打邊爐海鮮火鍋燒烤店 (已結業)

最近有親友從東南亞回港，約他晚膳時想起東南亞天氣熱，應比較少吃火鍋，見到眾多食友介紹這家火鍋店，且地點便利大家，於是一試。可能是平日晚上關係，客人不多。食物價錢比其他地區便宜一截。湯底點了簡單的瑤柱冬瓜豆腐，足料簡單而清甜，可突出食材味道。這碟安格斯肥牛驚為天人!色澤鮮紅，脂肪分佈平均但不會過肥。煮熟後肉味濃郁，質地軟腍，十分對口味。二十多塊高質牛肉只索價168元，比起很多城中火鍋名店有良心得多。另外亦叫了半碟羊肉，薄薄一片片入口嫩滑，加上適度的羊味，質素不錯。十分喜歡可叫半碟的安排，可讓客人多吃不同款式食物。這裏的海鮮亦十分不錯。白鱔片爽口彈牙，魚皮充滿油脂香。海蝦上桌時腳還在動，絕對新鮮。吃起來果然結實彈牙，蝦有蝦味。雙滑分別是蝦和墨魚。打至起膠，都是新鮮彈牙，不會有太多調味，鮮味突出，讚！此外蔬菜丸類都不錯。4人埋單大約$1150，比起很多其他火鍋店動輒400元一位實惠得多，值得一再光顧。

天氣keep住咁凍，而收工又特別晏無時間去街市買菜煮飯，同同事收工就隨意去到呢間叫打邊爐既鋪頭打邊爐因時間尚早，人不多，我地就先點了胡椒豬肚雞作為湯底半隻雞件蠻算多，而胡椒那種辣味也剛剛好，作為保身暖胃很不錯之後我地已經急不及待叫配料黎打邊爐呢度既manu很特別，就直接用marker係點菜紙上畫，又可重覆用十分環保黑豚肉唔知點解有時食火鍋點既豬肉都會鞋口，但呢度就冇呢個問題，而且沒有豬既騷味水餃大大粒好新鮮，蝦也十分彈牙響鈴脆脆的響鈴，只浸三秒，索左汁十分惹味，正唐生菜清清地，食左咁多肉類，食下纖維去下油膩

有親友從外地回港探親，想食香港風味食物，見天氣乍暖還寒，打邊爐最適合不過。之前去過土瓜灣的火鍋店水準不錯，便帶他們前去。由於親友怕辣，麻辣沙嗲等湯底都不作考慮，最後點了瑤柱冬瓜豆腐湯。整個鍋都放滿食材，足料。打邊爐食牛肉是常識吧，美國安格斯肥牛是必點，牛肉新鮮，厚度適中，多肉帶適量肥膏，肉味香濃而且份量多，只需168元，這個價錢真的超值。手打四寶有牛肉丸、蝦丸、墨魚丸及鯪魚丸。牛肉丸打得鬆化，蝦丸及墨魚丸很彈牙，鯪魚味香，一點也不腥，一次過滿足4個願望。蝦端上時還在動，煮熟後蝦肉結實，有鮮味。珊瑚蚌又大隻又爽口蔬菜類食物，菜心苗清甜，淮山爽脆。填飽肚之選，紅薯粉吸收了湯底的精華，煙韌兼入味 。與親友邊歎美食邊聊天，又食肥牛又食海鮮，食材新鮮，平均每人都是2百多元，今時今日出外打邊爐的確很抵，盡興而歸。

近日天氣轉冷，忽然間好想食火鍋，所以今晚就約左朋友去食火鍋。朋友仔提意去佢平時食開既火鍋店，所以我地就去左依度食。地方比我想像中寛敞，位與位之間有距離，傾計既內容唔驚比隔離聽到。而且依度有電視，可以一邊食一邊睇，抵讚！依度有得揀雞煲、重慶烤魚同普通火鍋。我地就揀左沙爹鴛鴦湯底，朋友仔想食四川麻辣湯底，所以就問店員可唔可以一邊沙爹一邊麻辣，店員就即刻話可以，真係好好！火鍋配料亦有好多選擇，而且仲可以揀半份同全份既份量，咁就可以試唔同款式既配料都可以試D。醬油方面，分別有辣椒、生蒜、蔥粒同豉油，依四樣野簡直係醬油四寶。鴛鴦湯底：沙爹湯底有微微既甜味同辣味。而四川麻辣湯底好麻辣，而且好開胃添，即刻醒晨晒。美國安格斯肥牛（大）：肥牛既脂肪比例好均勻，而且切得好薄身，肥牛牛味好濃，而且好軟熟，正！韮菜餃（半碟）：將韮菜餃放入麻辣湯底入面，韮菜索滿左麻辣既味道，個湯底帶出左韮菜同豬肉既味通，而且餃子皮好薄添。手打四寶丸（半碟）：入面分別有牛肉丸、鯪魚肉丸、蝦丸、墨魚丸。手打丸打得非常彈牙，各種丸索滿左湯底既味道。牛肉丸牛味非常濃、鯪魚肉丸一d都唔腥、蝦丸好有蝦既鮮味、墨魚丸墨魚味好重。整體上手打丸

讀書時，常跟同學們假日出外遊玩，一大班人有停不了的熱鬧氣氛，我們每次遊玩完後都會大伙兒一齊去吃晚餐，必定會選任吃火鍋，因為當時零用錢不多且沒出來工作，所以選些可吃飽肚的東西。到現在出來工作，嘗試食物種類多了，對食物自然有要求了，所以吃火鍋也會選散點的火鍋店，質素相比任食的更高。今晚跟大伙兒一齊去這裡吃火鍋暢談一番店內雖然不是華麗裝修，是菜館格局，但卻多份街坊般的親切感除了火鍋外，還有烤魚、雞煲的鍋選擇，但我們選了普通湯底相拼沙嗲鴛鴦鍋，沙嗲湯底味道比想像中濃，只是放普通火鍋配料滾熟已非常入味，不用沾醬油吃也有很香的沙嗲味<<黑豚肉>>所有配料都有半碟和一碟的份量，豚肉點了一碟份量，光看脂肪分佈非常平均，肉質色澤鮮粉色，入口新鮮啖啖肉，質感完全不韌且有咬勁<<牛柏葉、廣島蠔各半碟>>牛柏葉口感爽脆，灼一會就可吃，吸了湯底精華，味道濃郁，廣島蠔灼的時間較長，但不會縮小了，吃起來重鮮蠔味，爽嫩兩重口感<<午餐肉半碟>>火鍋必定點午餐肉是常識吧，厚薄切得適中，而且灼數分鐘就可吃，軟熟口感，特別香&#

早幾天天氣轉冷，想暖身當然要吃個火鍋才行，下班後跟男友回到家附近這家火鍋店吃個暖入心火鍋。一進去以為店鋪細小，原來還有隱藏式的座位在內裡位置，還有電視可以邊看邊吃，就座後店員隨即把醬油配料送到桌子上火鍋湯底選擇多，可自選雙拼想要的湯底，我們兩人點了沙嗲麻辣鴛鴦鍋，沙嗲湯濃郁入味，𣎴會像一般所吃到的只是放一兩匙沙嗲醬拌勻開稀水罷了，而麻辣湯放了好多辣椒配料，愈滾愈入味，過癮到停不了口，惹味十足泡椒雞腳點了小食填一填肚子，雞腳醃浸得挺入味，口感挺爽脆，帶陣陣辣椒香且不會太辣，容易入口，是款開胃的小食前菜本地手切新鮮牛頸脊 (細) 只是光看色澤脂肪分佈已非常吸引，牛肉切至一片片薄片，灼兩灼就可吃，肉質口感軟熟，超濃牛肉味，咀嚼時不會感到韌珊瑚蚌 (半碟)珊瑚瑚蚌非常新鮮，色澤不錯，又是跟牛肉一樣不用灼太久，灼大約幾十秒就可吃，這樣才能保持珊瑚蚌的爽脆彈牙口感鮮鵝腸 (半碟)、水魷 (半碟)鵝腸洗得相當潔淨，完全不帶一絲脂肪肥膏，入口爽脆帶韌，水魷跟鵝腸一樣般的爽口感覺，新鮮又重魷魚味，不會好像外面吃到的有陣陣雪藏味炸魚皮 (半碟)想不到炸魚皮半碟都如此有份量，炸魚皮吃起來完全沒油溢味，挺新鮮

要商量大計，於是約咗大口仔今晚去打邊爐，又想試吓未去過嘅餐廳，試吓呢間啦。最好就係附近有個停車場，行過嚟5分鐘都唔洗，正星期一嘅晚上，餐廳入面唔多客人，心諗會唔會中伏，有啲擔心，不過既然嚟到，又唔想再四圍搵，照食囉！得兩個人其實就難啲打邊爐嘅，但呢度好就好在有半碟可以叫，咁就唔會浪費食物，又可以試多啲款式啦！皮蛋莞茜鍋 ($58)大口仔經常熱氣，所以提議佢要個清啲嘅湯底，入面有超多莞茜及皮蛋，開心到不得了！滾起之後飲啲先，香甜到爆，啖啖莞茜味！象拔蚌仔 (4隻$78)由於冇聖子嘅關係，咁就試吓價錢相宜嘅象拔蚌仔啦。淥幾十秒就有得食，肥美又夠彈牙，其實1人食兩隻真係唔夠囉！花甲 ($10/兩)超級鮮甜好食，一啲沙都冇，肥美爽口嫩滑珊瑚蚌 ($48)半份都有幾多吓喎！差不多6至8件，正！淥熟之後口感爽脆彈牙，鮮甜十足魚皮餃 ($26)皮夠煙韌，中間嘅餡料唔覺得好肥膩，係一定要叫嚟食㗎囉！魚片頭 ($25)OK啦，冇乜特別美國安格斯肥牛 (半碟$98)唔好睇小佢得半碟都有咁多塊真係好開心！牛肉香味都幾濃郁，其實叫嗰陣都有啲驚佢太肥，好在總算肥瘦適中仲偏瘦添！油花夠靚，又有油香，肉質鬆軟又唔會

我知自己鍾意食濃味，清淡唔係唔鍾意，只係如果有得揀，會揀左濃味先！但成日食濃味，都想轉下清淡，於是乎約埋女友試下哩間餐廳打邊爐！發現哩間火鍋店只因經常去佢鋪頭對面部恆生提款機撳錢，從門口望入去，幾乾淨喎，感覺唔錯。由於想食淡d，所以叫左半份胡椒豬肚雞煲做打邊爐湯底，打邊爐叫左午餐肉，手打四寶丸，生菜，響鈴，墨魚滑，水餃，黑豚肉，最想叫鵝腸可惜無貨。落單時，係張過左膠嘅餐單上打個圈就得！用完抹乾淨又可以繼續用，夠環保！讚！初時試左一啖湯底，湯底清甜唔夠胡椒味，但煲耐d，胡椒味開始出，味道開始正！配料方面，除左響鈴冧左少少之外，墨魚滑，手打四寶丸，水餃同生菜都好新鮮，滿意！最后想講餐廳門口可以泊車，夠方便。

這天傍晚約了一位朋友在土瓜灣那邊見面，我們在中學時期已經認識，但一直沒有太多聯繫，是最近再次相遇才變得熟絡起來。我們打算找一個地方吃晚餐，除了要大飽口福，還要盡訴心中情。在銀漢街那邊找到「打邊爐海鮮火鍋燒烤店」，覺得晚餐打邊爐也不錯，一來近日天氣比較寒冷，二來打邊爐可以令氣氛輕鬆些。這店看起來很企理，光線很充足，我們決定進去試試：那時大概晚上七時半，不是吃火鍋的時間，所以店內人比較少。店員很有禮貌地招呼我們坐下，又教我們怎樣點菜。這店的點菜方式很特別，是用一支箱頭筆在膠質餐牌上把想吃的菜圈起來，這做法非常環保。為了令食客坐得舒服，店內並沒有密密麻麻地放滿桌椅，這點我們非常欣賞。裝飾方面，每幅牆上都貼滿了食物的圖片，讓食客知道各款食物的賣相。店內還有幾部電視機，播放着熱門的節目。我們決定吃火鍋，湯底方面，選了沙嗲鴛鴦鍋，因為可以同時吃兩種味道，我們選的是沙嗲和皮蛋莞茜味。兩種口味截然不同，沙嗲偏濃味，皮蛋莞茜較清，事後我們都覺得點這兩種口味是很明智的選擇。醬油方面，店員提供了辣椒、蔥和蒜，讓我們以自己的喜好來調配醬油，因為我喜歡吃辣，所以加了大量辣椒。打邊爐怎能沒有公仔麵？這公仔麵不是外

家姐難得返香港，一家當然要幫她洗塵。上機前她已表示好掛住香港的「打邊爐」，接機後馬上飛車去到家姐指定的餐廳。土瓜灣的食店有個好處，泊車十分方便。到達後店主馬上招呼入座及點餐。湯底及火鍋生料選擇很多，但魚缸內海鮮卻不太多，看來我們缺點運氣了。魚缸海鮮點了僅有的生蝦及花甲，幸好質素令人滿意。生蝦鮮味彈牙，用竹籤串好方便食用，誠意之舉。花甲意外地好食，無沙乾淨，鮮甜爽口，下湯後連湯底亦有其鮮味，實在難得。有一點很值得欣賞，款款甜火鍋料皆可點半份，適合貪心的女人。老婆和家姐樣樣想食，我們人數又不多，各點半份實在岩岩好。珊瑚蚌和桂花蚌各半，一爽一滑兩款口味，同通點是鮮而不腥。牛肉是火鍋的靈魂，我作主點了兩款，一平一貴。美國肥牛不過不失，勝在價錢相宜，過過口癮。付出的金錢總有回報，手切肥牛肥瘦均勻，牛肉味濃，算是值回票價。墨魚滑軟滑卻彈牙。花枝片十分足料大大碟。羊肉件合格，無大驚喜。蔬菜、生根作結，一行5人食得飽飽。埋單千幾蚊，價格合理。

去呢到打邊爐如果唔係街坊但有車都算好方便，因為附近都好易搵車位泊我跟2個朋友都是麻辣控，見有<四川麻辣鍋> $68 當然要辣一下湯底上檯時跟朋友超興奮，因為辣油跟辣椒等配料很多，但食落只有微辣感覺，唔算好麻辣，但湯底幾香濃<本地手切新鮮牛頸脊> $188/細牛肉好新鮮，牛味都重肉腍，如果多一點雪花油脂會仲正<大蜆>兩計 $78好新鮮無沙又鮮甜不得不提呢到火鍋料可叫半份，啱哂貪心想試多款嘅朋友仔<黑豚肉> $46/半色澤粉嫩，唔會雪到黑哂，烚久了都唔會好韌<加拿大桂花蚌> $58/半好鮮甜爽口，半份唔夠喉啦<豬潤> $30/半爽脆得嚟帶少少粉<鮮鵝腸> $42/半唔係到到都有新鮮帶肥膏嘅鵝腸，正啊其他火鍋料都幾高質，符合價錢

店內環境 ，食材份量適中，招呼不錯 ，胡椒 肚 湯底一流，大蜆很鮮味，蝦串很生猛，菜蔬亦很新鮮，支裝酸梅湯出奇地美味 。但安格斯牛肉粒有點肥，花姿片醃料過重，希望有改善空間。我們會再來惠顧

今日天氣涼涼的約左朋友去土瓜灣打邊爐，之前都聽人講過這間的野唔錯。店面唔大,有七八張台，牆上貼滿海報，見到就流口水。這間叫野食好特別，俾支marker在張大大張落單紙上畫，得意又環保。叫左個花甲蟹鍋兩只大大只肉蟹，即劏即煮，成斤花甲加上中國芹菜、芫茜等配料，見到都開心。蟹肉十分鮮甜，肉一疏疏，一睇就知只蟹好新鮮好肥。花甲好肥冇沙的肉鮮甜爽口，好好味。由於好多材料湯十分之清甜鮮味。食完個蟹鍋叫左的牛肉、四寶丸、響鈴、花膠筒、鮮淮山、炸魚皮炸魚皮好松脆，魚皮好薄。安格斯肥牛，牛肉味唔太濃，牛脂味較重。本地牛頸脊，比較瘦牛肉味較重。花膠筒，細細只打邊爐就最好，花膠一的都唔腥，雖然細細只食落都有咬口。鮮淮山，毎次打邊爐一定會叫，但好怕的淮山食落粉粉的，這個就好食，爽口加上吸收了的湯底好食。四寶丸是手打，食落彈牙有咬口。其實個湯底十分足料，所以叫在少少野都食得好飽，下次一定約多的朋友去，可以叫多的野食。

今年好像沒有了冬天，難得有點寒意，即約朋友走左去打邊爐，朋友話之前幫襯過土瓜灣的打邊爐店，話好唔錯，雖然唔就腳，都好想去一試。鋪頭位於舊區，簡簡單單的裝潢，卻也乾淨企裏，十零張枱，都算闊落。花甲蟹鍋：大  560元，都好大鍋，頗大只的2只肉蟹，下面好多花甲，一滾起轉細溫度就食的。花甲飽滿鮮甜，一點沙都沒有，蟹肉肥滿，肉質鮮甜，食得出絕對是新鮮的海鮮味道。炸魚皮，40元 相當有質素，魚皮又薄身又脆口，一點油膩味都沒有，一定不能錯過手打四寶 90元這個就一般般，特別是牛丸，好像是酒樓的點心蒸牛肉，好淋身，一點口感都沒有，有點失望。手切新鮮牛頸脊 188元看上去相當新鮮，肥瘦適中，入口嫩滑，牛味香濃。花膠筒 118元雖然分量唔算多，不過處理的相當好，一點腥味都沒有，加上鮮味的海鮮湯底，味道口感俱佳。鮮魚頭 68元這個價錢好吸引，魚頭好新鮮，入口又滑口又鮮甜。西洋菜 35元都好新鮮，洗的好乾淨，入口清新爽口又鮮味。

約左幾個朋友打邊爐，試新食肆，到地點後，整體感覺一般，晚上9:00後，冷氣很小，十分熱！坐位很不舒服，只是木櫈仔一張，坐到pat pat痛！叫左 象拔仔、安格斯牛、丸等等，豬骨湯底好咸，食材還可以，整體感覺不好！食完走人，三位用饍，每位$300-