拾號公社

营业中

休息中

印象中呢間西餐廳大約兩三年前都幫襯過，當時都覺得唔錯，隔咗一排再嚟食，估唔到今次都有好多驚喜喎！❇️先嚟牛角包及鮮打紅蘿蔔濃湯個湯好creamy，亦飲到有紅蘿蔔碎。平時我唔太鍾意食牛角包，但呢個一咬落去好鬆軟而且食落牛油味香濃，好食！😋❇️芝士焗紐西蘭青口一盆都有6-7隻，每隻都大大隻，上面舖滿芝士，食到好香芝士味之餘，青口本身的鮮味又唔會蓋過咗，唔錯！❇️卡邦尼蟹肉蟹子扁意粉意粉煮得恰到好處，上面舖滿蟹子，蟹肉份量亦都唔少❇️海鮮拼盤呢個真心重點推介！💖一上枱乾冰的「仙氣」飄出，好吸睛！🤩海鮮有一隻龍蝦、青口、翡翠螺、蝦及飽魚兩隻，每款都好新鮮，蝦亦好彈牙。龍蝦大大隻，肉厚而且味道鮮美，成盤海鮮份量唔少，對於鍾意食海鮮的我食得好滿足！😋❇️飲品方面，叫咗兩杯唔同款式的Mocktail: 1️⃣X Man: 有葡萄、有蘋果、亦有益力多，加埋梳打溝埋一齊層次豐富，飲落又唔會太甜，清新！2️⃣Yellow Duck：呢排兩隻大黃膠鴨嚟咗香港，見到餐牌有呢款Yellow Duck好得意，索性叫嚟試下應下景。佢係用一個浴缸仔裝住飲品，主要有芒果、菠蘿汁、益力多及梳打水，果味好濃亦相對較甜，再加埋玫瑰花瓣碎，就真

朋友生日去咗呢間位於新墟嘅10號公社食❤️薯條新鮮即炸非常之好😋😋😋之後叫咗個辣肉腸Pizza味道都唔錯😊賣相有幾好青口帶子忌廉長通粉💗💗😋😋通粉軟硬適中👍🏻👍🏻其實仲叫咗個蜜糖雞翼，不過冇影到相，但係味道都好好👍🏻👍🏻👍🏻仲有叫咗個甜品我餐廳仲幫我哋寫咗Happy birthday嘅字😍呢間餐廳員工服務態度好好 而且喺西鐵站隔離非常方便 價錢亦都唔貴👏🏻如果想喺屯門食西餐，呢一間小店都係不二之選😍😍

位於屯門嘅一間良心小店聽個名咁特別🤓一於去試試佢～·～·～·～·～·～·～·～·～·～·～💁🏽‍♀️芝士熔岩極上和牛漢堡配薯波 $98個包熱辣辣幾鬆軟而漢堡食落都幾重牛味同juicy 值得一讚小店以薯波代替咗平時嘅薯角或薯條💁🏽‍♀️蒜香蜆肉雜菌意粉 $58意粉我就覺得不過不失啦麵質唔算話好彈牙味道一般🙈唔難食不過冇乜驚喜

之前聽朋友講呢間幾好食，環境幾好feel,坐得又幾舒服。見個tea 幾抵食，就先試下個tea 外賣。十分鐘既路程返到屋企。三重芝士pizza賣相唔錯，個邊邊位比較硬上面既料就比較少，見到都幾薄，略嫌唔夠juicy,但味道都還好，食落都幾香芝士味香草忌廉德國腸螺絲粉德國腸有4~5舊，汁撈勻後都夠，份量都夠。但唔係好食，又唔係難食😂普普通通點左荔枝紅茶同蘋果紅茶，沖得都幾香下次有時間同朋友坐低嘆個tea 應該幾舒服既

Bookmark咗好耐嘅餐廳😆終於約埋班friend子一齊去食！佢個環境氣氛都好正，坐埋一齊食下野吹下水一流😎✨德國腸拼盤正正常常冇咩特別啦🤣就係好多款唔同嘅德國香腸~不過原來配埋酸瓜食又幾夾喎，之前真係未試過✨黑松靈芝士磨菇長薄餅個長薄餅餅邊脆脆地幾好食🤤同埋真係好多料！黑松靈醬就少左啲啲✨黃金流沙炸蝦呢個好食！係好香嘅咸蛋黃味🥺仲要係啱啱炸好上碟，所以係熱辣辣㗎，要小心唔好辣親😂✨龍蝦汁青口帆立貝煮長通粉呢個同risotto 就有比較有傷害🤣佢都煮得好掛到汁同幾香嘅，不過就唔係好食到個龍蝦汁味✨黑松露什菌芝士意大利飯個意大利飯勁多白汁！仲要好creamy同好香😍係忍唔到口係咁一啖一啖咁食！仲要幾香黑松露味✨火焰德國咸豬手點可以唔餅咸豬手！😎不過個豬片就有啲硬😂其他就正正常#拾號公社📍屯門明藝街10號安全樓地舖

呢間餐廳嘅位置唔係好顯眼，可能行經過都唔覺意。但係內藏珍寶👍食物質素唔錯，份量多🤤又可以chill住食，滿足一眾小文青，又可以食飽飽🥳今次叫咗all day breakfast、芝士熔岩極上和牛漢堡配薯波、紐西蘭青口蜆肉芝士忌廉天使麵。All day breakfast表現一般，忌廉天使麵幾好食，蜆肉幾多，和牛漢堡好正😋好Juicy，好香，無得頂👍推介🥳

非常難得嚟到屯門區搵食，所以特登搵咗一間距離屯門站唔遠嘅小店試下。佢嘅午餐呢係有lunch set嘅，意粉個d其實就好似六十零蚊左右，唔洗加一，仲要每個餐呢都係包咗一個迷你嘅牛角包、餐湯、沙律仔同埋嘢飲嘅。我就嗌咗最貴嘅all day breakfast﹐要$128﹐屯門區嚟講應該係唔算平啦，同埋本來all day breakfast就應該有麵包之類，而佢都係得其他set 同樣有嘅牛角包，就比較上係唔抵嘅。松露炒蛋聞上去好香，但係食落去味道比較淡，煙三文魚都一般，燒菠蘿呢個 項目all day breakfast比較少見，其實係罐頭菠蘿係咁易燒過。 比較好食嘅係佢嗰個釀咗芝士蘑菇嘅雞翼，同埋佢嘅牛角包其實都ok嘅。朋友叫咗一個炸魚柳漢堡包，我覺得比較就抵啲，都幾好食嘅。佢全部配嘅都唔係薯條，係薯粒，其實就係好似薯餅咁嘅味，但就係一粒狀嘅，比起一塊薯餅就梗係 份量少啲 所以覺得整齊去嘅價格有少少偏貴(屯門區嚟講l。跟餐嘅嘢飲唔係普通嘅lemon tea之類嘅，係可以揀啲咩蘋果紅茶/荔枝綠茶之類，都叫有d誠意。整體感覺，以屯門區嚟講唔算特別平，但係質素都ok嘅，適合放假嚟食個brunch嘅

放假日嘅早上唔想咁早起身，想hea一hea 先出門口😂😂拾號公社嘅Lunch 11點半就開始，3點半先完，啱哂我依啲Chill chill 地想過一日，唔想早起身嘅人🤣🤣依日叫左忌廉汁炸蝦意大利飯同埋芝士熔岩極上和牛漢堡配薯波。意大利飯正正常常，食到一半已經好漏，和牛漢堡兩個人share食都好足夠。跟餐加左杯蘋果綠茶仲加左錢叫多一杯焦糖咖啡。餐廳環境舒適，會播下音樂，冷氣都好夠，位置亦都好方便，要支持下依啲小店😬😬

屯門 - 《拾號公社》📍 屯門明藝街10號安全樓地舖屯門小區有唔少酒吧餐廳🍻呢間野食環境都不錯，性價比高岩哂住屯門鍾意chill既朋友٩(^‿^)۶匈牙利鵝肝多士伴安格斯牛仔柳(💰248)鵝肝有2大大舊🤤，配埋脆卜卜既多士真係十分之滿足啊！如果有埋蘋果蓉可以解下膩就更加好😋牛柳嗌左5成熟，岩岩好唔會靭仲幾juicy同有牛味跟左份沙律🥗同薯波有其他配料食下冇咁dry日本極上和牛粒配喜馬拉雅山岩鹽(💰138)食肉獸繼續都係食牛💓和牛粒有好香香煎既味道咬落係有好少少油～所以唔係好岩怕油嘅朋友仔但我係好okay的😆配埋側邊嘅岩鹽真係好好食炸粗切薯條配黑松露沙律醬(💰55)雖然佢話係粗似薯條但其實一啲都唔粗，只係比幼身薯條粗少少for我黎講，呢個粗幼度啱啱好黑松露真係好夾薯條～送酒一流～所以都飲左2杯cocktail🥰個醬唔夠沾會幫你refill（╹◡╹）CocktailLook for star (💰78)Long Island (💰78)Highball (💰88)Supra Hangover (💰108)佢啲cocktail性價比幾高價錢唔貴～但酒精份量都比得幾足🤧

星期六放工去了試這家lunch!叫了個牛肉條天使麵，蘋果綠茶！食物還ok, 好好食倒也不至於，飲品普通。但服務態度頗好的！如果經過都可以一試，set lunch 配湯跟飲品，還有牛角包，挺飽的！承惠$73 也很抵食！但如果對味道期望太高的，要考慮啊！

今日經過呢間餐廳，見到餐牌幾吸引，所以就試下，店員服務好好，我order咗芝士蘑菇釀雞翼意大利飯，跟沙律，牛角包，餐湯，另外再 order咗辣肉腸pizza，全部都非常好味，下次一定再幫襯。

有良心嘅Cafe小店，去到都要排隊，好彩好快就可以入座，被安排到上層嘅座位。Lunch set 有不少選擇，仲包括沙律、湯加牛角包1️⃣ 前菜紫椰菜忌廉湯幾特別，味道不錯，幾creamy，但唔夠熱，牛角包🥐微暖但不至於韌。2️⃣ 拾號公社all day breakfast $128非常豐富，包括黑松露炒蛋、煙三文魚、茄汁豆、粟米脆片、芝士腸、哈菠蘿片、薯波、芝士磨菇釀雞翼，最令我驚艷嘅係芝士磨菇釀雞翼，外脆內軟。3️⃣ 意式四重奏芝士長Pizza $82即叫即做，芝士仲可以拉絲😁4️⃣ 飲品蜂蜜綠茶，加錢配生啤，個酒杯好適合打卡可能因為小店，人手比較不足，坐上層時未能即時搵到職員，不過而家小店經營越來越困難，加上又是同路人，都值得支持💪🏼

星期六下午3點左右 嚟到呢間bookmark好耐嘅黃店西餐廳💛冇book位嘅情況下都好快入到去 原來佢有兩層 店員帶咗我哋上上層坐低就比menu我哋睇 話俾我哋知有幾款都冇晒要轉其他嘢😅Lunch set有餐湯 沙律 主食 餐飲 價錢唔算貴☺️餐飲方面有蘋果/蜜桃/蜂蜜/荔枝+紅茶/綠茶/水 熱飲唔洗加錢 凍飲就加4蚊 仲有生啤48蚊添🍺 坐坐下發現原來過多陣就係teatime (1130-1525 lunchtime ; 1530-1750 tea time 食物同lunch有啲唔同但會平啲 同埋冇跟餐湯沙律) 而且呢到dinner menu有更多款式嘅食物 好多都好吸引 有返晚市要再嚟食過😍 題外話 小店上層有部電視機係到播歌 啲歌好update😆😆好多mirror歌 仲可以邊等食物邊聽歌邊睇mv 真係mm7😊 🥣鮮打濃湯配迷你牛角包🥗田園沙律🍔芝士熔岩和牛漢堡配薯波 💰102漢堡好厚身好juicy 薯波得兩粒略嫌少咗啲🍝漢堡扒忌廉扁意粉 💰60本來係德國腸 依家變咗漢堡扒🤣🥤凍荔枝紅茶 💰+4🥤凍蜜桃紅茶 💰+4 好大杯 不過就唔係好飲得出個水果味😅

一直都知道呢間黃店幾出名,今次終於食到啦🤪建議大家Book 位後去食😙餐廳嘅坐位比較少😛book咗會穩陣d😌而餐廳離地鐵站都算近,行大概5分鐘就到🤓🔸鮮濃湯及迷你牛角包🥐呢個係叫長通粉送嘅🙌🏻濃湯係南瓜湯🎃真係好明顯係自己煮嘅唔係罐頭湯😆湯好濃x,真係幾好飲🤤而牛角包就比較普通啦🥐🔸龍蝦汁青口帆立貝煮長通粉🦞$98有2隻青口同有頗多雙帆立貝🙌🏻而長通粉嘅軟硬度適中😙龍蝦汁都唔會太濃但同樣係有龍蝦味🦞個人覺得味道調得岩岩好🤤🔸流沙鹹蛋黃薯條加單骨雞翼🍟 $108一黎到就嗅到好香嘅咸蛋黃味😳薯條每一條都沾滿鹹蛋黃🤩但唔會太咸🙌🏻而且仲會真係食到鹹蛋黃粒😚而雞翼就比較普通d😛雞翼嘅辣味搶過咗鹹蛋味🤭雞翼就好似M記嘅脆香雞翼😉🔸黑松露芝士焗有機大蘑菇🧀 $72菇上面有滿滿的芝士🧀仲可以拉芝添😆而黑松露都好香🌟大蘑菇菇好juice🤤唔會焗到冇哂汁😙整體黎講口感好豐富☺️🔸涷特濃朱古力🍫 $37呢杯就相對比較普通😶朱古力唔會好甜😜但平時嘅餐廳都會飲到嘅味👐🏻下次會叫其他飲品🤓🔸山楂碟豆花茶🌸$48係一壼比你慢慢倒黎飲😙甜甜地但個人麻麻地個陣味😬而屋企人就幾鐘意飲😚如果想再加d熱水要加多$10🙌🏻

估唔到屯門都有間咁chill嘅西餐廳🍺餐廳環境舒適，仲有outdoor位置。每道菜式都製作得好有誠意，味道唔錯。推介煙三文魚蟹籽南瓜汁意大利飯、慢煮美式燒豬肋骨BBQ。仲有唔同嘅啤酒選擇，好適合同朋友喺度chill吓。