香鬆，感覺非常似日式手卷。湯品: 松茸竹笙黃耳百合燉湯聽個名就知湯料十足，有松茸、黃耳、竹笙、杞子、百合、全部都是滋補養生的。燉湯火喉時間掌握得十分好，入口綿潤，味道甘甜濃郁，真材實料不油膩。天寒地凍，中式燉湯最適合一家大細。主菜: 和風鮮蔬一品豆乳鍋配稻庭烏冬蔬菜加豆乳的湯底清新鮮甜，連湯和烏冬送入口，身心都暖和滿足。不過我的重點竟然是放在這兩款素肉丸和素扣肉，因為他們的口感和

個湯同埋手卷最出色！ 個湯好香同埋好足料，平時係屋企都冇煲湯，出到去食飯飲到靚湯真係好開心！ 同埋手卷有兩款，我地兩款都試左 ，感覺好fresh，因為有苜宿芽，食落好爽口，推介推介！ set gee 咖哩同埋前菜都不錯，不過個炸靈芝菇吸引好多！ 佢啲調味非常好，本身唔想食熱氣野，但食完一條又想繼續食落去。 同埋如果去過都知，呢度環境好好，顏色光線舒服，俾人有平靜嘅感覺，有時初一十五唔book 枱都冇位食。 最後食埋甜品好完滿！

依家素食舖越開越多 而且花款越嚟越多由於我個朋友係每個禮拜都要食一日素既今日佢就帶左我嚟呢間素食餐廳Dinner set見到既配搭都幾多 主菜西式中式日式都有前菜總共有三款 都幾多有麻醬牛蒡青瓜粉皮 柚香紅菜頭蘋果拌合桃 脆藜麥羅馬蕃茄拌芝麻醬三款前菜都好好味 食落清新開胃 特別係個蘋果 淡淡既柚香配上甜甜地既蘋果酸甜既平衡做得好好 即刻令到胃口大開手卷有兩款 我自己食左香芒牛油果苜蓿芽手卷芒果好甜 牛油果味道都濃郁苜蓿芽食落有種脆脆地既感覺 味道清新重點係塊紫菜真係好脆 成個手卷都好好味餐湯有中式燉湯同埋西湯我飲左白松露椰菜花忌廉濃湯松露既味道好濃 而且個湯唔會太鹹見到我朋友既燉湯都好似好足料主菜我地叫左和風鮮蔬一品豆乳鍋 配稻庭烏冬豆腐口感好好 唔係一咬就散果種個鍋既重點係d鍋 味道係超級清甜我同個friend差唔多飲曬成鍋另一款主菜就叫左椰香冬陰功鮮蔬義大利飯 配吉列蒟蒻義大利飯水準好高 飯粒真係做到有少少硬果種感覺我地叫左辣既但其實都覺得唔太辣冬陰功味道濃郁 酸酸地另外佢有少少蕃茄味 食到停唔到口去到叫甜品果陣其實我地已經好飽我地叫左椰香紫薯千層糕同埋榛子焦糖乳酪蛋糕蛋糕質地係

成日都覺得係香港，搵一間有質素嘅素食餐廳真係好有難度。咁岩最近有個朋友同我介紹左呢一間悠蔬食，話呢間素食店非常出色，咁我當然第一時間叫埋女朋友一齊試吓啦。入到去間餐廳發覺個選擇都真係好多。不過我同我女朋友都費事揀啦，於是呢就跟咗個Menu嗰dinner set黎叫。個dinner set包左好多嘢。首先上菜嘅係麻醬牛蒡青瓜粉皮，柚香紅菜頭蘋果拌合桃，同埋脆藜麥羅馬番茄拌芝麻醬。我特別鍾意佢個麻醬牛蒡青瓜粉皮，牛蒡同青瓜本身都係又清甜又脆口，而家撈埋落麻醬粉皮度真係超正手卷方面，我就叫咗個蘆筍素香鬆苜蓿牙手卷，而我女朋友就叫咗香芒牛油果苜蓿牙手卷。其中個素香鬆有肉鬆既鬆脆口感，我覺得真係幾特別跟住就係湯。我地叫咗個白松露椰菜花忌廉濃湯同埋松茸竹笙黃耳百合燉湯。一中一西，兩款湯都好好飲。尤其係中式燉湯，飲完都覺得好滋補。跟住到主菜。我地叫左個菠菜野菌忌廉燴扁意粉配脆烤茄子同埋大啡菇鮮豆包栗子紫薯焗千層闊麵。個扁意粉嘅忌廉汁好香濃好出色。而個千層闊麵入面包埋一粒粒嘅栗子同埋紫薯嗰種甜絲絲嘅感覺出晒嚟。正啊！甜品方面，我哋叫咗椰香紫薯千層糕同埋榛子焦糖乳酪蛋糕。個千層糕唔會太甜又好有椰香味，推