意樂餐廳 (良景廣場)

营业中

休息中

訓晏左諗住落街食下午茶，見呢間唔使等位咪入去，款式都多既，有多士，飯，意份，小食。兩個人食，諗住叫佢推介個D試下，叫左吉列炸魚柳加薯條，另一個西多士配抹茶煉奶，上菜時由於太驚嚇，唔記得影相。吉列炸魚柳好細塊，用隻大碟裝但佢只佔一個角落，幸好薯條夠熱，如果唔係真係反台，咁就廿幾蚊，我寧願食大X樂算。西多士配抹茶煉奶簡直係惡夢，個pat抹茶煉奶唔講以為發霉同放左好耐，又或者跌過落地下，少到用匙羹刮都刮唔到，又乾又硬，仲話廚師推介，唔通個日太多人，質素差咁多? 咁又比人呃左廿幾蚊。希望第時有改善啦，但暫時我唔會再返去幫襯住，因為d職員黑面到呢。。。。。

今日喺屯門海趣坊意樂點左瘋狂辣肉醬扁意粉，意粉黎到。。但同memu相好大分別😪😪開頭第1啖覺得幾辣，第2啖已辣到舌頭開始㷫㷫地。。第3啖就真係好㷫，火燒舌頭咁濟，我停一陣。。覺唔對路，我係食得辣架，但意粉辣成咁，相信冇人可以一啖一啖咁食囉，我冇理由食一啖，停15分鐘再食第二啖架!我就同侍應講，佢話話明係瘋狂呀嘛！緊係辣啦！話冇得換，叫我下次要講明小辣喎😥😥😥但佢冇問我，咁係咪擅自俾左大辣我呢?! 另1位侍應就話唔食得辣就唔好點😡😡😡😡😡，我係好食得辣架!但辣得太過份，我先出聲，唔想食到胃痛囉!!全部侍應態度都係非常之差和惡劣!!!杯咖啡就幾好飲。。最後被迫放棄整碟意粉!我以後都唔會再黎幫襯，貼錢買難受!!

意樂餐廳的座位空間合理, 坐得舒適。我特別喜歡它們裝橫, 加上燈光的效果就是很美, 而且還有些黑板, 怎麼影都美, 甚有情調。這餐廳其實是滿座的, 拍了這些相是因為我們吃得慢, 其他客人都走了便影到。慢食, 就是一種生活態度。卡邦尼煙肉長通粉這個是午餐set lunch 來的, 這價錢附送有飲品, 實在抵食, 怪不得餐廳會滿座了。我們吃起這長通粉來, 一點也不覺得硬, 軟硬適中, 通粉少許厚度, 咬起來有質感, 有些少煙靭度, 不會粉粉的感覺, 也真不錯呢。卡邦尼的汁料也做得很好, 有忌廉牛奶的香味, 質感不會太濃稠, 所以沒那麼膩。配料有煙肉, 也可以平衡卡邦尼的濃味, 為它加添清新感。

意樂開左幾年都無乜試過佢地既晚餐。三人行叫左個辣肉pizza（4/5）$34，真係幾辣，幾惹味，但唔食辣的人可以考慮選擇其他。有趣既係個批同辣肉醬係分開左，好似分開焗咁，切既時候有啲麻煩。仲有呢個豬扒焗珍珠飯（3/5）$43，如相中所見有好多芝士，但可能食唔慣珍珠米就覺得怪怪地。但飯底係蛋炒飯，都足料既。味道酸酸地，幾開胃。個樣係焗得幾靚，但我都係中意港式多啲！薯條（4.5/5）食到一半先記得影，好香脆，似薯圈，辣辣地，前菜既話真係唔錯！仲要都幾平，$16，好抵食！

前兩次黎食早餐已經留意到有一個叫『扁意粉』的早餐，小妹雖然唔係意粉迷，但始終第一次知道有扁意粉呢樣嘢，所以襯黎良景上最後一堂嘅課程，又特意提早少少黎食個早餐。因為之前食過蘑菇腸覺得唔錯，所以今次食扁意粉所加嘅兩個餸其中一個都係要返蘑菇腸，另一個就要太陽蛋(小妹特意在落單嘅時候問店員可唔可以要太陽蛋，店員話可以所以小妹要左太陽蛋，如果唔講明要太陽蛋係會俾全熟蛋架)第一次食扁意粉嘅小妹覺得扁意粉同平時食開嘅意粉係有尐分別，扁意粉係帶有少少爽身的，個湯都唔錯架！洋蔥已經煮到淋晒，尐甜味出左黎，新鮮嘅番茄肉少少酸，好清爽開胃

小妹在良景的課程來到第三堂,同樣又係預早左少少俾自己上課前先食尐野,坐低拎起餐牌一陣,就決定今次食個美式早餐,要煎豬扒的然後落單ge店員問小妹要唔要加通粉或麥皮,其實就算唔加小妹都夠食架啦,但被人問一問小妹又唔知點解真係會加多碗麥皮等左一陣,個餐來到,份多士真係好大份呀!!面頭雖然睇上黎係一層超薄的蒜蓉牛油,但原來好夠味,成塊都好香蒜蓉,牛油ge香都會喺後面跟出黎,多士邊又唔會乾硬化,;小妹用麥皮配住食,好好味,成塊食晒麥皮似係用滾水開的,唔會太稀,但又未至於話佢杰,但真係淡,不過檯頭有糖,可以自己加包落去食完多士同碗麥皮其實已經見飽架啦,不過冇可能浪費食物架!! 同埋今次主要係想食豬扒嘛!豬扒唔算厚,但就好淋好入味,反而係隻多有d失望,原來係全熟蛋,小妹仲以為會係太陽蛋tim.......

早上送左小朋友上學後,小妹因有事要做,所以黎左良景,時間尚早,於是想搵間餐廳食個早餐養一養精神;良景餐廳中意樂喺OpenRice排第一位,所以旎都唔使諗就決定左到意樂食早餐。9am咁上下的時間,餐廳內唔算多客,小妹好快可以搵到個面對面坐的二人位,坐低睇左一陣餐牌後決定叫個『重量級全餐』,,睇餐牌介紹,全餐包括有:牛角包、炒滑蛋、蘑菇腸、火腿、茄汁豆。另仲有杯飲品落單後兩三分鐘,小妹所點ge咖啡先到,睇個外型咖啡比茶餐廳的蒸餾咖啡吸引,面頭有些些泡沫及超少量的朱古力粉,但因為份量太少,所以飲唔到朱古力味,咖啡香濃冇蕉味,順滑易入口之後等多幾分鍾到個全餐上檯啦~~ 除左有餐牌有ge食物外,仲多左d粟米(唔知係茄汁豆用晒定係唔小心加左d粟米落碟度呢~)先食牛角包,牛角包可能要反熱關係,成個包壓到變晒形,但個包熱熱,牛油味好濃,拎上手又唔覺油淋淋,唔錯原先以為蘑菇腸係一條條腸仔咁ge形狀,黎到先知原來好似火腿咁薄薄一片的;口感比火腿爽口一d,炒滑蛋個樣好吸引,但小妹覺得唔夠滑... ... 平時好少亦唔多鍾意依茄汁豆,但將茄汁豆加入炒多一齊食又出奇地夾哦~~題外話:每張檯都有個櫃桶,櫃桶係放餐

柚子蜜雞翼，每次都會點! 香脆又濃濃既柚子蜜味。清酒煮蜆，今次唔好飲，d酒好苦，個湯冇左蒜香味! d蜆唔新鮮~打邊爐，豬骨湯底。um~~有d似出前一丁豬骨湯味XD 不過以五十幾蚊黎講，都多野食既，不過不失啦!BTW，個烏冬唔係太彈牙。海鮮墨魚汁意大利飯好大碗，我最後只食左一半多d既飯。係好食，不過女仔多數都食唔晒呢個份量。

琴日係屋企同老公一齊玩煮飯仔~整意粉，好開心，老公同我講明日星期六帶我出去食意大利餐到左星期六....佢就帶左我黎隔離村 屋村商場餐廳   意樂餐廳食下午茶室內寛敞, 位與位之間有好大條通道，坐得舒服員工人手都充足嫁, 近門口，仲有個位比人客買意粉等材料主餐牌設計得意，有招牌呀叔下午茶款式選擇多, 價錢正常叫左1. 米蘭肉醬焗扁意粉 $302. 氹仔豬扒包配薯條 $27 +$6飲檸檬柑桔平時好少係屋村餐廳食到扁意粉, 又幾好食喎, 茄膏微酸, 內裏放既竟然係各菇，唔係平時西餐用既磨菇,但味道又同茄膏幾夾，上面仲有一層芝士，芝士份量足夠撈晒成個意粉,下午茶餐細細份, 足夠女士食既份量，但如係男士，就要叫多份先夠la既, e 個氹仔豬扒包配薯條,外表非常唔吸引, 特別係d 薯條，唔熱，又黑，好似擺左好耐咁,而個包都幾鬆軟，內裏函料唔豐富，豬扒都細塊及薄,但豬扒咬落都易咬唔un,檸檬柑桔, 柑桔係糖漿，都幾多幾濃味, 我食左少少,要倒d 水落去沖淡2次先入到口,ga, 下次唔會再加錢轉, 飲檸水好味d

到良景領取已預訂的外幣。同行友人未吃早餐，銀行附近這家餐廳，一直都跟它擦身而過，就試試看吧。環境在良景而言，算是四正，可惜侍應除了人手不足，態度亦不見得友善，令本來感覺很悠閒的用餐環境大打折扣。早餐有多款選擇，吃素友人選了雞蛋三文治加無糖麥皮，我則選了美式早餐加火腿通粉，連餐飲約$70埋單。朋友的雞蛋三文治，炒蛋像一般茶記的奄列，不像澳牛或華星的嫰滑鬆軟，而且薄薄一片，至於麥皮，朋友表示是暖的, 她個人不能接受。至於我的早餐，火腿通粉熱度足夠，感覺對辦，然後那個美式早餐........牛角包跟平常吃到的，大的有點不合正常比例，不過夠熱，味道尚可。相對起來，炒蛋，兩片火腿和茄汁蛋的份量就少的可憐。餐飲部份，一般而已。試過就算了。

好彩下午茶時間時我們順利好快有位，人好多，每次嚟依度都搵唔到人點菜 ，之前的經驗是有時Ｄ侍應好似應了你，但只係ＨＥＡ你之後跟本冇人嚟同我們落單！今次也不例外，而且試過幾次都有漏單情況出現。叫餐可以以半價點食品，正！抹茶紅豆冰濃郁，好味，抵飲。肉醬意粉又唔會太膩。膽大的一試鴨胸炒天使麵，以為會麻麻地好味，但係意想不到地竟然好好味，意粉新鮮熱辣奉上，而且辣辣的好好味。不過鴨肉冇咩味。

平時少員工 係咁揮手都冇人理,我忍! 因為真心覺得好好食, 由其是日式黑豚肉炒烏冬 雞絲炒天使面。。。宜家轉左餐牌 款式少左好多 只係轉埋普通茶記嘅湯粉面 三文治 好失望!!!

平日去食多數唔洗唔洗等真係好食 平價西餐 好過某連鎖西餐最正係叉燒拉面 塊叉燒又大又好食又"林"杯抹荼JELLY都唔錯 我本身唔鐘意JELLY 但呢杯都唔錯整體唔錯 絕對會再幫襯!

強烈要求增加人手！！！一行到入黎，揮手揮勁耐都冇人理。。啲位坐得尚算舒服，環境企理。頭盤凱撒沙律，味道普通，有啲唔新鮮既洋蔥味，材料得面包粒，菜，同dd煙肉粒，唔抵食。 重點推介瘋薯皇味道偏辣，好惹味味道一般，幾辣下普通冇特別。

柔柔的晨光依舊打在每一個早起的面龐上，有的沒精打彩，有的來去匆匆，而我卻放慢節奏，享受著意樂餐廳那珍保早餐所帶來的喜悅。首先，從份量上來說，那早餐有多士、腸仔、蛋、漢堡扒、鴨胸通粉和餐飲。這些都能使我大吃一餐，其中厚厚的多士被烤至金黃色，造成外脆內軟的口感，再配合 蒜汁調味，實在令人食旨大動。