慈雲山小食館 (已結業)

去小食館食野o既主要原因：平，快但．．十級熱氣加唔飽肚．．我覺得最好味亦係唯一好味o既野食係碗仔翅．．但我更鐘意係用碗仔翅整出黎o既幾個小食．．三溝，翅河．．三溝會好過翅河．．因為翅河食到最尾會變到好水．．其他真係痳痳地．．炸蛋有時炸得太乾過龍．．

2008年7月13日下午4:00 同沙牛男友由灣仔去慈雲山食懷舊小食, 其實我細個阿媽好少比我食街邊嘢, 所以我無得compare, 但呢d街頭小食對沙牛男友o黎講有好多童年回憶! 我地叫咗:1) 碗仔翅 – 好好好味! 沙牛男友話係細個果d味道, 好正2) 炸魚蛋 – 好味! 我細個唔單止未食過呢樣嘢, 連聽都未聽過, 今次第一次食, 我覺得好油, 不過味道ok!3) 狗仔 – 普通! 依家好少地方有得食, 都ok架!4) 豬紅 – 我食得出係雞紅, 都ok啦!好多人幫襯, 大部份都係買炸魚蛋+碗仔翅.有下次! 因為見到炒麵都幾好!佢地開10點~7點, 星期日都開, 開飯啦個電話唔啱o架!

已經有一段時間未來過小食館食野, 野食水準大體依舊, 但價錢卻加了不少, 我地叫左細的碗仔翅($8), 料依然多, 有冬菇, 肉絲, 粉絲, 但唔知點解好稀, 同以前傑傑的口感不同, 大感不惑??炸蛋($5), 即係炸魚蛋, 炸耐d炸到老晒的叫炸老蛋, 一上檯時脹脹的, 不過不消幾分鐘就縮晒, 熱辣辣配黑椒汁非常可口, 一定要盡快食尤魚配辣汁($7), 配上幾辣的沙爹汁, 令完本無味的土尤魚變為上等美食炸紅腸($7), 有6片, 炸得比較乾身, 所以食起來比較硬同乾炸牛丸($7), 有4粒, 呢個卻炸得不錯, 食起來不乾食, 而且有少許肉汁, 牛丸味濃, 正!!再食左豬腸, 蘿白粗麵配腩汁($17), 一餸麵$13, 加多一餸加$4, 個麵底幾大, 應該唔止一個麵餅, d豬腸唔錯, 無咩怪味, 但蘿白唔得, 有d有渣, 有d太淋, 味道唔鮮甜, 唔合格!!最後叫左一杯忌廉走冰($5), 走冰都夠凍, 我老婆仲話好夠汽!!其實作為街坊小食店實屬不錯, 但加左價, 已不算十分便宜, 味道和水準卻有些少下降的趨勢, 如沒有感情分, 我想再沒有專誠到訪的必要了!!

此乃我與女友每次到慈雲山必到的SPOT...喜歡它的炸魚蛋... 墨魚丸 & 魚肉翅魚肉翅足料非常....　好好咬口食到最底都唔似其他小食店咁會搞到"稀"晒墨魚丸配合其獨有醬汁味道一流　最愛還是它的炸魚蛋．．．咁好味... 到底點整???

今天上了慈雲山食lunch~去了小食館小食館可說是附近學生的飯堂menu也有不同款式的食物,而價錢亦相宜車仔麵類,小食類甜品類,飲品類-味皇炒麵觀看顏色炒得都幾靚而且份量也不少-碗仔翅有分大和小的,我要了小的是熱辣辣的,杰杰的而不是水水的碗仔翅的味道很濃郁~只加少許的胡椒粉及醋調味便夠了而內裡很足料,有很多的肉絲及翅..只是冬菇絲比較少很有小時候吃的碗仔翅的味道,很好食!-炸魚蛋又名"炸蛋",魚蛋炸得皺皮了..有點脆又有點淋,內裡是煙un的口感很得意~但沒有魚味的炸魚蛋唯有靠醬汁調味吧-魷魚很爽口,但是只有豉油的味道-炸香腸又名"炸老柴",這些也是學生們的術語..很有趣-什錦menu上說有豬紅,豬皮,蘿蔔,菜但來了後豬皮竟然變成了魚蛋?豬紅比較散..亦鞋口魚蛋也是沒魚味,靠沙嗲醬調味蘿蔔沒有渣..但不清甜~吃飽飽後便步行回黃大仙了~消化一下

身為慈雲山人既我,己經好少喺慈雲山食野,不過今次又例外!我叫左碗細碗仔翅,炸旦(魚旦),碗仔翅味道唔錯,肉絲都幾多,雖然冬菇多,但係我覺得要碗碗仔翅好食反而應該再加多d雲耳絲,因為會爽口好多!炸旦好正,點辣油食勁好味!

21/3/2008,跟妹妹兩個到此試下小食.點了炸魚蛋($5),呢種口感我不喜歡,嫌炸得乾了點魷魚鬚($7,）口感不俗牛葉($7),用咖喱汁,份量夠,味道麻麻,加上好大件,如果剪細小小就好好多啦炸墨魚丸($7),幾好味,又唔算乾炸紅腸($7),不錯細的碗仔翅($8),料夠,偏杰身,不錯服務不錯,阿姐態度好好

中學O係附近讀書已經好鐘意佢既炸蛋出面好少咁整我覺得好正~小食館有佢一種文化食多幾次就會感受到而我鐘意小食館, 唔多唔少鐘意佢既文化

星期日下午五時去食,見枱枱都叫煎魷魚鬚,便試了一碟$7幾硬,又唔夠熱,亦無魷魚一般有的濃烈香味跟著試了炸香腸$5兩條,即叫即炸的,亦覺頗普通,跟好運街市一元一條差不多碗仔翅($8細碗)及炸魚旦($5)今次就好好食碗仔翅多肉絲及冬菇絲,品質比旺角街邊檔好好多,$8好抵炸旦夠熱,質感軟稔帶煙韌,加埋特有醬油,忍不住想再叫多碟

落到慈雲山,理應試試這裡。因上兩次誤以為這間是毓華里中段休息的小食店,以為摸門釘。後來有店舖相,才知道之前弄錯了。星期日的下午茶時間,人客坐滿兩個舖位。先點個炸蛋,見細與大的碗仔翅價錢只差四蚊,便要個大的。炸蛋初時食的外有點脆口,但後來會變腍,內則不是爽口彈牙,而腍身而帶少許煙韌。魚蛋炸後魚味欠奉,豉油甜中帶點辣,故需倚賴豉油。大的碗仔翅比細碗仔翅差不多多一倍,看其表面已知足料,湯底不太杰,羹羹有翅,但嫌翅腍身,而冬菇、肉絲入味,食到「冇水」,個底還剩下很多料。見搭檯的夫妻食完又叫,食完又叫,叫了十多碟。意猶未盡,再點碟墨鬚加杯細可樂。墨鬚也是炸的,比較硬身,微脆而帶爽口,加上甜豉油,個人反覺得這比炸魚蛋好食。不過始終是小食,還是「少食多滋味」。食得飽飽,繼續落黃大仙。

今天下午，難得與中學同學聚舊，一定要到小食館緬懷一番，舊地重遊，的話勾起大家求學時期的記憶，一行六人，大家叫了炸魚蛋(炸蛋)、炸牛丸(火牛)、炸香腸(老柴)，當然少不了三溝(魚肉+碗仔翅+生菜)，相隔多年，炸蛋依舊美味，碗仔翅仍然是小食館的招牌貨，用料十足，絕非旺角的生粉水的貨色，大家邊吃邊說，不知不覺間，已消磨了一個小時，雖然，大家吃的並非珍饈百味，然而，大家仍然樂在其中，所以，快樂不一定要花費很多的金錢。小食館，謝謝你為我們帶來美好的集體回憶。

我覺得D野唔好味得去邊..D野又貴w0..街坊客仔囉..小販仲平仲好味ar

兩個人去食叫左好多野食煎尤魚+ 雞亦尖+ 炸魚蛋+ 菜肉碗仔翅+ 魚肉碗仔魚翅+ 牛柏葉+ 炸牛丸煎尤魚d 汁好正亦尖係鹵水果隻.....整得剛剛好唔會太咸炸魚蛋.....極級推介....口感好得意~~~好好味....佢d 醬都好正兩個翅都好好.....可能太耐冇食.....好好味~~牛柏葉就太淡...冇咩味....炸牛丸都冇咩特別....好似普通果d 咁....但係.....計計埋埋都真係好正呀!!!!

叫了細碗仔翅($8),炸魚旦($5),炸墨魚丸($7),炸紅腸($5)勁多人食碗仔翅,不過都是普普通通,冬菇絲及肉絲不夠多炸魚旦及炸墨魚丸: 炸過後已無晒魚旦味及墨丸味,只靠醬汁吊味,唔算好食炸紅腸: 最抵,大件又厚身,唯一能保留到本身紅腸的味道

我都响慈雲山住過幾年, 當然試過這小食館的食品, 但見其他食家都無提過佢地d糖水, 不如就我講下啦: 我會叫你試下芝麻冰或芝麻糊, 因為真係用黑芝麻造吾係用粉開, 一食就知. 其他食品呢, 我就每次都會叫雞尖, 墨丸, 細翅