意樂餐廳 (彩雲商場)

营业中

休息中

我係常客黎嘅，基本上一個禮拜食3次以上。今日諗住好似平時咁去食個下午茶，5:30左右到，張張臺都有人，咁我自己就搵咗個位坐低啦，（平時坐得比較出，今日係裏面）。舉起menu準備叫嘢食，幾分鐘冇人應，我又舉餐牌又叫唔該，全間舖得三個waiter。一個收銀位，一個低頭收拾餐具，好唔容易有一個從廚房行出黎，我同佢揮手，佢淨係抬頭望冷氣機，我叫唔該佢都冇睬我，到底係睇我唔到定聽唔到我叫佢？

今天有空到了樓下食店 意樂餐廳吃下午茶 先前已中過伏 但屋邨什少選擇 唯有給它一機會 誰知這次更中伏 真後悔 服務員也很沒有禮貌 我點了茶餐雞扒包 裡面的雞扒是還生的 有粉紅色的 實在太令人失望了 那麼馬虎的食物 點了熱奶茶 杯裡面有檸檬味同檸檬核的 實在太嘔心了 為什麼作為一間飲食餐廳的服務和質素可以那麼低和十分差 以後都不會再光顧 你們也不要光顧吧 是人生吃過是最差的餐廳和食物 打食評也十分浪漫我的時間 但是為了其他人的著想 我必要要打 以免該餐廳繼續害人

岩岩落去外賣佐個pizza走，番到屋先發現佢冇分開到個批雖然話六寸唔算大件，但你最少幫我分一刀啦唔通食pizza仲要用叉食咩仲要拎上黎已經淋哂，唉，咩食慾都冇哂

本身諗住點呢個沙爹牛肉野菜麵，系食到平時茶記好重味既沙爹牛麵，但到餐後發覺唔係幾睇到啲沙爹醬，食落係沙爹牛肉+麵，唔係沙爹+牛肉+麵，係得啲牛肉有沙爹味，而唔係個湯😂撈暈其實冇乜沙爹湯底味，而系野菜湯底。但佢啲牛食落都有沙爹味口感亦正常，唔會話好韌，啲菇好香菇味我幾中意，同菇都算多。可能佢係野菜為主，如果想食健康啲既餐其實都係個選擇，整體嚟講其實ok，不過不失。蒜蓉包加 $ 3就有 幾抵食，幾香幾好食，但冇乜烘底，不過佢有陣奶味，呢個不錯。

平時間唔中都會食意樂, 早午晚餐都食過了, 味道ok價錢仲好抵, 今次就同屋企人黎開餐。🔸什扒餐🔸男人之選, 抵食夾大件, 有雞扒豬扒煙肉香腸蕃茄煎蛋, 仲配埋薯條炒飯雜菜, 揀咗菇菇汁好味👍🔸黑松露煙肉菌皇忌廉扁意粉🔸一上枱就就好香既黑松露味, 男人話好大聞煤氣味😂😂😂, 確實唔係個個都鍾意呢隻味, 但我就係鍾意咁獨特既味道。 味道係好味但如果收返汁會更好。🔸安格斯牛🔸個人不太喜歡太多血水, 所以通常會叫七成熟, 煎得都算啱啱好, 無乜血水, 肉質嫩而不韌。🔸卡邦尼長通粉🔸長通粉好適合掛汁, 煙肉唔會太咸, 好味。🔸鰻魚炒飯🔸好足料, 加上甜甜既鰻魚汁, 無得輸。

今日去到彩虹搵朋友，經朋友介紹黎到呢間意樂餐廳食晚飯。屋村餐廳最好就係平靚正，要求不用高。地方都幾大，都唔少一人落黎打邊爐這家款式較特別，名叫意樂，但餐牌有和式+西式+港式的混合，香港茶餐廳特式之一天氣冷，最想食係熱騰騰既野，去到邊都想打邊爐，一人鍋就岩岩好，唔洗朋友就住食，可以選擇佢想食既，share又得。配菜比一般齊全多樣化抵食湯底仲有龍蝦湯選擇！+$8有檸樂朋友點左「慢煮秘製咖喱牛坑腩小鍋配珍珠飯」首先茶餐廳升級轉左珍珠飯十分欣賞！！秘製咖喱都唔錯，辣度剛好 好野味。直接用小鍋出菜 令整體熱騰騰 香氣撲鼻。牛坑腩比較肥瘦勻稱，慢煮後十分軟淋。

意樂 意八原來係同一間來的，之前試過一次勁多人排隊，今次黎到彩虹見無咁多人先試試。其實個位都幾難做， 係彩雲商場，如果唔係朋友帶路 都真係唔會知。我地叫左個烤雞焗飯，天氣凍凍地食焗飯最好不過，仲見佢個menu 有推介Tim.焗飯需時我都明白既，等左around 15分鐘就食得，如果趕時間既話 食麵食會快好多烤雞焗飯，份量都算多，so far 味道還可以，係有一塊雞 好似唔夠新鮮 有少少怪味。因為都食到7788 而且得一件有事，最後同左經理講佢仲打算換另一款俾我。 總括黎講：Service okay ，野食都還可以，呢個價算係咁啦

在意樂餐廳吃一個午市套餐看見餐牌上寫著午市 創意推介 香辣蒜鮮蜆炒墨魚汁麵吃完有以下感受灰色的墨汁麵，無墨香汁香味，蜆殻碎多，色香味都無，意粉太碎，無另加墨魚汁煮，味道同普通意粉一樣不推介食創意料理，寧願食返普通餐牌的墨魚汁料理200字先可以評食物質素...罰人作文咁

這是友人居住的屋村附近，但是我都是第一次來到附近，發現坪石邨、彩雲邨附近的餐廳，大部份都只在播新聞，沒有餐廳會在晚上播放男士喜愛的運動節目😏。於是只好來到這兒，到意樂餐廳算了🤨。其他餐廳的小菜，或是煲仔小菜，再加碟飯，往往動輒都$70-80。因為意樂餐廳的碟頭飯，都算有些特色。以前都吃過很多次豬扒飯，這次就點了一個香草雞扒雜菌蛋蓋飯。沒錯，可能生平都很少會點有雜菌在內的東西，但是看到這個蛋非常漂亮，心想雜菌應該不會太多，於是便試一試。果然，食屎食著豆，雖然點了這個是雜菌，但是上邊的雜菌都份量不多，那就更加適合我，反而洋蔥的份量更加多，夠香夠辣。而咖喱汁亦都不至於淹死下邊的珍珠飯，蛋熟得來夠滑身，加點紫洋蔥的味道，味道也還不錯。煎雞扒難免是雪雞扒，因此味道也普普通通，面頭的雞皮煎得夠香脆，因此味道還可以，的確帶一點香草的味道。也沒有叫飲料，這間意樂，主動提供一小杯熱水，也帶輕微檸檬香，比起其他分店的意樂更好。

近幾年彩雲邨真係變化咗好多以前食開嘅冬菇亭宜家原來全部執曬 前日去彩雲探完親戚，覺得肚餓～就是但去咗間餐廳食。。心諗只要唔中伏就算啦 誰不知好驚喜，拉麵個湯底一啲都唔求其架！！仲有個 墨西哥焗扁意粉，又係水準之作！ 利賓納啫喱冰冰估唔到又ok喎 不過最回味都係杯熱奶茶好耐好耐未試過覺得熱奶茶係咁好味㗎茶香真係好香濃而唔澀！！一定會encore呀！！下次要試個吉列豬扒， 因為不斷咁見到有人嗌～！！

等了35分鐘的酥皮湯，味道一般，湯的味道很淡，內容物也很小，湯的熱度感覺放了一段時間才上菜，店員很小，要加單或追單也過了好久才有回應 雖然是晚餐較多人時間用餐也不能對到眼 也無視顧客。

今日lunch去左彩雲邨揾野食，最後就揀左呢間，感覺生意都唔錯，成2點都仲好多人食。好彩等左2分鐘左右就有得入去坐。個雜菜湯完全冇肉，岩晒素食者，味道都夠濃，幾好味😋黑椒牛柳粒味道都唔錯，但肉粒又d難咬，有筋位。我自己就叫左個蟹籽炒飯食，唔係好夠熱，味道都唔夠，d炒飯一舊舊唔夠粒粒分明。偏難食🤢個布甸正常味道，中意食甜品既人都可以試下😋朋友叫左個意大利麵食，點知我食完成碟飯，佢個意粉都未到。。。等左成半個鐘，催左2次先有得食。整體都算唔錯。😊

老實講附近呢間餐廳算係比較多人，次次門口都排好長龍，今日見佢比較少人可能落雨關係，同女朋友嚟咗怡樂餐廳食個晚餐。厚切吉列豬扒豬骨濃湯拉麵豬骨魚湯味道尚可，本打算叫叉燒可惜賣完。識炸豬排🥩，味道及火喉都控制得幾好，好大件。拉麵不要太高期望，只係即食麵水準，配菜無馬虎。香草雞扒野菌滑蛋蓋飯西西里茄汁蛋味夠濃配上蘑菇粒少蛋，味道有夠層次， 雞炸得剛剛皮脆肉嫩，非常嫩滑刀又好切，茄汁底我就覺得一般水準。

朋友住呢條村黎食過幾次 都好多人排隊朋友都係帶我黎呢間食我諗最好鑊氣 最好食應該都係呢間啦居民餐廳今日嗌左2樣野 一個芝士炸麵 一個台灣肉燥飯我個人覺得係公屋村黎講 呢間野都略貴不過個炸麵 好大個 夠3個人食肉燥飯雞 都係好大碟 食量少既話都夠3個人食d侍應好忙 忙到飛起 見到佢地唔係特登唔應係根本過唔到黎拎碗拎紙巾果d 我見大家都係自己黎甘就自己黎啦 無所謂最緊要d野好食不過餐牌上面 d野食 款式唔算好多題外話 上次外賣食咕嚕肉 拎到屋企都仲脆架好食!! 份量唔細

其他Itamomo店已多次光顧，可算是價廉物美，但這間彩雲邨分店則是第一一次幫襯。事緣當日與女友往清水灣探親，回程路過入內進食。看看餐牌，其食物及飲品種類亦屬多樣化，選擇頗多。與友落order後一，食物和飲品很快送到。先來的是大和圓板燒。這個圓板燒有兩個選擇，我選的是美式雜扒跟牛肝菌汁。一上枱發覺賣相不俗。並有紙圍鐵板邊以防加汁時濺出，算是十分窩心。隨即馬上加牛肝菌汁於鐵板上，原預計會聽到「蔗蔗」聲，但事實卻令我十分失望，因完全無聲聽到，証明鐵板熱度不夠，這是鐵板扒的最大忌，印象大打折扣，既是如此，用纸圍邊以防加汁時濺出亦屬多此一舉。將圍邊纸拿走後再細看食材，發覺尚算符合餐纸所描述。食材包括豬扒、鷄扒、煙肉、司華力腸、薯條、煎蛋、炒珍珠飯及少許野菜，算是頗為豐富。兩件肉扒吃落雖不屬嫰滑，但亦中規中矩。其他配料亦算合格且份量充足。女友叫的是煙肉拉麵，碗大但材料不多，女士尚算夠吃。日式煙肉入口不靱，豬骨湯調味亦可，拉麵亦屬煮得適中不太稔。兩杯飲品包括凍檸茶及红豆冰，水準極為普通，檸茶一般，紅豆冰則味寡且紅豆份量過少。總括而言，該店收費尚算適中，但水準有待提高。