揚食屋

营业中

休息中

呢度舖頭細細, 平日午餐時間都好難搵位今日我Green Monday 嗌咗一個忌廉真菌蛋包飯, $66 有一杯嘢飲, 一個細細的mochi 中環嚟講都算係咁㗎喇講返個飯： 佢叫做五目飯，唔係普通白飯嚟嘅，係有啲甘筍、姑、鰹魚湯煮埋一齊嘅炒飯，好香。連埋啲咖喱汁、忌廉汁、雞蛋，我平時好細食都差唔多食晒

中環做嘢咁耐都唔知道有呢間食堂，小女實在太孤陋寡聞喇，失敬失敬。一坐低就見到隔離兩枱都有日本人，食堂坐滿白領，收銀台貼有日本酒既復古poster。有一種懷舊小店感， 感覺唔錯。蒜香蜆肉扁意粉配蘋果汁 （$64）意粉煙韌，配料極多，有大量既菇（菇都有兩款），蜆肉同洋蔥。質素不俗，呢間食堂可encore。Waitress們一直都好熱情招呼，又有禮貌。日本人臨走時有用日文同收銀簡短交流。如果你有storellet app可以儲分，仲有送炸雞，我都係見到張單先知。

前幾日lunch同朋友仔去左中環揚食屋因日式同西式都有，款式選擇算多有出名嘅蛋包飯，又有鐵板食餐同意大利麵今次我食咗嘅蒜香蜆肉扁意粉意粉煮得剛剛，咬落煙靭肥美蜆肉🤤一陣陣蒜香味

試得太多咖喱飯， 轉下口味試下忌廉蛋包飯。 （5⭐️最高）吉列和牛粒五目蛋包飯（3.5⭐️）可能期望過高， 所以食尼個， 有點落差。👍🏻好味位： 忌廉汁多，蛋夠大， 五目飯由菇， 甘筍， 鏗漁湯做，清清地，都幾好好味。 選擇水蜜桃茶👍🏻， 另跟一個日式麻薯👍🏻🫶🏻😭可改善： 和牛如果做吉列， 會非常浪費， 如果要食全熟牛肉， 就不建議order 尼款⋯😞， 食落有少少生😣😣，整體價錢偏高， 款式選擇唔太多，勝價比唔高。

揚食屋｜中環專賣蛋包飯嘅日式餐廳，中環黎講價錢唔算貴，個set跟餐湯或飲品同埋醃蘿蔔，門口仲有staff派coupon，可以送多一份牛仔腸或者溫泉蛋，份量都幾大，女仔未必食得曬😂吉列豬扒五目蛋包飯 $74蛋包飯賣相唔錯，用上日本蛋同珍珠米👍🏻飯量頗多，個蛋炒得好香，非常嫩滑🍳入面嘅飯都好特別，唔係普通白飯，而係用鰹魚湯煮成嘅五目飯，食到有冬菇同紅蘿蔔絲，感覺健康啲🙈炸豬扒面頭淋上咗少少酸酸地嘅醬汁，豬扒唔怕炸到好油🐷肉質亦唔乾柴，咖喱汁就係甜甜地唔辣嘅日式咖喱🍛好啱用黎撈飯😍蔬菜湯係日式蔬菜清湯，入面有洋蔥、紅蘿蔔、椰菜等🥕全部都已經煮到好淋，冬天飲完暖笠笠☀️牛仔腸用coupon送嘅牛仔腸，大份到有啲嚇親😳外皮燒得幾香脆

➡️食盡中環之日本菜 — 揚食屋—————————————————————餐廳係中環既日式速食飯堂，出名咖哩同忌廉蛋包飯。Lunch既時候亦都唔難等位，適合中環忙碌番工既上班一族。🔸 咖哩吉烈豬扒蛋包飯 $74吉列豬扒炸得幾脆，蛋包飯入面係佢哋自家製既足料五目飯，姐係有茹、甘荀同鰹魚湯。 咖哩汁就正正常常喇🤣🔸 咖喱日式芝士漢堡扒 $79咖哩蛋包飯同上面一樣，漢堡扒食落有牛肉味，口感都ok 架🔸 忌廉吉列和牛粒蛋包飯 $79忌廉汁普通喇，但係個吉列和牛都煎得幾脆幾香😋💭Overall comment:以上食物都會連一杯野飲同日式前菜，蛋包飯入面啲餡幾特別，同埋野食都上得幾快，如果係中環趕時間食飯都可以試下架🤣🍽食物: 7/10🌌環境: 6.5/10👔服務: 6.5/10🎖CP值: 7/10—————————————————————店舖地址: 揚食屋 (中環)中環士丹利街33號地舖營業時間: 08:00 - 21:00

係中環難得搵到間又平又好食既咖哩飯😝揚食屋，已經encore 左好多次，多數等一陣就入得。忌廉野菌咖哩飯-$66(4/5)所有野都好滑，蛋又滑忌廉又滑，咖哩同飯既份量岩岩好，佢係日式咖哩，偏甜唔辣。吉列炸蝦蛋包飯-$76(3.5/5) 雖然蝦得2隻，不過勝在夠大隻，同都脆身，炸粉唔算好厚，同事order左北海道忌廉汁，食到尾可能會feel到小小膩，不過可接受。仲有就係南蠻炸雞蛋包飯-$72(4/5)佢無得選咖哩汁/日本忌廉汁。不過就咁食因有有蛋所以都唔會乾，佢蛋包飯既蛋真係做得好出色。炸雞有3大舊，入口juicy，下次可以再叫。總結: 係中環60幾70蚊，仲要唔洗加一，又唔洗等位等太耐，仲要食物質素唔差，飯堂之選。

店不是很大，但等位好快都有。快餐形式白汁有d 膩，但其實味道幾唔錯，份量個人覺得已經好足，每次都食唔曬超膩，唔太鐘意食，食左一半都食唔落了。ps. 蜜桃茶幾好飲，次次都會點佢

#性價比高之食堂 #食好西.之前介紹過中環區有間叫廿一堂性價比高之食堂佢旁邊仲有間食蛋包飯比較出名的所以我今次就去咗試啦～.揚食屋📌中環士丹利街33號地舖.揚食屋坐位比廿一堂少但都好寬敞，好舒服架！(唔好意思，今次無咩影環境⋯⋯).♦️我點咗 #日式芝士漢堡扒五目蛋包飯 🧀🥩🥚🍛嘩⋯⋯佢個漢堡扒真係超厚但佢唔會煎到好乾，仲好juicy呀！而且食到中間，佢有芝士🧀夾心啲芝士好香濃好正呀～不過對於女士嚟講呢個午餐係非常邪惡同埋會好full呀～我係捧住個肚走呀～.佢仲有 #蜜桃茶 🍑， #蘋果汁 🍎 或者 #日替餐湯 3選一架～當然都有 #大福 送呀～.整體評分：最高為🟣🟣🟣🟣🟣味道：🟣🟣🟣🟣🟣服務：🟣🟣🟣🟣環境：🟣🟣🟣🟣🟣地點：🟣🟣🟣🟣🟣.總括嚟講，揚食屋係一個唔錯嘅午餐選擇好食又飽肚！！！••••••••••••••••••••••••••••••@HomuriceHK••••••••••••••••••••••••••••••.#攸桐媽飲飲食食遊蹤 #攸桐媽 #攸桐媽媽遊樂團 #zozimama #6B29production #路邊研究事務所 #6B29 #揚食屋 #日式美食 #中環

原條鰻魚咖哩飯Grilled Eel Curry Omurice (HK$109)吉列豬扒咖哩飯Deep Fried Pork Curry Omurice (HK$79)Rating: 4/5 ⭐ @homuricehk鰻魚勁爆大條，唔算話好肥美，但配上日式咖哩汁同埋滑蛋，呢個價錢，絕對係物超所值；另外朋友個吉列豬扒都炸得鬆脆，呢個價錢呢個質素係中環，cant complain.中環返工geh朋友真係要去試試；不過亦都因為咁抵食，要早少少去霸位如果唔係就要等位啦。The portion of the grilled eel is HUGE, its not very "fatty" but with the Japanese curry sauce and silky scrambled eggs, its definitely amazing value for money; my friend's deep fried pork is also deep fried to crunchy - you cannot complain getting such good quality

廿一堂個friend😂同一鋪位但係原來唔同餐廳嚟😂叫左蛋色飯 入面係五目飯黎 個吉列炸得吾錯幾好食 岩返個價 可以一試份量都吾少 我同男朋友食完都覺得飽 個餐仲有跟嘢飲🧃

屯門牛好日唔出省 出省更加要搵有咩好西食 入左間睇落幾乾淨既餐廳食野 點知竟然咁好食🥢炭燒雞扒玉子芝士鐵板吐司 $42睇落好普通 但一食真係不得了個包烘過都幾脆 然後個雞扒有炭燒個陣香味好惹味又嫩！！加埋d熱浴左既芝士同醬 更加濃味 食完勁滿足 🥢豬柳漢堡、牛乳炒滑蛋、薯餅、芝士牛油扒多士、迷你龍蝦濃湯貝殼粉 $36豬柳係比平時食開既更香 肉質係更新鮮 炒滑蛋都好嫩滑好香又唔油 龍蝦湯又係無得輸 唔洗加錢既餐飲有橙汁、蜜桃茶等等 味道都唔差

上次介紹完廿一堂 ，一於講埋開係佢隔離嘅揚食屋😤點餐模式一樣都係先俾錢再入座，唔同嘅係揚食屋有送餐服務😂餐廳環境好似日本嘅家庭餐廳🍽類似薩莉亞嘅果種裝修風格~豬扒肉質緊實 炸粉唔會好厚，只係略嫌炸得硬咗啲 唔夠酥脆🧐蛋就生熟程度啱啱好 非常嫩滑🍳咖喱汁就偏日式咖哩，唔辣而且帶甜味🍛值得讚嘅係裡面嘅飯係連埋野菌一齊炒🍄口感更加豐富 有驚喜到😳不過小編果次試就覺得個飯唔夠熱，扣少少分🤥跟餐送大福同一杯嘢飲而且有幾款可以揀 算係有啲選擇，小編就揀咗蘋果汁🍎個人覺得味道太甜。以中環地段食蛋包飯，呢個價錢算可以接受👌🏻無時間慢慢嘆cafe但又唔想食太頹嘅話可以試下，但係論性價比就及唔上隔離廿一堂啦🤔🌟 吉列豬扒五目蛋包飯 ($74)味道：🌕🌕🌕🌗🌑環境：🌕🌕🌕🌑🌑價錢：🌕🌕🌕🌗🌑

//食物 🌕🌕🌕🌕🌑1️⃣泡菜豚肉蛋包飯份量好充夠，泡菜同豚肉都幾多。泡菜唔算係好辣，比較溫和。豚肉肥瘦適中，飯方面唔係用白飯，係有啲配料嘅炒飯。蛋就生熟程度可接受，整體都幾好食2️⃣唐揚炸雞飯同樣份量都好夠，炸雞有6至7舊，外皮夠脆入面都夠juicy。至於咖哩汁就少少辣。//價錢 🌕🌕🌕🌕🌑中環黎講算係幾抵食 5、60蚊包飲品//位置 🌕🌕🌕🌕🌑好方便。不過要內街上去餐廳//環境 🌕🌕🌕🌑🌑環境一般，但都坐得舒服//員工 🌕🌕🌕🌑🌑一般。類似快餐店嘅形式//總分 🌕🌕🌕🌗🌑⃣

早前吃過這裡的早餐，水準不錯且價錢實惠，怎也要試試這裡的主角吧？蛋包飯有多款不同選擇，我揀了吉列豬扒配五目蛋包飯。五目飯的內容是菇、甘筍、鰹魚湯，用的是山形米，再以廣島蛋包裹；健康美味。在日式咖喱汁中加入了適量的洋葱，不但帶出了甜味，也令食慾增加；吉列豬扒色澤金黃，口感微脆中帶煙韌。飯後飲番杯冰凍解渴的啤酒，再嚟多件香滑芝士蛋糕，滿足！#吉列豬扒 $74#五目蛋包飯#麒麟啤酒 +$18#芝士蛋糕 +$20#山形米#廣島蛋#洋蔥蓉帶出甜味#蘿蔔小吃#揚食屋地址：中環士丹利街33號地舖電話：28815628