影片
招牌菜
今日同女朋友想买外卖返屋企食, 行过望到呢间餐厅未食过谂住试下, 入到餐厅见个女侍应serve紧客, 于是我问侧边厨房男员工, 问佢地餐厅做唔做外卖, 第一次问果时, 个男员工好大声咁播歌同唱紧歌, 冇任何回应。第二次我大声啲咁问, 个男员工答返我话听唔到我讲咩。到第三次我再大声啲问同一个问题, 但同时女侍应serve完客叫我外卖过去佢果面落单, 我就冇理到个男员工。系我固住落单嘅时候, 我女朋友入黎揾我, 佢听到个男员工同厨房另一个同事态度劲恶劣地取笑我头先问嘅问题, 同讲咩「外卖呀, 揾我做外卖呀, 我毒黎, 匿系屋企唔出街唔做外卖」。事后女朋友讲返佢地对话比我听，我听完觉得好嬲。凭乜野我比钱帮衬你地仲要受你地气同咁嘅态度，同埋我唔明我作为顾客问你地餐厅做唔做外卖生意呢个问题有啲咩好笑。所以咁嘅服务质素，我同住附近嘅朋友讲左唔建议帮衬呢间大围的意蚝屋。
继续阅读
我本身好少写食评，但系我觉得呢间食店平靓正，所以想推介一下。芝士焗菠菜鱼柳螺丝粉，真系钟意食芝士嘅人应该好钟意，啲芝士一拉出嚟就起晒丝，芝士味浓，炸鱼柳好有口感，螺丝粉配以这个芝士酱汁配搭得好好，真系好好味😋。芝士焗蚬肉珍珠蚝意粉，珍珠蚝都几鲜，蚬肉好多，几十蚊一个餐食到蚝，我觉得物超所值。罗宋汤够浓，好好味😋之前朋友介绍我嚟依间食嘅时候话，芝士焗蚝好好味，因为中午时间又唔系好想食呢啲嘢，下次晚饭时候再去试吓！😉
继续阅读
以前系附近读书，成日都会黎食呢间焗饭，过左咁多年，焗饭依然系咁好食！太耐冇食，发现多左好多新菜式，以往最爱系芝士菠菜鸡肉焗饭，但因为下午茶套餐入面冇，所以就试下新野！我同个朋友就分别叫左T2 (芝士焗肉酱意粉： $41） 同T3 （芝士焗蚬肉意粉：$41）肉酱意粉超好食，酱唔会话太多，亦都唔会太少，捞埋一齐食，条条意粉都会有食到酱，而且芝士都唔少，一边食一边有拉丝既感觉！酱方面唔会话太甜或者太酸，而意粉唔知系咪因为焗既关系，会偏向硬少少，但我个人黎讲个硬度系唔错虽然系tea set, 但同lunch 食既size 系一样既，感觉唔大份，但因为肉酱加持下超有饱足感，完全当食lunch 咁！到左芝士焗蚬肉蘑菇饭，味道就麻麻啦！蚬肉细细粒，食落有d雪藏既味道，而且有d腥腥地，所以作为饭入面既主菜就略为失望啦。虽然面头都仲系有好多芝士，但食落去白汁既味道比起芝士更为突出，成个饭变左做白汁捞饭既感觉，所以下次应该就唔会再试呢个啦最后，因为系个tea set, 所以都有杯跟餐饮品，我地就叫左奶茶同埋咖啡，味道就同普通餐厅分别不大，但奶茶黎讲，茶比奶味更出，因此钟意茶浓既可以不妨一试！
继续阅读
因为工作关系要喺大围食lunch，本身系想食驰名盐焗鸡饭、椒盐猪扒饭，不过朋友提议食意蚝屋，就下佢😆。舖头环境超细都几逼。食物真系不怎么样😅味道系极居家feel，其实真系伪西餐嚟，全部不合格❌。好彩唔系太贵，否则一定好激气。白汤似系南瓜忌廉汤，但个汤杰到芡汁咁厚身，用嚟捞长通粉就啱哂，做汤就坚系咸到肾亏😏。红汤正常。蒜香辣肉肠天使面($44)/肠唔辣，仲要系白烚切片。天使面渌起捞蒜蓉😂咩汁都无😂成碟野劲淡劲无味，我肯定超市买包即开即食嘅意粉酱好食100倍！芝士焗菠菜鱼柳螺丝粉($54)/呢个都叫热辣辣似有焗过，但又系好淡😂汁好稀，认真用白汤捞嚟食肯定仲好味😑。
继续阅读
以前一向有帮衬开意蚝屋，今日外卖左个蒜茸牛柳意粉返公司食, 食到一半竟然发现意粉内有一只昆虫尸体。餐厅食肆有昆虫曱甴其实系正常，但系食物里见到实在不能接受，还望贵餐厅注意一下食物卫生情况
继续阅读