指天椒泰國餐廳 (已結業)

假期行完宜家有點累又0係時候晚飯, 本來諗住近近地去日本居酒屋和 X, 但要等十幾張台於是周圍行下, 見到附近這一間泰菜好似唔洗等位於是諗住入去食!0係門口完全唔見有人招呼, 入到店舖入面見到 d 侍應呀, 經理果 d 完全當我地透明, 等左一陣終於有一個 reception 打扮的人出返黎帶我地入去... 叫左一個燒牛肉, 一個泰式通菜, 一個濕炒雞肉河同埋一個大菜糕.個燒牛肉肉質好差, 我食左兩舊冇食, 男朋友鐘意食牛所以食哂 泰式通菜冇特別濕炒雞肉河粉一般, 唔太難食亦唔算十分出色大菜糕幾清甜!! 服務方面真係好差, 由一入黎冇人帶位開始, 侍應上菜真係唔望下你張台一野放低就算, 有人叫加水, 侍應加完一張就算, 唔會睇下附近有冇人都要加水, 侍應好似冇靈魂行屍走肉咁... 仲衰過機械人.... 我坐底時隔離台食完野走人, 到我差唔多埋單都冇人執台... 之後附近幾張台走哂, 都一直冇人執..... 好彩之前0係宜家食左野打底, 唔係叫左好多野食... 一邊食已經諗住上黎寫食評, 發現原來已經有咁多負評了.....

因為樣樣都貴, 所以只係食左四樣野1. 豬頸肉: 還可以, 只係有幾舊特別燶, 有幾舊幾別硬(咬唔入), 配一個酸酸地既汁, 冇乜特別2. 炸蝦餅: 蝦餅厚厚地好似象棋咁, 未食已經見到成張紙都係油, 咁短時間就已經吸滿油, 可想而知實在有幾多油3. 炸軟瞉蟹: 還可以啦, 配一個酸酸地既汁4. 鮮蝦炒金邊粉: 面頭有一隻白烚蝦, 裏頭有兩三隻冇味既雪蝦, 正如其他網友所講, 係夏門炒米既味, 份量少食d咁既野, 竟然都要$268, 我都預左貴, 唔記得check單, 價錢我太概記得, 冇理由要$268

一行四人,行到累先食飯...因為平日,原本想食o個間都收左啦~咁就是但入一間...見到呢間仲未收,之前又未試過~咁就試下啦~不過真係唔可以是但入一間架~叫了二人套餐加一個泰式炒金邊粉同埋沙爹串燒...二人套餐有冬蔭公湯,炸蝦餅及魚餅,,咖哩老虎蝦,泰式炒什菜,柑桔冰,椰汁西米糕...好似好多野食,但就無樣好食~冬蔭公唔夠濃,炸蝦餅及魚餅普通炸野~泰式炒什菜,份量小,好多油炒..咖哩老虎蝦...咖哩好似個芡汁咁~唔知點解落左蛋白,一d咖哩味都無~得奶味~椰汁西米糕,味道ok~不過西米好散,好碎~~柑桔冰,唔係香港人口味~我覺得難飲~很古怪的味道~泰式炒金邊粉同埋沙爹串燒係散叫~普通啦~好過餐的食物~不過$65先有半打串燒,不值!!

好彩宜家傢俬食左野打左底~ Thai Chili 又貴又唔好食....生蝦刺身($78 for 8) 細隻到丫....香料太多..完全無蝦味.....青咖哩..($5x)普普通通....係好甜law...牛油酥餅 ($25)牛油味係香, 但亦好油...總括而言, 好時&金宝好食好多~~P.S. D 侍應上菜係唔望人, 就咁放低就走...

當日到該區消遣, 路過呢間食店而又未食過, 而且見有位, 所以一試.金柚沙侓 - 最好食係呢個, 柚子肉又多又清甜, 淡淡肉食落口, 爽呀, 而且仲加埋D配料, 味道雖有少少辣, 但都好夾, 好特別 豬肉炒芥蘭 - 細碟之餘, 表面上好熱, 但熱唔入心, 暖的, 而豬肉係燒豬肉, 我諗如果用豬肉片炒會好D 泰式炒金邊粉 - 都係好細碟, 不過我地留意到旁邊兩枱既係大碟D, 如果我地唔係食咗, 會同該店投訴囉, 而且都係唔夠熱 上菜時間雖然好快, 但D嘢唔夠熱囉.當時已是食飯時間, 但該店都唔滿座.雖然服務都OK, 但唔會再去.

want to go ''simply thai" but it was closed so 3 of us go to this restaurantwe orderedVegetrain tom yum souppork neck meatvegetrain spring rollred curry chickensatay chicken & pork stewfried KAM BIN noodledragon eye drinkthe food actually taste as it should but i wont say it is tasty...not nasty thoughglad the staff is nice n polite and and environment is quiet and comfortable as it didnt have much customerin a word, go kowloon city if u want delicious thai foodand i would not visit this restau

唔係第一次食架啦, 上一次食完都覺得環境和食物都ok, 想食泰國野一諗就諗起佢!泰國菠蘿炒飯例將半隻菠蘿上, 面頭有腰果、肉鬆和3粒海鮮! 其實海鮮都係bouns姐, 不過用茄汁煮過, 酸酸甜甜幾好味。炒飯有提子乾、菠蘿同肉腸。配料唔算多, 飯帶有少許甜味, 濕濕地都易入口。唔好睇小佢, 都有成兩碗飯架!飯就好味, 但D餸可以多D就好啦。軟殼蟹青芒果沙律試過佢個青木瓜沙律, 今次就食青芒果! 其實分別唔大, 青芒果仲會甜少少同軟身D, 個人就prefer青芒果! 沙律汁酸酸地又微辣, 好易入口又開胃。軟殼蟹好脆又好肉地! 出面果D得果脆字, 完全冇肉食 ; 但呢個食到啖啖蟹肉就真係好好味! 即使俾D汁冧晒上面都保持香脆, 配埋果汁酸酸地好正!梳化卡位都坐得好舒服, 裝修好屋企feel, 燈光岩岩好, 同朋友食飯傾計一流呀!

泰國菜一向甚得香港人喜愛，而熊少爺對於咖哩蟹、串燒沙爹等亦來者不拒。今天到訪的泰國餐廳——指天椒，觀其名以「辛辣」掛帥，雖然未能一試其招牌菜，但簡單一個湯粉，也是一個不錯的選擇~~牛肉丸、豬肉丸清湯河(金邊粉)：這裡的金邊粉，其實與一般泰國菜館的無異，其優勝處，在於其湯底清而不膩。值得注意是，座位旁有不同的調味料，各位食家大可一一品嘗，或許會有意外驚喜。配料方面，豬肉丸、牛肉丸本身無甚特別，雖然添上豬肉片與牛肉片，令配料的陣容豐富不少，但只算不過不失。特別想提的是那塊蘿白，它並非「車仔麵」講求清甜無渣的那種，而是吸收了湯底精華的「有味」蘿白，喜歡與否見仁見智，至少熊少爺甚為欣賞。沙爹(豬、雞)平常光顧的泰國餐館，對於沙爹的種類選擇是屬於專一型的——非雞則豬，非豬則牛。此店最適合那些花心之人了，竟可豬雞各一，果真難得。說回味道，愛吃串燒沙爹之人或許有此經驗：一是沙爹與竹籤過份「纏綿」，無從分離；一是豬肉串燒過份「煙刃」，產生「食之有害，棄之可惜」的思想掙扎。這裡的串燒雖無此弊，惜醬料味道單薄，串燒份量不足，欠缺那種讓人一試再試的吸引力。冰飲：不論是龍眼冰、洛神花冰、還是柑桔冰也好，其口味

早兩日約左男朋友同兩個friend一齊去睇戲，我哋睇八點幾，放工過到黎都七點有多喇，聽朋友介紹呢個商場有間意大利餐廳幾好食，點知上到去間嘢原來無左喇，我哋又趕時間喎，咁見呢間唔駛等位，仲做緊discount添(俾現金有85折，俾咭就有9折)，所以諗都唔諗就入左去。一坐低就梗係即刻睇吓menu有咩食啦，離唔開既都係蝦餅，每次食親泰國嘢都會叫，因為我鍾意食。之前食過幾間既蝦餅，味道都差唔多，但係今次有啲驚喜，呢間既蝦餅係有黑椒味嫁，但係唔辣既，可能唔係落左好多啦....我哋仲叫左拼盤、炒金邊粉，呢樣都係我食泰國嘢既favour之一，夾埋啲花生碎一齊食都幾香嫁，仲有菠蘿炒飯、炒通菜、仲有酸辣炸魚，我問左待應哥哥，呢個炸魚要等20分鐘。原本想叫粉絲蟹煲嫁，不過呢樣又要等25分鐘，咁我哋問有咩好食又唔駛等咁耐，佢介紹我哋食咖喱，但係食咖喱無飯又點得呢! 所以最終都無叫到，見仲夠時間，所以叫左炸魚。呢樣我都好鍾意食嫁，不過要多人先會叫，今次終於食到喇條魚都炸得幾靚，熱辣辣咁，唔會太熟，酸酸哋幾開胃，送飯一流! 待應哥哥可能都知我哋趕時間，我見佢都有同另一位待應講，可能吩咐廚房快啲卦...無幾耐啲嘢

Lunch set 內容: (可見下面網友的照片)- 豬肉丸清湯河 - $28- 豬肉丸冬陰清湯河 - $38大家唔好以為 貴$10的 "豬肉丸冬陰清湯河" 係冬陰功湯底, 其實是加了冬陰辣椒在面的清湯底。上菜個樣係清湯底加一匙辣椒碎及辣椒油, 點知食落直情真係辣椒油味!! 完全唔係冬陰功味!!當查問分區經理後, 分區經理表示泰國真係有"冬陰清湯"的, 但anyway, 如果各位想食冬陰功湯底的, 就唔需要比貴$10, 為了多左d辣椒碎及辣椒油, 因為你可以自己從調味架上加的!加上辣椒油同冬陰功味根本就係兩回事!該分店經理還表示dinner係唔會有"冬陰清湯"賣的...咁即點!? 完全係取巧之作!!

同朋友去九龍灣血拼，順便食埋個dinner先走，我地原本等緊樓上間小籠包ga，但係好多人，所以落左黎樓下行下，見到呢間唔使等位，而且泰國仲有分店，心諗應該唔會差得去邊掛，滿心歡喜咁入去~一入去覺得個裝修都幾靚，連個waiter裝水既水壺都勁有泰國feel~!我地點左三樣野，冬蔭公湯例牌會點，見佢推介個焗香草老虎蝦粉絲煲，睇個menu真係好吸引，點！叫多個泰式炒金邊粉，之後開開心心等食飯~冬蔭公湯($58):見佢有兩隻蝦，都幾開心，飲落覺得比平時時冬蔭公湯酸同辣，但係都算好飲，隻蝦就鞋左d，可以接受，不過飲完就開始口乾喇............= =泰式炒金邊粉($55):見佢條蔥咁大條，仲要係生既，想點啊囧......有隻茄汁蝦，食落口覺得好似食緊蝦乾.........個味道就係茄汁蝦既味lor。面頭比d蛋整既網包住，仲有肉鬆，而且再搭多半邊青檸..........我地撈勻先食，點知一食落口，我同朋友都覺得自己食緊廈門炒米，甜甜酸酸咁，我地好似食緊泰國野wor，點解會有d咁既感覺?!=0=焗香草老虎蝦粉絲煲($138):一拎過黎都幾o咀，因為面頭係莞茜同埋蔥，真係唔知道點解會落埋花椒八

同朋友行街...到左晚飯時間...開始搵野食間間都等位...ummm...行過見呢間唔駛等加上睇埋佢門口寫住係泰國餐廳係香港開既分店...行得!!我地order左3樣野:冬陰公湯($58): 很酸不太辣...兩者味道做得不平均...差湯料其中既蝦不新鮮...咬落猶如半蝦乾...差差差泰式炒金邊粉($55): 酸酸甜甜...味道似廈門炒米配料不多...撈埋一齊食...味道不過不失...好普通囉!!P.S.蛋網上既蝦同樣係半蝦乾焗香草老虎蝦粉絲煲($138): 食過前兩隻半蝦乾..都有d心知不妙果然...煲內老虎蝦...仍然..............絕望了 再試試底既粉絲...鹹的要命....完全入唔到口....好好好好差食到一半...餐廳開始嘈...開始頭痛...一人食左粒Panadol...真係第一次跟住埋完單...拿拿林離開...下次都係食d要等位既穩陣d

原本今日一家人開開心心想食餐咖哩蟹，高興下。近近地，就揀左呢間指天椒泰國餐廳，諗住裝修唔錯，個四人晚餐有齊我地想食既野，好吸引咁啦！七點左右到逹，仲有ｄ唔錯既卡位，坐落張枱又闊，梳化又舒服，幾滿意架！點知叫完哂菜，個惡夢就開始了．．．ｄ餸菜上得好快下，眨眼間前菜同個冬蔭公已經黎到；我地一行四人還在分緊湯，其他炒雜菜呀，豬頸肉呀，主打咖哩蟹等等都上埋黎！呢度ｄ侍應好特別，唔會理你枱上面ｄ飯菜如何都只會在枱邊上菜，再用力往裡推。換言之，佢真係懶理你食緊野或者張枱有幾滿，佢都唔會幫你擺過ｄ碟。侍應埋到黎既任務只有一個：將個菜上到你張枱。公道一句，個咖哩蟹本身味道不錯，香口而不太辣，適合香港人口味。唯獨是蟹斬得太大件，加上濃郁的咖哩汁，侍應又只係供應左一個鉗仔，結果大家選擇了用手食，食到一手都係咖哩汁．．．當初大家忙住食蟹，都唔覺有乜大問題既。但係當我既家人食到完要上洗手間清理一下時，打算順便叫侍應來換碟，問題就出現了。話說我地張枱ｏ係入口近轉角位，左右都可以招手叫侍應，但我地舉了手好一會兒，眼見一個又一個的侍應在右邊通道行來行去，都冇人理我地。起初以為佢地見唔到，於是將手舉高ｄ又伸高ｄ。又過

星期六晚，大部分店舖 full 左，見到呢度有位，咁就入去喇。今晚叫左三樣野 + 一樣飲品: 小食拼盤: 三樣野裡面最好係個拼盤。炸物都唔錯，夠香口同埋唔會太油。蝦餅好重香茅味，同埋雞翼都醃得岩岩好。 飛天通菜: 小辣，但除左辣之外就冇乜其他味。差左少少。 Rod naa 河 (類似濕炒河) 豬肉: 個汁本身已經唔夠杰，越食越稀，好似一 pat 湯。而個炒河本身係偏油膩，個好在個汁都幾好味，麵豉醬既甜味，所以都可以叫 ok 的﹗ 青檸梳打: 幾好，唔會太甜，但青檸味不足。環境較迫，位與位之後幾密，欠缺私人空間。一試無妨，但不會推介給朋友。 p.s. d 相比較暗，請見諒。

下午茶來說是很貴,但這蜿河算有品質!!湯底很鮮甜,很香,滑,味道複雜,配料足,開胃,個人而言不夠酸和辣!!河粉不是普通貨式,較粗身,質感不會太韌,不會太淋,剛好!!!若不是太貴,應該有好評!!!