慈雲山小食館 (已結業)

到慈雲山找朋友，他便帶我們到小食館。從朋友口中得知某些食物，掛上特別的名字。普遍街外碗仔翅大多只加魚肉或生菜，而這裡就能加任何麵類，而我叫了碗仔翅加米粉。碗仔翅加米粉雖然材料不是很多，但湯底味道鮮甜。吃的時候配上胡椒粉、醋及麻油等調味，味道不錯，加上只是10幾蚊，是平靚正選擇。魚蛋被稱為陰陽，即是BB蛋及老蛋混合一起，代表炸的程度不同，BB蛋外層及肉質較彈牙，相反老蛋外層香脆，但無乜肉食，煙煙韌韌，各有特色。炸香腸炸到成條黑柴，所謂稱為老柴，其實口感同普通香腸無咩分別，只是外皮韌韌地。除了普通芬達、可樂及七喜外，亦可將所有汽水混合一起，名為聯合國，名字好特別。由於店內並沒有門，令冷氣不能集中，比較熱，食完後已開始冒汗，但食物好食亦特別，可以再來。

這天我回到慈雲山，重拾由中學時期吃到大的小食館。想起以前Lunch Time常與同學到此店，總是大棚學生在店外等候，吃店內的平價特色小食，而今天店內仍然吸引很多學生及街坊，幸好待了一會兒便有座位。真懷念甚有親切感的「老蛋」、「炸蛋」、「老柴」、「牛火」等特別的食物名，從遠處望見廚房姐姐正在炸魚蛋，幾廿粒「老蛋」及「炸蛋」均炸得像乒乓球大望見也非常興奮，不過一送到座位上便縮水。雖然老蛋及炸蛋味道已沒有以般大粒及好吃，但仍維持超炸的脆卜卜的口感，食落外層香脆的味道仍在口腔中徘徊，好味!店內另一特色是在碗仔翅裡配搭任何麵款，而我是次點了碗仔翅米粉，味道相當好， 加埋杯汽水埋單$50蚊有找，經濟夾抵食。

小食館對我黎講真是由細食到大，要介紹慈雲山小食，一定要提到佢！老闆同老闆娘超NICE，由於在學校村附近午市都是做學生生意。可能大家只知道小食館有兩個連舖位，但其實係有第三個的！不過第三個舖位不是讓客人坐的，而是用來準備食物之用。雖然入面開著空調但當日天氣超熱，食食下都冒汗，可能夏天去吃未必是個好主意。墨鬚：秘製醬汁加上墨魚鬚，墨魚鬚的尾部有點韌，但頭部比較好食和彈牙，再加有蒜味的甜豉油，$7，抵食！他們的雜錦麵可以隨意配搭，好像這個就是我朋友所點的豬紅蘿蔔生菜銀針粉。而價錢都不過$40，街坊價~而他們最出名的就是碗仔翅，而碗仔翅也是雜錦麵的配料的其中一款，所以想吃碗仔翅又想飽肚的話也可以點雜錦麵。而這個碗仔翅加幼麵，碗仔翅相當稠身，不過相當的熱，所以建議要坐入D，又或者拿個碗仔將部分的倒出來散散熱啦！不過吃到後期碗仔翅也慢慢地變得稀身，也屬正常的。碗仔翅的份量比麵的多，所以吃完麵後還可以當碗仔翅咁食！其實他們另一出名小食是炸蛋(炸魚蛋)而他們有BB蛋，中年蛋和老蛋，指的是他們不一樣的油炸程度，例如：BB蛋即指魚蛋放進油內炸一炸就拿起，如此類推。而水槍即指香腸，聯合國就是指用不同汽水混在

每次同朋友講起小食館,大家都係一面興奮其實呢度野食唔特別,都係熱氣野,但係因為食左幾年,一星期至少有兩日,所以離開慈雲山大家都一直好懷念牛柏葉有辣有唔辣老柴可以話係必食,以前黎食晏係炸到叫佢起為止,所以係極老~墨丸都係炸o既,大大粒,超正基本上碗仔翅o係呢度係百搭,可以配米粉/米線/粗麵/幼麵/銀針粉/生菜魚肉一碗翅河已經可以當午餐,唔記得係十幾蚊老蛋係另一樣必食,炸到縮埋哂o既魚蛋~~今日冇飲聯合國(汽水機所有汽水溝埋),天氣凍飲熱檸茶如果以上唔夠喉,仲可以食下大菜糕紅豆冰之類o既甜品類

8-1-2013(二)是日放工後，去了慈雲山探朋友。好！在「慈雲山小食館」吃點小食後，才再會合朋友！慈雲山，我很少來的。。。猶記得 2011 年 TVB 《街坊廚神》，金剛、小儀曾去慈雲山，探訪當地的三位老友記：老布、老柴、老蛋！究竟甚麼是「老布、老柴、老蛋」？就在「慈雲山小食館」裡，你會找到這三位老友記。。。 街坊為店內的食品冠名為「老布、老柴、老蛋」，倍添親切感：老布：炸紅腸老柴：炸香腸老蛋：炸魚蛋 未吃之前，腦子裡有著幻想，味道會有何不同？ 吃完後，幻想則滅了一大半，因味道不過不失而已！店員刻意將紅腸、香腸及魚蛋炸至過火的狀態，以製造「老」的感覺；但。。。我只感覺我是把多啖變硬的熱油放進口裡，油膩得非常，其實沒有太大的特別。但是，今趟尋找「老布、老柴、老蛋」的足跡尚算是一個愉快的旅程，起碼見識過，就當是經驗的增長！

有事要到鳳凰新邨，想起這間以前幫襯多年的老店。店舖仍舊老樣子，簡陋但算整潔，衞生程度合格，只是老闆樣子變老。坐下叫了鎭店三寶，碗仔翅，炸魚蛋和煎墨魚鬚，味道仍舊美味非凡。碗仔翅夠杰，味濃，料多，尤其充斥著粉絲，完美得無可指摘，加入大紅浙醋，直是人間美味，是美味又吃得放心，小碗只是$10，正，九十五分。炸魚蛋好味，echo多一碟。墨魚鬚也是好味之選。埋單共$29，不貴。

是日同老闆1、2、3號準備去附近個室內遊樂場玩，點知原來要3點先開門；橫掂冇嘢做，就嚟呢間之前喺OpenRice見過都幾高評價嘅餐廳試一試佢。叫咗：可能睇完其他comment有好高期望嘅關係（又或者佢真係退步咗），今次嘅食物實在係唔合格——須知道一間小食店嘅碗仔翅就好似一個特首嘅誠信咁重要，呢part唔掂其他parts都唔駛睇。好彩只係路過一試，如果專登嚟嘅話肯定呻笨。

由小學開始就成日食小食館,咁多年黎D味道都無變過而且佢有兩邊舖位,一邊整野食, 一邊整野飲通常都唔使等,除非係正附近中學放飯咁就可能要等次次去食都一家會食碗仔翅或者兩溝,即魚肉溝翅而炸旦(魚旦)、火牛(炸牛丸)都好好食,不過價錢愈黎愈貴啦食大兩溝要廿蚊@@不過偶然當小食都OK架!但D甜品就好少見有人食,好多年前食過蜜瓜味豆腐花就好似jelly咁,唔太好食建議入到去都只係食熟食

好耐無黎小食館啦, 個晚經小儀金鋼介紹完, 立即挑起我條引。4點幾去到, 仲好鬼多人, d 枱已經擺晒出街啦。叫左好出名既炸蛋$5,有6粒, 仍然keep住咁好食, 不過好油. 所以一粒起2粒止。另外仲叫左碗翅針, 姐係碗仔翅+銀針粉, $15大大碗, 好足料, 2個人share 食岩岩好。後悔無叫埋碗什錦, 好掛住呀!

價錢越來越貴 (雖然相對其他食市還算便宜)現改為落單時立即俾賬單食客，方便其後結算 (以前係數碟結賬)。可外買沙嗲醬；好似加咗價。請問有無人知現在一瓶沙嗲醬多少錢?

第一次去好記得係拜完山, 朋友介紹先黎呢度嘅~今次已經係第二次黎喇, 相比第一次今次更加墟冚 , 每張枱都坐滿客人不過等左一陣已經好快有位我地四個叫左炸蛋 -- 炸完嘅魚蛋會剪開, 食落嘅口感同平時炸到好脹嘅魚蛋有分別, 有d似漏左氣嘅波咁, 但都幾得意~炸墨魚丸 -- 墨魚丸炸到脹卜卜, 表面搽左少少蜜糖, 唔會太甜, o岩哂我怕甜嘅人~蜿仔翅 -- 味道好之餘, 裡面簡直足料到震, 啖啖都有 (粉絲, 冬菇,肉絲), 而家出面嘅一般都好"稀",好耐未食過咁足料嘅蜿仔翅喇~豬紅, 冬菇, 豬皮粗麵 -- 3樣我覺得最好係豬紅, 入味而且有咬口, 唔會一食就散, 而且一D腥味都無~冬菇同豬皮都煮得好入味, 索哂D湯, 正~ 而且豬皮一D尾都無, 好驚叫左D成塊都係毛嘅, 真係嚇死人& 搵鬼食湯底好濃味, 加埋辣汁同埋佢自製嘅沙爹汁, 真係十個good~雞翼尖 -- 用鹵水汁鹵過, 完全無雞臭味, 不過份量太少~生菜魚肉 -- 呢個係咁多個小食最普通, 我會比較喜愛有果皮嘅魚肉, 而且佢將生菜切到碎哂, 唔切碎會更有風味~自製沙爹醬我上次都有買, 但由於唔太方便今次無買到, 下次再黎我

中學既時候已經成日黎TEA...佢D老柴(燶D既香腸)同火牛(炸牛丸)就係我既至愛!!佢最正既地方就係D秘製沙爹汁... 次次食都要多沙爹!不過可惜就係愈黎愈貴啦... 有時叫幾樣野食已經廿幾蚊不過久唔久一次都係唔錯既選擇~

座落於慈雲山既小食館.之前跟過1個係呢區讀中學既朋友黎過.一試難忘.魚蛋腸粉等等一定係中學生lunch既至愛.但小食館比其他小食店更有特色..花名炸蛋.火牛.炸老柴.不但已突出其特別之處.亦是叫人難以忘懷既小食.今次上黎.都係因為有fd得閒話要一齊上黎試試.一黎就叫左2份老蛋,2條老柴.1份什錦同1碗蜜瓜味豆花老蛋.真係好特別..彈彈地牙但同時因為佢炸過所以收縮左.老柴個皮冇炸到爆.但依然爽口.什錦包括生菜.蘿白.豬紅.豬皮.蘿白arm arm好唔係太淋又唔係太生.豬紅冇散.豬皮係淋而不是坊間好爽身個隻.1咬就斷了.蜜瓜味豆腐花不是豆腐花.有d似大菜糕既感覺.不知為何叫豆腐花(?)...會唔會係蜜瓜荳奶做所以...同埋太凍= =好多倒汗水呢...不過我諗呢間野都係食中學回憶比較多..我唔係附近中學既舊生都覺得有回憶既感覺.更何況係附近既中學既學生呢?

下午茶指定地方!放左暑假 黎得無咁密番學個排放學一定黎整番碗細翅當日下午茶再去 已經隔左個幾禮拜我第一次去呢度唔係回味d咩只係老友推介我係一個超鐘意食碗仔翅既人一食就鐘意左呢度d翅慢慢發現愈黎愈多寶!今次發現...有d野加左價同友人一人一碗細翅一人一個細可樂一人兩條超老柴我要左紫色姐喱 姐係提子味~我至愛都係好滿足既

話說....今天起身後, 突然很想起中學係德愛時代經常食的野~ 於是, 一條友, 坐言起行, 帶埋相機, 殺上慈雲山食lunch!見到上一個食家的評論, 其實都有道理的, 我食的主要是"回憶", 一份"浪漫學生時代的感覺"~論牛腩河, 佢只係13蚊, d汁靚, 但d肉好碎咁俾你, 好似頭頭尾尾的~(唔及佢再落d的明記~)但中學時代都被佢吸引~ 所以食返都想起好多事~~~~(,不過, 今天掃街, 無食, 因為先食左啊肥) 論碗仔翅, 你就唔好expect佢超好水準, 都係普通的味道, 但有好多種選擇俾你, 如翅河/魚翅/菜肉翅, 翅面........都係8蚊起, 12蚊止食到飽, 對得起價錢~但論價錢, 及小食, 及汁,佢係學生時代的我, 就好吸引....2蚊一條黑淑汁的老柴---- (買左4條帶走!)幾蚊的老豆---- (好味, 尤其係見佢由大粒, 到慢慢小粒的樣), 配埋d汁, 好味呀~~~雜錦!----其實雜錦中, 我覺得係豬紅好味d~~~ 下次只喊菲菜豬紅都好好味D豬紅好吸引!冬姑--------無錯! 食足7年, 冬姑加黑淑汁, 非一般好味! 尤魚的話, 要叫佢煎尤魚, 配上黑