手作餃子

营业中

休息中

羊肉餃：唔夠味芝士豬肉餃：特別，創新冬陰功豬肉餃：辣味唔突出 韭王豬肉餃：還好但係啲餃子好大隻好抵食，都有好多唔同款式揀！仲有其他小食可選擇價錢可接受範圍$45-$55

本身想去買外賣 。見女員工做緊清潔 。咪問係咪已經收舖， 佢係喝過黎 問要咩， 吾想做生意 其實可以拒絕 話收左舖 。而吾係甘ga態度囉！！！所以我最後係無買到，我以後都吾會再買呢間野 。 比錢買難受。

如果論食物質素算幾好，但今次真是忍無可忍！！之前買外賣時遞收據取外賣時已經遭到呼喝。今日在店舖堂食時，再次遭到女職員不禮貌對待，態度極之惡劣！！！食物幾好食都好，我都唔會再幫襯！

落左勁多日雨，今日總算好天少少，所以老公收工就去良景買晚餐啦。老公好鐘意食”手作餃子”，套餐可以揀3個味的餃子，另外加錢跟上海拉麵。套餐C: 餃子各2隻 加上海拉麵$51- 鮮肉芝士餃（芝士味夠濃）- 鮮肉日式紫菜餃（呢個我試食左一啖，我覺得麻麻，覺得吾太夾）- 鮮肉冬陰功香辣餃 （好香同辣味適中）湯底：唔會好鹹，好有老火湯味道##我打開外賣，心諗點解個賣相咁差既，問返老公佢話整好後，睇到個湯係電飯煲筆出嚟，整體感覺好家庭feel。

記得第一次去食冷氣壞咗 ，雖然出晒汗，但係都覺得幾好食。今次凍小小翻去食多次，水準一樣keep到，叫左韮菜同白菜餃，其實想試下芝士餃，不過下次先！ 今次叫左煎餃，新鮮即整夠晒脆口，料又夠足，不過位就好逼好窄，價錢亦都算可以，有時下午茶去食都不失為一個好選擇至於個湯呢，記得煎餃加埋拉麵先會跟，又或者係額外加錢叫一碗。店入面嘅菜普冇乜味，不過就咁食佢啲餃再點醋都夠晒！喱間手作值得推介！可惜沙田區冇分店！ 希望遲下可以就近都食到

平時行開都無留意到！😳原來有間甘既舖頭，有啲特別味道既🥟餃子之餘重有無味精既🍲湯底！（喂～🍲湯底呢個都好緊要嫁！）宜家出而好小食到呢種類型既🥟餃子，最起碼屋邨🏘先食到囉🙄🤩打邊爐或者得閒雪櫃攞出黎食都滋味😋（不過提提大家只能放三日，人家係自家製）個餡勁重料，絕對有誠意！不過現場買得湯🥟餃…如果有埋半煎炸就好啦….（💨有時收工夜左又想食香口野都可以即買返屋企食，吾洗自己整）香港人真心要試下！（本人親自試過，跟此店絕無任何關係及絕非打手）