影片
以上资料只供参考，请与餐厅确认详情
相关文章
🌟沙爹牛肉面｜正到痹重头戏登场！大大旧牛展焖到腍而不淋，沙爹汁浓到黏住筷子，辣中带甜仲渗住椰香，捞埋粗面简直绝配！面条挂满酱汁，每啖都充满牛味同沙爹香！🍗炸鸡翼即叫即炸嘅鸡翼外皮金黄酥脆，秘调粉浆带少少蒜香，鸡肉嫩到离骨，记得要趁热食，冻咗都一样脆口，不过热辣辣食先系灵魂啊～☕️孖宝鸳鸯｜够浓够滑最后必须以一杯正宗鸳鸯收尾！咖啡香同茶香平衡得刚刚好，甜度可以自选，入口绵滑带少少苦涩，饮完成个胃都暖笠笠，同出面饮嘅「水准参差」鸳鸯真系差天共地！
继续阅读
50年老字号，出名牛杂面！啲嘢真系好到连腐乳都有独特风味！必食推介：1️⃣牛杂面- 牛杂新鲜够爽- 面条弹牙爽滑2️⃣牛腩河- 大大碗抵食- 牛腩入口即溶- 入味程度perfect3️⃣牛丸- 虽然唔算好弹牙- 但系香到停唔到口- 一啲就食完特别推介：🔸腐乳通菜- 腐乳原汁原味冇加水- 特别香浓🌟🌟🌟🌟🌟🌟🌟🌟🌟整体评价：❤️50年老字号，功夫十足💚啲嘢样样有质素💛价钱亲民抵食Rating：懒惰鼠😻😻😻😻懒惰虎🤩🤩🤩🤩📍成记牛杂粉面新蒲岗锦荣街4A号⏰营业时间：10:00-23:30
继续阅读
成记牛什粉面，系一间细细间嘅小店🏠。**牛丸面🍜 $36**呢碗牛丸面，牛丸弹牙爽口💪🏻，口感几好😋！汤底清甜，唔会太咸🧂，面条爽滑🍜，整体味道几好👍🏼！份量都几足！不过环境就比较简单朴实😌，座位都比较迫。🌟 **成记牛什粉面**📍锦荣街4A号地舖________________
继续阅读
今日经过旧区新蒲岗，谂住食个下午茶，谂咗一阵，本来想食合利，但系今日想食啲浓味嘢，最后谂起呢一间老字号牛腩店，记得以前经过都见好多人帮衬，知道佢最出名就系啲牛丸！既然系咁，不如试吓啦！好快就揾到间舖头！入到去唔系好多人，可能系下午茶时间，坐低咗！讲吓呢度嘅环境，坦白讲就一般，一般旧式嘅牛腩店，啲筷子仲有啲油淋淋，卫生环境真系好一般，不过呢种老字号，都预咗㗎啦！好啦，讲返啲食物，本来谂住净系食牛丸，心谂不如试埋个牛腩啦，结果嗌咗个牛丸拼牛腩米！唔使3分钟啲食物就到咗，效率真系好快！先讲吓啲牛丸，佢唔系好似出边𠮶啲好弹牙嘅牛丸，但系啲牛味好浓郁，相当唔错！唔怪之得咁多人帮衬！叫咗双拼，谂住得两粒，结果有成三粒，都几开心！另外反而冇期望嘅牛腩，都比想像中好，啲牛腩唔系碎湿湿，虽然唔系特别部位，但系整体都唔错，值得一赞嘅系佢嘅潮式卤水，喺个牛腩上面加咗分！最后埋单$48，呢个价钱算系咁！交足货，唔怪之得呢间老字号可以一直经营落去！
继续阅读
#成记牛什粉面 自己曾经喺新蒲岗工作过几年，一次都冇食过呢间牛什粉面，睇到有人介绍连老板都话自己嘅腩汁系偏重口味，本身谂住叫牛腩河，但系见到有人话佢嘅牛丸超正，所以就嚟个双拼，$46。中午食饭时间嚟到系全场爆满，刚好有一个位摄到入去，唔知系咪期望越大失望越大，嚟到嘅时候试咗啖汤系比较清淡，同个咸字扯唔上关系，而且系越食越冇味。河粉系稍稍粗身，味嘅来源来自汤底，不过因为汤底冇乜味，所以河粉都系好淡口。最大镬系牛腩，咁多件系得两件比较淋，其余都系极级瘦，似煲完汤嘅瘦肉柴口非常🚫所有嘢唯一好食系牛丸，双拼有三粒，比较临身有肉香味，不过都难补牛腩嘅不足。由于真系太淡，忍唔住问佢加净腩汁，热热地其实几好味，试得到有基本嘅花椒八角，睇色水已知有分别。唔知系咪百忙中出餐时唔记得加蓝汁，就导致我呢碗淡然无味嘅河粉出现。但系牛腩嘅质素真系唔掂，如果钟意食瘦肉就可以嚟试下😪成记牛什粉面新蒲岗锦荣街4A号地舖
继续阅读