想甜嚐甜 (已結業)

同朋友食完飯之後諗住去食下糖水，見到附近有依間想甜嚐甜就入咗去試吓。餐牌入邊有好多選擇最後我地揀咗芋圓同埋荔枝味嘅雪糕。芋圓嗰個味道非常之淡，而且芋圓嘅數量都唔多。而荔枝雪糕就非常之濃味，食落太甜，整體麻麻地

此間甜品店路經好奇試試，見到內隴實在好細，幾乎背貼背，但甜品無可能外賣，怕回家走樣，但食緊真的不舒服，自己也匆匆食完，心太軟很好味，但價錢等於食晚餐價，實在好貴，除非室內可以舒服嘆，自己不會再光顧

吃完晚飯的最佳節目就是... 食甜品華田心太軟配乳酪雪糕🍦因爲是即叫即製的關係，等了廿分鐘左右⏰ 不過！這個等待是值得的！！吃心太軟最治癒的一刻就是看著裡面的‘岩漿’流出來外皮很脆，華田味道好濃郁，感覺就好像在飲一杯熱騰騰的特濃華田一樣！但是，我覺得乳酪雪糕的酸酸甜甜味道和華田就不太合了，或許配上牛乳雪糕會更好 呵～另外一款甜品就是芒露，不過就令人有點小失望了芒果粒大大顆，但是味道不香甜，整體來說太淡口了，或許比較適合一些不嗜甜的朋友吧！順帶一提，店內有設最低消費喔！

1.［阿華田心太軟配雪糕］ $49 1️⃣/10完全係伏😀大家千其唔好去食。雖然佢個心太軟正正常常但個雪糕完全係食唔落!話就話乳酪味但其實係壞咗嘅酸菜味🤮-2.［紫薯奶涷］ $40 5️⃣/10反而呢個正常啲。我原本以為個紫薯係個啫哩🤣但原來佢係panne cota 。上面嘅紫薯係熱嘅，但未至於好食。

老公叫左個包同野飲，我就梗係食甜品呢2個椰汁同黑糖花奶既芋圓係我地兩公婆比較常叫，有芋頭，紫薯，蕃薯3隻色，出面多數得2隻色呢個個名唔記得左，但焦糖香蕉同 窩夫都好脆呢個係我某一日自己過嚟獨食既點少得心太軟，賣飛佛仲有試過朱古力布朗尼布丁，濃郁既味道一試難忘鋪頭雖然細，但係都唔會趕人走，大家應該都會自覺地讓比下一位店員好親切，丫佢地都有儲印仔換野飲同野食，啱先標題講既每月轉口味，可以預先係面書睇定先，少少遺憾食唔到海鹽果款雪糕…果期咳到甩肺…

係黃大仙食完飯，朋友話想食甜品。於是我就唸起前排同事推薦，係慈雲山有一間甜品店。於是就帶朋友前往，去到大概晚上九點，都幾多人下，小店位置不多，要稍等片刻。大概都係等咗十幾分鐘就入得去啦。我就叫咗番薯芋圓糖水，朋友就叫咗楊枝甘露。實不相瞞，我今次主要係想試芋圓，因為本身就好中意食芋圓，但一直都搵唔到比鮮芋仙好味嘅芋圓甜品店。一上台，果然如聞說一樣擺相好精緻，好靚。分量亦好多，大大舊番薯，姜味好足，食得出感覺真係用心熬製。滿心期待咁試下粒芋圓，嗯……太煙韌啦。有點好似無煮熟咁。有點失望。雖然對芋圓有點失望，但可能只是我個人唔中意呢種口感，朋友係覺得Ok嘅。佢d甜品我覺得真係好用心製作，無論係食材，擺盤，餐具各方面都幾好。所以我都會推薦呢間甜品，亦默默地希望佢地可以研製出軟糯d嘅芋圓啦，哈哈。

得閒就會嚟黃大仙呢間甜品食下～呢間糖水舖一眼望晒，門面好細，淨係坐到幾檯人，夜晚經過成日都見到坐滿人，今次難得唔使排隊，就入去食下。呢間糖水舖最特別就係「花之水滴」，好似啲水玄信餅，賣相好吸引。叫咗個「荔枝玫瑰。水滴配乳酪雪糕」，粒水滴係荔枝味，入面有花，好精緻，側邊啲伴碟都做得好細心，有餅碎、醬等等，撈埋去食都幾夾。配乳酪雪糕，味道隨機，每次都唔同，呢次係紫薯味，有紫薯甜味之餘又帶得出乳酪嘅味道。另外叫咗個楊枝甘露，味道都正路，同一般啲楊枝甘露差唔多，芒果夠甜。整體來說，間糖水舖好有獨特風格同多款式嘅甜品，一去黃大仙就會想食呢間。

隱身在民居的甜品舖，有相當的驚喜。店舖雖小，但裝潢充滿懷舊氣息與自然風味，在這個環境下品嚐甜點，份外滋味。餐牌選擇繁多，令人有點花多眼亂。1）屬人氣之選的嚐甜窩夫格餅，賣相吸引，配以楓糖味的醬料，可選是天衣無縫，格餅是剛烘好的，十分新鮮，令人忍不住一口一口地吃下，唯紫薯乳酪雪糕與楓糖醬格餅的甜味有些格格不入，但分開來吃是挺好吃的。2）紫薯玄米水滴，外觀上美得像幅畫，如果單純只吃碟中間的水滴，味道真是略淡，但碟旁邊的花及醬料原來別有用途，把它間配合水滴來吃，就像吃糖果一般，十分有趣。如果覺得太甜，可選配花茶，但個人覺得剛好。值得一提的是，店內只有約三張枱，面積很細；店員的態度較為冷淡，稍欠笑容，但尚算友善的。

有日行過，見到有芋圓食所以入左去試下黑糖芋圓仙草同出名個啲鋪頭就無得比架啦，但呢個地段黎講都算唔錯。芋圓好煙韌👍🏻黑糖味亦唔會太濃蓋過哂其他味，加左德國忌廉都令成個甜品香左👍🏻但個芒果芋圓就有啲奇怪😅轉左芒果汁底成件事唔同哂😅😅😅下次都係唔好試新野😅

想甜嚐甜係一間出品感覺好精緻 好似藝術作品既甜品店 之前同👦🏻食過一次 一直都心思思想再食😊佢地店舖面積唔大 只有幾張枱 我地4點幾去等左一陣就有位✌🏻 今次就試左阿華田心太軟配乳酪雪糕同黑糖芋圓仙草🤤阿華田心太軟係即叫即製 大約要等10-15分鐘 佢地既擺盤真係幾靚幾吸引 😍 心太軟阿華田味都算足夠 配埋乳酪雪糕食 酸酸甜甜 唔會覺得膩 不過流心效果就唔係好夠🤭黑糖芋圓仙草份量十足 芋圓數量都唔少 口感夠煙韌 不過芋頭味同仙草都比較淡 整體都係鮮芋仙好食d🙈

店子面積不大，只有十多個座位，裝潢風格清新，牆上掛上小結他及小植物，甚有文青風味。想甜嚐甜主打熔岩心太軟，一般只有朱古力這個傳統口味，但這裡卻有7種口味可供選擇：黑朱古力、榛子、紫薯、榴槤、華田、抹茶及玫瑰荔枝。既然如此，當然要嚐嚐這裡的招牌甜品 - 熔岩心太軟！熔岩心太軟。經典黑朱古力配乳酪雪糕 ($49)心太軟放於石碟上，看似一座活火山；切開後流心朱古力漿緩緩流出，外層微脆，內裡鬆軟。心太軟用上黑朱古力，故此不覺甜膩；伴杏仁脆片作裝飾，使其口感更豐富。再配上芋頭味的乳酪軟雪糕和倒放甜筒，賣相精緻。乳酪雪糕入口清新，味道酸酸甜甜，非常開胃，一個人也可以輕鬆吃光光！順帶一提，這裡的自家製乳酪雪糕會定期轉口味！

我就唔係咁好食甜品，但係朋友鍾意食，咁就陪佢食下啦。呢間甜品舖地點唔係太方便，但係因為朋友仔住呢頭，地膽推介點都要試下，但如果其他朋友仔想黎就要諗諗辦法，花啲時間搵吓路。我叫咗呢個芒果甜品，佢有成個雪糕筒反轉咁插左係上面，雪糕係芋頭味，因為好耐冇食過芋頭味嘅雪糕，所以特別覺得好食，好香濃。旁邊鋪左香蕉同埋淋左芒果汁，重鋪左啲脆片喺上面，成個感覺好有層次，有脆既有甜既有生果有雪糕，呢間甜品舖唔係特別出名，但係喺呢一區都算有名，唔少街坊都會嚟呢度搵食，行開呢頭嘅朋友仔不妨試試！

每逢在黃大仙附近食飯，都會想吃想甜嚐甜的乳酪雪糕。雪糕口味不定期改變，曾經吃過黑炭蘋果，芒果，原味等等，每次都有驚喜！它的乳酪雪糕甜酸適中，不會太膩，甜筒香脆好吃。所以路過當然要來吃～除了西式甜品外，店裡亦有中式甜品可以選擇，適合大朋友和小朋友來吃。但是座位不多，不適合多人聚會。這次限定的雪糕口味是香芋，之前在下午茶吃過窩夫的我，當然要再點窩夫最後決定了海鹽爆谷香蕉窩夫配乳酪雪糕，一次滿足兩個願望。乳酪雪糕香滑，飯後吃仍不會覺得膩，反而酸酸甜甜的，有點解滯。而窩夫外脆內軟配上焦糖醬不會太乾身，亦不會太甜，好吃。搭配雪糕更有種冰火交融的感覺，味道更有層次。唯一美中不足是爆谷，略嫌不夠脆，有點通風。不過下次來吃飯後甜品要注意！因為8點後有最低消費，每人最少要點一款甜品。

有時坐巴士緊會留意到有間有間好細既甜品舖, 門口放著精美既木牌menu, 好靚好有特色雖然鋪頭唔大，但唔會比人有一種好迫的感覺，可能見到D擺設有種家既感覺今日坐巴士黎到忍唔住落左車,入去食番個甜品先,實際店舖比較細, 只有三張枱同一張吧檯, 而且佢地原來仲有做茶餐想甜嚐甜既甜品都叫做多野食同幾特別......(睇個名都好吸引)今日叫左個朱古力心太軟, 佢地都係即叫即整雖然佢地得一個甜品師傅係度整, 但我都好佩服佢, 自己一個就應付到咁多客人(好多都即叫即做), 所以平均都需要5至10分鐘心太軟切開即時有朱古力醬流出,配合埋佢地既雪糕(佢地有自家(軟雪糕機), 真係絕配另一個就試左佢既芋圓仙草, 食落相當有口感又香滑,芋圓夠彈牙, 配合仙草同黑糖味,增加了一種層次感, 好食經開真係會令你落車, 食番個甜品離開既甜品店

星期六4點幾就諗住尼食佢的嚐餐，(嚐係佢的鋪頭名!!!!) 都覺得佢幾抵食，加幾蚊仲有杯野飲楓糖火焰芝士紫薯牛角酥 牛角酥好脆，大份，入面仲有紫薯，仲要唔係紫薯蓉，係一件件的紫薯，好軟熟，而且出面都有紫薯，都幾多光面的就係楓糖，好香；牛角酥上面仲有層芝士，食得出係燒過的味道，好香野飲就叫左Earl grey tea，因為平時出面好少有得飲earl grey但我又好鍾意飲，所以難得嚐甜有我就叫左尼飲佢個杯都幾大，份量多，Earlgrey味都幾濃，good