指月 (已結業)

嚟旺角辦完年貨，順便喺附近食埋飯先返屋企。喺快富街見到有間裝潢優雅嘅新餐廳，以指譬教，以月比法，「指月」，名字甚有意思。細看門外餐牌，店舖主打牛腩粉麵，另外亦有五香牛雜、餃子同椰菜花飯等供應，選擇都幾豐富，啱晒河車，今晚就一於喺呢度開餐。點咗清湯牛腩伊、無米炒飯、一碟煎餃子，另外再加咗幾款小食。招牌蘿蔔清湯騸牯牛腩伊 ($62)  率先送上，餐廳標榜所有嘅食物都無落味精，先呷一口湯底，味道果然與眾不同，濃郁得嚟好清，有層次感。牛腩選用了騸牯牛炮製，騸牯牛即係已閹割嘅牛，食落肉質好鬆化，夠腍、入味又有肉香，蘿蔔亦清甜無渣，連伊麵也恰如其份，彈牙煙韌，掛湯力強，以辣椒油、菜脯及酸蘿蔔伴吃，啖啖滋味。近年好興食椰菜花飯，見到餐廳有呢款「瘦身恩物」供應，當然唔可以錯過。選擇貴精不貴多，只得 4 款，揀咗 XO 醬肉鬆蝦仁無米炒飯 ($72)。 肉鬆微咸、蝦仁爽彈，配上濃香惹味嘅 XO 醬、低卡高纖嘅椰菜花，再以清爽嘅梅漬車厘茄作點綴，口感超豐富。韭菜豬肉煎餃子 ($48)  接著上桌，底部煎得非常香口，熱辣辣，焦焦脆脆，入面嘅餡料比例啱啱好，豬肉新鮮，韭菜辛香味濃，蘸自家製醬汁吃，非常惹味。小

行過聽到有路人講話對面餐廳好食，門面並不起眼，只有少少的店名寫住指月。好奇便過去望望🤔，餐牌啲野幾吸引喎，價錢又不貴，試下無妨吖。店員示意可以隨便揀位坐，小店不大，大概廿十個坐位左右。🍚揚州無米炒飯本身牛什都好有興趣，但得悉今日牛筋牛蒡無貨又好似差咁啲野，同時又好想試下椰菜花飯crossover中式食法，咁就決定要呢樣啦。一般椰菜花飯都係出現係西式餐廳，一件扒一個汁，椰菜花飯取代意粉或薯蓉咁，食落確實無違和。但如果用作揚州炒飯又會點呢？🤔意外地…非常好食‼️唔止炒得香又夠味，椰菜花飯好難入味嘛，呢度調得啱啱好又唔會太重手，食落乾身真係好似炒飯咁樣，加上足料，蝦仁、叉燒、蔥花樣樣齊，讚呀👏除左主食，個餐仲包左一碟菜同醃漬，後面藍色小碟個辣椒醬勁正，仲有炒飯旁嘅話梅車厘茄都好好食，梅味清香，好似有得當小食獨立叫😋🥟煎韮菜豬肉餃見隔離枱話熟客唔使睇餐牌，即叫左兩碟煎韮菜餃，即係好野黎啦，等我又叫一份試下先，叫份細嘅六隻嚐嚐，餃子都有碟菜送，正。餃子皮皮薄，半透明狀睇到餡料飽滿，咬落果然煎得香脆好好味，個皮煙煙韌韌有咬口，韮菜餡鮮味多汁，實屬高水準之作👍🐟黃金炸魚皮最後又因為口痕叫左碟炸魚皮，黃

旺角快富街新開左間「指月」，主打招牌蘿蔔清湯崩沙腩、秘製五香新鮮牛雜、自家製新鮮餃子及特色小食等等。店內環境裝修以田園風為主，店員們都好有禮貌，服務周到香煎韭菜豬肉餃可選6隻或8隻，湯餃或煎餃，店舖每日新鮮包製，售完即止。我就揀咗六隻香煎韭菜餃🥟餃子底部煎得金黃香脆，皮薄餡靚，裏面包住新鮮韭菜及豬肉，充滿韭菜香，仲好juicy指月手撕雞煨麵廚師推薦手撕雞，已經去骨去肥，啖啖肉，鮮雞味濃！湯底呈淡黃色，濃郁清甜，配上切碎的菜心粒及煨粗麵條，夠哂飽肚。主食另外跟配自家醃製蘿蔔條及自家製辣椒油，蘿蔔條微酸開胃，口感爽脆；辣椒油香辣惹味，好正哦鮮茄牛骨濃湯牛肋肉配新竹米粉餐廳以新鮮蕃茄、蝦頭及牛肉熬製的濃湯，鮮味且香濃，微微辣，配上幼滑爽口的台灣新竹米粉，好吸湯呢！現凡惠顧主食，仲會奉送油菜白桃烏龍冷泡茶 & 桂花龍井冷泡茶現凡惠顧主食，奉送飲品✨冷泡茶清雅脫俗，分別充滿陣陣白桃及桂花香，去脂解油膩

偶然遇上的大驚喜🫢係旺角區諗住簡單食碗牛腩粉，見到新開既呢間店，木系裝修簡單舒適，座位又唔會好迫。店舖內除左有啲掛畫外，仲有啲蕨類植物添。✨欖菜鯪魚無米炒飯無米炒飯，即係近年健康人士熱愛之選 - 椰菜花飯。本身唔特別喜歡炒飯，因為會有種油膩感。但呢個炒椰菜花完全無呢種感覺。加埋欖菜，口感好爽口，好味。伴碟既話梅車里茄⋯好好味🥹🥹✨鮮茄牛骨濃湯牛肋肉 配 上海麵湯底熬製左5小時，牛味非常湯郁，真係可成碗湯飲哂。牛肋肉好香好淋。上海麵成好彈牙。配埋秘製菜譜同辣椒醬真係一流（辣椒醬後勁好凌厲，爽🤤）✨酒燒雞翼係單骨雞翼。酒味唔會好濃烈，但每啖都會食到酒香。堂食完仲買多一份返屋企😂✨南乳炆豬手豬手炆到好淋，醬汁一樣非常濃郁。叫主食會送埋時菜同飲品。白桃烏龍冷泡茶好清新。而家仲推出緊盆菜添，只要提早1-2日order就得架啦！團年飯大家多個選擇！

之前喺旺角搭小巴經過見到有間新開嘅小店叫「指月🌖」。門面裝修似打卡Cafe，但睇餐牌發現原來係食正餐，而且價錢合理，所以早就決定要搵日嚟試吓😜。正藉Happy Friday就約咗朋友喺度食晏。小店面積唔大，我諗座位得大約二十個左右，不過店內木系嘅裝潢，再加埋牆畫同植物作點綴，有一種小清新嘅感覺🌿。餐廳食物主要分幾類，例如有牛腩、餃子、椰菜花飯同特色小食等，每款都帶有港式元素🇭🇰。女店員樓面工作做唔停手，但亦不忘為客人介紹菜式，仲強調全部無添加味精。老火蘿蔔豬骨湯餃子($48/8隻)，我一向都鍾意食湯餃多過煎餃，因為前者比較健康，而且仲可以飲埋個湯。餐廳以蘿蔔豬骨湯作湯底🥕，老火湯滿有住家感覺，味道清甜，我哋成碗飲晒。豬肉餃子有分韭菜同西洋菜兩種🥟，冬天就當然要食西洋菜，菜餡明顯食得出甘味。餃子由店舖師傅每日新鮮包裝，形狀包得靚，餃皮滑溜，厚薄適中，而且成塊都好均勻。伴旁配以自家製辣椒醬🌶同醃蘿蔔，前者辣度唔講得笑，後者微酸開胃，脆卜卜。招牌蘿蔔清湯騸牯牛腩($62)，牛腩係餐廳嘅招牌菜，佢哋選用矜貴嘅本地騸牯牛🐮。牛腩肥瘦得宜，肉質軟稔，肉味強，不過都唔夠湯底出色。蘿蔔清湯牛味極為濃郁

放工行去旺角，經過見到呢間日式裝修既餐廳，行近睇竟然係食清湯腩，立即入去試下韭菜餃，湯底係用蘿蔔豬骨煲成，清甜冇味精又夠味，大口大口飲曬！韭菜餃皮薄餡靚，食得出係自己包，唔係交貨。仲配左辣菜脯、辣椒油、酸蘿蔔，三樣都係自家製仲送埋生菜，真健康崩沙腩新竹米粉好小係清湯腩舖頭食到呢隻新竹米粉，好食！湯底夠清，都係用左蘿蔔豬骨湯底，加上清湯腩既香料，層次十足崩沙腩有兩層根膜包住，食到爽彈口感，再威到牛腩既肉香，非常出色既部份！熱山渣茶 最後飲埋呢杯山渣茶好幫助到消化 好滿意既一餐！

旺角落車經過間新開既店 #指月裝修特別，桌椅都係木系，睇上去非常復古！座位闊落鮮茄蝦頭牛肉濃湯番茄🍅牛骨熬制嘅濃湯非常濃郁，牛肋肉厚切，夠大塊🤩入口即溶！呢碗粉呢湯就是精華🤤鮮香美味！值得一試XO醬肉鬆蝦仁無米炒飯 冇一粒飯，用椰菜花代替飯!低脂低卡，特別適合減脂的我😎飽腹感很強! 奉送飲品及油菜👍韭菜豬肉餃拼西洋菜豬肉餃手工包製！皮薄餡大，老火豬骨熬制即湯底奶白色，特別清甜干扁四季豆特別爽口，推介👍外賣電話☎ 37972340

指月地址：旺角快富街，33-35號地下A1號舖路經旺角的鬧市，眼見一間裝修優雅的餐廳，裝修及環境舒適。招牌蘿蔔清湯牛腩配新竹米粉$62由於全部食材沒有填上味精，所以十分健康，招牌蘿蔔牛腩新竹米粉非常爽口，牛腩的肉質嫩滑，湯底非常清甜。XO醬肉鬆蝦仁無米炒飯$72冇咪炒飯，用了椰菜花代替米飯，非常高纖健康，雖然用椰菜花代替米飯，但仍然有米飯的質感，比起食米飯更加健康，再配上XO醬非常惹味。酒燒雞翼$34走燒雞翼，非常入味韭菜豬肉煎餃六隻$42煎餃的肉汁豐富，有落非常新鮮。餐廳還提供優惠，主食奉送飲品及油菜，我們叫了檸檬薏米水及山楂烏梅茶。

如果大家鐘意食牛腩既呢間新開旺角小店都值得推介比大家地點方便 其他野食又幾好食😋🔸招牌蘿蔔清湯崩沙腩+新竹米粉崩沙腩好林容易咬開 超濃嘅牛味 牛湯好濃味 加埋新竹米粉🔸指月手撕雞煨麵手撕雞配埋清甜菜雞湯，上海麵既麵條夠彈牙，麵條吸曬湯既鮮味好正今日叫既主食都有埋三小碗嘅配料，分別係自家製嘅辣菜莆，辣椒油，仲有碗葱花，成個主食變得好別致🤭另外再叫左兩款小食🔸酒燒雞翼♥️♥️超推介！雞翼係已一開二，可以食得乾乾淨淨🤣簡直係懶人恩物，好鐘意佢即外皮脆得香雞肉又滑，但同時又有d甜味♥️♥️🔸乾煸四季豆香口惹味，配埋肉碎一齊食好香🔸檸檬薏米水（熱）老闆指又係自家煲，酸酸又甜甜地好好味，加埋薏米好健康🤭🔸白桃烏龍冷泡茶（凍）🍀總結鐘意食牛腩既人可以黎呢間小店試一試而且位置好方便 好近地鐵站店舖以工業牆身同蕨類植物做點綴 係一個小小打卡位 而且舒服乾淨環境又闊落

單看門口完全想像不到原來賣的食物這麼中式，跟傳統的牛腩店的差別很大，但也不能以貌取人的，食物才是餐廳的重點！所以這間的确是做得挺不錯的！秘制五香牛雜（淨食）（88元）我去到的時候已經是最後一份了，所以有些部位已經賣光了，今天吃的就有牛肚，牛腸和牛肺。牛雜都燉得很入味，而且都能感受到本身的口感，不會燉得太軟爛，味道鹹香。不過牛腸會有點肥，所以介意的人就要留意一下！但吃起來油香十足。招牌蘿蔔清湯騸牯牛腩飯（62元）來到的時候也剛好賣光，要等下一輪，但這是招牌就肯定要等一下！來到真的沒有白費，牛腩燉煮得剛剛好，牛腩肉質滑嫩帶點膠質的口感，而且因為是牛腩油香就肯定少不了！湯底清香，有蘿蔔的清甜味，又有牛腩的香！滑蛋燶邊叉燒飯（53元）滑蛋和叉燒的份量挺多，吃起來蛋很香很滑，每口飯都能配上蛋，叉燒肉質柔軟，燒得挺香，蜜汁香味濃！老火蘿蔔豬骨湯餃子（8隻）（48元）本來想吃韭菜餃的，但今天沒有了，所以就改吃了西洋菜豬肉餃。餃子皮非常薄，而且很滑嫩，餃子餡挺香，西洋菜帶點獨特的苦味，所以如果介意就可能要試別的。湯底挺清甜，不會很濃味，剛好帶出餃子的味道。酒燒雞翼（34元）一來到就可以聞到非常香，是即

😍估唔到喺旺角鬧市中有一間咁恬靜又優雅嘅牛腩店，除左食材健康之餘店內還擺設蕨類植物🌿亦有一些藝術畫💟享受食物之餘，環境都係一個重要環節😄鮮茄牛骨濃湯牛肋骨$62（微辛辣）蕃茄湯底濃郁有番茄蓉，牛肋好冧又入味，侍應介紹全無味精連湯都可以飲架👍有自家精心製辣菜脯，辣椒醬，下次再黎要問下可吾可買先🤤一樽可以自己煮麵食套餐配有生菜，健康午餐酒燒雞翼$34， 雞翼分兩件，方便又易食， 爆炒後有少少酒香味又吾會熱氣👍山楂烏梅茶都係自家制💞少甜少酸烏梅健康又開胃🌟健康食材🌟環境優雅🌟大自然氣息🌟用心制作

旺角近期新開不近一個月既餐廳小店，地點鄰近先達廣場後面既橫街，方便又易搵。店內裝潢樸素簡單但帶住舒服既木質餐檯同長椅。款式由小食至主食都有唔同既菜式選擇，食物價錢上以同區餐廳相比下亦屬於比較經濟既價格乾煸四季豆 $32酒燒雞翼 $32煎韭菜豬肉餃 $48最大特色係所有菜式都係真材實料唔加任何味精煮出黎。四季豆個味道少辣夠香，雞翼濃濃既紹酒酒香燒得好有焦香感，而手包餃子皮薄煎得夠脆身，大量韭菜內餡夠晒豐富指月手撕雞煨麵 $62最吸引到專員既係兩個麵，個煨麵湯底用上雞湯同豬骨湯煮出，濃濃既膠質質感入口好濃郁，麵質質地唔會太淋身，有咬口夠彈性，食完飲埋個湯都唔會口渴。鮮茄蝦頭牛肉濃湯配特色上海麵 $62而蕃茄湯底香濃既蝦頭同牛肉肉香，唔會太酸，新鮮香濃既蕃茄味道清甜又帶微酸。牛肉係牛腩位置，淋身半肥瘦吸晒蕃茄湯既清甜味道。另外餐廳再附上自家製既辣菜脯同辣椒油，超級香超級辣超級滋味！檸檬薏米水 $15檸檬薏米水係餐廳自己每日新鮮煲，解辣解膩清甜之中帶住新鮮檸檬陣陣既香味，好掂！好食，有心又抵食既餐廳，下次再出旺角會再食，相信小店會愈黎愈多人識欣賞，加油！

不一樣的港式粉麵 店名與門面讓人有一種很日式的感覺 門面非常簡潔而且帶有一種高級感 完全不像傳統的魚蛋/雲吞/牛雜粉麵檔。內裏裝修精緻舒適 長木枱 壁畫 以及盆栽 猶如置身cafe中 繁忙嘅鬧市中 竟有一處如此舒適的空間 在這裏用膳確實是一種享受 牛雜 淨食$88 牛肚/牛筋/牛腸/牛膀/牛肺 處理內臟極佳沒有半點腥臭味 牛肚牛腸炆到好淋 全部食材都好入味 個炆汁好港式 但擺盤好日式招牌蘿蔔清湯崩沙腩$78 果然是招牌 清湯完全不油膩 卻有濃濃的牛骨香 崩沙腩是亮點 半肥瘦 有咬口得嚟又唔會過於柴頭 好香牛味指月手撕雞煨麵$62 醬汁非常濃稠 就好似用咗十隻雞整一碗麵嘅湯底一樣 很精華的感覺 麵條用咗上海麵 外型好似烏冬 但食落比烏冬更彈牙 雞絲嫩滑不嚡口 還加了菜碎成件事清新了不少韭菜豬肉餃(湯/煎)$48 每日新鮮包製 簡直係皮薄餡靚 個人很喜歡多菜少肉 韭菜好香好濃味 外皮煎到脆卜卜 與軟熟嘅餡料形成強烈對比 口感非常好白桃烏龍冷泡茶$20支可樂$15

旺角新開的健康食肆，主打椰菜花飯及新鮮牛雜，而且所有菜式都不加味精，十分健康。南乳炆豬手豬手皮去毛十分乾淨，炆至入味又夠腍，膠質豐富。黃金炸魚皮魚皮即叫即炸，十分香脆。招牌蘿蔔清湯崩沙腩米粉新竹米粉爽口，吸收了牛肉湯味肉鮮味，崩沙腩表面帶少許牛油脂，炆至肉質鬆化，湯底清甜。XO醬肉鬆蝦仁無米炒飯用了椰菜花代替米飯，但是完全無影響口感及味道，椰菜花有豐富的纖維，比食米飯更健康，而且很爽口，XO醬十分惹味。老火蘿蔔豬骨湯西洋菜豬肉餃豬骨湯呈奶白色，入口鮮甜無味精，餃子肉汁豐富，而且很新鮮。最後飲返杯檸檬薏米水及白桃茶。

係旺中附近行完街，經過快富街見到有間新開張的牛腩店🐮但有別於傳統的牛腩麵店。【指月】裝修較新潮。紅磚牆加上🪵木系長枱，牆上掛咗不同藝術畫作🎨同綠化植物🌾食物擺盤走日式風格。✪ 招牌蘿蔔清湯崩沙腩 ⌫💲78麵食就揀咗新竹米粉，米粉幼身滑溜。崩沙腩口感煙韌彈牙， 好有嚼勁。牛味濃郁。蘿蔔清湯好香甜。前菜有自家製醃蘿蔔。好爽口，味道微酸。跟餐嘅熱檸檬薏米水，酸酸甜甜，飲落好暖笠笠。✪ 老火蘿蔔豬骨湯餃子(8隻) ⌫💲48有兩款餃子，我地揀咗西洋菜豬肉湯餃🥬，餃子皮好薄身。入面有好多西洋菜，好香。不過豬肉就唔算太多。可以加少少自家製菜脯，好香口，辣度都好重。而老火蘿蔔豬骨湯好好飲！味道清甜。✪ 乾煸四季豆 ⌫💲32好夠鑊氣🔥熱辣辣上枱。肉粒炒得焦香。【 指月 】📌旺角快富街33-35號地下A1號舖