意樂餐廳 (黃大仙中心南館)

营业中

休息中

20:50入去食，諗住快快食就走返屋企休息，都唔想阻到大家，點知服務變得咁差。落好單就等食，啲嘢食都上得快，因為以前有食開，對餐廳食物質素都好有信心。食到一半途中。21:30就開始拖地，重點係仲有幾枱客食緊嘢，並唔係得我一個，甚至有部分人係啱啱開始食，可想而知要一路食飯一路聞住啲拖地水味係幾慘，而且職員係拖到個地係超級濕，除咗客人嘅座位外都好盡力地拖濕晒，走廊位置無一例外。其實佢哋想趕客拖地都唔一定要拖曬全部嘅地，唔應該拖到客人要離開嘅走道，咁咪會變相客人走唔到？因為唔會想行一個危險嘅路。而當我等緊地下乾咗我先行，佢哋就俾咗單我，示意我離開。其實我唔係唔想走而係個地濕到我行唔到😅我會企佢哋角度諗想快啲收工，但佢哋有冇係我角度諗過，我離開唔到係因為你哋拖濕個地。。。下面會有圖片俾大家睇個地嘅情況(已經等咗10分鍾，但個地都係咁濕。)因為時間已經嚟到21:50左右，我就去埋單並同職員反映問題，但收銀眼鏡男職員一啲反應都無，感覺一早知有問題但唔想多理會，一啲反應都無，面無表情左耳入右耳出，不當一回事，令我覺得不受尊重，雖然晚餐並唔係貴亦都唔係平，但我受咁嘅服務實在令我覺得不值得。我希望黃大仙

今日中午唔知食乜，見到尼間幾多人入去試下。食落都幾贊~#鴨脾意粉個鴨脾好大個，勁多肉，煎得又香，食落啖啖肉，下次仲要點#雞翼同以前食既奧爾良味，豉油味都唔一樣，竟然有柚子蜜，食落甜甜地，我好鐘意。#芥蘭 第一次食甘長既芥蘭，又嫩又脆，勁好味，平時唔點樣鐘意食蔬菜，尼次真系食曬成碟芥蘭。

在熊貓訂了外送，其實就算用了優惠也不太值得這錢，可能是我自己價值觀吧包裝很好的，也很熱喔！巧克力也很濃，雞翼都好好吃炸雞很不錯的，芝士包裝特別飯的話，不夠大吧，也沒感覺是珍珠米，可能我自己吃太急，然後硬把他們分開2-3餐吧，不想一個餐就吃完差不多100元全部吧，就如果一次吃完不太划算如果這價錢，做到像波仔的豬扒去骨就好了老實講，其實本身沒要下單，但app他就送出了説現付⋯⋯本來以為可以選電子付，差點去銀行拿現金了幸好家裡有

一個人的lunchLunch set，主食+飲品，大眾化價錢，今次嗌咗黑松露烤雞意大利飯+凍拖肥果仁奶泡拿鐵，除咗熱飲唔使加錢，竟然呢杯凍飲都唔使加錢，天氣炎熱，要一杯試吓，呢個餐嚟講係抵食嘅。黑松露烤雞意大利飯 - 有烤雞件和菇菌，味道不俗，最奇怪係加入扁豆凍拖肥果仁奶泡拿鐵 - 奶味比較重，咖啡味唔夠出，飲唔出拖肥和果仁味

呢間食過兩三次到隔好一排先食每次都叫唔同野食大多數都係叫意粉/烏冬類再加啲小食…雖然裝修上係幾ok但價錢同味道唔對等…因為其實啲食物都幾難食…講唔出係咩問題…但啲味道好唔夾唔會再幫襯🫨

今日同daddy mummy 食下午茶，爸爸要咗個煙肉雞炒飯，我就要咗龍蝦湯漢堡扒溫泉蛋通粉配蒜香牛油多士，呢個加$6可以轉香脆牛角酥。我誤會咗以為烘底多士係會好多油。但之後媽媽同我講烘底啲蛋白質先至會被吸收先會少啲油。我們都覺得餐廳位置非常舒服。而且新出咗一種飲品全天然椰子奶。我就要咗粒粒羅勒奇。亞籽佢寫住高質消化（coconut milk basil + chia seeds zero add sugar）。今日媽媽本來食齋後來，就要咗個蕃茄濃湯米粉，火腿就俾我。爸爸好似好鍾意嗰個炒飯，媽媽見到佢哋有呢個碎蛋粟米牛角酥，下次有興趣再叫。

🫰🫰😗呢間連鎖店應該好多人都會食過，不過我真係好幾年先會食一次，係有時想食翻佢個飯先會入黎食🥰事實上選擇太多了 佢又唔算超出色，只係勝在方便🙆🏻‍♂️:⭐️自選雙拼·意大利蕃茄濃湯通粉 $38蕃茄明顯食得出唔係用新鮮蕃茄整，係用茄膏溝既湯底，所以比較酸🥱不過呢個價錢都無得挑剔啲咩😌其他都正正常常😉🔹芝麻照燒雞粒炒珍珠飯 $45呢個雞飯由細個屋企人帶我食到依家🤣其實唔係話有咩咁特別，但佢真係整得好香，應該有落到麻油，加上佢個雞同菇都有炒香，所以呢個係我勁鍾意食💓💓🗣️熱奶茶就不過不失啦，不過檸檬茶真係唔！好！飲！唔知溝咗咩嘅紅茶，最重要係飲檸檬茶冇檸檬，呢個係敗筆🥱

入到去叫左職員A落單，但等了15-20分鐘都未到餐，叫了職員B問，佢一句聲都未講就放低張掃code紙，我哋再搵職C員問，佢話搵唔到有落單記錄，即係開頭果位職員A冇幫我哋落到單，然後職員C叫我哋自己掃code落單，最後用搞左成個鐘先用膳，問題係入座時跟本冇人比落單紙我哋，又冇人講係掃code落單，開頭果職員A仲有扮幫我哋落單，真係好差，另外亦留意到D職員不停上錯野，又倒瀉野，仲好意思收人服務費，呢間貼錢買難受👎🏻

初三同屋企人去黃大仙拜神，之後見到itamomo 下午茶好多人排隊，價錢都係$40-50左右，叫左焗肉醬意粉，上黎熱辣辣，麪質係扁意粉，肉醬濃郁，有好多肉碎、芝士、洋蔥同紅豆粒，超夠飽

係商場隨便搵嘢食，本來以為係普通餐廳，點知食落都幾有驚喜 跟餐都會有湯，有紅湯同白湯揀，果陣無晒紅湯得返白湯餐具好可愛啊!!湯入面有栗米、紅蘿蔔、蘑菇，都幾足料 和風黑椒豬扒炒讚岐烏冬 $72幾有鑊氣，烏冬好份味但又唔會炒到太淋或者太乾身雞扒煎到好香，皮都好脆口 鐵板芝士盛薈 $95配黑椒汁、薯菜，跟餐凍飲+$3嗌咗凍特濃朱古力有豬扒、雞扒、脆皮芝士腸、煙肉中上嘅什扒，不過咩都有得食好滿足，同埋加咗芝士好特別薯條好脆好好食 跟主食再加咗一份半融芝士炸雞 +$32 實物有小小奇貌不揚，但食落真係有驚喜芝士好濃，炸雞好脆口好好味食到最後都仲係熱焫焫!MVP嘅朱古力我本來以為只係普通茶記嘅味無咩期待，個樣望落已經唔錯，味道亦都唔錯，好濃郁啊 裝修都好靚，座位都多不過就相對比較窄，依度差小小平日夜晚都好多人坐滿晒上菜都算快，係鐵板同埋焗飯類就要等耐小小

下午茶都幾平但食完之後即刻肚痛用手機落單都可以漏單叫左兩個餐淨係黎一個催左3次每次有唔同侍應應左我但都係冇黎因為肚痛既關係同佢地講取消就黎啦咁就打算外賣走等左半粒鐘外賣都未整好我都就瀨啦🫠🫠出去睇下咩情況原來個侍應拎住我個餐去遊街岩岩遊完番黎比我見到話即刻包比我🙄去邊度遊可以遊半粒鐘？我遊魂都番左黎啦🙄之後我就話唔要啦衝去廁所一句道歉小小唔好意思都冇仲要黑我面有藉口解釋如果想瘦，想肚屙，想受氣既話食佢我比100分請咁多侍應番黎都唔知做咩可能請番黎負責遊魂既

作為黃大仙街坊，裝修後再來光顧一下意大利餐廳，結果大失所望，先講座位，抬又窄，櫈又硬，坐到屁股痛，叫了個焗肉醬意粉，好咸，芝士少得很，汁好似水，杯凍檸茶先攞你命，我叫少甜，黎到飲啖甜到死，發覺唔係檸檬茶，而係柑桔檸檬冲出黎嗰種，係超市賣幾十蚊可冲過百杯，真係而家啲人呃得就呃，連檸茶都假，總括黎講，食物質數差，地方坐得唔舒服，(叫你食完快走)，價錢貴左，完全唔合格，作為街坊，告別了，以後唔會再幫襯。

放lunch 嘅時候，都唔使點樣排隊就可以直接入。餐牌嘅選擇感覺多過之前，一入去就俾蝶豆花奶蓋同埋千層麵吸引咗視線，於是決定試一試佢，結果都幾好食，但建議千層麵可以簿啲～至於蝶豆花奶蓋雖然價錢平，但下次開始唔會再飲，因為感覺同普通動朱古力奶冇咩分別😯

今日翻工前去意樂食個早餐，今日都唔算話好肚餓，所以就叫左呢個double煎焗流心蛋配蒜香包餐。個餐就有兩塊蒜蓉味方包，方包嘅質地唔會話太硬，為邊個部份就比較脆少少，中間都軟身，識落都好有蒜蓉味。煎蛋部份都做得幾好，因為我叫嗰個係流心蛋，所以切開嘅時候都會有少量嘅蛋黃流出黎，快餐店嘅早餐嚟講我就接受㗎。唯一要改善嘅地方就係今日嘅火腿煎得比較窿，希望下次唔好咁窿啦，如果鍾意食健康啲嘅可能係落order嘅時候就要提職員幫你同廚房講聲。

早上8時半入座，直入無需等，場內只有少於一半入座率。掃code點餐留意實際付款以悵單為實；因為我發現落單時飲品計正價，即叫人查問，才知襟入查詢帳單才會見到分別，大家要留意！早餐有少許沙律菜，蛋夠滑，唯獨牛角包唔脆，有點失色，通粉就不是有坑紋的，但都算有咬口。飲品揀熱菜蜜，味道不過不失，夠熱！