感 (已結業)

昨天晚上, 吃了一個二人餐, 有小食6小碟, 沙律, 湯, 燒物(牛肉, 蝦,帶子), 炒粉絲, 爐邊烤,  送2 x 汽水, 另外買了一支韓國真露燒酒, 只有少許酒精的汽水, 現時全menu也30% off, 全單HKD$440,  2人吃不完, 差不多大半碟炒粉絲要打包...6小碟. 當中泡菜最美中, 甜辣適中, 被我全吃, 牛肋骨味道不錯, 但有少少韌, 蝦不算很新鮮, 韓國炒粉絲偏鹹, 海鮮豆腐湯有少許辣, 添和海鮮的鮮味, 味道很好, 而沙律很有新鮮蔬菜感,沙律醬不多也不少,  兩者是當中質素最好, 以價錢和質素需言, 可以接受...

4-2-2017 (Sat)年初八,同老公o既友人共9人,玩完飄移,就會合埋男友人AY同佢女友MC o黎呢o度食豐富晚飯.男友人IN一早訂好o左要$888.00o既五層海鮮塔,同唔知幾錢o既龍蝦鍋,我o地去到,坐低後例牌會有韓國前菜,有6款共12碟,好彩只有兩,三碟係辣,不過我o地冇食晒.而我o地重欠MC一人,侍應就不斷問我o地兩個鍋上得未,原來五層海鮮塔要用15分鐘蒸熟,,啊,咁好啦,上啦.佢o地好認真地,擺個較o左倒數15分鐘o既計時炸彈,唔係,係計時器o係五層海鮮塔隔離.保持水準.人齊喇,咁我o地影埋個龍蝦鍋先啦,隻龍蝦同啲鮑魚重好生猛,影完佢o地就將隻龍蝦拎入去斬件,再拎返出o黎,亦加湯落個鍋o度.我o地都叫啲酒飲,女友人MC推介＄120.00一支o既Raspberry味米酒share飲,另叫兩支唔知咩啤酒,由男友人NT同AY飲.支Raspberry味米酒顏色幾靚,好易入口.15分鐘過後,計時器響起,有得食喇.第一層係蝦,第二層係花甲,第三層係鮑魚同大扇貝,第四層係花蟹,第五層係人參鷄湯.所有海鮮都新鮮清甜,鮑魚都腍.而龍蝦鍋呢,同樣都有剛才講過o既鮑魚外,重有蝦,螺,青口,花

話說朋友建議嚟呢間試五層海鮮塔, 冇細問有咩海鮮我就舉手話去, 所以當呢個五層塔嚟到眼前都唔知裡面有咩海鮮, 增添幾份神秘感.  率先打頭陣係鮮味十足嘅蝦, 我地一行6,7人好快手就K.O.咗第1層! 跟住第2層係蜆, 鮮得嚟又juicy, 啲蜆肉一啲都唔hea.  話說快手食完頭2層之後經已打開咗個味蕾, 所以第3層扇貝+鮑魚都未影得切相已經掃哂落肚. 話咁快五層塔好快嚟到尾聲啦, 第4層係蟹, 而最底層就係雞粥.  雞粥底滲滿上面4層嘅海鮮汁, 將鮮味帶到尾。完成五層塔之後就急不及待轉戰燒肉, 叫咗一碟有3款唔同醃製嘅五花腩, 再加多碟牛肉. 呢度嘅韓燒爐旁邊係仲有得落蛋漿添.  嚟5enses一大班人食就最開心, 可以試完鮮味十足嘅五層塔之後再食燒肉盡興落去!!

今日行街行到桂林街。見到有間食韓國野。門面辦曬高級。一入到去。啲服務員個個企曬系度好似當冇人敢。我仲要自己穩位。個經理仲掛住睇電視。我以為呢度食自助餐。見到門口的圖片以為d野好好食。惗住韓國最出名嘅人蔘雞湯叫了一份。瞓雞湯送到離同門口嘅圖片相差太遠。雞無雞味湯無湯未。二百幾蚊得幾片牛頸肉。1d都唔抵食。試過一次以後都唔會幫襯。係我食過之中最差嘅韓國，嘢。都唔知點講哩間野，惗住食翻餐韓國野。原來變左餐搵笨也。

深水埗呾多野食，就係冇咩韓國菜，同事就帶左我去呢間食lunch，雖然遠少少但我覺得唔錯。lunch都唔少set選擇，我地叫左4 set share食。炸雞好大件，都幾好食，不過佢配個菜竟然係蒜蓉炒菜，雖然都好食，但係唔係唔係好襯呢...石頭鍋拌飯好大碗，配菜都幾多，味道就一般啦，冇咩特別香辣牛肉湯，好好味呀!!!!比起韓國，呢度算多料，牛肉都好幾片，辣味正呀!!!個味都似係韓國食果D海鮮麵豉湯，真係十足日式麵豉湯，不過都幾多料，但同個香辣牛肉湯比，完全就比下去了。份量都算幾多，食到好飽好滿足，好中意韓國果隻辣味，呢求又有wor~~

第一次寫食評之太難食：好難食，啲肉完全咬唔開， 尤其係啲牛肉。之後同啲員工講，佢竟然話因為你無叫貴啲嗰款醃製過嘅牛肉（貴20蚊左右），咁我咪問即時二百幾蚊呢款牛係你覺得平所以係會咬唔到㗎？真係傻傻地，出面平多多聲都好食過佢好多啦。仲叫咁你下次嚟再食醃製嗰款喇。。。😑😑😑牛肉衰就算啦，啲五花腩肥到一個點，唔肥嘅位都韌到呢… 啲醃製味又怪。呢間都算係我喺香港食過最唔抵又難食嘅韓燒! 完全唔明點解佢會有好評，可能只限於基本海鮮呱。。。

We ordered lobster seafood pot, seafood tower and other meats for BBQ tonight. Taste good, service is acceptable.

今晚我們去咗深水埗桂林街嘅「5ENSES感」食晚飯！我們叫咗韓國龍蝦海鮮鍋喺上碟嗰陣我們個個都話：「嘩！好豐富同好新鮮呀！」因龍蝦同鮑魚都係非常生猛咁郁緊！海鮮嘅款式種類相當多！店員等我們影定相之後就將隻龍蝦攞去切開一件一件，之後將啲龍蝦湯加入鍋，鮑魚好鮮味彈牙，象拔蚌同大花甲好肥美肉厚，味道好鮮甜彈牙，鮮蝦嘅肉質相當結實彈牙，龍蝦嘅肉質非常爽甜彈牙，食到最尾所有海鮮嘅精華都滲入晒湯底入面，令到湯底嘅味道極之鮮甜！五層海鮮塔第一層係爽甜大蝦，第二層係鮮甜花甲，第三層係嫩滑鮑魚同鮮甜爽滑大元貝，第四層係清甜嫩滑嘅花蟹，蟹膏亦好甘香，第五層最底層係人參鷄湯/粥嘅湯/粥底味道好鮮味，鷄肉嘅肉質相當鬆軟嫩滑，而且鷄骨亦煲到好腍身！

在FB見到呢度有個新出嘅「韓國龍蝦海鮮盤」，我地一行6人（4大兩小），預早已電話訂左呢個海鮮盤，侍應好好人等我地人齊就馬上起菜。嘩！個海鮮盤一出場，即時嘩聲四起！好大盤呀！(話說裡面有十款海鮮)嘩...嘩...嘩...隻鮑魚郁架！嘩...隻龍蝦郁架！跟住侍應幫忙倒d龍蝦湯落去，我覺得有點殘忍架，但海鮮係要生歐歐先會好味架嘛！(不過, 亞妹就在旁邊講:好變態呀! )D野郁郁下架喎，咁味道當然係鮮到了不得啦！  裡面話有10款野,蝦 : D肉實嘅, 彈牙蜆(細) : 鮮甜花甲(大) : 夠晒大隻, 又鮮甜象拔蚌(同埋唔知咩蚌) : 細size黎嘅, 可能我地滾得耐左, 有少少un 鮑魚 : 新鮮彈牙青口 : 新鮮, 味道ok (我不嬲都唔識欣賞青口, 但呢個係唔錯的)螺 : (好似花螺) 最尾先撈佢上黎食, 味道ok架 龍蝦 : 落左湯之後, 侍應會幫我地夾起隻龍蝦, 跟住再切件。所有野食到7788之後, 先再放返個龍蝦落去再煮嘅。龍蝦係活的, 比起外面酒樓果d龍蝦伊面真係好食好多, d肉鮮甜有彈性, 個龍蝦挾有我女個拳頭咁大, 啖啖肉, 真係好爽。我自己就最鐘意個帶子同龍蝦 呢

今晚好想食好東西! 所以去咗屋企附近一間韓燒晚餐!我哋早咗少少到所以仲未開門, 但係老闆都照俾我哋入去坐住先(因為落緊毛毛雨)店內環境都幾「韓」吓, D壁畫畫得幾靚!我哋坐低慢慢睇吓個Menu, 叫咗個二人餐 $499有沙律, 湯, 燒物, 薄餅, 生菜呢款煎Pan都係第一次見! 侍應話呢一款係韓國最新式既韓燒Pan我問點解有少少斜? 佢話特色係可以俾D油可以流番落去最高個邊用嚟煮蛋! 下面兩格三角形我估係燒完既嘢可以放喺嗰邊keep住熱先蛋有兩款揀, 一款係正常蛋, 另一款係黑松露蛋(我兩款試哂, 覺得正常蛋好食D)醬料提供一邊係海鹽, 另一邊係秘製辣醬配菜有6碟, 呢度只見到5碟, 因為仲有一碟喺廚房整緊係蜜糖焗薯粒!芊芊啱啱瞓醒! 面仔紅紅好得意沙律好好味, 有杏仁片增加咗卜卜脆口感因為傳統老爸老媽思想, 小朋友都係有飯落肚先至飽所以叫咗個石頭鍋飯燒物嚟啦! 眼見好似好唔夠食咁....中蝦x2, 冬菇x2, 帶子x2, 4塊牛肋肉其實今次係哥哥第一次食韓燒, 知道有得煮嘢食佢就好開心不過佢論論盡盡隻手掂到Pan邊熱親之後發覺驚唔夠飽(我指大人...)所以忍唔住叫多份黑毛豬扒 $1

今天出外開會遲了回公司，於是找個地方吃個午飯才回去，就選了這間韓式餐廳。午市選擇很多，有定食類也有炒粉絲，石鍋飯和湯飯。我這次就點了韓式烤牛肉飯，我並沒有加$5要汽水，就喝著熱騰騰的米茶已經很不錯。烤牛肉飯一大盆上檯時真的令人很開心，有四碟前菜，一碗湯，一大碟主菜，賣相非常漂亮!!!傳統的泡菜味道較辣，可是酸度適中，好吃。另外還有菠菜，白菜和青瓜的泡菜，都是用麻油泡的那種，非常好味!!!主菜的烤牛肉份量很多，切得很厚身，還灑上了芝麻及蔥做裝飾。雖然看上去肉的表面是乾身的，可是吃下去肉汁卻非常豐富。我一向都很喜歡韓式牛肉汁的味道，而這裡的烤牛肉無論肉質及調味都很不錯。麵豉湯味道不會太濃，而且還有原粒的麵豉在湯裡面，味道亦跟整個定食的味道很配合。以價錢來說是比深水埗其他食店要高一點，可是我認為物超所值，可以再來試試其他菜色。

新開張的關係，人流並不太多。我們倆人都很喜歡吃海鮮，所以特意選了這餐廳。海鮮塔份量對兩人有點多，四人應該剛好。用料都很新鮮，第一層是蝦，接著無沙蜆，鮑魚及帶子，蟹，最後是人蔘雞湯作結尾。當中鮑魚特別新鮮，有手掌大，鮮味十足。

近日常去深水埗試新野，因為大小食肆林立，各式其適。前幾日行經桂林街發現有間新開業嘅韓燒餐廳"5enses",好食嘅我當然要入內一試😀甫入店內，裝潢非常典雅，帶有少少歐陸風情，亦不失韓式風味前菜，甜蕃薯真係好正，泡菜酸辣適中，其他都過得去 首先黎架係醬油蟹，好多膏，睇見都令人垂涎欲滴，口感黏黏稠稠味道鮮美，但始終係醃製品味道偏咸，撈飯食就啱啱好👍👍 芝士海鮮炒年糕甜酸鴛鴦 炸雞傳統的韓國食物“炆牛肋骨栗子煲”，栗子及白蘿蔔入晒味，牛肋骨炆得好腍好有肉香，墊底慨南瓜因為索左牛肋骨D汁，變得香甜😄😄我地本來都想食五層海鮮塔，但唔知要提前預定，唯有下次有機會再黎過啦！總括黎講呢餐好滿足，食物質素有水準，服務員態度也一流，要推介俾朋！！！

一行四人朋友聚餐，試試這家以海鮮塔聞名的韓菜。五層海鮮塔的海鮮完全是清蒸沒有調味，第一二層是蝦和蜆，賣相和味道不錯，有鮮味。第三層鮑魚和帶子便強差人意了，帶子只有3隻並很細隻，另其中一隻鮑魚是瘀黑色的(見相)。第四層蟹中規中矩，最後一層湯底我們揀了海鲜豆腐湯，內裏只有少量蜆及豆腐，由於大家也未夠喉，我們詢問職員可否order其他餸料作火鍋⋯⋯原來是沒有的，最後職員提議我們order 兩個烏冬(盛惠$60大元)，和後加了個韓式煎餅。埋單共千二大元，每位$300總結: 貪得意可以試一次

香港地，美食多如繁星，每個月都有不少新食店進駐，而最近有一間新嘅韓式餐廳5enses係深水埗開業，身為街坊嘅我，當然要入去品嘗一下啦！甫入店內，俾人感覺非常舒適，且帶有濃厚嘅韓國風情，經店員介紹下，我地就点了幾款地道嘅韓國美食 第一款係招牌“五味豬腩肉”， 包括香草味、醬油味、紅酒味、大蒜及泡菜味，五種味道各具特色，適合唔客人的口味 第二款“醃製牛肋骨” ，經醃過的牛肋骨烤出來肉質更細嫩香甜，亦去除了肉類的油腻感 第三款“韓式甜酸炸鷄”，炸漿比較薄，皮脆肉嫩，保留原有肉汁👍👍第四款“韓式牛肉刺身”，新鲜牛肉加上生鷄蛋、梨絲撈匀，再用紫蘇葉包住食，完全唔覺有生肉嘅腥味第五款“醬油蟹”，其實好多人都唔知道，食醬油蟹是把白飯、紫菜、蟹膏和醬汁放在蟹蓋中撈勻來食，鲜甜軟糯，滋味無窮😄