敍亨軒海鮮火鍋

营业中

休息中

不知道有沒有人和我一樣，喜歡吃點心，但卻怕點心會太鹹或有明顯味精味，而且市面很多吃點心的餐廳都是來貨的，質素參差。最近就在尖沙咀發掘了一間有點心師傅駐場的酒樓，點心都是每天手工新鮮製作的，吃過之後真的覺得很有質素而且與別不同，它的點心在傳統下加了點創意，吃起來有新意，味道也自然不會太鹹和有味精感，還有抵食的$88一人餐，有菜有飯有幾款點心，抵食實惠，真心推介給喜歡吃點心的朋友!喇沙小籠包 $58喇沙小籠包結合了傳統小籠包和喇沙的風味，外皮薄而有彈性，內餡鮮美豐富，搭配喇沙湯底的調味，辣的小籠包第一次吃，蠻有趣的。鮑魚燒賣皇 $58一改傳統，燒賣的皮是綠色不是黃色的，給予一種新鮮感，每粒燒賣附有大大隻鮑魚，賣相吸引，燒賣有蝦、豬肉餡料，不會太肥膩，爽口的鮑魚平衡了味道。金箔筍尖蝦餃皇 $58這款金箔筍尖蝦餃皇在視覺上就令人驚艷，餃皮薄而有彈性，餡料豐富，蝦肉鮮嫩，筍尖的清脆口感與蝦肉的鮮甜相得益彰，吃起來非常美味。以 $58 的價格來說，這道點心物超所值。羊肚菌牛肉球 $48一向喜歡吃牛肉球，這牛肉球的口感令我一試難忘，咬下去有粒粒馬蹄口感，帶來清新感覺，牛肉球鮮嫩多汁，口感軟腍但不會太

同屋企人去尖沙咀嘅酒樓嘆返一盅兩件。呢間酒樓有點心師傅駐場，點心每日新鮮製造，而食物質素都令我幾有驚喜。羊肚菌牛肉球 - 牛肉球係我飲茶必食。呢度嘅牛肉球大大粒，口感好實淨。而面頭嘅羊肚菌好爽嫩。鮑魚燒賣皇 - 每粒燒賣上都有大大隻彈牙鮑魚，咬到裡面仲有滿餡蝦肉豬肉等，用料大方。黑椒金錢肚 - 比平時食到嘅金錢肚更惹味，喜歡食黑椒辣嘅朋友必試。海皇紅米腸 - 有啲似食緊炸兩，外層係用紅米磨成，有鮮蝦同油炸鬼做餡，面頭仲有蟹籽，口感豐富。豉椒牛河 - 常見嘅菜式，但火喉好夠，河粉滑得黎煙煙韌韌，牛肉片又夠多，好食。喇沙小籠包 - 而家讚好酒樓嘅page有得送，呢個配搭幾特別，辣辣地嘅小籠包都幾好食。甜品方面意外地出色，尤其楊枝甘露，用料足、味道好，個人覺得比好多糖水舖做得仲出色👍🏻

好耐冇同爹哋媽咪飲茶，今日喺尖沙咀搵到一間真心平靚正嘅酒樓，點心堅好食！而且仲係每日新鮮製造有幾款點心我特別鐘意🙌🏻✨海皇紅米腸用紅米磨成米漿做皮，裏面有鮮蝦同油炸鬼，口感好豐富！✨鮑魚燒賣皇每粒燒賣上有大大隻鮑魚🤩即刻高級左🤪裡面有蝦同豬肉等，整體口感好彈牙。✨喇沙小籠包 而家讚好酒樓嘅專頁就可以免費送🤭喇沙味小籠包，好新穎！鹹鹹地辣辣地又意外地match～✨黑椒金錢肚調味非常惹味！黑椒味夠辣！✨馬友鹹魚肉餅煲仔飯一打開蓋就聞到超香！馬友鹹魚肉餅非常香口～如果煲仔飯有埋飯焦就完美😂✨甜品方面大推楊枝甘露同燕窩流心黃金球！前者嘅料好足，西米、柚子肉、芒果粒⋯而且甜度剛好💕後者望落去好似一個煎堆，上面先有燕窩，而咬落去就有留心鹹蛋黃⋯超級好食🤤

朋友見到有Foodie介紹就嚟試吓飲茶呢日人流都好靜星期二午市都係得3枱客不過員工都算殷勤金泊蝦餃喇沙小龍包— 真係有喇沙湯味鮑魚燒賣佢D點心係有造型嘅都係幾精緻味道overall ok唔明點解無乜人可能因為地理環境 又無乜宣傳gwa🤷🏼‍♀️佛跳牆灌湯餃 $68個湯係足料有海參、竹笙呢個要👍🏻其實香港飲食業真係難如果覺得香港様様都唔好可能只係未有機會好好發掘啫

尖沙咀係中高價火鍋競爭最激烈既戰場之一，要係尖沙咀佔一席位真係唔係易事，除左要有質素外，好多鋪頭都裝修到好有特色。今日食既敘亨軒無好特別既裝修，簡單既火鍋店格局，主打既係質素，同價錢合宜。頭盤我哋叫左加拿大象拔蚌刺身，大大條夠哂成圍人食，刺身簿身爽脆，味道鮮甜，真係越食越上癮，而且價錢均真，個象拔蚌膽仲可以做成椒鹽，又係一道極品下酒菜。來到火鍋店重點梗係打邊爐，呢度既沙嗲湯底同胡椒豬肚花甲湯比較推薦，前者味濃，後者鮮甜，各有所長。呢度既手切特級肥牛肉味濃，雪花紋路相當漂亮，而且份量好足，大盤都係300零，性價比好高，其他菜式都好有質素，值得推介！

朋友介紹嘅港式邊爐🫕，覺得相當唔錯😋😋😋🤤佢個湯底好味！可以當湯飲😋😋手切肥牛好正😍😍😍😍😍人多叫左好多野試🫕🫕🫕不過唔記得影相😟😟😟😟😟😟😟珊瑚蚌好新鮮爽口😍😍😍👍🏻👍🏻👍🏻食完又再叫多碟🤤🤤🤤🤤🤤🤤🤤其他配料都好唔錯👍🏻係個刺身麻麻地😂😂😂😂但整體質素係幾好，值得再嚟😻😻😻😻😻打邊爐🍲季節就完😭😭但夏天我都會繼續打架😋

今晚同屋企人食飯，去咗位於尖沙咀嘅敍亨軒海鮮火鍋，食完之後覺得自己嘴巴懷孕了🤤🤤黎到就即刻叫咗一個細既刺身拼盤，三文魚好好味，非常新鮮同埋油香十足👍湯底就要咗個鴛鴦湯底，佢有好多唔同嘅湯底選擇，我哋就叫咗四川麻辣，同埋香茜皮蛋，有辣有唔辣，任君選擇！火鍋配菜必定要叫以下呢幾款:手切肥牛 🥩🥩 見到佢啲脂肪分佈已經覺得超正，果然食落都完全冇令我失望 (原來細份同好大份只係差幾十蚊，精明嘅我梗係叫咗個大份啦)鬼馬鴛鴦滑🦐 佢係將墨魚滑同埋蝦滑釀左喺油炸鬼入面，可以就咁食或者火鍋都得貴妃蚌 🤤 10分爽口，同我之前喺街市買嘅冰鮮貴妃蚌差天共地！呢度服務仲好好，今次去有得坐房，私隱度十足。回頭率好高嘅一間餐廳😋

以往一個月最少一次幫襯，本地肥牛新鮮同入口溶化，最緊要係唔需要識人，每枱都一樣質素，所以支持多時。疫情下，有一段時間無黎敍亨軒，星期一，再次光顧，食物質素都還可以維持，但...火鍋店有很多蚊滋仔飛來飛去，令人煩擾，根本無心機食，再加上全部窗口位都打開哂窗，又唔開足夠冷氣，食到一半已經出哂汗，其實同趕走客人無分別。以往寫食評都加插照片，呢次真係一張相都無心機影，最慘係帶朋友仔去光顧，乜野面子都無哂，都好難有下次。

凍左又係打邊爐既季節，今日豪食海鮮火鍋，推介！湯底叫咗一半沙嗲，一半胡椒豬肚雞湯🦁 象拔蚌刺身：夠凍夠新鮮 夠脆身！🦁 鐵鱲刺身：新鮮到上碟時魚尾仲郁緊... 唔會太重油份 有咬口！仲可以兩食 將淨低既椒鹽油炸🦁 手切特級肥牛：超級好食！睇個牛肉花紋就知靚😍 唔洗煮到全熟 超淋！🦁 加拿大桶蠔：煮熟咗都仲係手板咁大隻 超肥美！🦁 珊瑚蚌：正常🦁 鬼馬釀蝦/墨魚滑：正常油炸鬼加滑🦁 避風塘炸魚皮：即炸魚皮 再加炸蒜 食唔停 結果第二日喉嚨痛😂仲叫咗菜同丸就唔特別介紹，人均800左右 （公司數），係好食既🤣🤣

高質火鍋店 天氣涼啦打邊爐就最好不過啦 雖然香港人一年四季都會打邊爐 依家呢種天氣就最合適啦 呢間火鍋店啱晒一大班人去 有咩咁出色？ 我可以話俾你聽佢嘅章紅魚兩食 刺身放上枱口感彈牙好新鮮有魚味 魚肉質仲郁緊 條尾仲發下發下 食完都仲郁緊 太誇張喇 仲有佢哋自己炸嘅魚皮 自家製響鈴 都真心推介 必叫 😋👍🏻 避風塘茶樹菇 超香口 仲有點少得手切特級肥牛 賣相脂肪分布均勻雪花❄色澤鮮艷 呢間都唔係第一次 每次唔同湯底 我覺得湯底都唔係最重要食材要夠新鮮 呢間推介 雖然價錢貴但係都好抵 一分錢一分貨

入秋時分，今天放工和朋友出左尖沙咀打邊爐，朋友介紹話幾好食，所以就去了😊一去到原來有3層，樓上都是有VIP房好岩一班人包場，私隱度高，而且服務很好👍🏻潤肺海底椰湯 $98點了清潤海底椰做湯底，好香的椰子味，奶白色的睇到都知好足料又入味，滾起左飲到停唔到口。手切特級鮮肥牛（小）$268打邊爐點少得肥牛，肉質都好林很嫩滑，食落很鮮味😋😋炸魚皮拼響鈴$78兩樣都好想食，呢間火鍋店好好有得雙拼咁點選，炸魚皮和響鈴都十分香脆可口👍🏻手打鴛鴦滑$88蝦滑和魚滑，手打果然不同，肉質鮮美彈牙👍🏻蘿蔔件$38切得剛剛好，蘿蔔好鮮甜!👍🏻油麥菜$38油麥菜新鮮翠綠，打邊爐必備之選😄竹庶水$18點番竹庶水降降火，又唔會好甜，清清地很岩飲👍🏻最後仲有生果送，好完美滿足的打邊爐。

天氣開始涼涼地，好適合去打邊爐，尖沙咀呢間火鍋店係k11附近都幾就腳，除左火鍋，仲有其他小菜都唔錯呢😝！🐣花雕醉雞湯$118湯底有成15款，都幾多選擇，我哋就揀咗呢個花雕醉雞湯補補身😂雞嘅分量都好多，有成半隻雞到，把雞浸在藥材湯中慢慢浸熟，雞肉好嫩滑，又充滿花雕的酒香，正呀😍👅雪花牛脷托 $108呢個很推介，牛脷食得多，牛脷托就未試過，牛脷托其實係牛脷靠近喉嚨的位置，口感比一般的牛脷更爽口，又富油香，好有咬口😋🐷日本黑豚肉 $138肉味香濃，口感好軟嫩，而脂肪較少，好啱用來打邊爐食😉🦑椒鹽鮮魷 $88雖然好似好熱氣，但見到都忍唔住叫左，鮮魷炸得香脆又充滿椒鹽香 ，令人忍不住一口接一口😂 .🍚盞鬼生炒牛肉飯 $98個名咁盞鬼，因為加入左油炸鬼一齊炒，炒飯亦炒得不錯，炒飯粒粒分明，加埋油炸鬼口感更豐富更香口😝！

入秋啦！雖則香港人一向都鍾意打邊爐但一踏入秋天食好似名正言順啲😂今次要介紹個高質邊爐比大家👏🏻食左以下幾樣野都高質：湯底係雜菜清湯($78)冇咁熱氣但私心推介花雕醉雞湯底仲好食活魚刺身 $時令價係油金魚刺身，佢比起好多壽司店都來得新鮮！唔會切到啲帶筋嘅位比我地，啖啖肉食得好爽！師傅刀工好好，好薄，碌熟黎食都得！手切肥牛＋牛柳粒 $268 佢地全部都係用手切嘅本地肥牛，絕對唔係你見到係超級市場嘅個啲凍肉。脂肪同肉嘅比例十分好，唔會正係得啲肥膏冇肉食！而牛柳粒更加係超重牛肉味，全熟其實最好食，會好爽口又juicy ~雙拼餃子 $78必食嘅鮮蝦餃拼韭菜水餃，佢地係即包即煮， 皮薄餡靚爆曬汁！最愛韭菜餃因為夠香😍避風塘茶樹菇$58呢個茶樹菇唔會好油，啲蒜蓉炸得好香，成件事我覺得有口感過食白飯魚，飯前小吃一流

唔係第一次幫襯敍亨軒，一直都覺得火鍋質素超高，今日就介紹朋友仔黎體驗下高質火鍋胡椒豬肚花甲湯天氣開始涼涼地，所以我地就揀左個胡椒豬肚花甲湯底暖下胃 未打邊爐先飲一啖湯，好香胡椒味，仲有勁多花甲、豬肚同咸菜，食到尾聲都仲會有淨 手切特級肥牛（小）碟牛真係勁靚，色澤鮮豔，脂肪分佈平均 灼一分鐘到食，入口即溶，丁點兒靭都無，一百分新鮮炸腐皮 拼 避風塘炸魚皮兩個人打邊爐其中一個麻煩位就係眼闊肚窄，好多野想點但每一碟份量對兩個人黎講都好多 呢度既經理就十分好地話幫我地雙拼，咁就可以試多啲 炸魚皮係即炸，放落湯底時仲會咋咋聲 炸腐皮即係響鈴，一啲都唔油手打鮮蝦滑 拼 手打墨魚滑超好味，夠新鮮又彈牙，味道仲好濃郁添呀魚皮鮫 拼 鮮蝦雲呑雲呑真係有成隻蝦咖，雲呑皮就夠薄夠滑雜菌拼盤啲菇洗得好乾淨，欣賞呢啲細緻位菇好易入味，打邊爐之選竹蔗茅根水經理介紹係自家製既，嗌渣細既兩個人岩岩好，平時最驚太甜，呢個一啲都唔會，足料服務態度又係另一個要讚既地方，打邊爐食肉好易會有層浮泡喺湯面，店員會幫我地撈走佢，好細心埋單時仲有生果送，夠晒飽

真係好耐都無打邊爐，所以今晚同埋朋友一齊去左叙亨軒海鮮火鍋打邊爐。 配料唔使自己出去拎，侍應會放係枱面比你地自己配 木耳辣辣地好好食，但大家放心唔係好辣架咋 xd湯底我要左自己最愛既秘製沙爹湯底 去得打邊爐，點可以唔叫我最鐘意既牛牛？ 😘 我同朋友叫左牛肉併盤，因為我地見到menu 張相好靚。牛肉併盤有唔同牛既部位，有d 我都唔識分係咩。 不過唔知係牛邊個位都唔緊要，最緊要係好食啊。 同埋影出黎放響ig/fb 個d都幾呃like 下。哈哈。餃子拼盤由於我有嚴重選擇困難症。 😂 所以餐廳都好體貼，有拼盤比我叫。甘我就唔使R 爆頭諗叫邊個。 😂拼盤有我最愛既魚皮餃，真係好好食。鐘意餃子既朋友必點！！ 日本既廣島冰蠔d 蠔真係又大又肥美，真係見到都流晒口水。