撈得喜火鍋冰室

营业中

休息中

突然之間天氣又凍返，臨時出咗去打邊爐！呢間火鍋店上次喺附近食飯已經見到，平日晚市人潮都幾多~價錢亦都好平可以任飲任食兩個鐘~湯底都有好多唔同選擇，烤魚、雞煲等都可以選擇。飲品櫃選擇都算多，除咗基本罐裝嘢飲連啤酒都有，另外亦有餐廳手打檸檬茶、白桃烏龍等。湯底我哋揀咗清甜椰子雞煲，一共有半隻雞，見出面仲有雞件可以拎，所以夠唒食！湯底原汁原味，用咗三個椰子去製作，加埋粟米、紅蘿蔔同馬蹄煲更加清甜。忍唔住飲咗兩碗湯，加入寬粉打邊爐吸唒啲椰子味好好食~~自助區火鍋配料選擇多，除咗基本嘅丸類菜類，亦有少啲喺放題見到嘅鮮鴨血、蜆同蟶子。蜆冇沙好鮮甜，蟶子亦都好甜同爽口。肉類有手切鮮牛、肥牛、牛板腱以及黑毛豬，全部都係喺出面雪櫃自己拎~店內亦有雪糕及甜品任食 ，甚至有棉花糖機可以自己整棉花糖！總括嚟講，呢個價錢可以食到有海鮮嘅放題真係好抵！性價比高！

最近先發現原來太和開咗一間任食火鍋！之前只係食過早餐~今次揀咗星期四晚去食，有好多人幫襯!!👍🏻性價比超高的任食邊爐，只需約二百元，就有兩小時的任飲任食！呢道鍋底選擇多達19款，每一款都有特別之處。我選擇了蒜香味的烤魚，原條的烤魚外焦內嫩，味道濃郁。其他的選擇如雞煲、牛蛙鍋和水煮魚也都非常吸引！下次有機會再食~火鍋配料方面，要自行到自助區取。聖子、蠔仔和香甜的波波蜆，每一樣都能感受到海鮮的鮮美。基圍蝦的肉質彈牙，精選黑毛豬肉肉質鮮嫩，脂肪分布均勻。手切牛和美國肥牛的肉質也不錯。頂級牛板腱肉質滑嫩，燙熟後的味道很好。在飲品方面，有不少自家製飲品。手打檸檬茶的酸甜恰到好處，白桃烏龍清新怡人，柑桔檸檬帶來一抹清爽的果香。任飲的啤酒如嘉士伯、獅威和喜力，搭配火鍋的時候，能有效中和火鍋的油膩感🍺用餐後，雪糕的口味選擇多樣，還有甜品虹彩蛋糕和榴槤千層蛋糕，非常滿足！而自製棉花糖就是小朋友的最愛!【撈得喜火鍋冰室】📌大埔翠樂街6號菁泉雅居A座地下1-4號舖

今日去咗大埔打邊爐，嗰間餐廳坐得好舒服，打邊爐任食，我哋仲叫咗一個酸菜味烤魚。我哋食完酸菜烤魚再打邊爐。發現嗰度仲有一個棉花糖機可以自己整棉花糖，同埋飲品有手打檸檬，仙草椰奶，雪糕和彩虹蛋糕等等。好適合一家大細去聚餐。烤味酸菜魚-十分有驚喜，魚肉鮮香與酸菜酸味，咀嚼時十分爽口。酸菜的酸味提味又不會掩蓋魚肉的鮮美，增添了層次感。除左魚仲可以叫雞煲😍我們要左皮蛋芫荽湯底，呢度的牛，豬任食。不用手機落單，只需要自己在雪櫃拿，方便好多。有手切牛，黑毛豬，牛板腱和肥牛🥰海鮮🦞有蟶子，蠔🦪，蝦 應有盡有。菜有皇帝菜同芫荽，可以盡情落。

住了大埔一段時間，知道在翠樂街一帶開了一家叫撈得喜的火鍋店，每次路經附近都被它的燈光吸引，望望餐廳里邊食客叫了什麼食物。今晚難得完成手頭上工作，準時收工，一於慰勞自己，約了朋友在呢間火鍋店吃晚餐。埋單每人都是229元左右。撈得喜火鍋冰室係一家日頭主要做冰室餐廳生意，夜晚主打自助火鍋打邊爐的兩棲餐廳。因為開業無耐，都係舊年十月左右開張，所以店內的設備都幾新淨，餐廳空間夠寬敞，座位舒適。打開餐牌，見到有烤魚、麻辣雞煲、椰子雞、酸菜魚、羊腩煲等等，應有盡有。今晚點左個BB辣的蒜香烤魚，條魚真係好大條、啖啖肉，內裡鮮嫩多汁，蒜香味濃郁卻不過分，讓人一試難忘。配料包括蓮藕片、蘿蔔、芽菜等，吸滿烤魚湯汁後更加滋味。自助區提供多款食物供應，最每我欣賞係調味醬料材料豐富，至於火鍋配料方面，主要有肉、海鮮、丸、蔬菜。海鮮有蝦、蟶子、蠔、蜆、九肚魚等等，相當新鮮；肉類有手切牛肉、牛板腱、黑毛豬等；蔬菜種類都十分豐富，塘蒿菜、生菜、秀珍菇等等，一應俱全。除了一般的罐裝飲品、啤酒外，仲有手打檸檬茶、椰奶和大大杯的烏龍茶，任君選擇。而甜品有雪糕、蛋糕，供有綿花糖機，都真係幾全面呢。打完邊爐再食雪糕，相當滿足!

聖誕大餐食咗呢間雞煲火鍋，連埋假期前夕加的每位$20，每人才$252，計埋食物質素及服務水平，性價比實在高得驚人，真係要多啲幫襯，如果唔係真係驚佢做唔住。先吃雞煲或烤魚，然後再加湯打邊爐。個雞煲都幾惹味，同埋主要係雞脾肉，啲雞嘅質素都唔錯。至於佢啲火鍋配料都真係算多，海鮮有蜆、蟶子仔、青口、蠔仔、蝦及九肚魚。牛肉有手砌牛、牛板筋及肥牛等，豬肉就有黑毛豬肉片等。特別啲嘅就有白雲耳同鮮鴨血。飲品除咗一般啤酒汽水外，仲有手沖桃膠、水果茶、仙草等。另外仲有雪糕甜品嗰啲。醬料都多選擇。二百幾蚊1.5小時放題，抵到無朋友。

帶媽咪去咗食任食火鍋，真係好滿足！啲選擇超多，質素仲要好高，性價比真係無得彈。首先講牛肉，真係靚到無得輸，油花分佈好均勻，放落湯底一涮，鮮嫩又多汁，食咗幾碟都完全唔會膩。另外，海鮮質素都非常唔錯，有蜆同蟶子，全部都夠新鮮，無腥味，啲蟶子仲彈牙得嚟超鮮甜，配埋啲簡單嘅醬料，真係好惹味！除咗肉同海鮮，菜嘅種類都多到唔知揀邊樣，乜都有齊，好似豆腐、粉絲、菇類到蔬菜，樣樣都夠新鮮，食火鍋最重要就係有呢啲健康嘢平衡返。食到最後，最開心係仲有自助雪糕，味道選擇多，仲有幾款經典味道可以試，邊食邊傾偈真係無壓力。總括嚟講，呢間任食火鍋真係抵食又好味，啲食材新鮮，選擇又多，真係啱晒一家大細或者朋友聚會，下次一定會再去！

撈得喜火鍋冰室 (大埔) 大埔翠樂街6號菁泉雅居A座地下1-4號舖 最近去咗呢間火鍋冰室，真係好正！😋😋 性價比超高，平日7至9點只需$208，7點前離座9點後入座更只要$178，一人任食肉同海鮮，太抵了💖 我揀咗邊爐，火鍋選擇好多，可以揀邊爐、烤魚、酸菜魚、水煮魚、雞煲、椰子雞、羊腩煲等，真係好豐富！而我今次揀左養生鍋同蕃茄湯底，特別推薦養生鍋 好足料😍1. 新鮮牛肉拼盤有手切牛、牛板腱、肥牛，牛肉質地驚人，口感極嫩，牛味十足！🥩😍 2. 海鮮選擇海鮮方面有蝦、蜆、大隻聖子同埋蠔仔，海味新鮮，好滿足！🦪🦐 3. 甜品多樣化甜品區有好多款雪糕、其他甜品選擇多想食哂佢😋😋🍦🍨 💥總性價比: 9/10 👍🏻環境舒適，服務友善，食物質素高，真心推介呢間火鍋冰室！✨ #好物推薦 #香港美食 #hkfoodie #火鍋 #食肉者天堂 #大埔美食 #肉食推介 #海鮮 #甜品 #美食分享 #like4like #follow4follow #hkblogger #blogger #食評 #foodlover #大埔火鍋 #任食 #美食探險

今日氣溫急降，天氣凍左好多，同事們即話放工一齊去打邊爐，有住喺大埔嘅同事提議去屋企附近嘅撈得喜火鍋冰室，佢話餐廳價錢相當親民，200蚊都唔洗就可以任飲任食兩個鐘，而且質素相當好，大家都同意一齊去試吓！餐廳地方夠大，裝修簡潔，座位寬敞。設有自助區，分門別類的火鍋配料和飲品擺放整齊又乾淨。飲品雪櫃有不少選擇，除咗有汽水啤酒，還有極受歡迎嘅仙草椰奶和手打香水檸檬茶。千萬不要錯過啊。入座後首先係揀鍋底，鍋底有19款選擇，有雞煲、烤魚等，即刻有選擇困難症出現，最後揀咗招牌椰子雞煲，三個椰子一鍋湯，原汁原味的椰子水滾後，放入半隻鮮雞，大約滾數分鐘（有計時器倒數）就食得，雞件彈牙又充滿椰子香味，超正！所有火鍋配料都係自取，肉類在一個大雪櫃內，有手切牛、牛板腱、肥牛、黑毛豬，全部都好新鮮，放入椰子湯內灼熟，入口除咗肉味，仲帶有清香嘅椰子味。火鍋配料款式都有好多，其中還有海鮮，鮮蝦爽口，大蜆、蠔仔和青口都好鮮味。豬皮、魷魚、丸類等都好爽口彈牙。最後仲有多款甜品，其中除咗有七彩繽紛嘅雪糕，仲有棉花糖機，客人可以自己製造棉花糖，試試自己手勢！

今日行開呢頭先知道轉角位開咗間任食火鍋店，俾佢出邊個餐牌吸引咗，有嘉士伯，獅威，喜力啤酒任飲，海鮮都有蠔仔，基圍蝦，聖子，波波蜆，七點前離座只係$178，試咗佢食物水平真係中上，絕對唔係劣食！冇失望，性價比超高，推介大家去食！唔怪之得今日係星期四都坐滿人！首先任食火鍋都可以自選湯底，有19種湯底去選擇，有唔同口味嘅烤魚，有羊腩煲，有雞煲，今日我哋揀咗椰子雞煲，湯底非常之豐富，佢啲馬蹄椰肉粟米紅蘿蔔都超足料所以湯底十分鮮甜，佢隻雞都好新鮮，一啲雪味都冇，個人認為都幾新鮮下。仲有手切牛肉，牛腱，羊肉片，黑豚片。佢個牛腱值得推介，牛味香濃肉質鮮嫩！甜品仲有雪糕同埋蛋糕去選擇，飲品都有唔少選擇嘅！個人認為大食少少都唔知餐廳賺乜嘢🤭

難得入嚟大埔搵個朋友食飯，趁涼涼地又想打個邊爐，結果朋友就介紹左呢間撈得喜嘅椰子雞湯底，果然有驚喜。🌟任飲任食兩小時 成人$208/位 7點至9點🌟一嚟就梗係試下個椰子雞湯底。一上個鍋已經聞到好香嘅椰子味，店員話等個湯底滾起就可以落雞件，仲用個漏斗去計時🤣等到雞都熟嘅時候，識食梗係要試左湯底先。一飲落去已經係好清甜嘅椰子味，唔係坊間一般化學或死甜嘅椰子味，係食得出真係用新鮮椰子肉熬制而成嘅個種新鮮。而且個種甜味仲會留得幾持久下，幾驚喜。而且雞件都幾大舊，初時驚佢冇咩味，點知椰子嘅鮮甜已經滲左入雞肉裡，非常濃厚嘅椰子鮮味，值得一試！配料方面肥牛、手切牛肉、黑毛豬等都係任食，而且海鮮類例如蟶子、卜卜蜆、丸類等都係任食。我建議大家可以落支竹及魚腐食，咁就更加吸收到個椰子嘅鮮味！

撈得起火鍋冰室 (大埔) @lao_de_xi_yl 性價比極高，值得一提邀請咗朋友再去多次竟然可以由七點食到夜晚11點任嗌任飲，大家都覺得好食價錢對得住個味道同埋服務好有人情味的一間火鍋店！#撈得起火鍋冰室俾我發現喺大埔竟然有一間, 可以揀烤魚，酸菜魚，水煮魚，雞煲，椰子雞，羊腩煲，仲有牛蛙煲等等既任食火鍋！一次過可以滿足晒我咁多個願望多啲人食，仲可以嗌幾款唔同嘅魚或煲真係好吸引!!!!!除此之外，仲有多款牛肉，豬肉，雞，海鮮，蔬菜，同埋打邊爐必備嘅丸，講得出都有。特別要講吓，牛肉出奇地好食有手切牛，牛板腱，肥牛好香牛味，果然唔簡單海鮮有蝦，蜆，仲有聖子，同蠔仔今次我哋想食清啲，叫咗個胡椒豬肚湯好香濃嘅胡椒豬肚味，豬肚仲可以喺出面拎，好彩唔算辣。之後仲落咗好多海鮮，整返個海鮮湯飲品啤酒汽水唔少得，最有驚喜係有自家製水果汁，同埋唔夠人搶嘅水果椰汁，水果汁都encore咗兩杯，下次去要試埋個椰汁甜品當然唔少得雪糕，有成七款味嘅雪糕，不得了食咗三款都好濃味最最最開心係可以自己整棉花糖大人細佬都玩得好開心

之前經過門面比較暗無留意 換左搶眼發光招牌💡吸引路人停低睇吓有咩食先👀晚餐係麻辣烤魚🌶️雞煲同任食火鍋🐔而其他時段就有醒神早餐 下午茶 同全日餐🍳🍲湯底除麻辣湯底外另有四款湯滋補湯底我就揀咗健康蕃茄湯🍅每樣食材都沾滿濃郁茄味🐖肉類手切牛 黑毛豬 肥牛 預先分好每碟2-3塊方便自助拎 黑毛豬肥瘦均勻 比牛肉出色🥬蔬菜海鮮雪櫃冷氣超強 確保食材新鮮🥦娃娃菜 生菜 油麥菜 椰菜蠔🦪蝦🦐蜆 魷魚🦑蟶子 蠔鮮甜 蜆肉夠大隻肉厚🍺飲品啤酒汽水外🍻冷泡茶有2款烏龍茶同荔枝果茶🍓最歡迎一轉之後就冇晒啦🍦甜品最特別係有棉花糖機呀 🍭除咗小朋友 男士們都忍唔住去整童年回憶🍰仲有彩虹糯米糍 一口小蛋糕最後梗係要食雪糕先完滿🍨

剛搬嚟馬鞍山，美食沙漠果然名不虛傳決定去大埔覓食～搵到間開得夜嘅火鍋放題‼️久違嘅火鍋放題，食得特別滿足有海鮮、手切牛、啤酒任飲任食，呢度嘅麻辣鍋好有質素，麻辣香非常平衡❤️清補涼湯底都好足料，味道好清甜！呢個湯底主要淥蔬菜～～「牛板腱」不論色澤、脂肪比例都好靚，厚薄亦非常適中，一大塊好有口感「手切牛」似係切條狀，但每一條都切唔斷完全睇得出係100%手切，有一定的厚度，所以咀嚼時唔係咁容易‼️不過牛味相當濃郁～～海鮮亦一啲都唔hea，蝦、蜆、蠔仔都值得encore再encore而最特別之處係可以自製棉花糖🍭

大埔/太和人一定知翠樂街有一兩間餐廳成日轉🫢今次新開既呢間火鍋冰室好掂🤗 真係撈得喜！希望呢間長做長有 保持性價比🤩 我仲想encore架！今次係7:30pm book 左2人火鍋任食 (2 小時)～最貴既呢個時段入座先 $208一位！唔怪得星期二都咁多人！！真係keep 住有人埋單同入座🤣 因為 7 點前埋單/ 9 點後入座每位只係 $178😳食物多款式仲要超高質🔥 海鮮有蟶子/ 蝦/ 青口/ 蜆/ 蠔🦪🦐!! 好新鮮 仲要冇沙 !!肉類有手切肥牛/黑毛豬片/ 雪花肥牛🥩 肥膏均勻 唔會太肥 肉有肉味 好食過大埔中心連鎖果間食紙皮咁既牛肉多多聲😂😂菜類都好多選擇 仲有唔同菇類 鴨血等等都好齊全！飲品係有啤酒任飲🫣其他紙包飲品都好多選擇 但我最中意就係自家既白桃烏龍冷泡茶🍑真係好好飲 我飲左3-4杯🤪就連水果茶同手打檸檬茶都有得揀 真係夠晒誠意 最後打完邊爐仲可以去拎雪糕同泡芙食 有幾款口味！真係超抵🥳🥳

大埔太和新開任食雞煲烤魚火鍋👍🏻😋🦥價錢由$178起！超抵食呀！💕💕有多款出色烤魚、出色雞煲、羊腩煲等火鍋湯底，湯底的選擇很多。這次揀了椒鹽雞煲蝦，雞煲入面居然有蝦，很特別！雞和蝦也非常入味，很濃郁，香濃美味👏🏻滾3-4分鐘就可以開個進食，雞卷肥美嫩滑，蝦彈牙爽口。自助區域也有豐富的食材，包括必食的海鮮！海鮮也是任食！海鮮包括有蟶子、蠔、蝦、蜆，就連九肚魚也有！九肚魚非常好吃！肉質非常細膩軟滑！👏🏻👏🏻👏🏻就連鵝腸、魷魚、牛柏葉等等的打邊爐食材也應有盡有！肉類方面，有新鮮手切牛、肥牛、黑毛豬肉片等等，也是在自在區域自行選取。另外丸類、菜類、菇菌類，打邊爐的食材，也應有盡有，非常豐富！另外更有響鈴、炸魚皮等等。就連甜品和雪糕也應有盡有！