意粉廚房

营业中

休息中

這間餐廳位於地庫，若不是地面放了一塊廣告板，行人很容易錯過。來到入口有少許突然，裝修有點殘舊，黃綠的牆身，白色地磚及中式酒樓餐椅，真的格格不入，更可說是有點趕人的感覺。但既然一場來到，還是試一下廚師的手藝吧。名字開宗名義說明其特色，因此，不管餐牌上的飯類還是扒類，我決定點一客松露油帶子波菜麵。午餐價錢已包了自助餐湯及餐飲。中西餐湯各一，西式是忌廉蘑菇湯，一貫大路西湯；中式是西洋菜煲瘦肉，說是無添加老火湯，理所當然選取後者。嚐了一口，味道除西洋菜的獨特菜味外還透著一點羅漢果的甘甜，不錯！松露油帶子波菜麵上碟時賣相不俗，松露油很香，麵條亦是ＡＬ　ＤＥＮＴＥ，但可惜忌廉汁略為過淡，帶子灑了太多鹽，令整碟意大利麵失色了。由１２點到１點，客人只有７成......說真的，做食物必需色香味兼顧才能吸引顧客回頭再訪；而光淨清新的環境更是能改善環境本質上的不足。

米芝蓮啱啱公布最新名單，其中有幾間都食過，但講真其實覺得只係普普通通，不過口味嘅嘢，無準則的，而作為一個土生土長香港人，就確係最鍾意食有「港式」味道嘅西餐：即係唔會好似有D西餐咁扮晒嘢，配菜花巧好睇唔好食；主菜細到爆，根本唔係一個正常大人嘅份量；仲有果種重「色」多過「味」嘢，就更加係唔理想。早排去過一間尖沙咀ＸＸ酒店入面間意粉廚房，就覺得有唔錯嘅「港式」味道，好啱口味，加上就腳，近一個月都去過幾次，講真，西餐選擇從來都唔算多，但正常海鮮牛豬同素食都有齊，而且醬汁都相當好味，可見廚房係落過心機，而且有不同特色，個人就最鍾意蛋汁煙肉磨菇意粉，意粉彈牙, 醬汁加蘑菇超正! 係好味到會食晒果種。當然，成日食嘅另一個原因就係價錢公道，尤其係響尖沙咀旺區，同坐得舒服，消費和服務值得推介一試。

今晚無意間試左間餐廳，都幾OK。LE 間餐廳全部都係SELL PASTA，無限任添野DRINK AND 配菜。最緊要係QUIET，我同我朋友可以傾計無限時。其實D PASTA 真係無咩特別，不過個環境真係好舒適。

做我們零售行業，真係打風落兩鄢無行休息。那! 又八號玻。截耍開門做生意。最死就係無餐廳開門。午飯真係要食杯面。好彩我知我們舖頭附近那酒店地庫間餐廳會照開，講起間餐廳事實低食，五六十左右有餐好，有湯有包任食。茶啡又任飲。但只得食意粉無飯。但他們份量和味道不錯。算公道。今次見打風，舖頭無客，早啲蛇出來食。叫咗個香煎大蝦配野菌意粉。幾好味又大碟。唔錯。但唔好次次打風先記起去食

本來打算去食拉麵，途經見到呢間野就入左去食。門面唔算吸引，但見到餐牌已經有小驚喜，平均一個餐只係七、八十幾蚊，跟湯、飲品同包，係尖沙咀有呢個價錢實在係驚喜價！湯同飲品仲要係任飲！自助湯有誠意既中湯，足料，有濃濃既香味（我估係章魚）。一間西餐廳有咁既質素真係估唔到。自助飲品帶子波菜麵（唔太記得） 唔太膩，帶子爽口，唔錯。茄汁海鮮意粉，我個人好鐘意食！意粉同醬汁應該有一齊煮過，而唔係就咁撈埋。意粉好入味，唔會太酸。海鮮好足料，有成四隻青口，三、四隻蝦，蝦同魷魚都好彈牙，青口香，大愛！唯獨個魚柳無咩味，但整體我好鐘意。

終於如願相約到2位朋友出來飯聚，要揀好地點、不限時、不肥膩、選擇合乎我們三人的口味，便挑了3間給她們作最後決定，得出結果是這裡，早兩天打電話預訂了。來到時只有兩位客人，我們7時就到了，一直再沒有客人到，那兩位客人大約8時便離開了，剩下我們三人，可以盡情聊天。我們分別點了三個餐，一起分享，餐湯和餐飲是自助形式無限添飲，不過如果有沙律吧更好!是晚有兩款餐湯- 西蘭花忌廉湯 和 中湯（忘記了名，好似是沙參玉竹，不過不肯定）我們都覺得這個中湯不錯，頗鮮甜，差不多完場時還舀了2啖西蘭花忌廉湯，都不錯，夠味和滑~餐包無特別，好耐無吃這種餐包，不太喜歡煙三文魚意粉-正常餐廳水準，幾好食，3人分感覺不會太膩！帶子菠菜麵-4粒帶子，煎得幾好，肉仍很滑，麵剛好彈牙，汁剛好所以上枱時要快點拌勻吃，否則會太乾~牛肋排意粉-紅酒味不重，牛肋條很腍，但未算很入味，粉脂肪，感覺啖啖肉，還不賴啦！(不知什麼原因上載n次去到預覽提交時都不見這個牛肋排意粉)三個餐都有磨菇，似乎非常喜歡利用這食材，我本身都喜歡磨菇，所以都不會覺得吃厭的由於太耐無見，掛住聊天，無影太多相，連餐牌都忘了影，只有一位服務員，他推介了幾款，而餐牌

小妹早前曾到訪一間以意粉為主題的餐廳，身邊老友向我推介Pasta Kitchen，聽落蠻有噱頭喎，於是坐言起行，約個周末孖住去食返個lunch. 環境都幾ROMANTIC~唔嘈~有音樂聽..店員送來餐牌，選擇的確不少，要花點時間慢慢細看。喚來紅酒燴牛肋條意粉。成品送上時即傳來一陣香，而且新鮮熱辣，還在不停冒煙，牛肋條超嫩, 一啲都唔"鞋"口, 仲去左大陪份既骨, 真係啱哂我依啲懶人, 個紅酒汁同雞+牛肋條都好夾, 好好味。先試一口意粉，麵條煮得軟硬適中. 極之惹味，即使沒有其他餸料也可以幹掉大半碟。食完已經好飽, 仲有杯餐飲。 整體服務好好, 食物心思又做到足, 印象相對比較深! 亦能見到廚師的用心。服務值得一讚。.

為了遷就响尖沙咀百利返工嘅朋友，俾我無意中發現呢間响嘉連威老道尾的餐廳本以為尖沙咀區價錢－定要成百幾元先食到個晏，点知俾我揾到呢度(除咗唔洗輪位，地方幽靜，价錢仲－百元都唔洗添),抵！！開始時重以為只有意粉，原來還有意大利飯，配我喜愛的龍蝦汁同海鮮除了主菜，仲配有中式或西式餐湯，餐包和果汁任斟任飲個意大利飯汁好香，Ｄ海鮮仲好好味呢個朋友仲話佢間唔中都會同同事黎呢度食晏，貪呢度唔洗等位喎

成班舊同學難我約食飯，最緊要易Book位易同可以坐耐D，又要味道唔可太差。去過尖沙咀間「意粉廚房」，都算優靜，於是就決定呢間。Book左係周五，人都唔算太多，環境優雅。意粉款式唔太多但大路, 各人都選到自己的喜好。 我和朋友選了香煎大蝦意粉配野菌，黑松露帶子波菜麵和三文魚意粉。朋友都贊意粉軟硬適中, 茨汁濃又夠撈曬D意粉, 好食! 還有中西餐湯, 餐茶任飲! 果晚傾得都好盡興，間野另一優點係唔貴，周五晚可任坐，一個人只係百多D，仲想點？>o<

由於今日下大雨Lunch Time同同事經過，收到傳單一看。見價錢$58點選左個拿破崙芝士火腿意粉，味道確實不錯。另外同事點的蛋汁煙肉磨菇意粉，試左一啖，味道也是不錯。餐湯和咖啡茶都是自助型式，確實方便快捷。

見到外面陽光普照, 天氣好好的一天, 心情靚靚,同朋友游完水，有點肚餓，行過路過覺得餐廳感覺幾岩我地，較優靜舒服於是決定入去一試！   我地order左香蒜大蝦意粉 ：2隻新鮮彈牙嘅大蝦，配埋意粉，驚喜在於個醬汁！用上橄欖油嘅真係夠晒健康！配合埋大蒜，呢個意粉真係夠晒香口！麵條煙韌香滑，炸蒜微鹹脆香，食落既簡單又不花巧，紮實味美。還有自助餐湯,咖啡或茶，今日係野菌磨菇湯，呢度餐湯並唔係一般罐頭忌廉湯，啖啖都係菇菌蓉，口感豐富。雖然今天以麵食為主，但幾款食物，都令人留下美好印象。有空的話，會再來翻兜。再來幫襯試下其他野，相信都不會令人失望。

早幾日lunch經過漆咸道, 見到有間叫最佳盛品酒店尖沙咀, 原來佢地庫有間餐廳叫意粉廚房。門口有張menu, 見d菜式都幾吸引, 有條樓梯落地庫又裝修得幾別緻, 就即管去試下。酒店黎講都算抵食呀, 幾十蚊就有交易。有成十幾款意粉,最後揀左個香煎大蝦意粉配野菌香蒜, 又唔錯喎, 大蝦冇雪藏味, 香蒜夠惹味。意粉唔會太腍, 有咬口。最抵既係餐湯同飲品都係自助形式, 鍾意飲幾多就幾多。喺附近番工又多一個食飯既選擇喇, 可以encore !

大熱天時，烈日當空，搵野食已經唔敢太高要求，最緊要係冷氣夠，但求舒舒服服食個晏。今日揀左間酒店入面嘅「意粉廚房」，午餐都算多人，但唔使畀人趕，價錢貴少少(相比於茶記)，其實都算十分唔錯。前幾日食得重口味左，今日決定揀個淡些少嘅黑松露油帶子波菜麵，貪自己響屋企一定唔會煮。個麵硬度適中，而份量十足，個汁就更加清清地，啱晒今日嘅口味，估唔到嘅係，帶子都有D「新鮮感」，唔似得有D食肆咁「粉狀」味，響食普通的西餐黎講，算得上係中上；混埋落個汁過, 而且餐湯, 餐飲任飲, 真係一個口味唔差嘅午餐。坐得舒適，食雖然未算招積，但亦已相對超值。睇黎呢個夏天，午餐食堂張List要加多間了。

星期五要搵地方食飯真係難過登天尤其是依家臨近母親節呢間酒店應該未聽過吧？ 你估唔到呢間酒店就係呢間餐廳嘅入口！我老婆最鍾意食意粉手做個隻所以啲so called意粉專門店我地都想試吓星期五入到裏面竟然計埋我哋只有三台睇返餐牌又唔係貴午餐60-＄70晚餐平均貴＄20但係＄100係絕對可以落樓呢度嘅咖啡或茶係自助嘅餐湯亦都係自助嘅我哋點完賽之後店員好快就送上兩個熱辣辣嘅餐包意粉屬於西餐湯方面佢有中湯同埋西式嘅蕃茄湯老實講個湯好難飲老實講意粉方面，就食唔出係手掣意粉架啦不過個軟硬度適中個汁就麻麻哋應該唔會再嚟如果真係要再嚟呢度嘅原因純粹係因為唔使排隊雖然唔會再嚟不過其實未到來講都係中間合格嘅唔係太差

好耐冇食過Pasta Kitchen了，和女朋友二人來這裡食個晚餐，因為6點半就去到了所以唔洗等位！，最後點了黑松露油帶子菠菜麵·        未食已經聞到好香，麵有韌度，証明有計時唔過軟，帶子煎得2面金黃, 表面帶焦香內裡仍能保持爽口嫩滑，不會煎得過熟，保存鮮味仲幾大隻，黑松露油配合得宜，覺得食得好健康！味道亦好夾呀！