影片
以上资料只供参考，请与餐厅确认详情
九 龙 城 慵 懒 生 物 🐶 🐩今个星期日想试下新Cafe去左九龙城半日游呢间餐厅有ALL DAY MENU同LUNCH MENU今日就试左两个比较多人食既椒 丝 腐 乳 卡 邦 尼 2.1 🍝本身我冇特别钟意腐乳但呢个意粉又食唔到好重腐乳味👍中间有呢橙红色蛋黄系用黎捞匀个意粉第一啖食落去有少少咸食食下愈来愈好味但去到最后都会有啲漏个猪肉整得好入味ALL DAY BREAKFAST ☕好岩香港人口味有爆汁芝左肠芝士烟肉焗磨菇香滑滑炒蛋 沙律菜
继续阅读
九龙城嘅一间宠物友善cafe🌼慵懒生物🌼，以树懒🦥为题材，虽然店舖面积唔大，呢度嘅环境都唔系太特别，对出就系马路，但因为侧边冇太多人流经过，相对比较静，都系一个hightea好地方，今日就带埋大佬🐶过嚟食个tea先，佢哋呢度净系做日头，傍晚六点就闩门，所以相对地小点会比较多，而佢哋会有每日唔同嘅Daily Tea Set，叫份多士或者甜品另外配埋嘢饮价钱唔使$100，都叫OK嘅🫐伯爵茶鲜果酸种多士 $75 :呢一份就系下午茶餐酸种多士，伯爵茶口味配上杂果，卖相唔错，食落都相对清新，唔系腻既一款茶餐，多士面层除咗有蓝莓粒之外，仲有燕麦同埋蜂蜜，另外配有火龙果肉，不过多士较为硬身，食落去冇脆边嘅感觉，口感的确一般😩🍰黑芝麻玄米茶戚风蛋糕 $58 :不过另外呢款蛋糕就有惊喜😋，佢系黑芝麻味嘅外层，里面配有玄米茶嘅Mousse，芝麻味香浓，两种味道几夹，戚风蛋糕都软熟，食落去甜而不腻，值得推介🙌🏻，佢其实唔系menu里面，应该系限定款，所以想食到佢就真系要撞手神啦☕️Ice Americano +$4 :嘢饮方面可以配有$40以下嘅嘢饮，其余嘅补差价就可以，呢杯冻咖啡卖相就普通，饮落都比较普通，味道较淡，咖啡味唔算好浓郁😩☕️姜饼鲜奶咖啡 +$40 :但呢一杯姜饼鲜奶咖啡又几特别，饮落有一浸姜嘅味道，但系又唔会过浓烈，唔会抢咗本身咖啡嘅味道👍🏻，可能热嘅关系，呢杯咖啡又唔算好淡，但我谂咖啡豆都系一样，佢哋嘅嘢食都比较参差，有啲系几特别，味道又唔错，但有啲又好一般，未至于难食，不过好似多士咁样净系叫一份价钱就比较贵🤔
继续阅读
饮品和食物质素高，✋🏻✋🏻腐乳卡邦尼意粉值得一试，硬身意粉is my pick，洒上pepper蛋黄捞埋一齐很match 🥰🥰🥰户外位置见到好多人带毛孩嚟食，都几热闹下我坐室内座位，见到店员亲切友善嘅微笑，又有个仿树嘅阅读角打卡位，ig able+ pet friendly 🪑💋另外叫咗一杯季节香茅咖啡，很有惊喜！期间限定唔清楚last几耐下次会再来尝试吃乌冬和试新咖啡1同埋试吓坐外面 sunbath 下
继续阅读
今日去咗 lazy Creatures 食lunch，叫咗三个set lunch，每个都几特别。第一个系韩式三文鱼柳丼饭，第二个系椒丝腐乳Carbonara ，最后一个系嫩鸡沾乌冬，另加一杯泰式奶茶。 比较复杂嘅系第一个丼饭，点解话复杂，因为真系好多唔同嘅材料，超级健康，最抢眼一定系个三文鱼柳，个鱼柳表面有啲焦香味，好厚身，但系煮到啱啱好，少少半山熟感，叫韩式风味，相信就系用咗啲韩式辣酱，但唔算太辣，其他配菜好健康，就好似𠮶半个牛油果，最后另外仲有个泡菜薯仔沙律，麻酱嘅甜味同泡菜捞埋一齐又好似几夹，成个菜式好多唔同颜色，见到都好开心。 个椒丝腐乳 Carbonara ，又系估唔到咁夹，腐乳味唔算好浓，太浓嘅话应该会变咗中菜，有啲似中菜同西餐fusion，加埋只鸡蛋捞匀啲汁，真系几开胃。 最后系一个嫩鸡沾乌冬，个餐配咗碟莲藕配菜，莲藕少少甜，普普通通但味道容易入口，个汤有淡淡嘅奶味，乌冬上面有块柠檬，我估应该系放入个汤度，虽然有啲奇怪，但系有少少酸味又令到个汤好似突出咗。但系要减分嘅系个柠檬劲多核。啲鸡又真系做到嫩滑，但系味道略嫌淡咗啲，不过连埋啲汤一齐食，效果又唔错，只流心蛋就唔系好识流心，个乌冬虽然系沾乌冬，但系始终自己都系钟意当汤乌冬咁样食，所以个汤嘅味令到整体加咗分。最后个泰式奶茶就一般般，系有泰式味但唔够甜。 成个用餐感觉好健康，就算系 Carbonara ，都因为个椒丝腐乳汁唔系好浓，对于钟意食浓味嘅我，觉得清淡少少，感觉系一个健康嘅 Carbonara，最后值得一赞嘅系知道佢哋嘅餐牌会成日都转，见到啲菜式嘅配搭，觉得小店系有心谂菜式，非常满意嘅晏昼饭。
继续阅读
还记得几年前经过亚皆老街球场旁回旋处发现一间细细的咖啡店，地理位置独特，大概平时也不会有太多人经过；时至今日，佣懒生物已经扩充业务变成一间有两个单位的咖啡店，假期的下午特意过来休息一下。本来想点一客好像挺受欢迎的墨西哥早餐卷，可惜店员说已售罄，那我就选择了佣懒全日早餐($128)。全日早餐没有很大的一碟，不过食材都算是丰富，包括了车打芝士肠、烟肉忌廉芝士酿大啡菇、九层塔炒蛋、奶油面包、烟三文鱼沙律和燕麦片乳酪杯。由比较轻盈的开始吃：蔬菜清脆新鲜，淋上了一些柚子醋酸酸甜甜十分醒胃，反而两片有点厚度的三文鱼感觉有点「假」，味咸也不太像三文鱼，有点奇怪；乳酪另外加入了一点甜味，燕麦片跟蓝莓分别为乳酪增加了口感和清新，微酸同样醒胃；烘热的面包带微脆，散发著牛油的香味；炒蛋不算绵密，味道也是直接的九层塔加蛋；芝士肠煎得有点焦香，内里juicy有咸香；大啡菇酿入了烟肉和忌廉十分creamy，表面再放上芝士去焗，是不败的组合。跟餐饮品可减$10，焦糖咖啡甜甜的但咖啡味相对地淡，不是太明显，若是习惯饮咖啡的朋友大概会觉得不太够喉，只是蜻蜓点水。另一杯焙茶鲜奶的表现比较出色。拉花精致，焙茶味浓但不苦涩，淡淡的茶香与牛奶相融，入口顺滑带点回甘，比例做得几好。是日天气清爽舒服，即使是坐在户外的位置也完全不会感到热，就这样成为了一个多小时的「佣懒生物」，在餐厅聊聊天、放空一下。食物来说都是普普通通、食材和制作过程简单直接，索价则有点进取了。大概最吸引的是在闹市中有一个空间让人带著宠物休息放松一下，感受这里的热情和气息，也是一个特别的体验来的
继续阅读