意粉屋 (荃灣廣場)

营业中

休息中

因為見無咩人等位，所以就去了食。食物整體不錯，夠熱同埋好多芝士，服務員起初都很熱心，加水。但係食到一半，一名女服務員就不停問我地食完未要收走Ｄ碟，眼看四方有５—６空桌，當時７點未到，不知為何急什麼，同女服務員講左一陣先收，　點知３分鍾後又黎問，最後佢都熱心地收曬我地Ｄ碟（未食曬）同餐具，得返一碟未食曬的餸，但餐具都俾佢收曬，所以都無食就走左，最後食左３０分鐘就食完。

由細到大都識開呢間意粉屋，屋企人永遠帶我嚟到呢度都係食卡邦尼意粉，永遠都唔會令人失望嘅意粉，服務環境一流，真心推介。另外會推介炸洋蔥圈，呢個炸物係必點之選，價錢平👍🏻

剛去到，女侍應非常貼心地問是否要暖水以及好人地話可換枱，換光猛啲嘅地方。之後因為我肚餓，所以我很快就下了單，值得一贊既係幾分鐘就上了主菜，蟹肉温泉蛋扁意粉。扁意粉🍝既口感不錯，有嚼口，意粉也有非常濃郁嘅蟹肉味。叫了杯熱朱古力，味道不過不失，而甜品凍餅更是一般。不過好在佢見我地兩個人也給四人枱我哋坐，確實坐得幾舒服。

野食真係依然非常有水準。一開始服務態度都很 OK。我哋因有兩車要分單，佢哋都樂意幫忙。企門口位哥哥亦係一開始都OK。但間中佢經過都見到佢會嬲怒嘅表情，真係呢個咁上下㗎喎。其實起因都係我地衰先嘅。我地呢班好耐冇見嘅青梅竹馬嗲唔斷氣，見仲有2張枱就冇話埋單即走。 嬲嬲哥就話佢哋要刪門。咁我地即話唔好意思，而且係即走。 嗱，我坐喺對面睇得好清楚，見到佢講完刪門果下，佢拎轉面即刻樣 + 唧喎。唉，你唧同黑面係可以，但唔好馬上喺啲客面前做嘛。

好多年無食過意粉屋，今次想試下芝士火鍋，座位環境都好舒服。夜晚7點05分入座，7點20分落單，芝士火鍋7點50幾分上，可能有d餓，感覺等有d耐，哈哈。第一啖覺得好香濃芝士，覺得無乜咸蛋黃味，又試2啖，侍應黎左原來上錯左，俾左經典芝士，好好人即刻換左咸蛋黃芝士，咁就試左2種口味！見到牛肉配菜上左，仲諗緊2個人會唔會唔夠飽，因為睇落有d少，點知最後腬到想嘔，飽上心口，成餐飯我覺得好咸，火腿已好咸，咸蛋芝士又咸(有d後悔換走經典芝士，哈哈)，如果平時食得清淡既人，應該會唔太鐘意，但經典芝士我覺得係正既！係等餐個陣，見到隔離枱叫既肉醬意粉，燒雞全部睇落好吸引，下次都會想試下。。飲品叫左熱Oreo朱古力，但飲落一d都唔熱，暖都無，常溫咁，但個味係好飲。。牛油果青瓜冰沙好正，唔甜好清新口感！覺得可以再光襯，試其他野，自己平時食得淡，所以叫錯食物應該。哈哈！另外，侍應服務態度都好好

由於每星期六都必定會外出食飯，所以都會搵一啲有bb櫈嘅餐廳嚟食，1嚟唔使抱住食咁辛苦，2嚟一家人開開心心食飯係最好不過。見太耐無食過意粉屋就去試下啦，估唔到服務唔錯，專登安排我哋坐最入面位置，因為有bb櫈關於，所以坐位安排上值得一讚，介紹食物同事亦好仔細，但因為我哋2個人嘅關係，食物方面都只係叫咗1個白油蜆肉扁意粉，燒雞，魷魚圈同2杯期限飲品，整體食物質素方面，我意粉同雞值得推薦，魷魚圈就必須一定要配醬先好食，飲品方面，用幾款唔同水果打至果蓉汁，好味😋道，呢一餐飯我哋都食得好飽。

很開心，發現荃灣廣場開咗意粉屋，重臨荃灣！以前細個成日同屋企人去荃灣千色店隔離嗰間意粉屋食，嗰到無咗後都好似無食過。今次家人生日決定嚟重拾回憶環境位置： 3.5/5 座位寬敞舒適，乾淨，環境優美從前意粉畫作掛在牆上，很有象徵性現時轉為優雅西餐廳 都不錯 不過少了特色位置方面，第一次未算十分容易發現而去商場廁所都算近 整體還好服務：4/5其他同事服務正常，但副經理 Milk 先生服務非常好，令人眼前一亮！有笑容，細心體貼。Milk 先生會主動與客人了解需要，積極介紹意粉屋產品及優惠。見到我們影相，又會主動提出幫我與家人合照食物：3.5/5食物食材望落新鮮個人覺得味道還好吧 雖未算有令人驚嘆的美味 但都是可以的食物份量很大份三個人食超飽 （2 女 1 男）不錯👍🏻 下次會再來！

雖然今次無影食物相，要讚嘅都唔係食物。今次真心想讚呢間舖嘅staff, 服務態度好好，好有耐性，好有禮貌。p.s.一個戴眼鏡嘅男仔同一個紮辮嘅女仔，佢哋都好有禮貌👍🏻👍🏻

今日同朋友去荃灣睇戲，之後就去左荃灣廣場搵正野食，因為同朋友都好耐冇食過意粉屋，所以就決定揀佢，我哋order左芝士焗煙火腿煙斗粉$138(呢個真係好味到不得了，芝士味好濃，配咗厚切嘅火腿，口感好實在，煙斗粉又好味😋)，跟住仲order左個忌廉菠菜田螺薯蓉$68(6隻田螺配好軟滑嘅薯蓉😋，因為用左忌廉打嘅關係所以特別軟熟)，仲有醬燒豬仔骨薯條菠蘿$298(份量都好多，豬仔骨醃得好入味質感好淋😋)，朱古力雪糕鮮奶咖啡$55(朱古力味係濃過咖啡味，因為加左雪糕所以都好滑，都幾好味😋)宇治抹茶鮮奶$48(普通冇乜特別，綠茶味5夠濃，對我地d綠茶控泥講係有d失望😔)，至於座位都可以接受，但係5可以話太舒適😔，整體泥講食物質素係比以前進步左☺️

意粉屋喺新城市廣場咁多年都冇執笠唔係冇原因，午餐真係超大份超抵食！讓我驚艷的美味菜餚- 溫泉蛋忌廉蘑菇意粉。首先，讓我們來談談這道意粉的外觀。這碗意粉擺盤精美，將蘑菇和意粉巧妙地搭配在一起，色彩相當吸引人。意粉上面灑滿了新鮮的香菜碎和黑胡椒粉，讓整個菜餚更加豐富多元。接著，在品嚐這道菜餚時，我被溫泉蛋忌廉的滑順口感所征服。溫泉蛋外層煮得剛剛好，切開後，蛋黃慢慢流出，和忌廉一起混合，給予整個菜餚更多的濃郁質感。蛋黃的濃厚味道和忌廉的滑順口感相互融合，真是令人垂涎欲滴。此外，這道意粉的蘑菇風味十分鮮明。新鮮的蘑菇切成薄片，搭配適中的火候，完美地保留了它們的彈性和鮮味。

They don't have a high score here, so adding my positive add oil.Went lunch few times now, the food quite edible compared to years ago in general.  Had the set lunches and were fine for the price point.  Reasonable portion size, drinks were fineice etc.Decor is good and clean and spacious.  Staff well mannered and helpful.

這是一間我遺棄了最少五年的餐廳。以前在鑽石山的餐廳套餐難吃又貴。昨天下午經過荃灣Plaza，想吃一個下午茶。見到裝修改了。人又不多便試試。下午茶餐連湯也要100多元其實不便宜。酥皮海鮮湯有大大塊的蝦肉和頗多蜆肉也夠熱，滿意。值得一提的是貢多拉火箭菜蛋沙律火腿三文治，無改錯名，果然似貢多拉。烘底的麵包香脆，火腿及蛋沙律也好味。吃時當然不能整條貢多用手拿逐吋吸入口，要斯文地用刀叉切開一塊塊來吃。最後凍咖啡合格但沒驚喜。但喜歡紙飲管加木棍。坦白說，紙飲管浸得耐會軟，有支木棍攪溶冰塊實在是好得多。這點細節好多餐廳也沒留意。人不多，服務也到位。值得下次再來。

上星期日攞咗9折coupon，今個星期再一家人👨‍👩‍👧‍👧去意粉🍝屋食lunch,攞咗飛等10分鐘就入，安排咗門口位放到BB車QR code落單，叫咗雞肉香草🌿忌廉汁意粉🍝、芝士牛肉煙肉蛋漢堡配薯條🍟、酥皮磨菇忌廉湯、西班牙🇪🇸白毛豬風乾火腿配蜜瓜、凍檸茶同熱啡西班牙🇪🇸白毛豬風乾火腿配蜜瓜,加$15，今次叫咗走醋，好清爽，開胃酥皮磨菇忌廉湯，湯🥣加$15，酥皮加$18，酥皮新鮮熱辣辣正，好鬆化，磨菇湯好足料，正，包係黑糖包雞肉香草🌿忌廉汁意粉🍝，一般芝士牛肉煙肉蛋漢堡配薯條🍟，好大份，太陽🌞蛋正，飽皮正凍檸茶大杯熱啡啡味重，奶自己落食完再送9折coupon

星期日姐姐🧍‍♀️放假，一家人👨‍👩‍👧‍👧出去食lunch，因為有9折coupon所以揀意粉🍝屋去到意粉🍝屋要攞飛等位，大約10分鐘就有位，要求放BB車，及大囡陳皮妹要BB櫈電子QR code落單，叫咗千島樂園板板薄餅（$108）同雞肉香草🌿忌廉汁意粉🍝（$98），加酥皮忌廉湯（$15湯+$18酥皮）同西班牙🇪🇸白毛豬風乾火腿配蜜瓜（$15），飲凍檸茶（$0）同熱啡（$0）西班牙🇪🇸白毛豬風乾火腿配蜜瓜,加$15，原本落咗醋，我叫職員👩‍💼換返冇醋都ok，正😄酥皮磨菇忌廉湯，湯🥣加$15，酥皮加$18，酥皮新鮮熱辣辣正，好鬆化，磨菇湯好足料，正包，隨湯附送，可惜冇牛油🧈雞肉香草🌿忌廉汁意粉🍝，一般千島樂園板板薄餅，新鮮焗出，熱🔥辣辣又脆，菠蘿🍍正，可借千島醬太多，本人不好酸凍檸茶，餐飲免費🆓熱啡，啡味濃，苦，要落糖食完再送多張9折coupon,抵食

今日心血來潮好想食芝士火鍋，除咗意粉屋同尖沙咀嗰間諗唔到邊度有，出發去荃灣廣場分店試吓，芝士火鍋分別有兩個餐，就係個前菜冷盤唔同。最後我哋揀咗488嗰個餐兩個人，煙三文魚沙律+凍肉冷盤擺盤都好靚，主角登場芝士火鍋見到好開心😝😝個芝士味唔係好濃反而覺得好似好多忌廉，嗰個迷你油炸鬼同個火鍋真係唔係好夾，牛肉丸唔好食，麵包同西蘭花好味，啡菇一百分，開頭仲驚唔夠食，點知大食嘅我哋竟然食唔晒，因為始終有啲膩，埋單530幾蚊，每人二百幾得閒過下瘾都幾開心，坐咗好耐店員都冇話趕我哋走，仲好有禮貌