成記茶寮

营业中

休息中

元朗成記茶寮，份量大大疊，價錢相宜元朗的成記茶寮開業多年，老公在中學時期常常光顧，這次點了兩碟飯，整體味道正常不俗，豉油甜甜，勝在價錢相宜💰。1️⃣ **雞球雙蛋豉油汁飯**：雞球滑嫩，配上雙蛋，搭配甜甜的豉油，雖然味道普通，但滿足感十足。2️⃣ **豬扒餐肉豉油汁飯**：豬扒口感不錯，餐肉的鹹香與豉油的甜味結合，讓整碗飯更有風味。大大碟只需$55，真係超值！非常適合學生食lunch或者工人午飯的好地方🍚🥪。值得體驗一下！🌟環境🏅🏅🏅味道🏅🏅🏅性價比🏅🏅🏅🏅🚩元朗建業街街市地下C8號#成記茶寮 #元朗 #午餐 #超值餐 #香港美食 #學生用餐 #工人午飯 #元朗美食 #元朗探店

係元朗「揾食」點都聽過「成記」嘅大名嘅🤣豬扒飯出名又平又正，勁多街坊幫襯！❤︎ 豬扒雙蛋飯馳名豬扒真係名不虛傳，豬扒鬆軟易咬但保留一定嘅肉感，但絕對吾係鬆肉粉「拿」出黎個D效果。另外個豉油汁又係癲左甘出色，濃色濃味，仲有焦糖嘅甜香🤎加埋個流心蛋真係撈爆十碗飯🍚︎❤︎雞翼雞翼裹滿Bling Bling嘅醬汁✨皮肉都係處於好飽滿嘅狀態，肉質保持到好鮮嫩又好夠入味🤤呢個價錢食到甘高質嘅食物真係十分欣賞

你而家就真係見到社會嘅變遷，以前一至五午餐佢都可能間中要等位，星期六日就更加唔使講，啲人特登入元朗搵所謂好嘢食，話要「食好西」。而家唔好話元朗人自己本身會唔會留喺區內消費🫢就連住遠啲嘅可能都會特登搭地鐵去深圳為咗食餐飯，不論有沒有下場，特登去食餐飯都開心咁樣。☺️所以，現在你可以見到這間元朗成記茶寮都不見了人龍。但係其實佢都係做返自己嘅嘢，米飯唔會太軟，豉油汁不算太多，不會浸死個飯，豬扒夠大塊，非常厚身，質地軟林林，味道和當年其實沒有什麼大分別。

專登過嚟食馳名豬扒飯，大排檔feel熱到暈，豬扒大大件厚切，保留到肉汁嫩滑，唔係話煎到個面好脆好香嗰種，獨家嘅黑汁 不會太甜，少量菜底，60蚊左右連飲品，算有誠意，好旺好多人慕名而來。

成記豬扒飯係我食咗10年最好食嘅豬扒，可惜近幾年因為舊老細唔知去咗邊轉咗手，開始退步咗好多，早幾次去食連啲飯都煮得唔好，最近食多次進步咗少少，所以呢幾日再俾多次機會佢，今次嚟到豬扒同之前一樣都係後大塊入味，飯方面都正常返少少都有返少少舊老細嘅味道，但係始終都係爭少少，希望元氣要進步，同埋舊老細之前係會整炒麵嘅，而家永遠只能懷念，環境就唔使講啦，一定係差㗎啦，喺正公廁隔離，一定好多蛇蟲鼠蟻，怪味一定有，但係味道最實際，希望下次你會更加進步回復返以前水準。

相信無人不覺得香港生活指素高得要命，衣、食、往、交通費等，幾乎每樣都要比鄰近國家昂貴！不過自小有聽過「人比人、比死人！」這句話，比較是一件惱人且沒有意思的事，皆因事出必然有因。作為無可改變、要在香港過生活的人，只能換一個角度去思考。其實香港還有不少食肆仍在努力為香港人提供價廉物美的飯餐，元朗以豬扒聞名的「成記」正是其中一家！中午二人就來一趟大大碟的「成記」豬扒雙蛋飯和馳名豬扒飯作午餐！堂食價位跟連鎖快餐店接近，不過我認為質素好多了，不過大牌檔環境好難有冷氣，未必人人喜歡！「成記」有訂餐熱線及 外賣平台，不過礙於人手不多，繁忙時間又要應付在場不少外賣客人，電話經常爆響而無人接聽，落單執拾檯面也得耐心等待，不過服務的叔叔態度蠻好的。門上貼有每月的定休日，亦有單買豬扒和雞翼的價錢，絕對是頗有條理的大牌檔！保證兩塊大豬扒的馳名豬扒飯來了，豬扒真的厚身和 L Size，把白飯也幾乎全面覆蓋了！我們都比較愛吃連骨豬扒，留意到豬扒上有一條坑紋，應該是「成記」用來加強入味和減少煎煮時間的做法。要讚的時，豬扒質感鬆軟得來，仍保留一點咬口。豬扒不光是瘦肉、肉中間有幼細的脂肪，不至於肥膩，但令豬扒入口順滑不

一早特登入元朗食冬菇亭，食咗其中一間出名食豬扒嘅成記茶寮，之前食過一兩次，覺得抵食得嚟味道又唔錯，之後幾年冇嚟過，今次都冇令我失望，雖然相信都加咗少少價，但係質素冇咩變化，仲見佢似乎做咗少少裝修，雖然都係喺公廁隔離，但整體環境感覺比以前好，叫咗個豬扒雞球飯，加杯凍奶茶，個飯好大碟，一個女仔一定食唔晒，個豬扒依然大大件，煎香左加埋少少肥膏，好香口，味道唔錯，幾腍但係仲保持都有咬口，個雞球又係大大件，雞球同啲飯嘅味道就係靠個豉油，豉油嘅調味調得好，送飯一流，所以個重點就係豬扒同豉油，至於杯凍奶茶，就真係爭啲啲，茶味唔夠濃，糖水亦都過甜，如果唔係太熱，淨係叫個飯已經足夠，埋單$55，尚算合理。

放假入元朗搵食，第一站去成記茶寮。今次係我第一次嚟呢間食店。相信大部份人都係為咗食呢度嘅豬扒而嚟, 所以唔使多諗, 坐低就直接叫咗豬扒雙蛋飯，熱奶茶 $55 。筷子都未用紙巾抹好, 碟飯已經上咗枱。豬扒真係幾大件, 配上雙蛋,已經遮晒成碟飯。豬扒係有骨豬扒，略帶筋膜，食到骨邊位會有點韌，唔係人人喜歡，但我ok。豬扒煎得唔硬，我用鐵匙已很容易鎅開幾件，入口有焦香，夠鬆，有少肉汁，略帶少少肥肉，加上淋上面嘅甜豉油，整體上，塊豬扒算做得好食。啖啖肉，配上甜豉油容易送飯。

走入成記，首選係名物豬扒雙蛋飯，親，塊豬扒真係厚過我隻手指🤏，即叫即整，外皮微焦香脆，肉汁噴射啊！煎到岩岩好，入口即溶，配埋流心黃嘅太陽蛋🍳，夾少少甜豉油一齊撈，簡直係味覺大爆炸！啲飯又係散香，食到最後一啖都唔捨得。椰菜煮得啱啱好，夠軟滑又唔過爛，吸滿咗豉油，食落過癮！再黎講講扒加瑞士雞翼，凍飲添，三隻瑞士雞翼唔係講笑，皮脆肉嫩，其中有啲甜甜，比傳統豉油雞翼就淡咗啲，但都算係對得起個名。配搭䄂沙凍檸茶☕，收貨嘅時候簡直清涼到，幫助將味蕾Reset，準備再戰第二輪！總結嚟講，成記嘅食物啱晒呢啲愛食肉嘅食客，份量夠晒滿足，味道掂爆，真係要黎試吓先知！食得咁開心，啲汁滿出嚟嘅景象，好似喺度講「再嚟一碟」咁。👍

豬扒雞扒飯～凍奶茶豬扒超大塊，勁厚身～入味雞扒都大塊，份量都多，基本上食肉已經夠飽佢個汁應該似啲瑞士汁甜甜地如果豬扒同雞扒再熱少少就仲正凍奶茶就中規中矩～整體上，下次都會再食～鍾意食肉嘅朋友值得推介

我呢個九龍人 又黎到元朗啦今次要食收藏左好耐既 #成記茶寮位於街市既大排檔仔👴🏻夠晒麻甩都話我最愛幫襯小店架啦😌⍥ 豬扒飯 ❙ $60⍥ 豬扒雞翼飯 ❙ $52豬扒飯 足足兩大塊 差啲見唔到個飯😂而我就要左豬扒雞翼飯有一件大大塊豬扒 帶骨既👍🏻肉質有彈性得黎好夠稔 但呢個稔又唔似用鬆肉粉揦到啲纖維爛晒唔乾唔柴 好味喎🤩雞翼三隻都幾肥美🤤瑞士汁好香濃 完完全全入晒雞翼深深處我仲見到有人將啲汁倒晒落飯到🤣但其實個飯已淋上甜豉油 甜到有少少似瑞士汁而旁邊有啲菜 好似營養均衡左？🤭haha可惜！！成碟飯都唔夠熱！！有部分仲要係凍😰最熱係雞翼囉⋯⋯溫度唔夠的確扣左啲分😋不過整體我地都鍾意～～～講到環境不得不提🤔隔離係公廁 但我地坐咁耐都無聞到異味乾淨就一定稱唔上不過職員友善 而且一路上不乏食客、街坊相信都儲落唔少粉絲😬😬

今日難得放假身為一個念舊既人比起去一啲新嘅餐廳其實我比較鍾意去番一d充滿回憶同人情味既餐廳依道坐就好似大排檔禁都幾多人食 有番工既人 有學生 有工人咩唔同既人都儲搭埋同一張枱為既就係一碟 鼓油汁既豬扒飯豬扒好鬆軟 一咬就開 豉油汁入哂味加配埋 薑味偏重既瑞士汁雞翼啖啖都係肉真係好爽以前會加埋一支支裝可樂夏天食真係好爽😄最緊要價錢真係好親民點樣配搭都好加埋都係$52 凍飲加兩蚊另外就係佢周圍成條街都有d位泊下車所以都幾方便同就腳 就係交通廣場枱離

哩啲冬菇亭又或者叫熟食中心🍴，真係買少見少🔎。而呢啲地方通常都係冇冷氣🥵或者環境衛生較差🦟，但相對地佢哋價錢就比較平💰同埋多種一份情懷👴🏻。不過今次我選擇咗叫外賣，因為佢間鋪係正正對住公廁門口🚾，等飯個陣已經有浸唔太好嘅味道🙊。豬扒雞球飯 ($54)盒飯有一大塊豬扒🐖，四件雞球🐓，有一堆椰菜🥬塾底，一兜汁，仲跟咗杯嘢飲🍹，冷熱同價。哩度最出名就係豬扒，雞球同埋瑞士雞翼，豬扒出名大件夾抵食，睇圖都見到佢好厚一大塊。而雞球其實就係將一塊巨型嘅雞扒，斬開咗做四嚿雞肉。佢啲嘢食份量的確係好巨型🤲🏻，食肉獸見到一定好開心🤩，但係個豬扒實在係鞋咗啲，食嘅時候真係要用下牙力同咀嚼肌先搞得掂😬，而雞扒就係普通嘅連皮雞排，相較豬扒之下，雞肉就比較正常👌🏻。而個白飯就比起我哋平時食開嗰啲再淋身啲，我自己就食唔慣🫢。個汁就係甜豉油，係煮雞翼嗰啲汁嚟，味道偏甜🍬。其實成盒飯都係你可以想像到嘅味道黎💭，只係一個嘅加大size嘅豬排雞排飯，作為元朗名物，有少少覺得名過於實🤥。⭐️總括而言…我今次食哩塊豬扒好鞋👟，唔知係一時失手定不嬲係咁，如果你係元朗人買飯食，我會推薦你食返瑞士雞翼🐥。但如果你特登入元朗試哩個飯，原

#搞串個pantry我哋會同大家去發掘唔同嘅餐廳。鐘意食嘢嘅你，快啲follow我哋啦！ 或者dm我哋一啲想我哋去食嘅餐廳啦👅👅😋今次去到呢間餐廳，就比大大件嘅豬扒🐷吸引住！而且仲有兩隻太陽蛋🍳蛋汁混合甜豉油，再一啖豬扒一啖飯，真係超級正，一啖接住一啖勁快就食完😋😋🍽️ 值得讚嘅係豬扒醃得好入味，同埋甜豉油同飯真係勁夾！但係，略嫌啲飯煮得唔太好，有啲飯粒太硬，有啲飯太軟🤨同埋，個飯嚟時都唔係好熱，只係暖嘅。不過個飯咁平($47)，如果大家經過元朗，都值得去食！

大隻仔今次覓食嘅店舖就係💥 成記茶寮 💥 元朗名物「豬扒飯」聽就聽得多，大隻仔今日終於有機會試食嘞，餐廳11:30前賣早餐，到11:30先有豬扒飯賣。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️環境 ⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 豉油豬扒雞翼飯 $50豬扒超級大塊，有手掌大細，而且係厚切，每一啖都十分滿足。煎豬扒有用刀界開，方便進食，而且肉質鬆化，唔乾唔柴，近骨位、近肥膏位會特別好食，有油香又夠淋滑，而中心位置就會比較實。豉油係甜豉油撈飯一流，味道有少少似瑞士汁但帶微微魚腥味。另一主角瑞士汁雞翼，有三大隻。瑞士雞翼超級好食，夠淋滑又入味，比起好多茶餐廳還要好食，大隻仔覺得可以媲美太平館。瑞士汁偏甜，唔止用砂糖，仲有冰糖既甜味。至於飯底就比較普通，比較濕。🔥 凍奶茶少甜 $0味道一般，茶比較苦澀，奶都ok。溫馨提示：環境就真係唔太好。餐廳有大量外賣單，老闆做唔停手，落單要比較有耐心。不可單點2塊豬扒飯，因為成本、貨源緊張關係，豬扒飯必須雙併。