想甜嚐甜 (已結業)

名符其實-想甜嚐甜係附近食完飯想食甜品，記得之前搭巴士經過呢間甜品鋪..見到佢裝修好休閒簡約所以今晚決定一試！甜品menu 有好多選擇而且老闆亦十分熱情好客佢亦用心推薦我地食心太軟所以我地就選左特別既紫薯心太軟心太軟除左賣相一流之外食落仲好有驚喜！除左有紫薯肉之外仲有紫薯醬係外到內再加埋乳酪雪糕真係飯後必選！除左紫薯味仲有抹茶黑朱古力等！食完仲叫多份外賣而外賣老闆就推薦原塊椰肉海椰皇！啖啖椰肉勁清新！店內仲有多款甜品選擇值得再試！

同三五知己黎食，最好！雖然舖面好似細左d，但坐得舒服，又有音樂可以聽下，好輕鬆。今晚叫左一個紫薯奶凍，個奶凍個人應為偏甜左少少，但加埋清清d紫薯蓉同紫薯粒，剛好可以中和個甜味，剛好，仲好有口感，好喜歡！另外食多左2個甜品，泡乎同心太軟，一樣值得推介👍🏻👍🏻👍🏻👍🏻👍🏻 好岩唔食太甜既朋友😊價錢合理！真心推介！

去黃大仙明記食牛腩河，依然甘好食。食完同朋友想搵間甜品店傾下計，係蒲崗村路大路地下見到間新甜品店，就入去試下。結果，有驚喜!!!紫薯控的我試左個紫薯心太軟，即焗的心太軟外皮鬆脆，紫色紫薯汁好似岩漿甘流出黎，個雪糕原來係老闆特別調配的荔枝玫瑰味乳酪，淡淡花香加埋個心太軟非常夾。連個擺碟都非常有心思，有D細花仔加黑色石板碟。朋友好似食極唔肥甘，叫左個香蕉鬆餅同芒果奶凍。香蕉鬆餅有焦糖燒香蕉，熱騰騰岩岩焗好的鬆餅，配個荔枝玫瑰味乳酪，又係好夾。個芒果奶凍，D芒果好甜，粒粒都好飽滿，個奶凍唔太糖，而且奶味好濃。舊區難得一見有誠意小店。