意樂餐廳 (香港仔中心)

营业中

休息中

今天我在意樂享用了下午茶，點了一份烤雞扒漢堡，搭配沙律，還選擇了紅豆冰作為甜品，總共花費$45。漢堡的烤雞扒外焦內嫩，雞肉鮮美多汁，搭配新鮮的生菜和醬汁，口感層次分明，非常美味。沙律則清新爽口，幫助平衡漢堡的油膩感，讓整個下午茶更具清新感。作為甜品的紅豆冰，冰沙細膩，紅豆的甜度恰到好處，讓人感到清爽。整體來說，這次的下午茶讓人滿意，無論是鹹食還是甜品，都值得推薦！

母親節正日食飯，雖然唔係慶祝母親節，同朋友食個飯啫，不過都幾怕無位，難得呢間竟然唔使等位，就入咗嚟啦。有朋友完全唔食麵粉類嘅，唯有全部揀飯囉，都無咩所謂，都係食得好開心嘅，4個人叫咗4個餐，share來食。葡汁雞皇焗飯 $68（套餐包餐湯+飲品）原來係套餐，好抵食，有湯有飲品，餐湯應該係忌廉湯，好濃滑，奶茶都唔錯。個飯都幾多芝士，好香。一口黑椒牛柳粒 配 珍珠飯 $70呢個好正，黑椒好惹味，牛柳粒好有咬口，不過我唔可以食太多，因為唔知點解我唔太適應黑椒嘅辣味，個人覺得比較辣。不過因為太惹味，令人食完想再食。脆炸魚柳滑蛋蓋飯 配 西西里茄汁 $60我最鐘意呢碟，酸咪咪好開胃，魚柳就炸到外脆內嫩，無骨落地就最好啦，滑蛋都唔錯，半生熟好有蛋味。蒜香豬滑蛋蓋飯 配 西西里茄汁 $60都係西西里汁，酸甜酸甜，豬扒好淋，我就唔係咁鐘意，喜歡有咬口多啲。

之前堂食都想叫衣個餐，可惜當時冇，今次有衣個餐，但諗緊外賣牛角包可能影響味道，但因為想食，都即管試一試。番到屋企打開個袋，先知原來沙律和牛角包放埋一齊🙈🙈。雖然係外賣，但都食得出其實個牛角包唔差，比想像中大件，不過咪睇有咁多餡料，多到流出嚟，其實個飽只係夾左塊芝士，🤔唔知廚師係咪驚個包淋哂或驚個包蓋蓋會扁晒，所以先咁放，同埋原來餡料有菇，都有啲驚喜👍！順帶一提，啲沙律唔多，都係得幾塊菜和幾條紫洋蔥。如果下次堂食，都會再叫衣個餐，應該會更好味！

⭐️ 今日同幾個朋友香港仔搵地方食嘢，朋友住喺附近，佢帶我去餐廳叫「意樂」，可能係平日嘅關係，唔係好多人，如果一陣間平民餐廳嚟講，呢間餐廳嘅裝修都算靚，價錢牌都係平民價。======= ======= ======= =======焗豬仔骨🍖醃得好入味，我哋食得好滋味😂蜜糖燒雞翼，味道媲美大餐廳有水準扁意粉🍝呢個比較淡口，明顯唔夠味🍕 pizza嘅芝士味好濃郁總括嚟講，一間平民餐廳，價錢平性價比高，會繼續支持。

首先是栗米湯，這道湯品口感滑潤，味道偏甜，栗米的香氣與湯汁相融合，令人食欲大增。栗米富含維生素B1和B2，以及膳食纖維，有助於促進消化和維持身體健康。總體來說，栗米湯的味道和營養價值都很不錯。接下來是牛扒，如果份量少，可能會讓人感覺有些失望。但是，牛扒的口感和味道也很重要。好的牛扒應該有嚼勁和肉汁，並且經過適當的調味，讓人食指大動。如果牛扒的味道不錯，份量少一些也可以接受。總的來說，栗米湯和牛扒都有各自的特點，栗米湯味道好，營養價值高，而牛扒則需要注意份量和味道。

好似廚餘嘅下午茶炸脾餐，見到食評滿心歡喜上嚟試下個炸雞髀餐，點知你到嘅時候好似廚餘！呢個雞髀令我好失望！咁嘅樣都可以擺得上枱畀人食，應該唔會再有下次幫襯意樂！！

幾年前去過華富意樂覺得唔好食，自此冇去過任何一間意樂，直至前幾天媽咪提議去香港仔意樂，就去下.茄汁蝦，蜆意粉估唔到蝦有蝦味😂因為通常吃到的蝦都不夠蝦味，連殼蝦，蜆都好味，意粉是我愛的扁意粉，水準高，所以我估唔到有咁的質素，看來以後lunch也可來這間吃.魚柳蛋包飯，魚柳脆，蛋滑嫩.還有一個豬骨湯拉麵忘了拍照，不過我沒有吃到所以不知道好吃否.家人的熱檸水已被篤碎沒檸檬，感覺很奇怪，我想我還是叫回即磨咖啡比較好😂這個午餐不錯👍

剛剛做完野開始肚餓，但又過左lunch時間，食下午茶就變得好重要啦🤣香港仔其實都好多野食，有時反而多到唔知食咩好。行過意樂見有位，就呢間啦大致諗到食咩啦☺️嘩，隻雞脾都幾大隻架😁炸得剛剛好，切開啲肉一啲都唔「鞋」👍🏻薯條又係脆卜卜架😍其實爆牛牛角包都唔錯架，不過可能同炸脾有比較，覺得爆牛有啲太簡單了🫣意樂最近越來越多分店，我都想下次試佢嘅西多士，眼見好似都幾大份👍🏻希望意樂可以繼續保持水準做落去🙏🏻💪🏻💪🏻💪🏻

下午茶時段出左香港仔搵間下午茶餐試下先😋😋😋😋 茶餐都有很多選擇！一定有一款岩你！店內環境舒服！樓底高！多座位！冷氣好足夠！可能要帶多件外套好D！🤣🤣🤣🤣我和老公order同一樣下午茶餐～ 燒烤雞扒包配薯條～～仲可以加薯條配埋杯奶茶～又正又飽！大家可以試一試！💖💖😋💖💖

好耐無黎香港仔，估唔到真係好大轉變，多左好多店舖行，行到攰就當然去意樂食個開心tea！👉🏻吉列炸魚柳配田園沙律 $35望落魚柳有d薄身同細塊，但食落去都幾滑！沙律配芝麻醬好味！！👉🏻粗粒花生醬厚切西多士$33真係名副其實厚切，勁厚，而且真係好多粒花生醬，配煉奶，絕配！ ！跟野飲，叫左熱華田多奶，係濃郁嘅唔會淡口，正！！星期日5點幾唔算多人，可以任揀位坐，好多卡位，不過衰在收唔到訊號，有點敗筆！

星期六下午和好友相聚，特意從鴨利州搭船到香港仔吃下午茶，說這裡的下午茶又便宜又好吃，當然要來嚐嚐新。點了肉醬意粉套餐，加一份柚子醬雞翅，果然不錯，意粉足料又夠熱，雞翅也做得香口惹味，選對了地方。

7:28落單7:50去到查問一下整好未門口呀姐一句得埋黎話部機啱啱先響一分鐘都未夠。我話返比佢知7:30嗰張佢先斯斯然去睇。我真係唔係介意等多陣而係佢問都未問就一野得埋黎。我唔預計有咩服務但感覺好差

呢度嘅嘢都幾創新，味道唔錯，服務都ok。但係，手機係呢度無訊號，WiFi都連唔到，我覺得作為一間現代餐廳，可以上網係最基本嘅嘢。大家過來都係想放鬆，尤其自己一個人過來食下午茶，做嘢已經好攰，發現上唔到網，好失望！

見今日星期二叫咗個啖啖肉套餐 -$98有安格斯牛扒，雞扒，beacon, 粟米🌽，兩粒蕃茄仔🍅，同薯條 🍟 ，1/3翠玉瓜，煎蛋 🍳 共 $98牛扒比普通快餐店的要厚！ 有一隻手指的厚道，咬落去有肉汁，質素可以同其他Steakhouse有得比！ 唯一美中不足就係薯條比較淋，唔夠脆，比其他肉類遜色。套餐不包嘢飲……有黑椒汁同鵝肝醬汁俾你揀。雖然粟米好細，大概有五行粟米到，但見到有燒過，粟米肉夠大粒，好味😋性價比高可以值得推介！ 會繼續食

中午時間十分之多人，全場滿坐門口亦要等位。今次安排坐餐廳靠入位置，經過中間廚房出菜位，見到有小型小強。告訴帶位員工後，無講任何野，直接踩死左其中之一隻。香港食飯難免有蟲蟲，接受到就好。食物方面炒飯可以接受，用上珍珠米大大粒煙韌；雖然鰻魚肉很少很碎，但鰻魚汁夠多令每粒飯都有味，加上木魚絲粟米🌽冬菇片等配料，補償鰻魚肉的不足。睇餐牌就好吸引的招牌蒜茸汁豬扒滑蛋飯，上菜賣相都同餐牌照片一樣，可惜蒜茸汁太咸，非常膩⋯⋯