惠澤坊

营业中

休息中

河畔真係好多美食，平時收工深夜見到依間串串🍢好多人排隊，今日晏晝行過見佢剛開，全部野又齊又新鮮，緊係試下先。雖然舖仔細細，但都有20幾款選擇，原來仲係好特別既炸串🍢，唔係一般我地見到既串燒。係我認知入面，香港真係冇乜炸串，串燒就周圍都有，估唔到河畔依度有咁特別既野食。老闆話炸串既技巧其實仲高過串燒🍢，保留材料既原味道，又唔可以過火。老闆講到曉飛都冇用，親身試最實際叫左9串炸串，分別係炸腸/雞翼🐔/,雞皮/雞腎/豬腩片🐖/椰菜🥬/翠肉瓜🥒/多春魚🐟/魚蛋🍡。佢主打一隻口味，孜然再加辣粉，我就唔續隻介紹，介紹幾樣特別d。炸椰菜🥬：認真，炸既菜真係咁大個仔第一次食，炸完一d都唔油，仲保持到菜既水粉，真係估佢唔到。魚蛋🍡：講真炸魚蛋平時出面都食唔少，但原來普通野都有驚喜魚蛋炸完一d都唔乾，仲好juicy，勁。豬腩片🐖：每一塊都鋪滿佢自家調既孜然粉同辣粉，咁薄既豬腩片竟然唔會因為炸而好乾，食落口仲食到係五花腩，唔係柴。PS:佢地仲有得whatsapp落單，可以提前去預訂，再等通知去拎，咁樣就唔會浪費晒d時間去等。同老闆吹開水，原來佢最近仲係對面開左間車仔麵🍜，下次要去捧下場先。

平時我都好鍾意食串燒，最近留意到呢間串燒主打係炸串燒，真係啱晒我呢啲鍾意食炸物嘅人！今日去開沙田踩單車，一於決定食呢間炸物鋪😋😋呢間炸物舖有雪櫃可以望吓揀咩嘢食，環境睇落都好乾淨衛生。聽老闆講話仲會開到凌晨時段，啱晒鍾意食宵夜嘅夜鬼！韭菜串次次食串燒都會嗌韭菜，炸嘅韭菜真係第一次食落都好爽脆唔會好油膩，下次都會想叫黎食雞心雞心好好味呀，都唔係度度有得叫炸雞心，呢間舖頭都整得好好味好有咬口燒賣炸燒賣我都係第一次食，原來都好夾，燒賣唔係得蒸係最好食㗎！蓮藕我未食過炸蓮藕，原來蓮藕炸過都幾好食，食落比平時爽脆，都唔會好油膩。雞翼炸過嘅雞翼皮脆肉嫩，咬落去肉汁豐富，表面仲有少少芝麻，鍾意食炸物嘅你一定要叫黎試試雞軟骨串燒來講雞軟骨一定唔少得，好有咬口食落卜卜脆，好食！雞皮平時因為好驚肥所以我食雞都唔會食雞皮，不過朋友話想食咁就叫黎試吓啦，炸過嘅雞皮真係冇得輸，衰落好脆！真係好有罪惡感但好好食😋📍 惠澤坊 (沙田)沙田大涌橋路20-30號河畔花園C座地下10C號舖

講左味道先呀， 正常唔叫難食， 但都唔係好食。雞咬落去好奇怪，short short 聲， 同係唔脆既..但又硬硬地真係好奇怪外賣收費勁奇怪， 佢係冇得堂食既，咁要用外賣盒收錢都算， 係一樣野收HKD2, 炸雞用紙袋要收錢， 從未試過到韮菜餃1分2隻， 要2份就真係收2份外賣錢， 但最終放埋一齊點解要收2次外賣錢， 真係諗都諗唔明， 味道只係叫正常， 態度麻麻。價錢唔係吸引， 外賣錢濫收， 絕對唔會有下次。建議大大隻字寫明每一款及每一個分量， 都要獨立加HKD2

我最鍾意食串燒，見到有間串燒食物放在凍櫃，望落衛生乾浄，所以又買嚟食吓😊之前好似唔多覺眼，唔知係我眼大睇過龍定係新開？😂唔理新開定眼大睇過龍，一於試吓睇吓味道得唔得先😊其實我已經買咗一大袋嘢食，不過見到串燒又想食，咁就買幾串過吓口引😂咁當然買自己最愛吃的幾款🥰❤️—————————-🐔炸雞皮：竟然有我愛吃又邪惡的炸雞皮😛炸得幾香口而且脆卜卜😊——————————🐷炸大腸：又係我的favourite😂大腸味道吃時有點像滷水的味道炸得有口感又不會軔😋—————————🐔雞軟骨：鍾意有咬口嘅食物，軟骨咬落口卜卜脆而不會硬，我就是喜歡吃😋—————————🐷豬腩肉：又係我吃串燒中的最愛豬腩肉😂肉質燒完唔會硬，食落的肉質和味道也不錯😌—————————-整體來說是好吃的，但就是小了孜然粉的味道，如果可以加些孜然味道：我個人覺得會更好吃，愛吃串燒的四大天王，以上四款係至愛😂其實開心🥳簡單就在你身邊.食….拍…寫..已經成為我生活中的一部份鍾意食..鍾意拍…鍾意寫..留下美食回憶🥰—————————-