意樂餐廳 (杏花新城)

营业中

休息中

今日份早餐唔係中環食，而係去咗杏花邨～這份豐盛的早餐令人食指大動。首先是那份炒得恰到好處的黑松露炒滑蛋，淡淡嘅黑松露味配合順滑幼細嘅口感，蛋汁緩緩流淌正好配合蒜香多士。搭配的沙律蔬菜清爽的口感，喚醒仍在沉睡中的靈魂，足以讓人元氣滿滿地開啟新的一天。另一份金黃酥脆的牛角麵包,外皮散發誘人香氣,內裡蓬鬆細緻。旁邊是一份營養豐富的香菇炒蛋，雞蛋嫩滑綿密，裡頭夾雜著香菇和新鮮蔬菜,營養美味兼具。配上一小盤清爽的生菜沙拉,綠意盎然，為這份早餐增添活力色彩。手機自助落單 ，方便簡單～

唔得閑都經過杏花邨，走過地鐵商場，人流唔多，但商場装修光猛，清潔新静覺得好舒適，食市多有得選擇，行到前面見到意樂有位就入咗去，坐抵有得手機點餐，叫咗下午茶，呢個下午茶都幾好，雪菜肉絲加餐肉通粉，仲有牛角飽同飲品，只係43元，算十分合理抵食，食物質素就普通，不過以呢個價錢就好Ok, 大大個牛角包雖然唔係做得好好，但係都唔錯。 要改善就係杯奶茶，茶味唔够，唔似係港式奶茶味。餐廳坐得都舒服，不過高枱高櫈扣咗分。整體都滿意，最值得一讚仲係杏花邨呢個環境，清淨舒適又有靚商場，人流唔多唔使撞口撞面。

朋友介紹過這餐廳，遇上就試試吧。鷄肶控必叫雞肶薯條和凍奶茶，另外叫咗香草雞件火腿湯即食麵，追加牛油多士（+$4）及熱鴛鴦。雞髀同薯條有番炸的賣相，因雞髀邊炸得脆脆及燶燶的，再加上肉就乾乾的好少汁，凍奶茶正正常常，湯即食麵份量比較少，但意外地多士就好脆（加分！），熱鴛鴦屬一般。可能係下午茶套餐，整體屬一般。地方乾淨，員工都算有禮貌及有服務，因為剛有人叫員工下單，順便落埋我哋枱也願意（雖然坐低時說了一句電子落單就走開咗啦）。

假日的早餐蕃茄湯通心粉，黑松露炒蛋，蒜茸多士蕃茄湯通心粉：蕃茄味淡，食物溫度一般，整體略微失色蒜茸多士：夠蒜夠熱，似即叫即做黑松露炒蛋：溫度微暖，黑松露味唔出，有啲失望，不錯不錯

早上1128到餐廳，侍應說要收早餐餐牌，我們說沒所謂。她就給我們午市餐牌，我們說要下單，她說要兩分鐘後才可下單，我們就等。1132再找侍應，又說要找另一個下單，好不容易找到下個待應，竟說要等十分鐘後才能下單，又不願說是什麼原因，餐廳已經不是很多人，待應人數也不少，不可以叫早餐，也不可叫午餐，什麼單都不可落，不解釋不回應，禮貌也不好，不是在趕客嗎？我們立即走了，以後不會再幫襯這品牌，從不寫負面評語也忍不住要寫一次！

曾經在坑口站東港城吃過，價錢經濟服務也正常，感覺良好。早前父親節週末在杏花邨杏花新城就有點催趕，餐牌太多又凌亂，看到眼花，一坐下職員已站立等寫單，未夠看清楚，見到有套餐$198就點，份量不大，牛扒也難吃太熟，幸好沒有加$叫大份量，反而其他飯意粉還好，但原來有部分是套餐可配飲品。上次倆父女來過想等我收工一齊吃，但沒有預告八點半已截單，幸好個女先叫一碟粉，搞到爸爸唯有空肚走，不愉快經驗😤今次卻見到仍入客，不解 明白不是高級餐廳，最基本要通知客人截單或營業時間避免爭議。最希望提供多些其他付款方式。

嚟呢度食早餐其實有啲趕時間！職員問我係咪用q r code落單, 我話好, 但佢轉頭去收銀, 收銀搞咗三分鐘, 期間唔係幾唔到其他職員, 我要走去收銀再問多佢一次先至q r code我！🙄🙄嗌咗雞肉扁意粉, 諗住呢個應該穩陣同埋快速度嚟到ok, 啲雞肉完全出事, 又乾又柴皮！唔止咁！有幾舊淨係得“雞皮”, 堅係一啲肉都冇！！我將嗰啲擺出去紙巾上面, 跟住行去同啲職員講, 叫佢畀番幾舊有肉嘅畀我！！之後先至有喺圖中見到浮咗幾舊雞肉！其實點會畀啲雞皮客人食嘅啫😶？！好似唔係慳到咁呀？！😑當然我嗌咗熱檸水, 係冇“真檸檬”, 呢樣就一早知嘅😌😌

今日入咗去食下午茶，唔知係咪下午茶啲服務會差啲（係好差），入到去冇人理，冇法喇，自己揾個位坐低，坐低之後三四分鐘冇人理，左望右望，見到第二張枱有手機點餐牌，但又揾唔到自己張枱有，咁點算，又冇人理，剛剛有位阿姐推緊車仔送餐，點知佢好似怕咗我咁，於是我問佢有冇手機點餐，我只係想落单啫，點解都咁難。第一我想提出，咁大間集團點解同一商舖，有枱可以自己點餐，又有枱唔可以。第二對員工服務係唔係有啲要求指引。第三係唔係唔人手分配上出咗問題，令員工好辛苦環境下工作，冇晒服務水平，抑或我唔好彩，在不當環境下不當時區下入咗唔應該入嘅地方。

服務態度勁差！以後不會再幫襯！，唔係免費，點解要受氣？！下午茶時段，其實不是太忙有空位，舉手10分鐘冇人理，d阿姐睇到扮睇唔到！唯有自己行去茶水問佢攞糖漿，竟然話冇？一間餐廳竟然冇糖漿，請問點沖凍飲？！同佢講凍飲唔夠甜，佢竟然用啲白砂糖溝啲水俾我，實在無言！等執笠！

約咗小學同學兼我保單agent共享早餐，佢又肯就我咁就近近哋10:30am人流較少，地方寬敞又新派的意樂。早餐大大份，價錢經濟。因不是煩忙時段又可以坐耐小小的地方特別優閒，啱哂講解保單內容。叫咗個茄湯流心胆野菌通粉。湯底好味冇乜味精，飲晒之後都冇口渴的感覺。朋友叫兩大份厚多士，有双旦及餐肉的早餐，夠晒男士食飽去開工。員工也肯幫手落單兼有禮貌提示轉特飲要加錢，讚！其實如果想乾濕兩吃可選期間限定，有牛角包炒蛋及細份火腿通粉，賣相不錯，下次再試！

勁差勁差, 我唔係免費, 為乜要受佢氣, 簡直垃圾不如的餐廳, 快些執就好大大聲對客, 要紅湯就比白湯, 就話冇紅湯, 問都唔問客人會否接受水都唔比, 、水壺又冇, 即係點, 舉手10多分鐘冇人理, 今時今日真係未見過咁差。

連鎖快餐店在杏花新城的新開，一家四口👨‍👩‍👧‍👧過嚟試吓。芝士白汁煙肉焗西蘭花🥦MOMO Pizza：配料唔錯，但餅底唔得。帆立貝海鮮🦞汁意大利飯：好麻麻，啲海鮮全部急凍冇乜鮮味。香草雞扒滑蛋蓋飯：order的食物中最好食係佢。雞扒醃得入味，同滑蛋及蒜蓉汁幾夾。黑松露煙肉菌王意大利飯：好普通，食完完全無曬印象😅柚子芝麻蜜糖雞翼：雞翼太乾，難食。凍檸檬茶係將🍋打碎，好好飲，好大杯。👍👍唔吸引，但一試無妨，杯凍🍋茶真係好好飲。

上菜勁慢 11點九落單 十二點先上第一碟意粉 食左五分鐘都未上第二碟 要叫人追單 終於十二點二先炒埋碟烏冬出黎 之前兜意粉都已經食完前後25分鐘先上齊菜 仲同人講係快餐店？招呼差邊落單邊接門口d客 講下斷下咁落兩樣野都落幾分鐘侍應同我講人多 人多做唔設同老細講 同我講做乜 ？你接得個客就預咗架喇食物差 份量少賣相差我算（快餐店）丫嗎老味連味道都差 好似冇錢買鹽 淡到生理鹽水咁講真呢間野真係樓上大家樂都不如同場隔離枱就醒目 一睇就知老顧客一家三口帶埋麥當勞入嚟食 又拎碗又拎匙羹 終於食晒個麥當勞就開始上菜喇

杏花邨終於有真正嘅食府！之前特登出筲箕灣先有得食，一直都非常之鍾意食，竟然開到嚟杏花邨！打破係杏花邨其他食肆黑孖孖嘅格局！裝修燈火有型有款有心思！喺度食嘢零舍開胃！當然要大力支持！最鍾意係佢嘅鰻魚炒飯！用嘅珍珠米真係頂呱呱，食過返尋味！成日呢度大排長龍，唔想等嘅話可以選擇外賣自取！早餐午餐下午茶晚餐全部喺度嗌都可以！同佢連住同一個舖頭嗰間雞店都非常好食，兩間嘢夾埋中西合璧認真講真係有啲擔心其他嘅食肆，杏花邨終於有真正嘅食府啦！

杏花邨實在太多麵店😑，食物選擇不多，生酮友真係冇啖好食😞。九月開咗間有牛扒食既意樂，生酮友終於有得揀👍！第一次食意樂，午餐既美國安格斯牛扒定食不錯！份量足料件扒又夠冧，淨係食件扒都夠飽，(白飯同湯俾咗非生酮朋友加料)。杯熱檸檬茶🍋都好飲，唔放糖都唔會有苦澀味～