揚食屋

营业中

休息中

之前同大家食過Beat Bakery 既包，今日試下佢既蛋包飯 (忌廉珍菌咖哩蛋包飯 $102)。 $102 黎講，呢個價錢絕對唔算平，都期望有番d質素。咖哩汁偏向日式，只是微微既辡，十分岩唔係太食得spicy既朋友。蛋做得唔錯，外賣情況下都算滑。飯我就覺得麻麻地，白飯黎，但落多左水煮，之不過有佢d飯有一片片既洋蔥，呢點我又幾鐘意，加番分！整體黎講都叫做食得過既，但性價比唔高，呢個價錢可能有其他更好既選擇。

第一次品嚐「日式」和風醬碎蛋沙律牛角包每次吃碎蛋三文治🥪、碎蛋牛角包都是吃西式的，用白汁做醬料加上熟雞蛋，想起都😋口水直流。今天在Beat Bakery 吃的是日式和風醬碎蛋沙律牛角包，那個醬汁酸酸甜甜 帶有芝麻香，是比較清爽，這裡還配上生菜、青瓜和蕃茄，又滋味又健康。這個三文治還會配上飲品，可選蘋果汁、橙汁或咖啡等等。Coffee Latte 是不錯的選擇，淡淡的咖啡香配上牛奶很滑，不錯!這裡的麵包是用100%日本麵粉製成的，種類很多很特別，我買了火紅龍捲風，即是紅莓軟芝士包，個包是紅紅的，用紅火龍果著色，天然又好看。藍色風暴即是藍莓軟芝士包，這是以食用花卉去著色，藍藍紫紫很漂亮。黑色柳丁是以天然酵母烘培而成，內有朱古力，酒漬橙皮，香香甜甜。三款麵包的質感非常好，柔軟得來又有咬口，口感非常豐富。

係尖沙咀地鐵站經過見到呢間麵包舖好吸引😍就買左個黎試下😋上網睇返原來Beat主打使用咗日本麵粉、麵包顏色全取自於天然食材🌈無添加防腐劑同人造色素，健康又好味😚💖火紅龍捲風 $24 （8.5/10）第一眼睇佢就覺得好似奈雪個芝士火龍果😆呢款包主要材料係火龍果、忌廉芝士、紅梅乾♥️麵包質感鬆軟有彈性夠紮實 唔會係空氣包😝食落充滿紅莓、Cream cheese既香味，芝士夠軟滑 紅莓酸酸甜甜 甜而不膩😋仲食到粒粒火龍果籽💕唯一略嫌用料唔算多唔夠平均 會集中曬係中間 食到最尾就開始無曬Cream cheese同紅莓🥺如果份量更多更平均會更高分😍整體今次呢間麵包都幾高質又高顏值💕會想試埋Beat其他款麵包😋‼️

去中環行下，行到士丹利街，經常鋪面，感覺有d唔同左，諗左一陣，發現原來檀島執咗， 變左兩間餐廳，兩間好似係同一間的門面，入到去先知原來係兩間完全唔一樣的店，然後選擇了食蛋包飯，店內裝修唔錯，係我鍾意既顏色，但坐位唔多。叫左兩個蛋包飯，整得幾靚，味道都唔差，但又唔係話好表木味，中等吧，一碟飯七十幾蚊不算貴，但飲品要加$28， 個甜品就完全唔識欣賞，果條街既鋪頭換得好快，估計租金應該好貴，咁計，呢間唔算貴

Beat Bakery係一間係中環新開既Bakery，佢之前係TST已經開左第一間家啦。今日叫左幾個包當lunch，因為見到佢d包好吸引！ 係到我主要寫番薯薯家族同埋藍色風暴。薯薯家族，睇樣已經比佢吸引住，有成舊蕃薯係裡頭，仲要紫薯包圍住。食落蕃薯🍠好甜，但唔係死甜/假甜果隻，所以佢個蕃薯係好靚，麵包質地軟屬不失口感，高質之選！藍色風暴，呢個包外形好吸引，我諗好多人都會比佢個外型draw 到 attention，咁佢既味道又係如何呢？佢其實係blueberry cream 餡料，麵包🥯質地同上次講既一樣，都係柔軟，blueberry cream方面份量岩岩好，味道都富blueberry味之餘又唔假，食落都唔覺heavy，所以我覺得呢個包有外型之餘都好味既，可以一試！

今日食完飯係中環散步，比我發現左呢間cafe 。門面唔靚，但入去絕對係會融化少女的心，好歐式style ,中間仲擺左好多花，好靚。Cold Americano $25 咖啡來講算好平，又大杯。係先苦後甘的齋啡。Coffee Cake $28每件蛋糕都好靚，最後揀左呢件咖啡味的蛋糕。一入口，勁咖啡味，而且好creamy ,下面似泡芙質地的餅底，同咖啡味勁夾👍🏻臨走，見到lunch menu都好正，性價比好高，等我下次再來食lunch

今日同朋友喺中環shopping後，決定去開張冇幾耐嘅麵包甜品店度歇一歇，食返個tea。一入到去就見到Beat Bakery嘅麵包櫃，其中有一款深深吸引我，就係「薯薯家族」，係一款紫薯麵包！呢一款麵包最特別之處就係真係會有半截紫薯在內，賣相獨特。麵包外層鋪滿紫薯粉，令到顏色非常鮮艷。食起上嚟口感非常鬆軟，相信麵包嘅發酵過程做得唔錯。而且味道討好，有紫薯天然嘅甜味，整體來講物超所值。呢間品牌除咗麵包之外，原來仲有其他熱食同輕食，包括蛋包飯、三文治等等。我同朋友點左一份All Day Breakfast，有煎蛋、比利時窩夫、沙律菜、茄汁豆等等嘅all day breakfast食品，但令我哋驚喜嘅係，煎蛋嘅形狀居然似係蛋包飯嘅蛋，並唔係一般嘅太陽蛋或者炒蛋形狀！

每次經過士丹利街都會見到呢間好有特色嘅日式咖啡廳，趁放假今日就拉埋男朋友一於黎食個BRUNCH 啦🙈.餐廳日式裝潢，格調清新～最特別嘅係餐廳一分為三，分別係日式精品焙烘店，日式殿堂級甜品店同日式燒丼專門店，無論係麵包，甜品定係丼飯都一一能滿足🥰.日式精品焙烘店有好多精緻嘅麵包🥯 五顏六色，花樣多多，睇到我選擇恐懼症又來啦🤣最後經過一番嘅掙扎，終於係三個王牌之中揀咗「薯薯家族」🙈.薯薯家族 ($19)用左紫薯同黃金薯所製成，全用天然食材同日本麵粉，所以口感自然鬆軟富彈性，滿口都係天然嘅薯香💕.由日式精品焙烘店行入少少就係日式殿堂級甜品店。 除咗有唔少嘅甜品， 仲有日式咖喱飯，All day Breakfast同日式三文治🥪.和風醬碎蛋沙律牛角酥。飲品 （$46）即叫即紅烘嘅牛角酥，濃郁富蛋香嘅碎蛋沙律，清新爽脆嘅生菜同蕃茄片，淋想滿滿嘅沙律芝麻醬，咬落外酥內軟，啖啖芝麻香，又FRESH，又甜香，好正啊😍 飲品方面我就揀咗橙汁，其實仲可以揀咖啡或者蘋果汁呢～.冰鮮奶咖啡 （$30）大大一杯嘅鮮奶咖啡，咖啡味好香濃，入口順滑😘.P.S. 餐廳入邊仲有個打卡位添，千祈唔好放過啊🥰

位於尖沙咀地鐵站的BEAT Bakery，係一家日式精品烘焙店。最近一兩個月都進駐左中環士丹利街，除咗有各款特色麵包可供選購，內裏亦設有特色五目蛋包飯系列及室內雅座予顧客享用堂食。我呢個麵包迷當然都去左試試佢地啲麵包！中午時間好熱鬧，坐滿晒客人，好受歡迎呢餐牌上嘅食物選擇種類唔算好多，以日式蛋包飯或三文治爲主，定價適中和風醬碎蛋沙律牛角包糾結喺食牛角包定係蛋包飯，最尾都係揀咗牛角包！金黃色的外型好吸引，外皮好酥脆，滿有牛油香~和風醬碎蛋沙律份量不少，但由於醬汁較多，所以偏稀身，味道是不錯的。但我個人還是比較喜歡質感堅挺的蛋沙律蘋果菠蘿番石榴甘藍汁跟餐另外加$12就可以選配果汁，全部都無添加糖的。我揀咗呢個比較健康的蔬果汁，青綠色的顏色，入口果然係充滿青草味；而菠蘿同蘋果的果甜，使到飲品帶有天然果甜香，好健康呀，排毒啱晒火紅龍捲風拎上手係軟歐包的感覺，粉紅色的外型美美的，仲好大個添！口感鬆軟得來有實在感，內裏佈滿左適量紅莓乾同忌廉芝士，頗足料的，微微甜，充滿cream cheese香，好好食啊！全麥火腿芝士包芝士火腿包永遠都係絕妙嘅配搭，而麵團中加入左全麥粉，使到麵包帶有麥香同麵粉香。火

翠華集團旗下都開設了麵包店，尖沙咀已經有一間。這間位於中環還可以堂食，而同一個位置還有另一間餐廳品牌可以食主食甜品，一個地方可以吃三餐！絕對是相當方便！這次試了兩款麵包。 火紅龍捲風($24)麵包質地都頗軟熟，麵包有些紅莓粒，增加甜度咬口，入面有紅莓creamcheese，酸酸甜甜，還不錯。另一款是全麥雞肉薯仔($11)。全麥麵包多了一些口感，富有少許麥香，我較偏愛，裡面包著沙律雞肉薯仔，如份量多一點更好呢。

BEAT 給Ben爺的感飲食經驗是不錯的， 今次試一下他們的all day breakfast。賣相不敢恭維， 欠缺美感， 擺碟感覺非常逼夾； 炒蛋太生 有腥味； 煎腸反而不錯， 有肉汁有口感。 生菜跟番茄 太濕。最差是咖啡， 用透明塑膠杯奉上， 賣相極差 感覺像24味! 咖啡淡而無味。買68元， 分量太少吃完不飽。

途經這麵包店，走進去看看才發覺除了賣包仲有野食！正合心意！看餐牌好像主打蛋包/咖哩飯，不過今日weekend想chill一chill，點了一個all day breakfast。Pasta看起來也不錯，留給下次來試。Beat Day $88 色彩繽紛的賣相！看著就有假日的感覺。煙肉、磨菇、茄汁、腸仔、蕃茄、炒蛋這些all day breakfast必有的材料它都有，特別的是它有waffle而不是一般的麵包！Waffle肉裡鬆軟帶有甜味，點上蜜糖更惹味，好食！Cappuccino 咖啡賣相令人有少少失望，原期望有吸引的拉花，但只有一糊奶泡在面😂不過份量大大杯，味道有濃郁的奶味，咖啡味稍嫌太淡味。臨走時點了一個紫薯麵包$19既然這餐廳是麵包店，買了一個它們主打的紫薯包回去試試。咬開大大舊紫薯藏在包中。真材實料，食得過！餐廳環境有驚喜，簡單的木啡色為主，muji風十足！十分舒服。

Beat Bakery is a concept bakery by Tsui Wah but more focused on Japanese style bread techniques. Their first shop was in the Tsim Sha Tsui MTR station and I did buy some bread from them and thought it was fairly decent.  But recently, they have opened another branch in Central. Located with other brands all focused on Japanese items (a cake shop called Chez Shibata and a fast  food area focused on Japanese donburi items called Nijuuchi Don), this is Tsui Wah's expansion into the world of Japan.T

喺中環附近食完野之後，就諗到黎呢度買麵包做早餐，麵包嘅款式新穎，同我喺深圳食過嘅好似，係最近好流行既軟歐包，無論款式、樣貌，都好吸引，香港類似嘅麵包店唔多，所以襯有機會真係要買番幾個試吓。店員介紹咗兩個必食嘅款俾我😚《火紅龍捲風》$24呢個入邊係紅莓同埋軟芝士。軟芝士同紅莓嘅份量比我想像中多，忌廉芝士嘅味道好香濃，而且唔鬆散。麵包體鬆軟濕潤，配上芝士同紅莓，好好味！《藍色風暴》$20顏色好靚！來自蝶豆花，唔係色素👍🏻軟芝既份量同樣唔少，藍苺味如果再濃啲就更好，但係唔太甜，所以整體都唔錯！除咗麵包之外，行入啲仲有好多好靚嘅甜品，順手買左件呢度既招牌試試。《半熟芝士蛋糕》$32以往食嘅半熟芝士蛋糕都係偏日式，係純芝士蛋糕，但呢個有北海道忌廉同Hazelnut 餅底，層次豐富好多。忌廉奶味好香濃，好幼滑，輕盈不膩👍🏻而蛋糕都好軟滑，好濃芝士香，餅底扎實富牛油香，榛子就味相對薄弱，但整體仍然係好出色👍🏻

昨日放工同同事行過中環，經過一間日式輕食餐廳，同事見到一些很有趣的方包，因為很顏色吸引，所以走進去買.我也同時買了一枝果汁，正想離開，外面忽然下傾盤大雨。下雨天留客，所以留下飲杯咖啡。粉紅豹紋吐司，味道跟普通方包差不多，只是視覺吸引。蘋果菠蘿番石榴甘藍汁，有助降低膽固醇，預防高血壓，高纖、富維他命，算是百搭果汁，不過如果不加糖會更健康。日式吉列豬扒三文治，炸豬扒外脆內軟，很酥香酥，搭配椰菜，清爽又營養，輕食的好選擇！餐跟熱咖啡，不用加糖跟奶。口味簡單但跟三文治算很配。同事的鮮奶咖啡，在意大利特濃咖啡，加入適當份量的奶泡製成的咖啡，口感香滑。有時在繁忙的工作後，嘆杯香濃咖啡，的確可以減壓。