手工漢堡

营业中

休息中

鑽石山咁耐第一次去鳳德街市地下食，估唔到有一間努力經營嘅手工漢堡小店，老闆娘好有心態度好好。全部食物即叫即整，熱辣辣。// 脆片煙肉燒烤醬安格斯牛肉漢堡漢堡中比嘅醬料、食物一啲都唔吝嗇。麵包烘得脆脆、煙肉煎得剛剛好，帶點脆邊又唔會太燶、面頭真係加咗啲脆片，好特別、超Juicy安格斯牛肉！仲有最欣賞嘅地方係佢嘅生菜好似有微微灼熟過、唔會太生、又乾淨、健康！比沙律菜仲好！是日餐湯係好綿密嘅南瓜湯，明顯係自家煲，超健康！好正！薯蓉又係打得勁綿滑，係食得出唔係加好多cream而嚟嘅滑同埋食得出相對冇加太多調味料，可能有人會覺得有少少淡，但我覺得還好、幾健康

手工漢堡👍👍👍隱世美食今天星期六公司要開工，同事建議食下午茶再encore叫外賣25個漢堡，共2箱重點推介~安格斯蘑菇牛肉漢堡塊牛肉好juicy，夾住啲洋蔥圈，同埋啲蘑菇，還有個”包” 係特別唔同種類的，簡直就係味蕾嘅享受。而鍾意食意粉、魚嘅我，還叫了~香煎比目魚柳忌廉汁黑松露菠菜意粉，非常美味😋魚柳好滑、魚皮煎好脆這款意粉已經encore無數次👍問過店舖老闆葉先生，他是用特別方法煮的，是用心去做的美食。最後，諗住轉頭影啲漢堡照片實在太美味了一瞬間、大家已經入咗肚了😅只有我自己特別叫的比目魚意粉及羅宋湯留影。差啲講漏咗個羅宋湯羅宋湯真係💯入面加咗牛肉粒煲出面真係食唔到

因為小朋友搞生日party 揀咗好耐到會都揀唔啱然後有幾個朋友食過都強烈推介呢間手工漢堡首先老細好好人，事前會比好多好既建議會就返我哋嘅人數去建議食邊個餐 盡量都唔希望浪費亦都會推介唔同嘅嘢食當日食物好準時送到嘢食嚟到仲係熱 款式又多 味道又好好burger多款又好好食唔同嘅小食都好正，例如煙肉帶子 薯仔沙律 Parma Ham 等等都好正主食好味，份量又好夠客人個個都覺得好食下次搞party一定再叫呢間值得推介！！！

平時放學補完習都會諗起手工漢堡，因為價錢公道之餘，每個漢堡都係即叫即整，每個漢堡都好足料，麵包會烘底，安格斯漢堡除咗有一層差唔多3cm嘅漢堡，仲有煎到好脆好香口嘅煙肉，仲有啲蔬菜配料，例如生菜青瓜，蕃茄洋蔥，令到成個漢堡食落去唔會太油膩，口感非常豐富！仲有老闆好friendly好好人，而且等候時間都唔耐。星期一至五都會有套餐，嗌完主食（例如漢堡意粉），仲有小食例如薯角薯條（之前試過黑松露薯條超好食），仲有餐湯（試過洋蔥湯羅宋湯同埋蘑菇湯全部都好好飲）同埋嘢飲，都只係$60起，所以真心推薦！

今天外賣咗35個手工漢堡包店老闆好有心，搵三個發泡膠盒載住裏面還放了溫暖包，所以我哋拎到屯門辦公室食都好正、啲漢堡好juicy，新款黑松露漢堡冇得輸，個個同事吃完都話正，估唔到屋邨的手工漢堡店有此高級水平，有位同事話畀日本當地吃的漢堡更正!會再幫襯，值得推介。👍👍👍

小店位於鳳德街市舖位，面向馬路。有餐可以叫，漢堡包配唔同小食同飲品，A餐配薯條/薯蓉等，B餐配雞翼/洋蔥圈，C餐配蝦多士/炸魷魚圈/炸蠔/炸雞軟骨，飲品有選擇汽水/紙包飲品/餐湯等。揀咗B餐，睇食評見唔少人都揀 焦糖蘋果安格斯牛肉漢堡，係好食嘅，甜甜地嘅蘋果開胃，仲要足料，有酸瓜、番茄、生菜等；小食揀咗洋蔥圈，份量唔少，又夠脆；是日餐湯係南瓜湯，濃郁好飲。店員有禮貌，呢個質素唔貴，下次經過會再幫襯。

年年中秋我都會食蘇式既金腿月餅，即係酥皮包金腿同瘦肉。諗諗下其實漢堡都係皮包肉，睇泥掹車邊都可以叫鬼佬月餅呢。今日食完團年飯就諗住去附近既黃大仙祠感受夜繽紛，正好經過呢間漢堡店。難得佳節，但係日日一腳踢開足7日工既老細都仲有開鋪，衷心好佩服小店老闆既毅力。見仲餓餓地，就本著支持街坊小店既精神出一分力。我叫左個58蚊既焦糖蘋果安格斯牛肉漢堡。因為即叫即做，用牛油烘香既麵包香同牛肉味搞到我越等越餓。我同老闆吹住水等左大概7分鐘，個包就做好左。我急不及待拎個新鮮熱辣既包去附近既公園食，逐層慢慢品嘗。麵包表面香脆，咬落去鬆軟，牛油香四溢。男主角漢堡肉餅外面煎到岩岩焦啡，陽光既外表包住靦腆可愛既粉色嫩肉。口感軟韌交錯有層次，彈牙多汁，牛味極重。另外造肉餅時加左少少黑椒碎，嘴嚼到顆粒果下增加左一層風味。女主角軟糯既焦糖蘋果甜而不膩，陣陣焦糖體香。另外後製時混合埋爽脆既新鮮蘋果，配合果股微酸出到1+1>2既效果。不過如學似蘋果批餡一樣加上肉桂粉調味應會更優。總括而言，漢堡包最重要既肉餅係做得出色，對得起個價錢有凸。圍繞主題既配料都有用心處理，而其他配角就正正常常。不過對男人泥講，一個漢堡包應

一家人聚會試左呢間到會價錢ok款式好多選擇，尤其🍔🍔漢堡包牛、羊、炸魚好多款式，好足料大蝦沙律好鮮甜，粟米湯通粉最受小朋友歡迎，食唔停口🤤🤤每種食物份量都好大，一家人食到好滿足😋😋

之前都係行過試下😏😏因為見有其他人買，我就不如試下啦，見個價錢都好合理，見到老闆即叫即整，唔係個D做定既漢堡🍔🍔係買完即係食，點知一試難忘，好好味🤩🤩真係一定會再去堂食或外賣啦，老闆好好人又好好傾🤗🤗傾傾下原來佢有到會喎🥓🍖🌭🍔🥪🍕🥙🌯🥘🥫咁啱我小朋友要開Party，咁當然要試下啦，價錢合理，食物質素好高，我地叫咗漢堡包12個、肉醬意粉、粟米火退通粉、沙律、蜜糖雞翼、小食併盆、當然我其他朋友、家人都食完話好好味，佢地即刻問我攞手工漢堡電話😃😃話下次會到佢地叫，真係好好味，好值得推介既小店💪🏻💪🏻💪🏻💪🏻💪🏻

性價比高，質素好好的屋邨手工漢堡呢間小店整嘅漢堡真係唔錯幾好食款式亦比想像中多<外賣店黎講算多>除咗有十幾款漢堡選擇外，仲有意粉、期間限定野食，係有d難選擇嘅！我係漢堡同紅洒牛尾意粉掙扎中最终今次試咗佢個燒烤醬煙肉牛肉漢堡餐加小食避風塘薯條，另加一份蒜茸包，蒜茸包正，夠晒蒜蓉香，避風塘薯條其他地方好少食到，都算惹味…讚👍，個包師父有烘過，食落有脆口感覺，漢堡肉夠香，唔會煎到乾爭爭👍，其實佢個湯都好好飲，但我唔記得問咩湯😣！！下次一定要再試牛尾意粉，小店用心經營，值得支持下😃，加油！！

開party叫咗手工漢堡，好好食，熱食夠熱，凍食夠凍，食到老闆好有心思，盡善盡美☺️☺️食物質數好高，值得推介，一間好有心既小店，一定要再支持，下次再開party一定再叫，手工漢堡你要加油呀

鳳德街市入口近月進駐左一間名為“手工漢堡”的外賣店，店鋪環境雖小但五臟俱全，同時亦很整齊，落單大約等8到10分鐘就得。天氣熱都可以走入冷氣街市等候。同男朋友各自點左一個漢堡，因為我無食到男朋友揀既，甘今次食評就淨係講下我選擇既焦糖蘋果安格斯牛肉漢堡啦。整個感覺輕盈甜蜜，蘋果既爽甜同埋牛肉配襯得好啱key, 而且麵包整得香脆得宜，配料包括蕃茄生菜都好新鮮，而且沙律醬份量適中，唔會食到成手都係，口味亦都好創新。😋👍店主亦好貼心甘俾左即棄膠手套我地，讚。❤️

住黃大仙鑽石山居民漢堡之選⭐️⭐️⭐️⭐️⭐️之前已經食過幾次 😋 ————————————— 超級超級抵食 ⭐️⭐️$60包漢堡薯條餐湯同野飲🍔🍟🫕🥤今日食左脆片煙肉燒烤醬安格斯牛肉漢堡漢堡好juicy😋好味同埋啲配菜好新鮮 🥬🥒🍅 必試餐湯 👍🏽👍🏽👍🏽👍🏽👍🏽無論係蘑菇定洋蔥湯都好出色🧅—————————————whatsapp可以落單好感受到老闆用心製作 努力經營的小店值得支持!! 🫰🏽

好有驚喜🤭蘋果既甜味同牛肉好配搭，一路以嚟都唔係特別喜愛漢堡，但見蘋果牛肉漢堡比較少見，就一於試下，估唔到兩者好互相平衡🥰食完唔會覺得好油膩感覺，超正😋😋羊肉漢堡，唔係到處都會見到，之前都有係其他地方試過，多數都係⋯⋯伏伏地，估唔到呢間小店，可以做到肉香多汁唔會得羊羶味，愛食羊既，一定會係首選🥳🥰仲有雞軟骨都係唔錯🤭唔會炸到好硬，脆口唔油膩總括價錢，質素，味道，性價比好高，希望可以keep住💪

呢間鳳德邨開左無耐既手工漢堡，食過幾次，認真講係ok既👌，d肉真係食得出手打，唔同出面果d死實實，叫左兩個餐加配料，好味😋！黑松露薯條唔夠喊，但個醬好味😋！…可能即叫即做關系，次次都要等10分鐘😅，但呢個價錢，呢個質素，算係ok啦，可以唔等咁耐就好😩食完會有d掛住仲想返去食😆衰在無位啦，要企係度，不過做街坊生意係咁上下，又好近地鐵站，我就覺得好方便啦🫠🫠🫠🫠，如果住得近既話真係會日日食