拉麵來 (已搬遷) 新店位置

好日都唔食拉麵，因為我比喜歡食沾麵但係，今次一於試下旺角黑布街成日經過但都無試過既拉麵舖朋友推薦我食呢個雞白湯拉麵呢碗拉麵隨送一粒名叫骨膠原既油顆粒（右下角）未溶得曬其實個湯本身好濃味唔太油但加左呢粒就....非常油而且塊叉燒肥膏太多成件事好油膩不過好彩拉麵，我揀左硬麵所以好爽口，夾埋啲湯食，會中和油味下次會考慮下試唔試其他拉麵價錢黎講係香港食拉麵既中價位旺角既話都算貴架，食環境但係員工既服務態度都很好！推介：/ 5（滿分）

尋晚去左試呢間，叫咗2碗拉麵睇餐牌平均$100碗應該有保證啦，叫咗碗魚湯拉麵但魚湯底好普通，好似用湯粉沖出黎咁無乜魚味，但鹹味就有啦，幾塊豚肉好薄切，唔值成$100，之後打算叫個白松露豬骨湯拉麵啦但店長大力推介佢地個蟹肉湯底拉麵，望落真係好吸引架，用大閘蟹做有蟹肉同蟹膏但成$158，最後叫咗個湯底唔錯，但無乜蟹味，有真蟹肉同蟹膏但份量唔多，唔值$158太貴了，之後叫咗個炸墨魚咀，味道唔錯好香，但總體黎講如果以拉麵為主菜就有啲失色呢個價錢真係唔值。

旺角⋯⋯ 一個超級䌓忙既地方，去到邊都勁多人！如果要搵食，我一定會行遠少少，少啲人，坐得較舒服的地方。🏠拉麵來，已經來過幾次了！很濃厚的日本風味，但不是坐吧枱的lonely拉麵食法，而是較似居酒屋。🍜拉麵的名好特別---金木水火土！每個都各有特色。拉麵可以選擇「硬」，「適中」，「軟」， 適合不同口味既你地！湯底也可以選擇「濃」，「適中」，「淡」！仲可以選黨「走䓤」或「多䓤」！就選成班食，都可以因應自己口味選擇👍🏻🍽今日選左「木」，白松露豚骨湯底 $110湯底非常濃郁，正😋 但白松露味道不太突出。除左品嚐拉麵，仲有好多調味，任君選擇👍🏻有生蒜，白芝麻，泡菜（唔知係咪咁叫），仲有檸水免費任飲👍🏻😋🥗白松露溫泉蛋煙肉沙律 $48 麵包糠唔知點解感覺好油，有少少「益」味，可能係我唔好彩,岩岩食中個粒怪怪地。但其他菜，溫泉蛋⋯ 正常。特別欣賞啲source, 有柚子味😋好fresh!

去旺角食開颱風拉麵今日是但搵一間近近地嘅旺角拉麵食下平時見拉麵來都會有小貓三四隻排隊覺得有隊排嘅都唔會太差就試吓叫咗個限定嘅 築地魚介湯拉麵個湯清淡 就咁飲都唔覺得太鹹麵條係幼面條講唔出啲咩特別好吸引嘅地方熊本黑蒜油拉麵🍜清淡豬骨湯底加咗黑蒜油 食完講唔出有咩特別或者因為本身鍾意食一啲比較濃味嘅拉麵對淡味嘅拉麵冇興趣麵條🍝都叫做爽口 佢有一個自助嘅加蒜頭位置 幾因為鍾意龍味 所以加咗兩粒 then就俾女朋友話我口臭啦

朋友想食拉麵 就搵下旺角附近有咩好食既拉麵！ 決定去試下！ 位置亦都好方便 店內裝潢設計都好日本 好懷舊 6點半左右去食 都唔洗排隊 menu都用左畫畫出泥 好有日本feel濃厚魚介豚骨湯麵 $98一飲第一啖 真係好有魚介味 好濃！ 好香口！雖然叉燒望落好入味 但食落就麻麻地 無咩味 有啲普通😢 叉燒肉質都偏瘦 😔總括泥講 呢碗拉麵性價比都低

火🔥激辛豚骨湯麵 HKD96；不專業評級：6.5/10L先生呢排好似食辣食上癮😱 其實一開始我以為佢粒火藥玉又係啲流野🤷🏻‍♀️ 點知‼️原來佢堅係辣‼️ 唔太食得辣既朋友仔 要小心啲🙈湯底好濃稠💗 不過個人覺得可能啲辣味太強 蓋過左個湯本身的味道🙈 麵的掛湯功力👍🏻 抵讚‼️黑木耳絲亦都好多😍 成碗野望落好似唔係好多咁 但食完原來好飽🤭好滿足！.土3🌴熊本黑蒜油豚骨湯麵 HKD92；不專業評級：7/10相比起火🔥 我反而更鍾意呢款土3🌴🤤湯底好濃郁 無加辣的關係 更能夠飲到濃烈既豬骨味🐷正‼️ 黑蒜油的份量多而且好香 真係無得頂😍咸度適中 並唔會死咸💗 而且由於湯底質地更濃稠 令啲湯更加能掛係麵上面🤤大愛阿‼️.自家製餃子🥟 HKD38；不專業評級：6/10少失望🙍🏻‍♀️比想像中普通 但都好食既🙂豬肉餡餃子 味道略帶甜味 餃子的質感較軟 同期待中唔同🙁我以爲佢會係煎到外脆內軟咖麻😭.🗣題外話 加一隻日本溏水蛋好貴‼️😭‼️要HKD17😱.推薦度：🌕🌕🌕🌕🌕🌕🌗（滿分十分）

假期同朋友去咗旺角行街,我哋都唔想去啲特別多人嘅地方食飯,所以我哋揀咗比較遠小小嘅黑布街搵嘢食,我哋經過呢間好有日本風情嘅拉麵店就被佢嘅門口吸引住,所以決定食呢間,入面全部都係傳統嘅日式裝修, 令人感覺置身喺日本, menu全部都係圖畫好特別,枱上面有一張紙可以寫低自己對拉麵嘅要求,我揀咗香濃雞白拉麵,朋友揀咗原味豚骨拉麵,同叫左一客餃子話咁快餃子就來到,但餃子好凍,好似煮咗好耐放喺度,而家先至拎出嚟咁,雖然味道都係咁,但凍嘅餃子真係麻麻地至於拉麵..我覺得都係一碗普通既拉麵,唔算有好大驚喜,最重要係我覺得追加一隻糖心蛋要$17都唔平所以下次再來旺角搵野食,我會試其他餐廳!!

去麥花臣睇音樂會前，朋友介紹去呢間日本拉麵嘅餐廳食晚餐。我地6點去食，都無咩人。佢嘅裝修都好地道日本嘅感覺。枱面都有提供，好似日本咁自助形式嘅冰水。佢嘅菜單用咗金木水火土去分類。主要係湯拉麵，都有拌麵同煎餃等小食選擇。佢有張紙，可以俾你選擇個人嘅口味。例如面嘅粗度，湯嘅濃度，走唔走蔥等等。朋友叫左土：黑蒜油拉麵加味付玉子我叫左金：濃厚豚骨湯佢既湯好濃郁，唔會似味精飲完口渴。同日本的拉麵的感覺差不多。叉燒嘅肥瘦都適中。成間拉麵店的氣氛、整體水準都幾好。

波士好想食拉麵，成日一講拉麵就諗起豚X 同一X，我反而帶波士試拉麵來！大坑先係總店，但旺角真係方便好多，墨魚咀係新嘅小食，好好味！拉麵質地係我想要嘅感覺，幼麵易咬又可以連湯食

以往久不久也會過來拉麵來吃。今次來到麵質變細了，沒有以前的粗...麵質地幼了，一下子就變軟，口感極之差，本身已經係點要硬麵了。其次麵幼一個好容易有嘅問題，打結，湯濃碗細，麵條分量多，全部打結一嚿嚿...... 今次比較失望，希望下次來會有改善😕。

話說，我真係好鍾意甲殼素嘅味道架嘛，今日黎到拉麵來，第二次食架喇，唔駛等位！呢到裝潢算有特色，好多懷舊玩具做裝飾！坐低就睇下menu......拉麵款式都叫多，唔算係獨沽一味....咁我同男人見到個蝦濃湯，都覺得好吸引，兩個人都決定叫佢！兩碗拉麵黎到，係濃郁嘅湯呀！呷一啖湯頭先，出乎意料嘅濃郁，真係好正嘅甲殼素😍😍😍但成個麵，似乎淨係食個湯，因為麵同蝦都無咩特別！百幾蚊.....咁拉麵黎講...我會揀番漁x台x..佢性價比高啲....同場仲食左明太子雞翼！伴碟嘅青瓜酸酸辣辣幾好味！明太子雞翼就唔太特別...可不吃....而佢有啲辣醃菜可以加落拉麵到，但真係加少少都幾辣，同會破壞左個湯，所以即刻揀番晒出黎！值得讚嘅係店員換水壺速度好快，得番半壺就會黎放低新一壺！

Went into this decent deco restaurant for ramen. Service was good, environment ok. we ordered two ramen to try. Appearance good, soup base was good, but.... the noodle was not. It is basically the ones you get for instant ramen (from 759) so other than an upgrade on the soup base, u felt like ure eating instant ramen. it would be better if they have more chewy noodles to go along with the soup.

去開嗰度搵食~但又唔想太熱氣,又唔想太飽~行嚟行去見呢間無乜人,企喺門口昅吓店員姐姐就行出嚟介紹吓我哋喇~佢介紹完之後再補咗句...而家無人排隊~香港人心態以為一陣會好多人排隊~就係因為呢句~我就入咗去食喇....佢裝修都有啲懷舊既~可以影吓相~我揀咗極上海老吟釀湯麵~麻麻哋~好重海老味,好腥....最後我頂唔順同朋友交換咗嚟食朋友揀咗黑蒜油拉麵~正常味道....對比起海老嗰個...呢個好味好多....有水任飲的~呢啲配料都唔係特別好食...可以唔洗落無乜特別....應該唔會再嚟~

行過旺角無意中發現這店（其實都好難唔發現，因為裝修太耀眼）一望就知道係主打日式情懷嘅地道拉麵店。夜晚7點都幾爆場，好彩我單人易拎位。入座後簡簡單單叫咗碗「金」（原味豚骨湯麵），加３隻明太子雞翼伴酸青瓜。拉麵到！湯底我揀咗普通，但已經好濃郁，我覺得夠哂！豬骨味好濃。叉燒又唔乾。一定要讚係個麵煮得啱啱好，夠煙韌，一啲都唔淋。可惜雞翼無影相。黎到果陣好熱，食果陣要小心。明太子俾得好足，釀到隻雞翼漲卜卜。隻明太子有少少辛口，同埋我覺得偏咸，所以配返個醃酸瓜就啱啱好啦。本身都想盡量影下店面，因為裝修睇落真係有落足心機，可惜因為晚市太多人，座位之間好逼，所以都唔好意思舉起相機影相。

今次同朋友去開旺角，興起想食拉麵，朋友介紹附近呢間拉麵店拉麵不錯，裝修別具一格，所以今次就黎試下先～內在環境有濃濃日本復古風，木製裝修設計：木枱、木椅、木板牆等等，牆上更貼有懷舊日本海報。拉麵名好特別，用金、木、水、火、土命名~ 土有細分 1, 2, 3, 4~叫左個土3，即係熊本黑蒜油豚骨湯麵～豬骨湯底揀左普通，都已經幾濃厚！ 配搭自家製黑蒜油令湯底更香！拉麵麵條煙韌彈牙~ 叉燒肥瘦適中，加左黑椒烤過，更香口！整體來說值得一試！