手作功夫茶 (長沙灣道) (已結業)

手作功夫茶雖然吾系有好多大報報道，但吾聲吾聲都開左4，5間分店，所以早排試左芝士朱古力可可😂排到而家先出po!講返個朱古力先，味道偏甜🧐而且飲落口帶啲啲化學朱古力嘅味道，有小小假😅講到朱古力可可，感覺上會系好濃嘅朱古力味，不過飲落就比較遜色啦🙁芝士奶蓋黎講，份量都幾多，有around 1/3杯，咸香味都幾重嘅🧀yumyum就認為可以減反啲啦🤨而質地都算系creamy 嘅！而珍珠嘅口感就不過不失啦😂幸好無吾熟嘅珍珠🤘🏻 雖然價錢同份量黎講都幾抵，又大杯，但系味道而言就吾值得一試啦😕

呢間真係不得了，好怕比人話打手 😂😂 作為咁難到有水準嘅飲品店，一定要推正嘢比大家飲，之前飲過兩次都覺得好好飲，真係返唔到轉頭，其實好想搵樣嘢可以小下，但學達哥話齋，可以話係毫無破綻，除左佢地嘅有奶蓋版嘅黑糖珍珠係無敵之外，今次飲呢個一樣冇得輸，#柚香晶球綠茶 $29，係由葡萄柚同綠茶溝埋一齊而成，底下仲有好似蒟蒻嘅寒天晶球可以咬下，而杯嘢嘅葡萄柚真係好鮮好 fresh，同綠茶個比例真係拎得好，主要係果味真係濃，琴晚打完邊爐食到頂一頂，酸酸甜甜，飲完消哂飽滯嘅感覺，飲左你就知幾正，清新人士必選 🤤❤️-手作功夫茶深水埗長沙灣道 262 號地下 A4 舖

茶飲店的名字吸引了我們, “功夫茶”, 感覺幾有霸氣的。店舖細細間, 飲品款式有很多。甜度方面, 他們是用蜜糖以提升甜味和味道, 所以可以選擇要少蜜、半蜜、微蜜或無蜜。我是一個抹茶控, 所以點了一杯宇治抹茶拿鐵來喝🍵。甜度方面, 我點了要半蜜。抹茶拿鐵飲落幾香滑, 抹茶味都算突出, 同時有份牛奶香。蜂蜜檸檬蘆薈 - 是一杯幾清新的飲品, 飲落有蜜糖香味, 酸酸甜甜, 底下有很多蘆薈粒以增添口感, 蘆薈粒份量幾多, 啖啖有咬口。

有人請飲珍珠奶茶 仲外賣送到上屋企 我緊係唔客氣啦由於係遙距落單 一目了然既menu 真係好緊要～最鍾意有top list 既茶店 因為對於第一時間買既客人黎講呢個list真係可以幫我呢啲有選擇困難症既人做到抉擇左：38奶霸（$26）有黑糖珍珠、仙草、椰果口感十足中：黑糖波霸純鮮奶（$30）黑糖甜度恰到好處波霸好煙韌好有咬口 鮮花比例唔會過多！右：芝士奶蓋綠茶（$29）有水準！濃而不腻既奶蓋 我地飲完都覺得呢間功夫茶唔差喎 有機會絕對會試第二次

跟風來到西九龍中心對面試飲，價錢有驚喜！叫杯珍珠奶茶，盛惠18蚊。拿到杯茶，上冷下熱，相信珍珠是新鮮煮。珍珠煙煙韌韌，大粒兼非常有咬口。糖份也落的不多，絕非死甜。珍珠質素遠超天x，ST等流。但奶茶可以說是大大失色無茶味！只得一點點奶味。我要自己買返一樽烏龍茶倒落去飲⋯以此杯奶茶質素，原價23蚊未免過高。為左珍珠仍可再來，但希望店家能改善茶飲。

#芝士奶蓋綠茶 $29一直都聽講過依間好好飲 今次終於嚟到深水埗試😆奶蓋芝士味好夠 唔會好咸而且又厚又滑身 幾出色👍🏻而綠茶 小編叫咗半糖又真係唔甜 而且有茶香 仲有啲苦澀味小編本身就幾鍾意茶嘅苦澀味 所以覺得幾好如果唔慣苦澀味嘅朋友可能都係全糖會好啲😉評分:8/10

見到好多ig foodies推介 就試一試個芝士奶蓋茶！芝士芒果 嗌左走甜 但都香芒果甜味同埋茶底都濃 美中不足係芝士奶蓋唔夠厚 飲左幾啖同個茶溝埋左一齊消失左 個人鐘意厚啲既奶蓋多啲🙈 芝士綠茶茶底都好香😬

特濃黑糖波霸純鮮奶 $32個人係非常鍾意老虎堂黑糖波霸厚鮮奶😆(其實一直都係心中第一位🙈雖然知道好多人唔覺得🤣)但最近竟然揾到呢間手作功夫茶取代到老虎堂既地位🙈.首先 奶味超濃！真係好出色 個人認為仲濃過老虎堂少少☺️好邪惡😆另外仲好值得讚既係 佢既珍珠煙韌度係好適中 好好食🥰口感好好 本人已經飲過兩次 兩次水準都一樣👍🏻最後重點係佢有得揀冰量！個人覺得呢點真係好好 有時覺得太多冰成杯容量就少咗好多😂少冰啲又唔會搞到啲珍惜卡住晒食唔晒啲珍珠🤣.手作功夫茶vs老虎堂 奶香味:其實兩間味道好似 奶味都差唔多 不過要揀既話又覺得手作功夫茶再濃少少 珍珠煙韌度:手作功夫茶較出色 唔會過淋 有時老虎堂既珍珠個人認為過淋身 水準唔係次次一樣冰量: 手作功夫茶有得選擇👍🏻而老虎堂既黑糖波霸厚鮮奶其實個一直都認為太多冰🙈搞到黑糖奶既份量都好似少左咁 仲要成日食唔到啲珍珠 因爲太多冰卡住左😂.雖然老虎堂有取代品🤣但因為老虎堂開既位置都比較近本人平時會去既地方 所以應該都係會繼續飲🤣.味道:😋😋😋😋😋😋😋😋😋(9.5/10)推薦度:👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻(10/10)環境: ⭐️⭐️⭐️⭐️⭐️⭐️⭐️

.📍手作功夫茶嗰日經過深水埗記得有人話過好飲，咁🐷緊係義不容辭去試啦🤤嗰日唔算好多人，等左5分鐘就有了🐷一直覺得黑糖珍奶係老虎堂No.1，但試完呢間覺得佢可以媲美老虎堂！ @kungfutea_hk —————————————————————❣️特濃黑糖波霸鮮奶（$32）✅✅✅✅✅✅✅✅✅✅✅✅✅✅✅推！佢係好好飲！！！！除左比平時既黑糖珍珠鮮奶再出啲既黑糖味，仲加左芝士奶蓋，超夾！咸咸甜甜好正，口感豐富，掛杯又靚，簡直係視覺同味覺雙重享受😆唯一美中不足，啲珍珠可以再淋啲就更好！—————————————————————不專業評分👅好味指數:4.8/5💰性價比:4/5👍🏻推薦:5/5—————————————————————🏡地址:手作功夫茶 (深水埗)深水埗長沙灣道262號地下A4舖👉🏻仲有好多分店—————————————————————#chuchu食在深水埗#chuchu食台式#chuchu飲品#香港美食 #hkfood #852food #相機食先 #香港好去處 #hkfoodie #hkblogger #hkfoodinstagram #週末好去處 #食好西 #美食推薦 #

呢間手作功夫茶係近排飲完覺得質素比較好嘅台式飲品店上網見到其他人大推柚香晶球綠茶， 於是叫咗一杯試一試第一啖飲落去， 紅柚肉配上綠茶， 感覺好清新， 解渴一流！再加埋寒天晶球，好有咬口，而且份量都好多，值得一試！

頭一次飲完又忍唔住再番轉頭幫襯都大大話話飲咗四五杯🤪啲奶好滑重奶味 黑糖同珍珠簡直perfect match！（係咪有啲老土咗hahaha...最鍾意佢層奶蓋，係比喜茶甜少少芝士味少啲啲嘅版本（個人認為w下次試其他嘢啦再飲肥十斤都有

呢日去咗sham shui po買電話卡，行行下就見到呢間台式飲品店！台式飲品就成日飲！但手作功夫茶就未試過！同朋友一人飲一杯，佢揀咗芝士奶蓋綠茶 $29，我就飲黑糖波霸純奶 $30！呢到嘅黑糖味又唔會太甜，不過啲奶真係要講一講，我飲得出唔係鮮奶味嚟嘅，好大機會係奶精，個人唔係太鐘意 但啲波霸大大粒都幾彈牙！朋友話芝士奶蓋綠茶個茶底味道微甜，都幾易入口！芝士就同大陸過江龍喜茶冇得比，人哋嗰啲芝士奶蓋出色好多！！

最近係唔同平台都有見到呢間手作功夫茶，個個都講到有讚冇彈咁，忍唔住買返杯試下味🤣👉🏿✨38奶霸 +芝士奶蓋 Hkd 32 💸📌入面有珍珠，鮮草同蒟蒻，加埋芝士奶蓋，真係糖份超晒標啦🤨叫左半糖走冰，因為係外賣返去同媽子一齊飲，拎到返屋企都冇話點變質。芝士奶蓋濃稠，而且咸香味重，飲落好軟滑呢！叫左半糖所以攪勻左之後甜度係岩岩好，加上又有仙草同蒟蒻等，好有咬口，新開既茶飲店黎講，都算中上水準🥰飲完一杯都夠晒飽嚕～

手作功夫茶之前香港都系得新界有 而家九龍區都有啦 今次我就試左38奶霜 其實佢系真系得奶吾奶茶嫁 裡面就有珍珠 鮮草 同 jelly 口感好特別好少一杯裡面有咁多料 初頭以為會無乜味因爲得奶 但原來都吾系 因為啲珍珠有黑糖 不過我就建議大少要飲就少甜啦 同埋飲完真系幾飽因爲佢啲料都落左半杯咁多我覺得都值得一試 佢仲有其他款有布丁嫁😍😍😍

難得係深水埗同朋友食飯，當然再搵下附近有啲咩大熱既店可以試下，搵到呢間又係來自台灣既連鎖店，之前得天水圍有，依家深水埗都開左分店，方便左好多。今日女友要飲，我就太飽飲唔落，佢岀動就一定係黑糖。飲品店內外細細一間，而且位於繁忙街道，所以一定唔難搵。飲品選擇有芝士奶蓋系列、厚奶茶系列、水果茶系列、黑糖波霸系列、純茶系列及拿鐵系列。特濃黑糖波霸鮮奶 $32有分普通既黑糖波霸鮮奶同特濃黑糖波霸鮮奶，分別在於多左層奶泡係面，掛杯紋整得幾靚，有奶泡關係，所以奶味夠哂濃厚，而黑糖味亦好岀，唔會太甜，美中不足係珍珠既每粒既軟硬度不一，可能煮既時候攪拌得唔夠均勻，如珍珠粒粒都煙韌彈牙，會係高分之作。都係一間味道不錯既茶飲店，就連我唔偏愛黑糖既人都覺得唔錯，下次會想試下佢地既芝士奶蓋系列。