我想和你無所事事 (PopCorn 2)

营业中

休息中

同同事喺附近一間餐廳食lunch，發現該餐廳內有呢間舖嘅飲品menu唔知兩間舖係咪同一集團或只是合作關係呢？店名有趣，令人印象深刻飲品名亦都夠盞鬼，好地道咁玩廣東話食字！！講廣東話嘅人會覺得親切感十足，亦令現時嘅後生仔輕輕鬆鬆學多幾句俗語例如「乜得你咁馨香芋拿鐵」同「終需有日龍穿鳳梨柳丁鐵觀音」，兩款飲品都包含俗語！不過，我都係揀左「法蘭西芝士奶蓋四季春茶 (凍)」因為同事住附近，有時會黎幫襯，佢極推介芝士奶蓋系列～自己本身都鍾意，加上同事推介，無理由唔飲丫～～奶蓋果層都算厚，帶點芝士嘅鹹香味，質感軟綿，但略為稀左少少選擇四季春，因為覺得得呢款同茉莉嘅茶味會較清，可以試真d奶蓋嘅味道！對於茶嘅認識，只得一般去茶樓會飲嘅茶品種查完一輪，先知道原來四季春其實係茶樹品種，製成嘅烏龍茶，具有花香、甘甜易入喉雖然今次呢杯茶無乜咁顯著嘅特性，但係茶味都能夠接受，微微茶香，同芝士奶蓋無違和感！同埋$26有咁 大杯飲品都算抵飲！

先吾講飲品質素 店名真心搞笑😂😂😂飲品既名都長過人 而我地落單時真係逐隻字讀出嚟 黎到重點！法蘭西芝士奶蓋伯爵紅茶 $26芝士奶蓋唔夠厚實 落到飲品嘅時候都已經鬆開左 飲落感覺似普通奶茶多啲 熱四季春 $20👦🏽病左 所以叫左少甜仍然偏甜 容易入口 茶味濃 整體普通 可以吾洗特別飲

同妹妹又黎popcorn行下行到口渴就黎買返杯野飲唔想太肥，無揀珍珠😢揀左茶飲，但其實最後都揀左奶蓋😛揀左伯爵茶加奶蓋新嘗試！不過原來唔係太夾😂😂因為伯爵茶偏濃味配上奶蓋仍然係好突出有少少怪怪的後來茶漸少再將奶蓋溝匀就比較好少少

「我想和你無所事事」這店名，相信是不少香港人近幾個月來的心願。經過POPCORN，看到店前大大個謝曬皮畫像，直覺已經告訴我，它是一間賣台茶的良心小店，值得大家去支持。飲品名稱跟謝曬皮的作品一樣，很有玩味。喜歡飲珍珠奶茶的我，看到茫茫人生遇上人海芒芒果拿鐵（$29）時，就被這怪名所吸引，於是乎決定試試新口味。究竟，有沒有人點餐時真的會十三粒字一字不漏地讀出來？等了五分鐘左右，飲品到手了。芒果拿鐵比我想像的細杯，芒果味清香，但不會酸甜。奶蓋滑棉棉，上面鋪了些芒果肉，有口感，拌勻來吃更好味！另外，小店提供學生優惠，加油！

好hea 嘅標題一開始就被招牌吸引，好像野口同學，看清楚名字就失笑，我想和你無所事事。Menu的名字都好有趣，我喜歡他們的創意。黑糖珍珠鮮奶雪糕一手拿著雪糕，一手拿著唧黑糖的軟管，雪糕融得好快，點這個來吃絕對不會無所事事!超忙的好嗎?!雪糕很香，雪糕筒是黑色的我覺得好看，跟雪糕的白很搭。雪糕吃完了發現竟然在筒裡藏著珍珠!還以為那顆黑糖軟管是圓球形狀而形象化取締了珍珠的存在，可是並沒有，它就這麼出奇不意地藏在雪糕筒裡面。

呢間茶飲點除咗店名特別之外飲品嘅名係更特別例如茫茫人生遇上人海芒芒果拿鐵咁真係會令你企喺個menu前逐個逐個睇然後大笑老公揀咗乜得你咁馨香芋拿鐵佢覺得香芋可以多啲但整體上都算好味我就繼續飲我嘅黑糖珍珠鮮奶拿鐵揀咗少甜，連珍珠都少咗好多但味道依然係唔錯不過上次我飲熱嘅黑糖珍珠鮮奶係出色好多另外我仲叫咗個黑糖珍珠雪糕雪糕好滑，但牛奶味唔夠重加上可以唧嘅黑糖個雪糕筒好脆好味筒入面仲有幾粒珍珠好有心思，$15黎講係好抵食

本身唔特別口渴，但見到呢間飲料舖個名咁特別，就忍唔住買杯嚟飲打下卡🙈。呢到主要都係外帶，但都有少少高枱比你放一放飲品。呢到都幾多選擇，奶蓋、水果茶、拿鐵等等都有，價錢平均$3x以下。我呢日就想簡單啲，要咗原味茶(可選甜度)，我多數揀茶都會揀啲冷門嘅試下，但中伏比率其高，今次亦唔例外...😅，教訓就係都係揀大路嘢好啲，夠穩陣。我要咗凍六安香茶($20)，微糖少冰，無得揀Size(我覺得比較細杯)。其實我從來未飲過呢隻茶🍵，所以我唔知佢係乜味，但係喺呢到飲，我就覺得呢隻茶唔好飲囉😐，比較濃，唔苦但亦唔香。茶色亦比較深色，後尾上網查返原來係黑茶🤔。我唔知係茶本身嘅味道係咁定間舖嘅問題...總括嚟講，我都係比個名同Logo引咗嚟試🙈，真係未必有下次。而我就唔會推介呢杯六安香茶了...

坦白講，一直都有follow開謝晒皮嘅IG難得入到將軍澳，所以就會一會「我想和你無所事事」有選擇困難症～又想飲奶蓋又想飲拿鐵又想飲水果茶又好想試黑糖珍珠雪糕飲品啲名全部都好有心思最後揀咗天知地知係人都芝麻拿鐵（鮮奶）加了珍珠$5Total $34店員提醒我要搖勻飲～除咗啲飲品靚同名字有心思之外個個拎走嘅外賣包裝都設計到好靚， 樣樣嘢都好盞鬼最後，不少得是打卡P.S. 近日見到尖沙咀都開咗，近左好多不過無咁大間店。

店名好可愛餐牌亦都好可愛令到我地有選擇困難症😂揀黎揀去揀唔到最後要左杯黑糖珍珠雪糕有一顆黑糖可以自己吱入去雪糕係牛奶味，正常驚喜係食到最尾，有珍珠幾好咬口！👍

d飲品名都好特別😂😂#好馬不吃回頭草拿鐵#是諗但泰式珍珠奶茶雪糕#三把火茘枝梳打#天知地知係人都芝麻拿鐵我就揀左*懶過西柚琉打同*懶過西柚銀毛茉莉. 清新的茉莉感覺好芬芳丫😆我個仔都吼我影相時偷飲🤦‍♀️ 大家經開可以試試

經過左呢間茶飲店幾次，今次終於有機會試一試佢。猶豫緊飲咩好既時候突然見到counter傍有塊牌promo 緊雪糕，立即轉軚😂要左個 事諗但泰式奶茶雪糕 （$15）雪糕外型就好似百味堂咁，再加埋呢個色就更加似屎🙈 店員唧得幾靚仔的即刻試一試佢先，見佢唧出黎咁樣似為會好實淨，但係雪糕比想像中軟滑，而且泰式奶茶味好濃唔好睇佢得兩圈半好似好細杯，其實食落都幾夠份量，店員將個雪糕筒裝滿先再繞圈，絕對冇呃秤。黑色雪糕筒都幾脆，食到最尾仲有驚喜有幾粒珍珠係最底。下次再試下啲野飲

咁岩行過俾勁大既logo attract左。本身唔太飲呢類野不過當打個卡。琴晚又好飽，如果唔係反而想試下佢既雪糕，下次吧！個名改得咁抵死，又有謝哂皮。野飲名都有好多好有玩味既。不過無乜quota去飲咁邪惡既野。所以就咁要左兩杯茶。我當然走埋甜走哂冰，男朋友邪惡啲，係少糖又有奶蓋。飲左佢一啖，都ok既，奶蓋味都香濃同綿身。反而個茉莉茶有啲失望。苦澀味較為重。如果茶底黎講，上環新開既茶痴好似做得好啲。不過呢間玩味打卡成份更高，我見有人叫加cupcake,真係一個蛋糕仔插在頂，幾搞笑。

Although Taiwan milk tea is so popular right now, I never planned to try this. It was a bad day, as I accidentally get to Tseung Kwan O when I go back home from the airport. To cheer up, I tried the milk tea from this shop with a funny name and it turns out a good try. The milk tea is not over sweet and has a smooth texture. Although I am not a fans of milk tea, I will try again when I go to Tseung Kwan O

夏天☀️為大地帶來美腿👯‍♀️之餘，仲蒸發左我好多汗水，日日出左一陣街已經濕到呀媽都唔認得，留喺屋企又成日同屋企人講到㷫烚烚🔥，都係去商場度嘆冷氣吃杯雪糕下火算。.「我想和你無所事事」🛌，完全係我嘅人生哲學，再加上呢度有我最喜歡嘅插畫家謝曬皮嘅設計，仲有我最熱愛嘅泰式奶茶味屎型甜筒🍦添！今次我係特登黎喂謝曬皮食屎嘅！😂.《是諗旦泰式珍珠奶茶雪糕》$15.呢間雪糕嘅泰式奶茶味好濃，雪糕好幼滑，但就比較快溶，不過都證明佢應該冇加咩凝固劑去令啲雪糕「瓊」得持久啲。食到底仲有幾粒珍貴嘅黑色珍珠，幾有口感，$15蚊黎講性價比幾高，而且我相信比起飲一杯珍奶黎講，應該冇咁肥（重點）！仲有得同皮皮打卡添！

呢一間舖頭呢係喺將軍澳商場其中一間賣珍珠奶茶嘅舖頭， 佢呢就喺mcl再行前少少嘅。 門口裝修呢就好新穎嘅， 咁呢度最出名咩就係珍珠奶茶，甜品係埋雪糕嘅。我哋呢其實已經飲咗幾次呢個嘅珍珠奶茶㗎喇， 呢度嘅茶底呢就唔會太濃郁，淡淡地易嘅啱年青人嘅口味， 嗰啲珍珠奶茶底嗰啲珍珠一就非常之有焦糖味，咬感好好！ 而個雪糕呢就有少少海鹽味，味道咸得嚟呢又唔會太甜喎，咁就中和有雪糕平時畀人哋好甜嘅感覺。同埋佢如果你外賣拎就話呢佢個包裝都好特別㗎,打卡呢都一流嘅！