扇火鍋

营业中

休息中

常在此幢大廈吃飯，每日每行經此店，但沒有特別嘗試，今次就特別來一試。午市放題，一人一鍋，選了辛辣藥膳湯，欣賞這兒的鍋傳熱很快，湯很快便滾起來。很濃的辣味從煲中發出。自助區近門口，有很多新鮮的蔬菜，包括羽衣甘藍，紅莧菜，這些菜在出面比較少見。熟食方面亦都有咖喱牛肉，炸雞，章魚燒，炒麵等，種類都算多。放題中的牛肉十分瘦，這是十分啱我口味的，因為本人對肥牛一般，豚肉帶點肥膏，可以接受，有豕味。瘦的牛肉不能煮太耐，不然會韌。飲品自助選擇多，有plus及最新的有汽檸茶。雪糕亦有雲利拿及乳胳味。是一間可以再來的店！

冇諗過嚟到觀塘都打邊爐🙈原本諗住食間新開餐廳但大排長龍，最後轉陣黎咗呢度朋友不時有幫襯開，貪期水準穩定，一人一鍋夠晒方便！我地揀咗個中等價錢，$259澳洲產長期穀飼牛、日本豚肉放題，最正係宜家做夏祭promotion，波子汽水都可以任飲😍店員一開始叫我哋喺門口玩咗夏祭小遊戲先🤣童年回憶返晒黎！坐低第一時間睇湯底，香濃豬骨湯、蕃茄湯、香辣藥膳湯、美肌白雞湯～我揀咗比較少有嘅蕃茄湯底🍅朋友就無辣不歡🌶 要香辣藥膳湯蕃茄湯底同藥膳湯底一樣紅卜卜，夠晒搶眼😃即刻出去整醬料同埋攞配菜、飲品！有特別為夏祭而設嘅小食：日式炒麵、烤香腸、爆谷、粟米等🌽蔬菜有蓮藕、芽菜、豆腐、萵筍、蒟蒻🥕莧菜、羽衣甘藍、生菜等🥬最驚喜有部乳酪機🍦可以自己整乳酪食🍡toppings 可以自選蕃茄湯底🍅清新酸酸甜甜，令人胃口大開！再加啲蔬菜落去，感覺更健康！🐮長期穀飼牛脂肪比例平均，唔會太瘦。牛味濃郁，唔點醬汁都好食😋呢度仲有牛舌，鍾意佢切得好薄，輕輕焯一焯就可以食，夠晒快🐷豚肉顏色粉嫩，好新鮮！豚肉當然要沾麻醬，如果係日式麻醬，味道會更好～呢度仲有個海鮮拼盤，有魷魚🦑八爪魚🐙螺肉、墨魚滑等八爪魚記得唔好烚太耐，如果唔係會

本來對放題都唔會抱太大希望都係抱住食飽就好嘅心態去食叫左個$429 日本產特選黑毛和牛放題套餐湯底叫左壽喜燒同番茄湯同埋夏祭期間限定嘅豪華海鮮盛合同日本直送懷舊波子汽水放題結果d海鮮真係有驚喜唔係平時霉霉爛爛嘅海鮮而係好有鮮味嘅海鮮加埋d肥牛真係入口即融脂肪分佈啱啱好其他配料 都好新鮮好多菜😍壽喜燒湯底極推味道同牛肉真係好夾番茄湯就推介比鍾意濃味嘅朋友都幾開胃除左火鍋之外都有其他熟食有章魚丸，咖哩牛肉飯，雞唐揚，燒香腸同粟米最後個乳酪雪糕真係超好味有fronzen yogurt 嘅感覺同平時放題食到爛嘅哈根大師比我覺得係有驚喜嘅

/ /一人一鍋🍲十下十下聽日同朋友去咗觀塘附近，見到呢度有間任食火鍋，又有我最鍾意嘅麻辣湯底🌶見到都比較多人排隊，等咗大概15分鐘就有位啦！依家仲有個夏日祭活動🎐如果20秒內見到六條以上嘅小魚全班可以有71折❣️真係好抵$259 澳洲產長期穀飼牛放題套餐 (90mins) 今次揀咗呢個放題套餐啲牛嘅質素都唔錯一開頭食嗰碟油脂分布較高！後嚟師傅即切，牛肉比較新鮮，仲未完全融雪！我仲加咗呢個期間限定🤍日本直送懷舊『波子汽水』 放題可以任飲波子汽水！爽啊！配菜種類都好多！期間仲有爆谷、雞塊等仲有雪糕食添！係乳酪雪糕，可以消濟

最鍾意就係打邊爐🍲扇火鍋有個夏日祭典活動🎏好多優惠啊🎊入餐廳去前可以玩夏祭遊戲,紀念品人人有份,永不落空🎁💮大吉：全單29%off 💮中吉：立減$29加送日本直送夏祭涼扇💮小吉：夏祭糖果佢有唔同嘅套餐可以選擇,我就點左日本產特選黑毛和牛放題套餐🐮呢個餐重有埋期間限定豪華海鮮盛合同日本直送懷舊波子汽水放題添🤩波子汽水係可以任飲架😍亦都有其他飲品比大家選擇👏🏻湯底都有好多選擇,我揀咗香濃豚骨湯同香辣藥膳湯🌶藥膳湯就成日見,香辣藥膳湯好少見,揀咗少辣,都好入味,食落似麻辣湯🌶香濃豚骨湯由大量豬骨熬製而成,有豐富嘅骨膠原😍日本產特選黑毛和牛放題套餐有好多肉類都可以任食🥳好似日本產特選黑毛和牛、日本產黑毛和牛、澳洲產黑毛和牛、澳洲產長期穀飼牛、嚴選牛肉、上級牛肉、沖繩豚肉、豚肉同牛舌🤩特選黑毛和牛入口即溶好正😍豪華海鮮盛合有扇貝、大蝦、鮑魚同生蠔😍海鮮好新鮮👍🏻除咗肉類可以任食之外,出面亦有自助吧有多款火鍋配料可以拎🥳而家有夏祭活動,所以有多款日本小食,好似章魚小丸子日式炒麵、炸雞同爆谷都可以任食架😛🌟值得一提,佢地既員工好有禮貌同好友善🥰絕對會再去食😋

火鍋🍲一向都係我至愛😍早前去開觀塘行街順道同朋友搵個地方歇腳食埋晚飯就俾我發現到呢間位處鬧市、旺中帶靜嘅隱世日式🇯🇵火鍋店【扇火鍋】餐廳環境寬敞 自助區與用餐位置排列井井有條 店員服務態度親切有禮而且價錢親民 講緊每人只需200蚊鬆啲就可以任飲任食 吃到飽 CP值超高🔝由於時間尚早，我同朋友見唔使排隊，就即時二話不說決定入座適逢餐廳最近有推廣活動《Be Happy 夏日祭典》入座前仲有小遊戲玩添＊大吉：全單29% Off＊中吉：即減$29，送日本直送夏祭涼扇＊小吉：夏祭糖果獎品豐富·人人有份·永不落空今次點咗「澳洲產長期穀飼牛放題套餐」$2 5 9｜9 0 分鐘原來只要惠顧$2 5 9以上價錢放題套餐即可任飲 日本直送懷舊波子汽水我就當然趁機盡情懷舊一番我哋揀咗鴛鴦湯底：美肌雞白湯 ➕ 香辣藥膳湯雞湯足料夠曬鮮甜藥膳湯則有獨特藥材味 惹味醒胃 辣度剛好期間服務員亦都好殷勤細心會主動問我哋有無需要加湯、點食物等等火鍋配料除咗有澳洲產長期穀飼牛，仲有日本豚肉及日本牛舌任點任食，而且【扇火鍋】於夏日☀祭典推廣期內仲會為食客送上海鮮盛添，夠曬驚喜嚟到自助區：就會搵到各式各類蔬菜、雜菌、瓜類、肉

扇火鍋 Shabu Sen📍：觀塘觀塘道414號1亞太中心2樓205號舖🚗：觀塘地鐵A2出口 步行5分鐘📞：+852 2780-7028💲：~HKD100-150/head for lunchFood quality✔️：拉麵、咖喱飯、乳酪雪糕、羽衣甘藍👌🏼：整體配菜為中❌：湯底為下總結：👍🏼走日式路線嘅打邊爐店 最正係可以一人一鍋 每個人叫唔同口味都得 啱哂疫症期間大家嘅需要🥺👍🏼佢比你揀嘅款式較少都係菜類、丸類、面類較多，質量都唔差但真係冇咩太多選擇 而我自己就重質不重量 所以重量不重質嘅呢間就唔太適合你啦👍🏼最特別係有羽衣甘藍🥬 超正 而且拉麵都好煙韌 唔係冇咬口嘅普通料 啱食素或淡口嘅朋友👍🏼佢啲額外食物好似咖喱飯同乳酪雪糕都好食過主菜 而且雪糕仲有得任加材料 建議大家留肚食👍🏼性價比係中上 佢款少某啲嘢又普通 但冇一樣係伏呢點都贏哂（但應該好多人同我相反 要多但某啲伏ok😂）👎🏼冇咩環境可言 但坐得舒服嘅 枱同枱之間又唔會太逼 不過行出嚟拎嘢時長期覺得對腳痴地 衛生環境就麻麻🙈👎🏼唔好對湯底太有期望 明顯都係普通嘢 似屋企自己都整到而冇餐廳自己嘅配方 我強烈要求大家唔好叫豆乳湯

幫襯左呢間邊爐都幾年但好似係第一次幫佢寫食評一行二人胃口都唔大所以今次照舊叫定量套餐叫左最平果個套餐啲牛肉質素唔差✅唔會太油太肥見隔離台叫左最貴果set啲牛都靚靚仔仔姐姐會主動問使唔使幫佢加肉服務態度呢幾年都一樣咁好牛肉近拍有辣菜甫送😂😂😂😂最有驚喜係呢個任拎既炸雞！😂😂😂又熱 又脆 又多汁加埋佢個任拎既咖喱飯就輕鬆自組咖喱雞飯出黎食左幾轉蔬菜類選擇唔算好多但質量唔差夠新鮮雪櫃有懷舊啫喱糖魚膠粉落得重手左啲口感好～硬～自己擠既雪糕奶味都算濃 可以一戰

今日放假就走左去坐巴士出市區，咁岩有巴士出觀塘，咁就去左觀塘行街搵食。去開觀塘，我多數都會去扇火鍋，貪佢坐得舒服，野食又多。今次我們點了嚴選牛肉定量套餐 湯底壽喜燒 $89 加一食60分鐘，兩個人 埋單都唔洗兩百元。今次都有驚喜既，單碟既份量都唔少，牛肉好靚又好好食，見得下人。點單碟既好處除左價錢平之外，就係可以食多啲其他野，扇火鍋佢都幾多野食，我每次都食唔少拉面，不過最近好似改左啲野食，無左粟米和芋絲，希望只是咁岩無貨啦。

日式火鍋放題店四圍都有，大家都知質素都幾參差下。觀塘都有3-4間呢類日式火鍋，網上見到呢間叫做「扇火鍋」評價不俗🤤🤤，於是放工一於去試下。可能餐廳位處嘅大廈冇隔離apm咁熱鬧，所以七點左右都唔使等位，到咗門口已經可以直接揀湯底同牛肉級數，今次就清清地，試咗個鰹魚清湯，同埋豬骨湯。肉方面就叫咗第三平嘅$229嘅澳洲穀飼牛 (包海鮮放題，限時90分鐘)，本來想揀最平嗰兩款，但睇餐牌幅相已經覺得嚡，無謂冒險！🙈🙈自助區可以揀嘅食物數量中規中矩，有同業必備嘅魚柳、雞腿肉、芋頭片、幾款急凍丸、羽衣甘藍、旺菜、蘿蔔等等，但就冇萵筍、油麥菜、薯粉同粉絲，味道方面，冇邊款特別深刻😳，但追求健康嘅朋友可以專攻幾款蔬菜。醬料吧亦都唔多選擇，只有蔥、茜、蒜、椒，加四種醬汁。另外都有咖哩牛肉同白飯。甜品吧有雲呢拿雪糕同乳酪雪糕，不過今次就冇試到。😅清湯同豬骨湯比想像中重手，雖然預咗係人工嘅味道，不過基本上唔使點醬，食物已經好有味。而且佢哋係會用返原本隻湯嚟幫你加湯，所以真係會愈食愈鹹！🤨$229套餐，肉類賣相整體唔差，不過牛肉比想像中肥，油脂分佈冇張相咁靚，牛味未見突出。豬肉就食唔到雪藏豬味，可以接受。而比較

星期六晚睇完戲諗唔食咩就過隔離ONE PACIFIC度睇下呀見到呢間火煱好似OK印象中好耐之前食過一次都唔差的點知原來好多人等位都等左九個字先入到座因為本人唔食牛就揀左169個餐揀左麻辣藥膳湯同豬骨湯豬骨湯就正常呀唔算好濃反而麻辣藥膳湯幾惹味雖然藥膳味好淡但麻辣味好惹味好出D配料索左湯好入味啱晒我重口味出面既配料都係大路野見職員都會REFILL講唔上種類超多但基本的都會有算係咁啦飲品除左汽水仲有啤酒雖然選擇唔多起碼有得過下口隱

11月6號晚，一早已電話預約7點半，服務態度很好，我同朋友早到了，在門口的女服務員，叫我哋可以選擇邊款套餐+湯底，而我選擇了「雞白湯」，在食的時候，有一位男服務員，主動地問：須唔須再添加食物，又加湯底，服務態度真係好👍🏻👍🏻👍🏻

已不是第一次來，當然是吃過後感覺很不錯才再來。可惜呢次很失望了！吃日式火放題鍋，當然牛肉是主角。如果我付基本價錢，我會預了來的牛肉不會是甚麼特別好貨色。我估唔到加多啲錢要了澳洲榖飼牛，啲牛肉都可以肥到咁。雖然唔係最貴級別的牛肉，但冇諗過咁肥，而且唔係平啊，同餐牌上相片有很巨大落差囉！咁唔講碟肥騰騰牛肉，其餘食物該有的算有啦，ok!今次之後，我應有排唔幫襯，因為我唔喜歡食咁肥牛肉，比快餐店火鍋的牛牛仲肥，感覺是伏伏伏伏！🚁🚁🚁🚁🚁🚁

同同事放工嚟打邊爐， 搵唔到黃店打， 就唯有去呢間我覺得呢間有少少似但馬屋， 都好公式化， 啲湯底好似都差唔多樣， 跟住有唔同嘅牛畀你揀 我哋就揀咗 300蚊嘅套餐 — 澳洲a5和牛(好似係)由於食靚嘅牛， 我湯底就唔揀太重口味， 揀咗 美人鍋( 雞湯)果然食牛配呢隻湯底係好好味， 令到牛嘅鮮味好突出， 唔會蓋過陣牛嘅鮮味( 極度推介呢個湯底)唔記得每樣食物都影張相， 得呢張從張枱都見到其實呢間個食物種類唔太多， 不過我樣樣都講啲啦澳洲a5和牛： 都幾好味， 啲紋路都幾靚豚肉： 反而覺得豚肉最好食， 紋路靚牛舌： 本身有啲期待呢個， 但佢實在太薄， 所以 食落好唔彈牙， 好冇口感配料： 選擇種類唔多， 都係啲大路嘢調味： 連炸蒜都冇， 有啲失望甜品： 有 雲呢拿雪糕同 乳酪雪糕， 有朱古力醬 同埋 其他topping，還好吧整體而言呢間OK啦， 不過下次可能唔會食$300嘅牛， 食最平嗰個餐算喇科科

Lunch 選擇個60 分鐘牛套餐（$89） 牛有一碟，出面D菜、面及丸任攞。仲有2 款雪糕（vanilla 同乳酪味）而雪櫃飲品任飲。可能11:30 比較早，所以得兩枱客。如果full 曬人就應該坐得有d 迫。出面食物我就對個拉麵幾好食。菜個D就絕對新鮮啦。不過，當我想食咖哩飯時，姐姐好老實講發現變左味，所以重新整過。我喜歡佢甘老實，不過，就冇緣試下。雪糕味正常，不會伏食菜都食飽，我哋食左40 分鐘都停手了。如果大胃D就應該叫90 分鐘任飲任食（牛肉也可）好肚餓想塞飽自己或想係一個時間內食多D種類菜的話，哩間幾合適