意八餐廳 (已結業)

嗌個多士，條毛係碟邊（肯定係毛，唔係頭髮），叫個職員埋黎淨係指比佢睇，我都唔想大大聲聲話比全間餐廳知食物入面有條唔知陰毛定乜毛既毛髮！職員請示完一個（應該高級少少既之後）拎入廚房，拎走條毛，隔左一陣完風不動比返我！我認得個包上面果兩滴醬，而且摸落個包係凍！我好肯定同頭先係同一份！做餐廳既食物有異物原來係咁樣處理，成件事好嘔心。今日有條毛，可以扮冇事，拎走條毛就算，野食照比返個客。他日有曱甴腳有縲絲釘，請問係咪同樣既處理方式？其實你換過份新既比我，我就已經ok，奈何你地既處理方法同態度實在令我覺得：有冇搞錯！？

晨早去黃大仙揾朋友，就順便喺黃大仙食埋Lunch先返舖一直都知黃大仙中心好多食肆，但每次夜晚嚟都勁多人，每間都要排隊不特止，仲要係由排等今次晏奏嚟，無咩人，就揀左呢間早餐到11:30，我11:15分去到仲有，非常好，仲要好多款揀～一坐低，Window Set啱啱好對住黃大仙祠大殿，不過圍牆高，睇唔到入面，但都好似同黃大仙食緊野咁🙏🏻呢幾日胃痛，無咩胃口，淨係想食少少嘢飲杯熱檸水就揀左4413：千島豬朳•脆脆牛角飽+熱檸水，都係$30，個人覺得好扺食境觀睇唒！熱檸水，糖係包裝，好貼心，可以揀黃糖／白糖，咁我當然揀黃糖啦～冷健康呀嘛！😎豬朳飽夠大個，用千島醬代替傳統豬扒飽用嘅沙律醬，個人覺得好味好多，而且無咁漏，但豬扒略嫌太大塊，一邊食一邊漏汁，成雙手都係千島醬，係好味，但食得好喱Hea，加上無咩胃口，食左一半我就食唔落～so sorry，但絶對唔係味道難食，會Again嘅選擇！👍🏻

今日PoohPooh帶我黎左黃大仙中心食晚飯 呢度都幾多餐廳選擇 但比起旁邊啲街舖當然就貴少少啦 經過意八餐廳 係食西式嘅 幾平又幾多人食其他地方未見過 就一於試下啦.推介鐵板系列 話好抵 未計加一五六十蚊就食到啦 PoohPooh誠意推介 我有選擇困難症所以就跟佢.點知平時果種牛排餐無曬 侍應就叫我地簡貴D $78果種 唔知同普通有咩分別 好似靜係多左舊番茄不過一場離到都唔會介意果十幾蚊嘅.有得揀黑椒或者白菌汁 我地每人叫左一樣 白菌汁特別啲.塊牛排幾好味 唔係好多筋唔會太熟 呢個價錢都唔可以太高要求 我最鍾意係 除左飯同埋蛋 佢有好多蔬菜 包括番茄南瓜翠玉瓜茄子.呢個鐵板一定食得飽 就算係男仔都唔會唔夠.其他人食意粉義大利飯都好似唔錯 如果大家想食西式又唔想貴可以試下

雖然是平日下午來，但這裡仍有不少人，當中不乏上班一族。幸好這裡的顧客來得快，去得快，不用等位就可入座。這裡的午餐很抵！$40-50 的套餐包了一款飯或意粉主食，配湯或熱飲。幼身的天使麵內加了不同菇菌、洋蔥，但鷄肉就只有一兩塊。忌廉汁有點水，但也算多汁，混在天使麵內也夠入味。魚柳超級長，邊邊炸得很脆。因為是椰香葡汁，所以葡汁甜多於辣，不過亦非常適合拌飯吃。茄子比較幼而且焗得淋了，但它的肉醬十分多，肉醬和水牛芝士的配搭十分合適，芝士更是多得漏到碟上。整體的食物份量不小，挺飽肚的。

前幾個星期日下晝去黃大仙，當然上OP搵下有咩食啦，見到評價呢間唔錯當然要去試試去到既時候應該係岩岩下午茶時段，見到門口企滿人以為有排等，點知一拎飛等唔夠2分鐘就入得，原來入面好多位👍🏻見下午茶個menu都好多選擇，價錢都算平民，咁一人先點一個食住先卡邦尼長通粉天使麵鴨胸炒意粉炸薯皇3個人食完以上既野有d唔夠飽肚，所以叫多個公司三文治食，食埋就岩岩好😋公司三文治食埋就岩岩好，埋單價錢都正常，味道都係中上，所以可以返食👍🏻

這間餐廳下午茶很扺食，而且種類很多，有中式，日式，西式等，適合唔同口味嘅朋友仔。 今次點了蜆泡飯蜆嘅數量比我想像中多，而且湯底很夠味道，同啲飯簡直係絕配！但啲蜆有少少沙，但我覺得可以接受！下午茶包飲品，都只係三十幾蚊，抵食之選

黃大仙意八，晚市市段永遠都要等好耐位。見午市唔使等位就試吓啦今次食意粉，意粉嘅質地都幾好呀，唔會似粉漿，我習慣食比較硬的意粉，但係依個意粉嘅口感都可以。上菜嘅時候以為肉醬得好少，但係原來啲肉醬喺晒底。味道方面，岩味，唔會好鹹或者好淡。＄42連一杯野飲，價錢味道整體算抵食。飲品方面，我叫咗檸檬菜蜜，是熱的。要加兩蚊，菜蜜都係正常味道。雖然我覺得有少少太甜，但係飲菜蜜本來就應該係甜的。所以我督多幾下檸檬，希望啲酸味中和下。

聖誕節個排有晚約朋友去樂富個聖誕嘉年華睇下，去之前就係黃大仙中心食左飯先，因為呢個朋友住係黃大仙，就叫佢帶我地搵食喇然後佢話去意八，本身我係愉翠苑分店都試過，覺得ok，所以都想試下黃大仙分店既食物整得好唔好每次食飯我都會留意等位情況，餐廳環境，食物質素同服務態度，我覺得今次既總體感覺都唔錯先講等位情況，可能呢間餐廳食物選擇多(係門口睇左menu)同埋價錢唔貴，好多客人係門口等位，但我地等左15分鐘都冇都入得去喇餐廳環境黎講就中規中矩啦，燈光較暗但個座位間隔幾好，客人唔驚覺得尷尬到食物質素喇，我睇左個menu想食牛扒，而價錢都只係$70左右(時間太耐唔記得清楚sorry)，雖然我預左牛扒唔會係靚牛扒但勝在配料夠多，有隻蛋、薯角、飯、蕃茄等等，醬汁方面要左黑椒汁，我覺得比呢個價錢食到呢個餐係值既相入面薯角比塊牛扒蓋住左至於飲品我又一貫試新野既冒險精神，叫左個綠茶配粒粒啫喱，我覺得唔係難飲，但亦都唔係好飲 下次再食我會叫凍奶茶就算，因為之前係愉翠苑分店飲過抹茶等特飲，都係覺得未去到好好飲既程度最後我覺得呢間餐廳既侍應服務都算唔錯，因為就算好忙，都仍然保持禮貌，但上菜個陣因為我地四個人叫同一個

約左班同事喺度聚餐環境雖然逼夾，都將就算了但一坐低就成肚氣侍應太冇禮貌，黑口黑面話我坐到阻住人，有冇搞錯？自己地方逼夾，仲諸多要求要人地要点坐点坐。到左点菜，換左另外一個侍應又係黑面神，口燶面燶，間餐廳燈光黑孟孟姐，估唔到侍應面色仲黑！叫左份渔人碼頭脆卜卜炸魚柳（$57），仲有杯熱奶茶（16）奶茶普通水準，鱼柳就真係幾脆卜卜，味道都唔错，可惜心情勁受影響，其實食乜都冇乜味啦，成肚氣亦難消化，況且，喺黄大仙呢個地方黎講，咁個價錢唔算便，但態度就就真係……唉！好地地一間餐廳，就因為侍應既態度極差令人留下陰影！

上星期六我同個Friend去左黃大仙中心shopping，餓餓地就去左果間叫意八餐廳，門口好多人，所以唯有係門口等，之後想問下要幾耐，果個服務員黑口黑面，大大聲話“我點知”心稔D態度咁差，呢D係乜野服務態度？？其後終於有位，但未食都一肚氣，叫左份雞扒意粉，煎得太熟，有D燶，意粉又少仲有D韌，真係。。。。。。無下次

好難得可以食一個咁豐富既早餐，都係多得公司要我地朝早流流去黃大仙開會，聽到同事講原來以為係去食扒既早餐，不過望到餐牌就只係好似大家樂／大快活既早餐咁。當日我地因為太多人，所以有人要坐主席位，通道太窄，所以行過既人／職員幾乎都會坐到坐係主席位果個同事，（所以下次大家就盡量唔好坐主席位）不過講返Ｄ野食，我想講個厚多士真係好正，熱辣辣果陣裡面好軟，再加埋蒜容味真係一流，我個人就麻麻地出面既蒜容硬多士，太乾，所以呢塊就岩岩好啦。不過要注意一下，餐牌上面既「重量級」全餐，其實個份量同其他餐差唔多，仲要唔多夠飽（同事講）所以可能驚太飽既可以叫「重量級」全餐！

今日去拜完黃大仙，順便周圍行下，見肚餓就搵間餐廳醫肚 ，晚餐時間周圍都人山人海， 就揀咗呢間餐廳，咁就中伏了。間餐廳門面都幾靚，但入到去感覺就黑麻麻，侍應既面色就更難睇，木無表情好似欠佢好多錢咁，坐低好耐後亦係冇人來招呼，難得搵到個黎未講清楚又走左去。叫左份西冷牛扒，等左勁耐，牛扒味道都唔錯，生熟程度都ok。食野係一種享受，雖然D野食物味道ok，但侍應的態度有好大既改善空間，唔好俾人覺得日日喺度開緊萬聖節party

今日假日，就同朋友係黃大仙行左陣，因為黃大仙中心無太多餐廳既選擇，本身諗住食譚仔，但太多人等位啦。。。所以就入左意八餐廳。呢間餐廳既裝潢都幾好，感覺似去左類似PIZZAHUT既餐廳咁，但由於放飯時間，有好多學生，員工會係到攞位或外賣，所以要趕快攞籌。味道唔錯，比起普通茶記既水準差得多，而食物既賣相都頗為吸引，不過價錢都係同茶記差唔多。我覺得幾抵食同埋大大碟。我幾中意個意粉，再加埋D芝士粉同辣椒油，絕配。

行開黃大仙中心，就周圍找間餐廳坐下和食個下午茶先！！ 見到周圍餐廳都無麥人食，但經過呢間就坐滿曬人，人多仲要等位好奇就入去試下。只係下午茶就已經咁多款，可以講麥都有！ 價錢由$21-$38任君選擇！點左個7052，不到幾分鐘就有野送來。先來杯奶茶，大大杯都覺得抵。平時外面落一包糖都夠，呢度要包半先夠，好明顯真係大杯d，唔係得個樣！五六分鐘之後先來野食，但見到件Pizza真係有d失望，小得可憐呢個價錢係可以接受既！環境都算坐得舒服，最難得既係人手非常充足，最少有一個待應係你左近！係一個朋友聚腳和傾計的好地方！

意八算係少數新年無加幅嘅餐廳。午飯時間人頭湧湧，等候時間很久。午餐由40幾至50左右。一同四人全部清一色叫吉列豬扒野菌黑椒汁珍珠飯吉列豬扒size大小差異較大，但豬扒揼到好薄，得個大字，只食到炸粉外皮，豬扒亳無存在感。唯一野菌黑椒汁就做得不錯，唔會死辣又有菇可以咬。