愛群餐廳

营业中

休息中

去左愛群餐廳試佢哋嘅蕃茄雞髀飯，話你知啦，以前細個住e到都成日食呢度嘅！食落嘅感覺仲係咁懷舊，真係好溫馨。啲蕃茄雞髀飯煮得啱啱好，啲雞髀肉夠多汁，配上蕃茄嘅酸甜，味道好平衡。飯都係軟糯香，真係好懷舊啊！如果你鐘意蕃茄味嘅飯菜，彩虹愛群餐廳係一個值得一試嘅地方。食完之後，一定會帶返啲美好嘅童年回憶！

上次去呢間餐廳食野嘅時候，因為可能坐得太靠近入口,所以感覺有d熱，唔夠冷氣。所以呢次就特別要求店員安排我哋坐喺啲入邊啲位同埋要冷氣係夠充足嘅地方。呢間餐廳嘅湯可以話係非常出眾,他們嘅紅湯真係非常好飲,比其他餐廳嘅紅湯更加濃郁,又酸又辣,好開胃。所以呢我哋一定要試下佢哋嘅紅湯,唔好揀白湯。今次我哋點咗個牛仔骨炸魚柳同薯菜。牛仔骨嘅牛肉香味非常濃厚,而且熟度剛剛好,咬落去非常鬆身。加埋炸魚柳令到個餐點兼備咗兩種唔同質感嘅肉類。不過呢就唔好點西冷牛扒,因為上次試過,個牛扒有啲韌,唔係太容易咬落肚。總括黎講，呢間餐廳嘅午飯菜式質素都算多樣化，而且每日都有唔同嘅lunch Menu，幾有新鮮感。雖然位置同氣氛方面可能有啲小瑕疵，但只要可以安排到我哋坐喺入邊調教好嘅位置，食落都唔會話出哂汗同太熱。

炎炎夏日，入咗呢間餐廳食午餐，佢lunch set 最平大約$68。一開始個餐湯揀咗紅湯，非常好飲，夠味又夠辣。但點知愈飲愈熱，出哂汗，冷氣明顯不足，完全一d風都無。不過個湯真係好飲嘅！之後個牛扒嚟咗，好難咬，但薯條好食。飲品叫咗熱菜蜜，都好飲嘅。不過下次唔會再叫扒餐，可能會試下其他。

細個住附近，呢間野都叫做由細食到大，就算搬左都會照間唔中返黎回味下。 呢間啲嘢食都算叫做大碟，會有湯、餐包、主菜、甜品同埋飲品。連飲品都算大杯，價錢公道，食完真係會捧住個肚走。唯一唔好既係間嘢真係需要搞搞個冷氣，越食越熱呀大佬，最後要出動埋風扇仔，一路吹一路食，少狼狽😅

父親節高高興興來吃一餐晚飯，換來一身汗水和一肚氣。這間餐廳我已可以光顧多年，但今天冷氣系統出問題，又不預先告知客人，所有人都食到大汗踏細汗，人手又不足，極度失望，連出品也有問題，龍蝦湯是有苦味的，應該是煲燶了！😓以為經營多年的餐廳對突發的情況會十分有經驗，但原來也是如此！由於餐廳指定要食父親節套餐，在十分有限的選擇下，還是要吃鐵板餐！🤬在沒有冷氣下吃鐵板餐，真的十分沒趣，職員也沒有安撫吃得大汗淋漓的客戶，只是當客人追問為何餐廳這麼熱的時候，只是輕輕告知冷氣壞了！

等左半小時先知漏單仲要同你講其中一個餐已經無哂叫我地轉都算我地其中兩個餐係羅宋湯拎到返屋企淡到顛個色一定溝左水同清湯有咩分別大佬做唔掂就唔好不停放人入去希望改變下

港式鐵板~已買少見少,第一次食還吾錯感覺,今次第二次幫襯,原本好期待…但最後好失望~鑊仔牛柳今次肉質(嗱)得太勁😵‍💫😵‍💫😵‍💫,好嗱淋過窿...梳打粉太過勁…羊架肉質又是這樣的淋淋淋…似(梅)~怕怕!對上次食是12月…不會這樣~好好味又抵食!環境不錯、服務還可~但今次~太可惜了~不會再來~

1976年開業，一間有歷史嘅港式扒房。星期五晚上，七點去到，唔使排隊就有位，過咗一陣已經坐滿晒人。侍應全部都好有禮貌，好好笑容，倒汁落鐵板時仲提醒我哋小心，驚彈到我哋件衫。同朋友兩個都叫咗唔同嘅雜扒餐，朋友嗰個有羊，我唔食羊，所以叫咗有腸仔煙肉嘅雜扒餐。麵包鬆軟，好欣賞仲有微溫，有整熱過唔係凍冰冰的。呢類型港式扒房，最怕食到啲肉係有好大陣雪藏味同鬆肉粉味，但呢度嘅肉可以接受，當然唔好用高級扒房同比，但呢個價錢算係好好食。薯菜本身以為係薯條，點知係薯粒，但唔係就咁切粒就算，係有調味的，味道似薯仔沙律，就咁食唔點汁都已經好夠味。17號嘅11點至一點咩嚟㗎？幾點呀？ 11-1號呀唔緊要啦，其實佢都未必鍾意出街我哋唔好逼佢做啲唔鍾意嘅嘢。雜菜全部有炒過有調味，整體嚟講鐵板上面所有配菜都好用心，一啲都唔馬虎。另外飲品紅豆冰份量好足大大杯。期待下次再有機會嚟食！

呢日同大少小妹去長沙灣影學生相，順道帶佢哋嚟傳統扒房，食個扒餐，等佢哋感受吓媽媽細個去食西餐有幾開心。呢度裝修有懷舊特色，黑色嘅格仔梳化同綠色嘅座椅，有格調得來又有懷舊風。我叫咗兩個精選牛柳餐，同佢兩個食。先來個餐包，熱辣辣，好鬆軟。餐湯我叫咗一紅一白，兩款都好飲！紅湯足料，白湯夠滑。七成熟牛柳好厚又腍好易切，重牛味，配埋特製蒜蓉汁，好入味，因為啖啖肉，佢哋食得好開心。最後亦都係今餐嘅重點——啫喱。啫喱內有雜果，好難得！我教佢哋好似我細個咁，落花奶一齊食，甜甜地又有奶味，佢哋都好鍾意食！

叫咗兩個脆煙肉安格斯牛肉芝士漢堡，兩忌廉蘑菇湯。一杯凍華田走飲管，一杯熱咖啡。超快上菜。漢堡包嘅煙肉一啲都唔脆。我唔係好鍾意食煮唔熟嘅漢堡扒。不過有啲人覺得咁先新鮮。

我叫咗碗喂冬陰功肉碎米粉。太太叫咗火腿奄列早餐同埋沙嗲牛肉公仔麵，味道ok. 我叫咗杯熱咖啡太太叫咗杯凍咖啡。熱咖啡幾高質好飲凍咖啡麻麻哋。跟埋奶油豬仔包 。地方闊落。餐牌都有啲唔創意，價錢亦都適中，特別係咖啡質素好值得一試。

深水埗區都多野食既，今次午餐黎左呢間餐廳食，環境算寬敞又唔迫幾好坐，係餐廳黎講係舒服既，lunch點了燒春雞半隻火腿拼意粉，有餐湯同餐包，忌廉湯都係普遍既味道，沒有甚麼特別，雖然係咁，其實呢個價錢68蚊都係算值既，點了熱檸茶都無咩特別，同普遍檸檬茶茶底一樣。燒春雞都算大隻既不過味道就淡左一點，肉質口感都接受到算少滑既，意粉份量就一般，整體黎講食個lunch係可接受範圍之內。總結普通食個lunch黎呢間食可以接受無問題，而且環境係寬敞既。

老公非常鍾意深水埗，經常一齊去行街。佢多次提到愛群餐廳。初初都好驚呢啲舊式餐廳環境會好差，地下全部都係油，不過親身去完之後覺得都幾好！今次就滿足老公配佢一齊鋸扒~ 下次會再去！ 炭烤美國西冷扒 12oz 168HKD   (自選配蒜蓉汁 七成熟)切開之後肉的顔色好靚，中間微微粉紅色。令人回味無窮！配咗蒜蓉汁好味，不過我只係落少少，已經好夠味喇。個人比較鍾意熟少少，所以要咗七成熟，肉完全唔會覺得柴或者硬，非常推介！配有薯菜 茄子🍆蘑菇🍄紅蘿蔔 羅宋湯 好味！建議一定要嗌羅宋湯~~蜜糖芥末露絲瑪莉法式羊架 188HKD羊扒肉質好，羊有🐑味，不過平時食開重口味的我都覺得比較偏鹹，腌料落得太重了，要咗五成熟，感覺啱啱好。自選配焦糖洋葱汁 五成熟配有薯菜 茄子🍆蘑菇🍄紅蘿蔔 羊有🐑味忌廉湯 淡而無味，小失望~餐包熱辣辣，鬆軟又好味！甜品有啫喱或者雪糕可以揀。我哋兩個都like雪糕~味道非常似上海一款經典雪糕，光明牌冰磚，童年回憶返曬嚟！唔會太甜~食完一球仲想再追加>__<

【深水埗區】【愛群餐廳】一直都好想試呢間餐廳，因為見佢老字號，而且以前搭車成日經過。我之前有位女朋友住美孚，送完佢返屋企之後搭巴士就肯定經過呢個位，因此先會有上面講嘅呢種感覺。而佢最近亦都稍作翻新，所以感覺好似比以前更加整潔同企理。今次適逢有位可能比家慈更親嘅阿媽級人馬約我食飯，我當然不敢怠慢。咁我亦都唔會話自己「空降」長沙灣咁誇張，根據灣仔 Eric 叔嘅定義，呢個詞係要啲大人物先用得，所以我只能夠隨意咁飄到現場啦。因為好耐冇咁樣兩個人一齊食飯，所以都互相交換咗啲近況。佢主要都係關心我當時最 hot 嘅 topic，而我亦都冇可能去掩飾我嘅困難同不快。呢幾年遇到嘅困難係一個比一個嚴峻，佢都有幫過我去度過其中嘅一啲難關，所以我都必須答謝佢嘅。叫啲嘢食先繼續講，鐵板扒餐好似係呢度嘅其中一樣特色嚟，啱我喎。朋友食量唔算大，喺佢諗咗好耐，而我又應承咗會幫佢包底之後，佢叫咗個「雜扒餐」，跟黑椒汁，飲「熱檸茶」。我有幫手食啲，我覺得只算一般，份量就算係幾多咁囉。而我自己就食咗個「鐵板牛柳餐」，因為朋友話佢有親戚好中意食，次次嚟親都叫牛柳食，咁我都想睇吓係咪真係咁堅。我叫咗五成熟，食落又真係唔錯，

本身係舊街坊，諗住去支持下。埋單$65，畀$105（因為唔想袋散子所以畀個5蚊佢），佢竟然唔肯收，話個五蚊銀污糟，真係無嘢講。如圖看看我$5有幾污糟？服務態度差成咁，仲叫街坊點支持佢？？其實就算有銀仔係污糟咗，大可以先收下，去銀行有得換畀你，成幾十年餐廳，細細個幫襯到大，因為一個五蚊銀得失客人，人地成世記住你，仲要畀人寫負評，值唔值得？餐廳老闆應認真考慮調整一下收銀員工的服務態度，以免影響咁多年老字號。