意樂餐廳 (翠屏(北)商場)

营业中

休息中

今日做完野番屋企途中求其搵咗間餐廳食，以為都係食返啲平常嘢，估唔到今日有新嘢食。我自己點咗個青醬大蝦鮮管意粉，第一次見呢種意粉，上枱嗰吓以為係烏冬，睇清楚啲原來中間有個細細地嘅窿。食落去幾有嚼口，不過啲麵煮得唔太耐，有一啲偏硬。但係個青醬好好食，整體感覺都好fresh，值得一試😋

早餐：👌🏻牛角包🥐夠脆、夾蛋食一流👌🏻雜菌炒蛋菇味濃、唔係好多油👌🏻無糖蛋白麥皮火腿通免費換，真係無糖正！👌🏻檸檬茶夠濃，中意溝埋檸汁多過比檸檬我

難得早左起身，唔使咁趕時間，一於慢慢食個早餐先上班去！屋企過去<意樂>只需要一分鐘左右，係方便的，加上在這個屋邨來說，<意樂>是比較坐得最舒服，店舖比較乾淨！但服務員做野比較慢，如果係堂食會比較好啲，外賣就等到比較耐，試過幾次，打定電話自取，落到來都要等20分鐘🥲試過食過早，午餐，下午茶，晚餐，係早餐&下午茶比較好，午餐&晚餐就比較普通之外，兼唔係咁好食！早餐：火腿雞蛋三文治（本身已烘底）麵包厚身，外皮烘到金黃色，雞蛋好滑👍

連鎖式快餐店。內部環境簡潔舒服，座椅較硬，冷氣足夠。松露野菌汁雞扒焗珍珠飯58元。松露氣味香，野菌汁香濃，雞扒肉嫩但雞味淡，白飯軟硬適中，飯內含有頗多炒蛋粒。加3元可轉凍飲，凍利賓納味道正常。總結：食物味道尚可

1/5~19:15外賣一個鰻魚炒珍珠飯, 等了20分鐘, 入餐廳問職員先至有. 外賣不合理超慢, 一個飯要等20分鐘, 另外餐廳裏面唔多人, 唔明點解要等咁耐, 下次唔會再幫襯.

豬扒包賣相唔錯，炸雞同薯條真的很難食阿！！炸到表面黑曬，服務又真的一般！！！食物品質難食！！服務差！！！真的不敢再幫襯下一次了，上野飲仲上錯咗添，不過屋邨嘅鋪頭係咁架啦！

今日中午去食飯，門口（收銀）職員好好招呼，但入座後職員系隔離但你叫佢系冇人認的，點咗2個餐，牛肉丼飯早早上咗，但食食下發現有蛋殻，同職員反映只得：哦，唔好意思。就冇喇，仲急急腳行開喇。挑咗塊蛋殻出黎，但有幾啖飯聽到有颯颯聲，懷疑都系有小蛋殻。之後等另一個牛肉炒鳥冬，叫咗好幾次職員都冇人理（同個職員相隔唔超過3米距離），等到個牛肉丼飯凍咗，都未上，之後食咗一半時至上，但個鳥冬上黎時都唔熱辣辣嘅，得少少暖暖地，2杯熱柚子蜜就熱喇！！！

以後不會再去！今天中午帶住兩個小朋友安排入座，見到有卡位想安排一下，職員問我是否好想坐？並跟我說卡位係兩個人坐一邊的， 於是安排一張出邊兩個位入邊半個位嘅位置給我，我唯有安排兩位小朋友坐在走廊位置，但是後入座嘅客人只是兩個成人也可以坐卡位。不得奇解！就係因為職員安排嘅枱覺得對小朋友有些危險先問可否安排卡位，反正卡位無人坐的， 正正午餐時間明白比較繁忙， 所以先顧及很多熱水熱湯在走廊來往， 有些擔心小朋友。當中送餐也送錯旁邊枱，比錢也更是沒有反應。第一次體驗真是很差。

我見新聞左間意樂咪諗住去試下叫左個外賣 等好耐都未有都算了重點係好難食呢個係蕃茄通心粉 配蛋同野菌份量係好夠但個湯底無蕃茄味 仲要隻蛋好唔新鮮咁啲通粉仲要痴埋一舊舊好難入口姐唔會再幫襯

今次回頭再試意樂，叫左個龍蝦湯海鮮扁意粉。賣相ok, 不過龍蝦湯望落係冇煙出嘅，但飲落俾望落更加熱，點解會咁呢？應該係因為個湯比較油少少，所以啲熱氣走唔到，大家要小心啲。 基本上成個龍蝦湯的色水都好夠，但飲落就完完全全無龍蝦味🤣🤣🤣 海鮮都係急凍貨，但隻蝦都幾彈牙，唔錯。扁意粉就都係咁，無咩特別好寫。 唯一係記得唔好著淺色衫，啲湯彈到周圍都係。

話說最近觀塘翠屏開左一間意樂，於是就去試下。 可能大家唔熟觀塘的翠屏，同大家介紹番。翠屏係一個冇大商場的舊式屋邨，基本上餐廳嘅數目寥寥可數，如果住得耐嘅話，基本上食物嘅選擇係冇乜嘅。 而且可能區內嘅老人家比較多，所以中式餐廳或者食物就會比較多，區內亦都係欠缺一間西餐廳，而意樂今次嘅開張就令區內有返一間大家期待已久，而且比較似樣嘅西餐廳。 相信區內嘅市民同埋返工嘅人都期待咗好耐喇，點解會咁講呢？就係因為開業到而家基本上每一日都係爆滿嘅。 今次我就係晚市叫咗個雞扒滑蛋配茄汁飯， 咁本身呢個飯呢係跟蒜蓉汁嘅但係由於我唔係好鍾意食蒜蓉所以就要求店員改咗番茄汁。店員都好好幫我改左。 呢個飯就53蚊，唔跟任何嘢飲同餐湯，而且我今次係叫外賣，所以感覺上個飯出到嚟，就比較普通。雞扒不過不失，都係用扒爐煎出嚟，調味唔錯雞扒亦都有肉汁，但係就唔好期望有脆邊呢啲嘢啦。個蛋都值得一讚，因為本身係叫外賣所以都預咗佢比較老，但係出到嚟都幾嫩滑有啲驚喜。茄汁酸甜適中，都係普通茶餐廳食到嗰種啦，唯一要讚既係份量夠多，夠撈飯。飯就爭少少，係普通白飯，而且比較淋身。

啲椅同百份百一樣架，有個黑黑哋既坐位，裏面都幾大，早餐同百份百都幾似，午餐個西冷今日冇，未試到；焗飯飯餸分開上，幾好，唔使咁多汁咁邪惡，但個木板較淺，枱亦細，食時會驚啲牛腩碌落嚟