意蠔屋 (千禧閣)

营业中

休息中

今日做野做到冇時間食lunch, 做到4點先去食個tea! 行下行下入左意蠔屋！叫左個蒜蓉包配香蒜炸雞跟個凍奶茶，本身冇咩期望，只係諗住食小小野又就快到晚餐時間！等左都有15分鐘先出到俾我！眼見人地遲黎先上岸點知一上臺，個蒜蓉包啲香味香到不得了，個炸雞翼都好有蒜蓉味out of my expectations 杯凍奶茶就不過不失啦估唔到隨手揀都有驚喜

搵食艱難， 今日到處都係人，突然記得好耐冇食意蠔屋，一於就佢啦，唔好諗啦!這店鋪座位有啲逼，冷氣不足但套裝$58至$78， 已包餐湯連飲品， 都算抵食。香草汁牛柳蘑菇天使麵 $68牛柳有3塊， 份量都算不少，肉質鬆軟， 食落似薄牛扒， 天使麵配香濃香草汁， 好美味但食得多就好漏。芝士焗蠔大蝦千層麵 $75大蝦爽口、蠔厚肉， 不錯。但千層麵就好似食緊麵粉皮一樣冇味。＿＿＿＿＿＿

最近大家都累了，我也一樣，樓下comfort food也不想多想，個日有咩special, 有咩唔食，剩底個樣就叫個樣... 有時選擇太多是一個煩惱，但人本來就有三千煩惱絲，有選擇自然好過沒選擇，只是，是我自己選擇不去選擇雖然佢舖頭細，樓面通常都是同一人，但她手腳快也貼心，食客多是街坊，所以大家都食慣食熟，節奏速度都好好，所以佢已經係我地其中一間屋企附近又諗唔到食咩既飯堂. 唯一係，佢凳既排位，有時真係唔知應該點坐XD

蒜蓉包不錯,芝士焗飯跟出面一樣,服務態度很好,這個最重要,定期加水,還會加冰的溫水,雖然坐了一段時間,但也是沒有趕客人.如要改善的地方,就是餐牌.～~~~~~~~~~~~~~

呢間野烤焗為主，味道都唔錯錯, 叫左個焗生蠔同埋意粉, 焗生蠔都幾新鮮,芝士味濃, 都唔錯, 意大利粉都可以接受, 唔會太硬都硬到既, 但呢到地方面積小小的有D逼

相信西灣河一帶嘅街坊都對呢間餐廳唔陌生，我哋都係常客，好嘢唔怕介紹比更多人認識。鋪頭唔大，座位有限，繁忙時間人多擠迫係香港土地問題嘅延伸。雖則係細，但店家喺細節上都做得出色，由牆身到掛飾，務求令擠迫環境中嘅食客都感覺到果份親民。已經殘舊嘅餐牌，好似喺度訴說著間餐廳嘅悠久歷史。跟餐嘅忌廉湯唔會好鹹，滑、熱辣辣，雖然侍應姐姐好快拎咗上檯，但我哋都係慢慢飲用。加10蚊可以有嘅特飲——凍檸多，酸酸甜甜好開胃。黑椒汁豬扒好大件，比大家睇下個橫切面：豬扒唔會乾身，juice 得來又好入味，仲可以選擇配搭意粉或者飯㗎。呢個雞飯先係主角！面頭鋪滿晒芝士，菠菜嘅份量都唔少，莆上檯時熱辣辣㗎，大家小心辣手。啲雞肉份量都好多，絕對夠晒餸晒成個焗飯，熱辣辣配飯食，每一啖都係芝士同飯，勁正！

昨晚本約了朋友，可惜突然加班，所以改為屋企樓下既意蠔屋...昨天大家都心煩，公事私事都係... 我就叫精選，佢就叫千層麵可能都係街坊生意啦，佢個肉醬好local style, 同埋我未見過咁樣摺塊pasta而唔係切... 都幾得意XD 而我個個，差左少少味，落左黑椒都唔得，食左兩啖攞芝士，加埋落去就perfect啦！ 所以一路食一路傾一路加XD而個蒜蓉包呢... 同平時一樣咁好食，點埋個湯... 無論係紅定白都好好食!

對於鄉下人來說，好日都不出港島的我，今天難得逛到附近，不想去每區都有的食肆，就去下小店喇~~餐廳的對面馬路望去，未到一點已等位。無他的，話明小店，就梗係細架喇，舖租平咩～枱不夠10張，凳就逼逼地坐到20個，午餐時間請將就搭枱。之前已在此看過餐牌，不難想像，一定是芝士吸引我的。坐下很快的看餐牌，目標已鎖定-芝士焗雞肉雜菇，粉類可以由千層麵轉做至愛的長通粉(小店稱為尖通粉)，加送熱飲都只須8塊錢。食物上桌，焗盤很熱，表面看到濃郁的醬汁與芝士，慢慢的拌勻，芝士味其實不太重，與長通粉及配料拌勻後，醬汁與食物份量剛剛好，不會太淡，亦不會過濃。吃得非常開心。結賬不過70塊樓下，這種食物水平與價格，以小店來說，不俗的了。試想想，港島區喎~

之前見好多人食，今日平日夜晚去冇唔多人 唔洗等位🤘🏾🤘🏾🤘🏾黑松露份量好多！撈完之後可以啖啖都有🖖🏾🖖🏾🖖🏾 意粉煮得岩岩好！唔會淋🖖🏾 蝦都幾爽口 不過如果creamy d會好味啲😛😛😛芝士焗千層麵好多芝士🤤🤤🤤🤤好味👍🏾👍🏾炸蠔就略嫌入面粒蠔細左啲，係炸粉厚👻👻👻👻瑞士雞翼好夠味！望落都好吸引！但雞肉肉質唔太滑，有啲鞋但總括黎講都唔錯既😋😋😋

前幾日去左食午餐 叫左個漢堡牛扒蒜茸意粉 個牛扒個size幾大 女仔既我差啲食唔晒 成個餐都幾好味 有埋湯同飲品 50蚊算係幾抵 同埋佢有個二人餐有埋沙律雞翼真係幾吸引 作為西灣河既街坊覺得值得推介yeahh

之前係西灣河返學成日同男小編去食嘢😝真係好耐冇嚟過西灣河，好想掃下街，不過拎住好多嘢又熱😰所以是但入咗一間餐廳坐下😚.🔹下午茶#喇沙雞肉米線 ($38)😋好味指數：(7/10)米線份量都幾多，下午茶黎講都好飽😎雞肉煎過嚟所以都幾香😆而且食落肉質都幾淋😍不過就唔好期望係啲好正宗嘅喇沙🤣食落去幾好味，不過食完之後就會幾口渴🧐#蒜蓉包配香蒜烤雞翼 ($28)😋好味指數：(6.5/10)雞翼比較普通，冇乜蒜味而且細隻😢蒜蓉包好香😍側邊脆卜卜入面都幾軟熟😙.🔹小食#吉烈炸生蠔 ($38)😋好味指數：(7/10)一共有4隻😚炸到脆卜卜，一咬落口真係好熱，雖然唔算特別大隻，不過都係飽滿嘅😙.🔹飲品#凍檸檬益力多 (跟餐+$10)

中午食lunch一日最開心放鬆時候38元午餐，辣吞拿魚天使麵，點時強調話好辣，我咪睇下你有幾辣。點知食入口蕃茄醬汁係好甜，辣味得個少少，反而因為落太太焗糖汁多甜，攪到好似食甜品咁。意粉好多食唔曬，吞拿魚得好小，比較失望。有羅宋湯，因為有好多我喜歡食架紅蘿蔔，我鍾意。有紅白湯兩款連飲品

入到黎好焗都算啦一停手就行埋黎收 係就係有問要唔要飲下野 抖下氣都要呀？好啦 收完就即刻隊張單埋黎叫人埋單連埋食野係間野半個鐘都無仲要行黎行去睇你比左錢未差到爆 未試過咁嬲 第一次要上openrice負評！野食又難食、無味 唔知之前d好評點黎 中曬伏！

見到裏面都有幾多人食，同想試下唔同餐廳，加上價錢不貴，便去try try! 味道真係好唔錯，芝士豬扒焗飯份量夠，多芝士先係重點，超惹味！朋友點了個意式辣肉腸天使麵，辣辣地，又多醬汁，腸係粗個隻，唔係普通雞肉腸，幾唔錯。如果下次去開西灣河，都可再食！

墨汁意大利飯，墨汁好多時得色冇味，但依間又幾好，整得咸淡適中，飯粒亦有外層軟，芯有小小硬，似反係risotto。煙三文魚亦吾孤寒，比左都幾多，味道同質感都合格，可以挑剔既係，雪櫃拎出泥，冇雪味既，不過偏凍左小小。雞肉磨菇意粉，意粉質地係硬度剛好個種，吾會林到粉，雞肉雖然吾多，但吾會全部都係雞胸，瘦巴巴的，食落覺得有雞比肉。菇吸收曬d白汁，好濃厚既香味，同咬佢爆汁既水水感覺，吾錯咖。跟住一紅一白例湯，就例牌野，不過不失咁拉。