手卷屋 (已搬遷) 新店位置

呢一間平民小店最近擴張去大啲企理啲既新舖，重多左幾個位坐！呢一間手卷要讚既真係佢既燒三文魚腩手卷同燒玉子，佢地燒呢兩樣野用既祕製醬汁係由明太子醬同日本蛋黃沙律醬等調出黎，一食就完全停唔到口... 飯同芥末既分量都落得十分恰到好處，而做手卷其中最重要一環既紫菜最近都進步唔小，紫菜既脆度而家愈來愈保持到但搬左新舖生意好似好左，係小人時段去都要等耐左... 不過都值得一等既，性價比抵返哂！強烈推介大家去試下

這間店基本上食物質素很好，燒玉子壽司是必試，上次的三文魚帶子手卷也好味!很可惜，下次會否再幫襯有所保留，我知道師傅們做手卷辛苦，那天我滿心歡喜放工專門坐港鐵到藍田，滿心歡喜想買美味的手卷! 郤聽到師傅們不斷抱怨手卷賣得很平而沒人幫襯，還說像這件帶子加三文魚只賣40蚊已超值! 大佬，這價錢不是我定的，我因為幾次幫襯覺得你們食物水準不錯才幫襯，忙完一整天想愉快的吃一口手卷! 難道是我的錯，錯左再次幫襯嗎？很抱歉，我下一次會否再幫襯要想想，天下美食多的是，不愉快即使你造壽司造得能飛又如何?

自從朋友帶我來藍田這間手卷屋試過厚燒玉子後，專程來過幾次，都不幸地碰上他休息時間。今日有空，再次來，很高興今日有營業!!😍😍這一間手卷屋是藍田是著名的親民價壽司小店，壽司款式多，物超所值，性價比很高，是窮人恩物!! 😝😝厚燒玉子($10)是即叫即整的，所以要等一等~ 這個厚燒玉子與一般既玉子大大不同，特製的醬料非常惹味，與玉子非常搭配，加上表面有少許烘燶的味道，是嗅覺的享受!! 厚燒玉子中間夾有少許飯，令整件玉子不會過漏，超級好味，值得推介!!

平民商場少有的高質壽司Sceneway plaza終於唔係淨係得連鎖店位置有啲偏僻近的士站果個商場入口雖無位坐只限take away, 但好食過4樓果間好多!!厚燒玉子加埋啲醬汁好好食toro壽司都只係12蚊一件!價錢平但魚生卻是新鮮的，唔想食魚生都仲有熟食便當或串燒不過就未食過全部壽司即叫即整炸蝦卷都是脆的，可惜既係呢排想食果陣都無晒貨 唔想等既話可以先打電話take order過左十分鐘先再去拎

已經唔記得係第幾次幫襯位於藍田匯景商場既手卷屋，起初係被佢既鎮店既原燒玉子吸引，厚厚既玉子加上秘制醬汁包住d 飯都只係十蚊件間唔中會自己走去食兩件今日食既除左例牌玉子，仲揀左以下既壽司例牌厚燒玉子x3 (hkd10@1)：滿分唔使多講（不過唔好貪心，食太多件d 醬可能會令你覺得漏） 炙燒左口魚x2 (hkd11/hkd12@1)： 唔係張menu 到，係痴左係鋪頭既櫃身，好似係10蚊定11蚊件，加1蚊可以變灸燒 咁緊係加啦，果然入口即溶 不過可惜既係佢太多單話要半個鍾後先拎得， 後尾去左食其他小食頂住肚先，遲左番去拎搞到無咁熱無得即食，唔係一定仲好味呀之後仲有三文魚腩x2 (hkd8@1) :我最鍾意食三文魚腩，肥美新鮮，平靚正之選日本象拔蚌x1 (hkd9@1):見人叫我又叫系列，少少爽脆，都幾特別，口感有d 似赤貝 但赤貝再爽d,可以一試，不是特別推薦油甘魚x2 (hkd14@1):都係痴係個櫃身到menu 無印出黎，有一塊唔知係咪太薄切得有少少爛，不過味道唔錯，都算新鮮既，鍾意食可以一試，唔算大推薦鮮帶子x2 (hkd14@1):好大隻好肥，推薦今次第一次叫，之後會再食咁既價錢好

經過藍田，聽住個邊朋友話匯景商場好多小食店，所以就入去行下食下野，走到商場比較入嘅位置見到呢間鋪好多人排隊，望個餐牌見到十幾二十蚊就有件手卷，而且種類選擇又多，所以就買件三文魚手卷試下。每種手卷都有普通size同重量級size。三文魚手卷普通係$14，重量級係$18。買左個重量級嘅，佢會幫你落埋豉油同Wasabi。三文魚好足料，起碼每件都幾厚，新鮮度唔錯，味道亦幾好。豉油份量亦都落得剛剛好，唔會太鹹。至於飯酸度同黏度都好好，粒粒分明，唔會軟度一pat pat咁樣！咁平嘅價錢有咁嘅質素真係極抵！下次來會試其他款手卷！

住喺藍田食物選擇唔算小，但講到好食一定唔小得手卷屋！手卷屋位於藍田匯景商場內，要行入啲近聚寶堂。我本人比較鐘意散嗌手卷同壽司，但其實無論你食邊款，都無伏，而我個人最推介既係厚燒玉子壽司，首先個玉子真心厚！而且每次食親啲飯都係微暖唔係雪左勁耐果啲，而且玉子味道加上芝士喺上面火炙完好有蛋既甜味! 真係必食之選 !另外叫左個饅魚手卷，超滿足! 如果真係要講佢有咩唔好，就係有時收工夜左8點左右得返唔係好多款大眾價錢，但高質食物，真心支持!

係藍田滙景商場入面有好多唔同類型嘅小食😍。今次我地去左呢間手卷屋，話說我地已經係星期日摸左幾次門釘🙈，所以星期一至五去會隱陣d😉。我地叫左個芝士玉子sushi同炸蝦反卷。個芝士玉子sushi 好夠熱，佢係介開玉子，係入面加飯，再係面頭上面加上芝士同沙律醬，然後再燒。👍🏼至於個反卷就正正常常，飯係暖暖嘅，所以都幾好食。我地仲追加左個三文魚手卷，佢有普通同超級size，我叫左個超級。由頭食到尾，佢個三文魚同飯嘅比例都係一比一架😍！正！ 可以再戰！

位於匯景商場內的手卷屋是日本餐廳級的水準，平民價格。如果不是只做外賣生意的話，相信絕對不會是這個價錢。我每次放工經過藍田站都必定特意上來叫外賣。因為此店有打電話叫定外賣的服務，所以好多時我會致電叫好外賣，再去pick up。鰻魚手卷、甜蝦手卷是窮人的福祉，十幾蚊就有。另一推介是十四蚊四粒的墨魚丸，不但好彈牙，上面的明太子醬配沙律醬簡直絕配。雞肉串的燒汁好好味，十蚊就有兩串，好抵食。但赤蝦刺身壽司味道一般。

既好味，又新鮮飽肚，又係日本野，非又藍田手卷屋莫屬。位置喺商場最偏僻位置，每次去總有十個八年青人和學生個排隊。雖然立食，舖頭細細，但每件壽司都非常新鮮，店主非常用心。套餐最最抵食，壽司可選全熟或正常，另加小食及冷麵。

📢匯景廣場掃街~手卷➖➖➖➖➖➖➖➖➖➖➖➖➖➖➖➖➖➖(*原來張圖打錯咗個卷字添😭🤦‍♀️)男小編講到匯景廣場好多正嘢食🤤女小編都忍唔住山長水遠接佢放學，一齊掃街食好西😍第一站嚟到手卷屋😚記得男小編講過呢度嘅手捲好好食，心諗有冇咁誇張啊🙄 一於試下佢先😍手卷嘅紫菜都幾脆卜卜咖😆#炙燒三文魚手捲 重量級($22)😋好味指數：(7.5/10)男小編超中意食三文魚，所以一見到三文魚就勁開心😂今次男小編仲選擇左叫個重量級☺三文魚嘅份量都真係幾多😆而且燒得好香，聞到都流哂口水🤤另外都有啲醬汁係面頭，食落去更加巧味😍而且喱個價錢都唔算話貴🤓#炙燒帆立貝手捲 ($17)😋好味指數：(8/10)首先佢嘅醬汁好驚喜，類似燒汁咁🤤帆立貝上面有啲少過嘅沙律醬😛👍🏻帆立貝真係好大粒，食到落中間都仲食緊粒帆立貝😋而且帆立貝整岩岩好， 一啲都唔韌😙.⭐溫馨小提示📌 店員會問我哋落唔落wasabi，會幫我地落埋豉油，咁就唔怕滴到周圍都係😙好貼心啊💕

雖然d 人話食飽左味覺會退減，但我食飽左再食呢條手卷依然津津有味！三文魚手卷（$17)即叫即製好新鮮，紫菜夠脆口！三文魚腩好肥美，d 肥油起口度咇晒出黎！入邊已經加好左豉油同wasabi, 所以非常方便，食完一件真係唔夠喉。如果我當正餐黎食，哈！肯定要起櫃員機禁定張5百蚊紙出黎！唔係話佢貴，係因為佢好味兼自己大食。溫馨提示，雖然鋪頭細細但起藍田數一數二，所以要有心理準備排隊同耐心等候一下。但無辨法，要食新鮮野係要等，等於等女孩子出街都想佢化靚晒妝先出場，堆bu堆？！

藍田之行搵好嘢食，睇咗乜乜假期介紹 ，話係新葵廣冇理由唔嚟行下， 搵咗好耐終於搵到手捲店，果斷一試。先黎軟殼蟹手卷， 軟殼蟹炸得夠脆身， 紫菜外皮 普通脆， 最得人鍾意喺佢面頭嘅沙律醬完全係用心製作， 點解咁講因為佢嘅沙律醬仲混合咗蟹子， 令到食落去口感更加豐富，雖然係啲唔值錢嘅嘢， 但係用心製作出嚟嘅食物，真係特別好食。再黎玉子厚燒， 玉子好燒真係好大舊，最估唔到嘅係入面仲有飯，有飯之如，入面仲有少少沙律醬，不過今次只係用普通沙律醬，但係味道都依然咁出色。其實仲叫咗 三文魚手卷， 不過真係好普通，但勝在性價比較高 ，畀葵涌廣場平一蚊。

成日都係觀塘食，真係食到諗唔到食咩喇，突然記起之前睇過fb 介紹藍田小食，所以就黎試下～～玉子壽司燒：$10 一件，真的不錯，不過重點係d 沙律醬好味！冷麪（細）$15: 芝麻醬好夠，我覺得多左d Tim! 麫底係我鐘意食果種，所以我like我見都好多人買呢間，我成9點去都有5-6 人係到等野食，証明質量應該有保証！我覺得就普通野啦！玉子燒係好食但就貴左d 囉！想平平地填肚，咁我覺得佢好過爭鮮既P.S. 不過缺點係...個商場好似迷宮咁....兜左幾個圈先搵到囉

其實此前已嚐過此店的便當&手卷手卷的質素較飄忽味道是好吃的～～但有時飯太熱，令紫菜變得很稔有時紫菜很脆，就覺得整個手卷很好吃！！這次是首次外賣壽司回家吃三文魚壽司($6)﹑赤貝壽司($7)﹑北寄貝壽司($7)﹑鰻魚壽司($8)﹑日本象拔蚌壽司($9)﹑鮮帶子壽司($14)﹑花之卷($16)﹑海膽魷魚軍艦($8)另外還買了芝麻醬冷麵(大)三文魚壽司，雖不是厚切，但刺身算大片花之卷夠大件，沙律醬不會太酸，如能多點蟹籽會更好！鰻魚壽司，已加上鰻魚汁，很香而且質感不會很散，沒三文魚那麼大片鮮帶子壽司，夠厚身又夠鮮味！整體的壽司質素都很好啊！雖不算超鮮甜，但仍夠新鮮，壽司飯亦不會太硬或太鬆散只是海膽魷魚軍艦沒什麼海膽味，不過魷魚都夠爽口，紫菜亦不會稔芝麻醬冷麵，算是一個驚喜！有青瓜絲﹑熟蝦&蟹柳醬汁充足，芝麻醬夠香又帶點微酸，很開胃啊！！即使多醬也不覺膩呢～～～！！麵質也夠爽，不會過稔，又掛汁冷麵比起之前吃的飯便當更好吃呢！！值得再次光顧～～～