意粉狂熱 (屯門時代廣場北翼)

营业中

休息中

近日為朋友慶祝生日，在openrice找到這間沒有負評的餐廳，所以就來試一試。餐廳雖然位於商場之中，但位置有一點難找，會不小心錯過了。餐廳門口不大，但店內空間不小，枱與枱的間隔也充足，不會有擠迫的感覺。裝修不華麗，但有一定氣氛，四人分到的卡座也很寬敞。餐點方面為意大利菜，即披薩、意粉、肉類，但比較像日式西餐廳的感覺。擺盤很出色，適合影相拍照。集團經營的餐廳，出品會有一定標準。味道因每個人口味不同而不作詳述。(請參考附圖📷）

晚餐嘅set好抵！但兩個人真係食得晒咩？9樣野，都係下次同大食嘅朋友再黎，今次係傾計嘅，坐成晚都無人理，張枱又勁大！最後散叫！手機app落單法式芝士洋蔥湯，超級熱！正！好多洋蔥碎咁，有咬口，好香洋蔥味，湯底都好濃！牛油果沙律，沙律有d果醋，好fresh又開胃，成半個牛油果！勁重本！仲有橙，好少食到沙律有用橙。北海道產豬扒芝士焗飯豬扒切好晒一塊塊，直接食，唔洗切咁呢hea, 好方便。豬好香，好鬆軟，勁多芝士！飯唔大兜，但勁熱！上枱仲滾緊d芝士。食完仲有quota食其他野。細細份最方便share!軟殼蟹配海膽忌廉汁鮮製意粉個意粉有刁草！係刁草！成件事高咗幾個level!!新鮮刁草兩大住啊！超好食！軟殼蟹雖然係炸，但唔係好油，啖啖肉咁食蟹！意粉好有咬口，個汁仲好食過carbonara, 感覺都係咁邪惡。

很久沒有帶女兒吃薄餅了，因為她完全是外國胃，什麼麵包米飯意粉薄餅全都喜歡吃，所以我們便約定今晚一起到市中心新開的意粉狂熱餐廳吃晚餐吧。餐廳裝橫簡約，面積挺大，而且有很多卡座，坐得亦舒服寬敞。服務員殷勤有禮，對於我們的提問都一一回答。我們點了一個二人套餐，價錢是318元，有九款食物，簡直是性價比高的套餐：餐湯：蘑菇湯和洋蔥湯都很惹味，而且材料十足，烹調絕不馬虎，和貴價西餐廳的餐湯有過之而無不及。沙拉：香草雞肉凱撒沙拉也很大份，燒雞肉有三件，新鮮的沙拉菜配上一些醬汁非常開胃。小食：秘製炸雞脆口入味，雖然不像KFC的大件，但味道特別，我覺得醃製方法比kfc的更好吃，所以吃完我們更點多一次小食拼盤，為的就是再品嚐這款秘製炸雞。主食：南瓜忌廉汁香草雞肉意粉，南瓜忌廉醬汁濃厚，可以包裹住每條扁意粉，雞肉也很美味，我們三人簡直一條不漏把它清盆。阿女點名必須叫這個黃金四重芝士披薩(配蜜糖)，因為她是芝士愛好者，可以吃厚厚的芝士披薩是一大滿足，披薩底是薄底，口感像中東口袋包的質地，芝士配上蜜糖很惹味呢！這個餐更有兩小個提拉米蘇甜品，口感一般，勝在能製做這頓晚餐完結的儀式感。另外，我們看見新推出的軟殼蟹系

其實已經係第2次黎2次都係食2人餐 大份抵食-好中意佢既蘑菇忌廉湯係真係有蘑菇碎喺入面前菜叫咗雞翼不過因為我唔太食雞翼 所以四隻入面有三隻都俾咗男朋友食上碟嘅時候熱辣辣佢話都幾好食仲有一碟仔醬 但反而對醬冇咩興趣另外佢個松露油意粉都幾好食不過今次叫咗個牛油果烤雞pizza就遜色咗啲可能自己唔太鍾意蕃茄醬底 所以覺得麻麻地-最後仲有個是日甜品朱古力粉蛋糕(?)蛋糕偏濕但係都有幾點朱古力醬做伴碟😂😂$300買單兩個人 仲有埋甜品同飲品要求唔好咁高既我 收貨了

忽然變冷，大風大雨，早早下了班，去了屯門市中心一間我挺喜歡的意粉連鎖店吃飯。喜歡此店的原因：1. 性價比高，定價唔貴，但食物質素唔錯！2. 安靜好坐，適合一家大細，也適合朋友聚會。點了🐱軟殼蟹配海膽忌廉汁鮮製意粉$128見到新menu當然不能錯過！賣相好igable! 有成隻軟殼蟹，仲要係大大隻！外脆內軟，仲有蟹汁流出來，非常鮮味。意粉非常彈牙，份量也多，很掛汁！海膽忌廉汁不會太膩，仲有少少蟹籽點綴鮮味加倍！真心推薦👍🏻👍🏻🐱鮭魚牛油果羅勒pizza (small) $88份量比想像的大！薄批必須襯熱食，香脆可口。鮭魚係熟的而且有6大塊，配creamy的牛油果同羅勒的清香，感覺很refreshing! 🐱豪華3式拼盤$98蒜味芝士雞翼（蒜味芥末醬）有4隻！炸得很香！配搭蒜味芥末醬很開胃。海蝦牛油果法包多士有2年，多士烘得香脆，海蝦大大隻，配牛油果沙律醬很夾！意式炸魷魚圈配他他汁真的非常好吃！魷魚大大條，唔靭，彈牙，而且炸得很酥脆！配他他汁酸甜醒胃！ 🐱意式薄切三文魚忌廉芝士卷$48有三件，賣相靚到似花之戀。三文魚的鮮甜配搭cream cheese口感一流！憑收據下次光顧仲有九折😍堅抵！

第一次寫食評，因為實在是喜出望外，經open rice 做預約,去到即有位,特別一提是門口做reception的四眼哥哥非常有禮貌又細心，整個用餐過程細心招待，令人感到舒暢。食物方面也很不錯。意粉份量可免費升級至1.5倍，$68至88一set lunch有湯或沙律,主菜及飲品,非常超值,下次一定會再光顧

屯門市廣場 pastaholic 當然係pasta 愛好者必到之處啦意粉 🍝鮮制嘅 當然更加 彈牙 新鮮😜見到新推出軟殼蟹 系列 揀咗 配海膽忌廉汁意粉鮮製意粉當然有別於一般 煮出嚟㗎喇 蛋微更加香濃 而且 但又有蟹籽，軟硬適中 配上海膽 忌廉汁 真係好享受 😋😋海膽味濃creamy得嚟唔會太膩 軟殻蟹外酥內脆，仲有陣陣蟹味添👍👍 雙重辣味煙肉蒜香魔鬼意粉加$10份量變1.5倍 一定夠曬食啦惹味香辣，唔食得辣嘅真係要諗諗 感覺有啲似避風塘添哈哈😆😝黃金四重芝士pizza 配上蜜糖 又幾得意喎估吾到幾夾好香 芝士味更加突出 仲有細size揀忌廉 汁煮青口 $58呢講份量真係好多 而且仲好有誠意 檸檬忌廉亦都係鮮甜好食量夠 服務仲好好添座位都夠闊落仲有二、四人餐嘅，下次可以試下🥰

六點幾入座時以為太早未有客，但直到埋單都係得幾枱客可能餐廳都預左無乜客，我地兩個人都比左張六人卡位，坐得好鬆動叫左個二人餐餐湯：洋蔥湯～見openrice有人話好飲就揀黎試下。可能今日調味重手左，咸到飲完應該會有腎病，除左咸味飲唔到有乜味沙律：香草雞肉凱撒沙律～跟餐定左係呢個沙律。沙律菜唔夠新鮮小食：蒜味芝士雞翼，一般pasta: 温泉蛋松露油磨菇鮮制意粉～唔錯偏淡左少少，不過可以接受。意粉質地食落同平時意粉唔同，口感幾好pizza: 明太子忌廉芝士海老pizza～ok甜品：tiramisu ～好過無🤣個樣好唔吸引，面層嘅可可粉已經濕晒飲品：咖啡～無乜咖啡香

中秋節晚周圍都好多人，搵咗間唔使等位既餐廳，餐廳闊落坐得舒服，但餐具清潔需要改善，好多都有汙垢香烤香草羊架 $128鐵板羊架上枱，生熟自己控制，所以食落熱辣辣，唔會過羶，仲有少量薯條伴碟黃金四重芝士披薩 $88芝士味道香濃，脆邊餅底夠薄唔會太飽，加埋蜜糖食牛油果沙律 $48新鮮生菜配上牛油果，有蕃茄同埋橙粒，新鮮開胃精選海鮮蒜香蕃茄意粉 $88加了$10升級1.5倍份量，真係好抵食好大碟，大蝦新鮮彈牙，青口新鮮不過略微細隻，蕃茄醬味濃郁，意粉彈牙特濃南瓜粟米忌廉湯 $28南瓜味夠濃厚，好香忌廉味道

190006092022，今晚同朋友來到呢間意粉狂熱試一試，1900我去到人流好少，環境都坐得舒適同比較靜，好快我地就點了幾個野食。先黎黑松露薄餅細份，黑松露香氣獨特，入口黑松露味非常之濃，充滿每個味蕾加上芝士拉絲口感，必點之。再黎牛油果沙律，沙律菜新鮮加上少少橙粒酸中帶點甜，牛油果入口即溶，正。牛肝菌意粉，牛肝菌味特出，香味濃郁口感清爽加上意粉非常彈牙，比起一般既意粉更加彈，可以一個人食兩碟。忌廉青口，味道其實不錯唯獨青口比較細隻，但隻數都比較多，都叫搭夠。而且今餐算性價比高，可以再安歌。

位於屯門時代廣場嘅意粉狂熱🍝平日晚上人流唔算多 唔洗排隊都有位坐意粉薄餅全部都正正常常因為外觀吸引而叫咗呢款拼盤小食味道正正常常 不過不失唔想等位可以選擇黎呢間～叫咗一份意粉 一份細薄餅 一份拼盤小食 仲有一杯嘢食 埋單$3xx

本身覺得價錢頗高 但係最終都入咗去食環境唔錯之後嘢食都有驚喜 佢個30號香草烤雞雜菌蕃茄意粉好好食好濃蒜蓉味 而且每一啖都好Juicy 雞肉又幾彈牙 之後個Pizza都唔錯 呢度建議大家嗌返個Regular 因為細嗰個好細 唔抵食 之後厚度OK啦整體感覺不錯 會返食😋

已有一大段時間沒去屯市一帶覓食，找到相連之屯門時代千色下層一間簇新之意粉店都確實算幾chill，環境適合靜靜邊食邊聊那種。時值中午，僅兩位，帶位的小哥都領我等到六人卡座。沒催促沒限時，自己也不好意思，遂點了兩個餐再追加小食甜品充撐場面。隔離飯香，見到對家份「南瓜忌廉汁香草雞肉意粉」特別食指大動，捲它一撮意粉試味，南瓜味唔算濃厚反有點像蛋黃汁，不過無損其醒胃度。香草雞肉用了上髀，但不肥膩有少許肉汁。自點的「溫泉蛋松露油蘑菇意粉」始終有隻「合格」滲到蛋汁的溫泉蛋基本不會輸，加上松露本來就是蛋之膽拖好拍檔，此組合就是令人想快些滑進喉嚨。到了「蒜味芝士雞翼配芥末醬」是接近爭食局面。鯨吞一隻後才醒起應該相機先吃，雞翼個頭不算脹滿，雞皮脆邊、蘸芥末醬之酸味剛好填充鹹甜之空缺。「意式芝士蛋糕」頗體現到存放的雪櫃有幾凍，中層的慕絲仍在冰凍狀態有點似棉花冰口感，始終沒影響味道繼續香滑。跟餐水果茶有橙有奇異果，茶底有點似蜜桃茶，奇異果沒浸淡依然有水果香。

冇諗過原來芝士pizza配蜜糖係咁夾 必食既推介！叫佐個意粉同焗飯都係普通 同出面其他西餐差唔多 不過不失！以前食開旺角雅蘭中心嗰間 。經過屯門所以就試下 水準都係差唔多。

如果想食意粉，又有酒飲，又好食，又好坐，又吾趕你走的，屯門呢間系吾錯。今日一行三人食farewell lunch, 但朋友想飲番杯慶祝下。叫咗三個午餐，仲可以免費+1.5倍，我哋兩男一女，剛剛好！如果系girl talk 就吾使加大，又或叫兩個午餐加小食，不過就爭一杯野飲。講返lunch, 一坐低有支水在枱面，我要左暖水，waiter 冇黑面，仲好有禮貌！👍🏻👍🏻叫左兩個意粉，一個水牛芝士pizza,質素都保持到, $88 each 系值的。另外，食完飯，叫咗支750 mL嘅紅酒$158，幾好飲⋯⋯（我吾識，不過純覺得易入口，吾系果味）🤣🤣⋯⋯加左小食拼盤，😎🍷🍷由1點坐到3:30，冇趕客⋯⋯👍🏻👍🏻啱晒閨蜜傾計或者好朋友相聚，貴少少絕對值得。最後，埋單$598 so far so good 本人覺得幾好嘅！唯一要講，全程得一個男waiter, 好可憐！佢哋餐廳應該增加一個半個人手啦佢直頭做到冇停手⋯⋯😅😅但係要讚佢，一直冇黑面，好好態度👍🏻👍🏻👍🏻👍🏻👍🏻👍🏻👍🏻