擦餐飽 (已結業)

擦餐飽出了「新豬肉素漢堡包」，雖然肉片只是薄薄的一片，但勝在咬落頗有質感，如果沒有事前告之手，真難分辨是素食還是肉食。薄薄的一片肉當然不足夠，幸好還有蕃茄、生菜、青瓜、芝士，而且十分足料，因此整個漢堡包不會太乾身，算是不錯。素食的美食車只此一家，可惜現在除了輪值迪士尼外，就鮮見在其他地方開鋪，猶如難得一見的曇花。美食車計劃到此階段已是氣若柔絲。指定地點大部份也是沒有盈利的，難怪營運商寧願選擇關門，也只有迪士尼和尖沙咀才長做長有。

今日喺尖沙咀，終於親眼見到最近喺網上素食群組好Hit嘅素食美食車！果然好型！同一貫見到嘅素食Cafe文青形象好唔同，美食車反傳統用黑色做主色，再加上龍鳳火焰等Graphic，令架車有種火辣辣嘅街頭風味。我買左主打招牌菜「擦餐包」，同紅白藍莎利譚寶。擦餐包售價$28，就禁睇個包細細，估唔到裡面都幾多餡料。包屬軟身，裡面有素叉燒、素魚皮、生菜、羅勒等，口感有層次，味道適中唔太鹹唔太甜，街頭小食$28黎講我覺得唔錯，有飽肚嘅感覺。紅白藍$26，顏色鮮艷嘅漸層飲品，好適合打卡影相。我之前未飲過莎利譚寶，真係覺得有驚喜。本身以為杯飲品會甜耶耶，成杯糖水禁嘅，估唔到味道幾開胃醒神，行街時飲啱哂。我有Follow擦餐飽Facebook，知道佢地有僱用殘疾人士，真係非常有心，而且佢地仲係唯一一架賣素食嘅美食車，禁有愛心，真係要讚一讚依架外表邪惡、內裡溫柔嘅美食車。

昨日下午經過尖沙咀，見到遠處的美食車，被日本暴走族設計的外型吸引🐉，走近了拍照。看看餐牌，賣的是中式fusion素食，叫了一個素豬扒包和羅漢果茶。包和飲品都熱辣辣，好適合咁凍既天氣，素豬扒包味道絕不比真豬扒遜色，連身為食肉獸既我都覺得好食，饅頭鬆軟，醬汁甜甜地，加上一塊炸紫菜，口感一流，$28價錢絕不離地，值得一試。羅漢果茶，羅漢果味十足，甜度適中，唔似一般街買的樽裝羅漢果茶，甜到糖水一般。食完兩樣野，已經好飽肚，埋單$48蚊，十分經濟，店員亦好友善，下次經過，一定試埋其他野😋👍🏻