敏華冰廳 (山頂廣場)

营业中

休息中

太平山顶餐厅，好吃分量多，味道正，点了葱油猪扒饭，肉结实分量也多，茶味道也不错，服务员态度也很好，上菜速度也快，不会说让等太久，点了午饭加了5块可以加一杯饮品，挺划算

嘩嘩嘩！ 廢話唔多講， 小弟少去山頂行街街，聽聞沙嗲煲在網上評價非常高， 一於去試吓， 發現餐牌上竟然冇沙嗲煲，令我有點失望。於是，我就改選了黯然銷魂飯，希望能彌補一下。點知口感完全冇咗應有的嫩滑，咀嚼起來非常困難。更令我感到不滿的是，這份飯居然賣到九十幾蚊，實在有些貴。可能我唔識貨， 真係好難食啲叉燒。 我之前在Mikiki食過同樣的黯然銷魂飯，當時的叉燒滑嫩可口，根本冇問題。相比之下，今次在山頂的叉燒就顯得非常不堪，令我感覺非常不值。整體的用餐體驗都很受到影響，真係有點掃興。希望下次能有更好嘅餐廳選擇，唔好再遇到類似的情況。就這樣，88！

牛肉金菇粉絲煲很惹味，牛肉份量也很多，店員上菜的時候，整個煲是冒煙的，鍋氣很香套餐還配了一個白米飯，可以免費喝到華田，小孩非常高興，然後店員還熱心地拿來一個小碗以及補添餐紙，不錯的港式服務吃到一半覺得白飯不夠，再詢問店員是否可以多添一點飯，然後哥哥就拿來了半碗給小孩，說這是廚師傅送的，吃到最後感覺變成餸菜不夠了，忍不住多點一個小菜晚上人流不多，店員在清潔抹這抹那的，然後門口迎賓的女員工在跟每一位客人說謝謝，挺有系統，真的非常有系統

呢次係我近期第二次光顧山頂分店。由於國慶有優惠堂食七折，大排長龍，好彩二人位好快就有位，排左一陣就可以入座，而且係唔需要搭檯。我地用QR code落單，叫左兩個$75的常餐。沙爹牛肉麵餐個麵我就冇咩特別感覺，不過不失；個多士都幾大件，食唔晒；朋友話我個炒蛋顏色好怪，睇落驚驚地...叉燒意粉餐朋友話呢度叉燒OK，最有驚喜係個湯底，佢話食過幾間分店，係得呢間湯底有大糧蒜粒，佢就話好正！朋友仲話呢度唔係用廚師腸，係用脆皮腸，都幾好味。飲品我就要左熱鴛鴦，唔記得少好，朋友要了凍鴛鴦，不過睇落好似冇冰？每張檯都有一壺熱水兩個杯，係方便嘅。

同朋友上山頂睇維港景色！那天山頂不是太多遊客，向山景的坐位坐滿了，安排坐近門口。QR code落單，沒有叫招牌叉燒蛋飯（因為已經食咗午飯），叫咗常餐及下午茶餐，食物送來時暖暖哋，男侍應有講聲請慢用，常餐份量都算大，蔥油雞公仔麵就比較少一些，但整體食物算OK。食完時，男侍應又自動拿走碗碟，又講聲多d地方及慢慢飲，好的服務。只是埋單時，收錢的比較黑板的叫我自助，沒有加以理會。以山頂的餐廳來計，這餐廳的價錢合理。

新年完咗諗住人流少番啲上山頂行下，附近餐廳變化不大選擇唔多，見到2樓敏華冰廳有新嘢試，即刻唔使諗，門口職員迅速安排入座，好好彩拎到靚靚窗口位可以睇到風雨中嘅凌霄閣，本來想試吓佢哋限定嘅紅燒BB乳鴿，好可惜已經賣晒職員見狀即刻熱心推介另一款新菜式瑞士汁雞翼，即叫即做非常入味，瑞士汁甜甜香香，配埋少少蔬菜伴碟，推介唔想太飽肚嘅朋友可以試呢個，8個like另外點咗份我最鍾意食嘅公司三文治，即叫即烘，餡料夾住豐富，芝士 蕃茄 爽脆生菜 火腿同埋厚炒蛋，一啖咬落去真係好正，大大份有成四件，同朋友share啱啱好食完有啲意猶未盡，叫咗份杏汁白肺湯，落單後10幾分鐘即送到上菜速度算快，個湯非常足料，夠肉味同杏香味重，係會飲晒一滴唔剩嗰種吸引私心推薦個湯盅頭上連埋個蓋仔都幾有心思，打卡必備！！

第一次食敏華，平日11點半去坐到窗邊位。午餐有幾個選擇，山頂唻講價錢算可以接受。豬扒煎雙蛋飯幾好食，可惜凍咖啡成杯奶水咁，後來換過杯都係一樣，試咗一啖實在飲唔落，成杯冇要到 員工服務態度幾好，主動問要唔要加熱水，問其中一位男仕可否幫我換咖啡亦好禮貌跟進（但杯咖啡真係唔得）應該都冇下次

第一次點評 卑到你 唔該入到去 都冇人招呼 叫左靚仔好耐 靚仔聽唔到🧏同我一齊入去阿叔一桌叫到嘢食冇人理我叫左好耐 阿姨先幫手（阿姨幾好人）OK 菜上桌時候 靚仔dump左份叉燒你dump dump dump汁水都飛起啦！impressive experience！🌚🌚🌚🌚🌚🌚🌚

雖然話蛋撻好食，因為個人鍾意食酥皮蛋撻，但佢唔係新鮮滾熱辣，係凍冰冰嘅，朋友點一杯奶茶嚟飲，話好香滑，不過喺山頂行到攰，志在搵間餐廳入去坐下休息，打吓卡影吓相。

暑假過後，上山遊覽，餐廳選擇不多，今次試了乾炒牛河，印象中之前沒有炒粉麵餐，新菜式價錢大眾化，而且送熱飲，驟眼睇幾受歡迎；不過落單後店員溫馨提示即炒需要等10至15分鐘，趕時間建議就叫常餐！牛肉片，份量幾足，炒得夠味；河粉滑身，夾埋芽菜一齊食爽口好滿足，食飽牛河，食返個蛋撻配熱奶茶，香港情懷都返晒嚟～如果套餐包埋例湯就更加好。其他菜式選擇：馬來炒貴刁 楊州炒飯豬手飯/柱候牛腩飯鹹魚蒸肉餅米鴨腿陳皮湯飯

雨天來到山頂，遊客比平時少進來避雨見到商場有敏華，咁大雨梗係醫飽肚先落山!點了沙茶牛肉公仔麵，沙茶汁依舊惹味，麵質爽口，即點即做果然有水準，很快便上菜，啱晒我呢啲心急人店員還推介淮山杞子雞湯，本身想飲杏汁白肺不過咁啱賣晒，原來雞湯都非常足料，清清地唔錯，一個人份量啱啱好，上菜時店員細心提醒小心熱，值得一讚雖然附近冇咩特色商舖行，但係靜靜地間唔中上嚟睇吓風景都幾唔錯，見隔籬枱食黯然銷魂飯個叉燒幾靚，都係送熱飲，抵食來講，呢間數一數二下次試！

餐牌上的基本沒有，只有幾個餐可選，招牌黯然銷魂飯，叉燒柴，飯夾生。餐蛋飯餐肉沒有肉味，澱粉比例過高，且煎燶。攞個碗分飯，上面有褐色不明液體。對點餐有疑問，服務員不願搭理，回答：你自己想辦法查。然後跑到收銀台抱怨我對餐有疑問，我就在她後面，十分沒禮貌。當時是下午六點半，總共沒幾台客人，這樣的服務態度真的很差。不明白一間出品差又少的餐廳，在這裡做服務員有什麼值得這樣高傲。只是騙騙遊客，絕對沒下次，且影響品牌形象。

放假去行山頂，見到呢間餐廳有啲食評話唔錯，於是入去試下，點知中咗伏！好耐都冇見過有餐廳嘅職員一個二個都咁冇禮貌，呢度唔畀坐，嗰度唔畀坐；呢樣又唔得，嗰樣又唔得。食物質素只算一般，唔明點解佢哋對食客可以咁囂張傲慢去完呢間敏華之後，絕對、絕對、絕對冇下次，連其他所有分店都一定唔會再去！

好耐冇上山頂今日能夠和老朋友們一起行山很難得上到山頂完全唔同晒很多舊有的店舖已完全換了現在有壽司、台灣菜、雲吞麵、冰廳等多樣選擇令我們行來行去但都選擇唔到後來見到敏華冰廳估不到竟然開到上山果然厲害更估不到有特級招待有個長髪黑衫靚女突然在後面和我們打招呼笑容很甜雖然帶了口罩見她應該是剛回來笑容很靚又問我們邊度行上來叫坐係度休息下慢慢來飲下水唞吓先非常好招呼唔知以為我們是認識她講說話很叻又好聽起初以為她是這公司寫字樓下來的人因為我幫襯敏華冰廳咁耐好少見到咁靚女又好招呼後來問其他同事是經理敏華這店在山頂果然特別這裡的食物也特別好味又靚和有歌聽令人很舒服心情也自然放鬆了很多真的超正到走時她又走來熱情地送我們真令我們捨不得走下次一定會再來今日心情真的好靚

雖然我們沒份跑但好久沒見咁多人了真的很興奮本耐唸住看完去飲茶最後朋友建議上山頂果然一樣特別見到新䌫車和估不到山頂竟有敏華冰廳而且服務和食物真的很不同價錢出呼這裡不太貴但服務比美星级酒店職員貼心另外黑色制服黄小姐真的非常好服務不一樣又细心又問我們食物到齊未見我杯奶茶放長時間凉了竟然幫我換杯熱的來令我們真的很開心我們很久沒到酒店吃飯但今次真的以為自己入了酒店環境亦非常舒服今天簡直是幸運日好高興認識你黄小姐下次一定再見