敏華冰廳 (太和廣場西翼)

营业中

休息中

今朝去咗太和呢間敏華冰室食早餐， 可能係星期三， 人流唔算太多，好快就有位。 我叫咗個火腿通粉早餐。 佢嘅火腿絲足夠， 特別一讚嘅， 係佢嘅湯底有雞湯味。 令到成個通粉好好味，同埋佢係用厚多士加上炒蛋， 配合得好好，然後再加杯凍啡。凍齋啡。 我嫌佢味道略嫌苦，欠缺咖啡香味， 埋單42蚊。 正常茶餐廳早餐價錢吧。

這家店在太和火車站附近出口很方便，服務員態度親切，食物多選擇，蛋撻熱辣辣香噴噴，每次嚟到都有新款式選擇，服務員親切，每次嚟到都有家嘅感覺。地方清潔乾淨，絕對係一個好選擇嘅餐廳。

朝早趕時間，諗住係火車站附近快快手咁食，原來我錯了1. 入面有位，但門口排長龍**入面四，五個待應係入面「好忙」2. 叫個早餐，上剩杯飲品，結果杯野飲等左兩個字，其中有五分鐘係望住杯野飲係個水吧度，其中叫左幾次，果幾次啲呀姐係真心hea 係，另外有啲唔知係咪殘障，直行過黎望住你，但好似視障咁見唔到你叫佢，有啲呀姐係行過你身邊，你叫佢好似係聽障咁直行直過.到埋單，再等，咁有部自助結算機，我唔清楚啦，因為我未用過，見隔離有個妹妹係咁「do」自己張台個 QR code, do 極都 do 唔到，咁積左幾個人埋單係門口，咁有個呀姐衝過黎，對住個妹妹講，我 print 張單俾你先得架….咁仲算自助結算？

星期日經過想簡單食過下午茶，都多人既，但咁岩有位，連鎖餐廳諗住價錢應該𝓞𝓴，食物質素穩陣😅有專用𝓑𝓫椅要讚既，但唔夠高和距離桌有點遠👌🏻🙈下午茶老公食常餐，叉燒意粉正常、烚蛋易開好、煎過火腿和多士唔錯👌🏻蔥油雞扒公仔麵，蔥油用燒味個d，無特別好壞，雞扒好咸，公仔麵麵質難食和又硬又唔熟，等到老公食完佢個餐先黎😒公司三文治🥪好食值得等既多料，芝士應該用車打芝士，味濃正，唔錯既💗𝓑𝓽𝔀一個餐五六十蚊都幾貴🙈🙈

-同屋企人求其食一餐，揀咗呢間餐廳，呢間嘢其實我都食過好多次。個人最鍾意食茶餐，入面有招牌炒蛋，亦有忌廉湯底意粉。炒滑蛋超級滑溜，我本身唔鍾意食太熟蛋，鍾意加咗牛油或者牛奶嘅滑蛋，所以呢一間都合格。湯底係忌廉雞湯，配合叉燒意粉食，呢個配搭幾yummy，叉燒都算入面，意粉就好一般般。西多士竟然有💖🤣真係幾吸晴！但係整體嚟講，太和分店食物只係好一般，只係用來醫飽肚，意粉整得有少少硬，其他分店比較好食，例如旺角同埋荃灣店。

太和呢間餐牌價錢與app點餐的價錢不同， 套餐加配為18蚊，唯有只好要求員工幫忙落單。結帳時，發現帳單價錢不一樣.… 敏華餐廳的收費實在令我感到不知所措，如果價錢可以一改再改，麻煩重新改餐牌，一個m1套餐加個爆爆珠帳單竟然係寫60+28蚊？m1套餐根本就唔係套餐，加杯野飲都要加錢有冇搞錯？單點同套餐有咩分別？是否不符合商品說明條例？員工落錯單亦沒有任何道歉，我叫了單點，同我講送野飲，原來要加錢買套餐，之後再點單問佢係咪得一款紅豆冰，果位員工又話係，結果落錯了沒有爆爆珠的紅豆冰，請貴公司好好再培訓員工！呢間茶餐廳性價比好低，要食茶餐廳，都唔好食太興集團啦，寫信去投訴結果都得唔到公平對待，話d價錢本來就係咁。但係明明套餐就冇包任何野飲！！🙄72蚊一個叉燒蛋飯，唔抵食，成日話咩好出名，但我買兩餸飯都係30蚊，根本冇咩值得再食的意義。

真係好有香港特色家的味道嘅茶餐廳，同埋店內非常之光猛，無論提供嘅食物、餐飲或者佈置都好香港特色，不過有種現代化嘅感覺，入到去好似有種好熟悉嘅味道，不過又有啲好潮嘅感覺。佢哋嘅菜式名稱都起得好有特色，佢哋叉燒加雞蛋飯，煮得好有鑊氣。我來過好幾次都覺得佢哋嘅食物煮得好到位，好好味，同埋食材都對非常新鮮，價錢都係幾街坊價，加上近排可以用政府消費券，所以更加抵食。

路過太和忽然想食個下午茶，離遠見到有間敏華茶餐廳，門口望入去已經感覺地方清潔，裝修也華麗舒服，坐進去叫了個脆皮蛋撻，西多士，再加個紅豆冰，食落好味，職員態度好，服務週到。

下畫3點45分入坐, 餐牌上o既下午茶大部分都話冇或要等半個鐘, 之後點了常餐沙茶公仔面. 等左半個鐘但黎左個肉丁面, 因為阿仔唔食辣, 要佢換結果係用返同一個面換返黎黎因為個面已經淋晒.

通常早餐時段最遲都係11:30就會完，但係敏華冰廳既早餐時段，係可以至到12點，對於我呢種中意訓晏d既懶人，簡直係Bouns,入到去，望到餐牌有沙茶牛肉公仔麵，就叫左呢個試下，野食都好快就到左既，管理員嘅沙茶湯底，好濃郁，非常夠味，牛肉又好食

蔥油撈面油又多 又咸 等好耐都先有得食 嚟到仲要面又凍無下次 叉燒意粉 份量又少 煎腸仔好似食膠腸 上碟又係好多油 $66一個餐 得兩杯凍飲係正常 開放式廚房 見到d呀姐企埋一邊玩電話 煮d嘢食真係好垃圾

途經太和站。見到新開咗間敏華，就入去試下啦。本身出面都有d人排隊，心諗應該無死啦。坐低叫咗呢份價值46蚊嘅吉魚沙律，價錢比出面茶記貴少少，應該靠得住掛？？ 點知出到黎得人地平時3分1 size，炸魚手指咩？？46蚊喎？？？玩野咩仲要等咗成半個鐘先有炸起出貨，都算啦🤦🏻🤦🏻🤦🏻🤦🏻🤦🏻我大刀一切，一食，入面又乾又無味，醬都唔跟d，真係好垃圾，食完呢次，唔會再中招了，各位街坊睇路🙏🏻👎🏻👎🏻

敏華集團開到太和，真係對我嚟講多一個選擇，早餐時段人山人海，用二維碼落單的效率非常方便，最少唔需要叫人落單，今次試沙茶醬牛肉米粉，加茶走少甜，原本是沙茶醬牛肉公仔麵的，但我想輕食，改米粉，早餐特色是若份量唔夠，可以加煎雙蛋腸仔多士等，只加$6，所以啱晒我只是想食碗麵的人，沙茶醬牛肉味都幾好，牛肉新鮮，茶走少甜，煉奶是另上，因為我想飲少甜，非常方便加上煉奶的份量，整個早餐，15分鐘就完成，之後去坐車非常方便

下午去食茶餐點了F4黑椒炒牛肉意粉大家可以睇吓張相點解我會講騙人！🤬🤬我問個樓面係唔係得咁小份量🤬🤬佢好冇禮貌話係得咁多🤬🤬以後唔好再食唔明點解有咁多人排隊食🤬🤬