敏華冰廳 (The LOHAS康城)

营业中

休息中

見好耐冇食敏華冰廳就試下！叫咗個沙嗲牛肉麵常餐，價錢係$61味道正正常常都幾好食，個套餐包埋炒蛋火腿同埋多士，仲叫咗杯凍檸茶！so far 都不錯的！咁啱蛋撻出爐就叫左一個，新鮮出爐熱辣辣嘅蛋撻好好味！😋

上星期幫朋友搬屋去日出康城，工作完成，系商埸搵嘢食。行左一圈，最後選左敏華冰廳。因為價錢比較平民，但晚上餐牌選擇唔多，當時都唔知食嘜嘢好，但d 侍應好熱情介紹一人一鍋，咁我們就嘗試下啦，叫左個壽喜燒湯配肥牛片烏冬。朋友就叫左清湯牛腩煲，等待時，見到侍應只得3個人，當時都見有少少忙，但他們都好有耐心介紹食物比客人。環境都舒適，出餐時間都好快太約等左10分鐘左右。一人一鍋賣相都幾靚。壽喜湯配食肥牛同烏冬味道都ok. 另外一個清湯牛腩內有蘿白，味道都比較清甜。系冰廳來講食物質素都ok價錢亦唔算太高，服務都比我感覺舒服，侍應都好熱情招呼。不論客人要求要什麼他們都盡量做到。康城敏華比我們感覺舒適，朋友都話搵到一間飯堂啦。

正所謂無期望就無失望，屋企有現金卷想用左佢唔好嘥先黎。康城無咩好食大家都知，呢款商場都唔會容納倒細鋪，有時逼住食連鎖店，但連鎖餐廳都有質素之分，康城呢間敏華都算出色。價錢就算間間都一樣但呢間可以喺其他地方俾人不停扣分。上菜速度真係好慢，一直聽倒隔離左右都話乜乜乜未黎，人地唔係叫啲製作需時嘅野，係下午茶榨菜肉絲公仔麵咋大佬，你估整公仔麵會唔會整到Fine dine 咁。服務亦都係無服務。服務員講嘢嘅態度我好主觀係唔friendly，但又唔係rude 嘅。上菜果陣一野掉落枱，有心又好無意又好，好難體諒，睇一間餐廳係睇埋呢啲㗎。好啦可以講野食，叫左Tea 蕃茄牛肉燴意粉+紅豆冰，意粉正常發揮，唔使扣分但絶對唔係好食，足夠維持生命。紅豆冰反而可以讚，其實唔係讚佢好好飲，係讚佢冇做到好難飲，因為而家好多餐廳嘅紅豆冰都勁難飲。總結一句，作為藍店，佢應該要做得更加好，起碼性價比要好啲先，以上。

其實呢間敏華食過幾次，食物質素唔差既，好食既。但有一個問題最近幫襯都會發生，就係出餐時間，之前用佢地個App叫外賣，等左成一粒半鐘先有，諗住佢地外賣先要等咁耐姐，堂食應該都唔會咁掛，今日平日又唔係多人，點知我叫個蔥油雞扒飯，需要等45分鐘飲完杯凍奶茶個飯都未到。真係希望佢地要改善管理問題！同埋真係食呢間野真係要預多啲時間先好入去食/叫外賣同埋呢度啲員工服務態度都需要改善一下。因為我見隔離枱比個員工大大聲話佢「你坐4人位得兩個人係度，其餘果2個人等左15分鐘都未到」，果果語氣真係好差同勁大聲

叫咗個雞煲，7成都係雞骨，大佬，雖然晚市俾$80唔多，但都唔好咁過份。好明顯係煮完其他餸，用淨嘅雞骨用嚟賣雞煲。最後一啖冇食，好彩有個阿姨好人幫我哋取消(佢都知啲骨多得唔合理)，想食雞骨煲就去康城敏華啦。

去到門口，見堂食排隊，我唔想等，所以決定外賣返屋企食。外賣由落單等足30分鐘，其實我只係嗌一份早餐，等到人都乾了。以茶餐廳嚟講真係極慢，難怪門口咁多人排隊，因為坐低嗌咗都有排未有得食。沙爹牛肉麵係招牌菜式，外賣有自動分湯，不過麵本身焗得比較淋；而牛肉份量都唔少，但唔係太好食，除咗牛肉好鹹好鹹，亦食到好重嘅鬆肉粉味；而另一主角沙爹汁，望落顏色係夠嘅，可惜食落沙爹味缺乏，唔濃唔香，有啲失望。件厚多士係最合格😅

六點鐘餐牌上的食物，超過五分之二係冇嘅，唔少人坐低見冇嘢可點都即刻走。喺冇咩人食嘅情況下，點份多士都要等超過半個鐘，仲要催先上。雞湯蔬菜，係一杯得三粒菜嘅雞油水。

香港人食得茶餐廳，緊係想快靚正，趕時間先食茶記，我都未食過一間茶記要等咁耐，追左兩次三次個多士腸蛋， 前後廿幾分分鐘，淨係開咪叫下就當做左野，我諗住茶記應該都好快手，點知。。。慢到一個點，仲慢過啲老人家慢吾緊要，仲要遊雲係度，攞野食比啲客係慢慢行嘅，好似係度行街shopping 咁，個個都吾知做緊乜，成班成日係度行埋個收銀處到。呢間茶記真係不能再幫襯

見無人去敏華食個晚餐，見有火鍋就try try ,$95 得眼見咁少😅，無另外碗得米線個碗，煮完又放番落去食。。份量少，所以墊牛肉兩片菜都想煮埋。。我一放下去，丫姐走過來問煮完未我同你熄火。。我話未食完，仲有菜。。。佢完全無理我意願，佢的手已熄左我個火，仲話唔好意思，因為怕佢燒燶😅😅😅個客都話未煮好都照熄，其實唔係應該同人加水等客食哂關人個火。。而且問完我係答我未食完。。。😅😅都廢事為左兩條菜同佢吵，走人算，火鍋應該大家樂好過佢。。。

他們的奶茶也非常受歡迎。奶茶濃郁香醇，茶香和牛奶的平衡度恰到好處。你可以選擇冰凍或熱飲，根據個人喜好調整甜度。無論是喜歡濃烈茶香還是偏愛奶香的人都能在這裡找到適合自己口味的奶茶。除了芒果班戟和奶茶，敏華冰廳還提供各種口味的冰淇淋和甜品。他們的冰淇淋口感濃郁滑順，提供多種口味供應，如巧克力、草莓和香草等。總的來說，敏華冰廳是一家提供各種冰品和甜品。此外，他們的冰淇淋和甜品選擇也很多樣，滿足不同口味的需求。如果你是甜品愛好者，不要錯過敏華冰廳，來這裡品嚐美味的甜點吧。

出餐慢，但又想踢枱。人手好似好多，但唔知自己做乜，似遊魂太虛。遇到熟客私相授受，排隊機制形同虛設。整體而言大有改善空間，但亦可能係食客嘅一箱情願。食物質素中規中矩，但作為茶餐廳嘅食品，難食就醜怪。

一路食開敏華，但係康城呢間管理同服務都極度差。8點半入座已經基本無嘢食選擇，明明9點半收，見到有客人9點鐘點單店員已經話收左，唔俾人叫嘢食。第二次再早d, 8點去，仲少嘢食選擇，只好換第二間食，8點半外賣平台 已經無得叫嘢食。搬黎康城之前住係太古，康怡個間管理好服務好，經常幫襯。康城呢間d員工咁唔想做生意d老闆知唔知？6點開始晚市，8點就基本無嘢食，員工只做一轉生意d老闆係埋無意見？

想買蛋撻，見到8分鐘，所以想先比錢，個員工話「如果成底蛋撻焗燶晒就無得買」。笑左，個員工想留比自己人咁以後唔買了。去過幾次，啲態度都是一樣差，以後見到敏華都唔會幫襯。

晚餐時間但是就沒有常餐（明明寫了11:00後供應），於是hkd44點了個榨菜肉絲米粉，結果吃了幾口就沒有了，肉絲3-4根，剩余全是榨菜，吃完根本就像没吃过一样，按女生食量也一定不够飽

今晚7:00喺呢度食晚飯，唔多人，應該坐滿一半。 叫咗雞翼米，足足等咗25分鐘，都仲未到。 話隻雞翼炸緊。講嘢食都算，重點係樓面有三個姐姐，態度奇差，我走咗上收銀處，詢問一下，我啲嘢食大概乜嘢時候到。個齊陰姐姐 完全無視我， 我一路企喺佢隔離，等佢夾好啲單，我再詢問，佢答我要追，跟住我同佢講我而家正正就喺收銀處度追，跟住佢同我講，唔係呢度追，咁我問佢咁我係咪要去廚房嗰度自己親自追？？？態度何其惡劣？已經唔係第一次喺度食嘢，每一次我都忍讓，因為知佢哋忙。但係今次實在太過分。😡😡😡😡😡😡😡😡😡😡😡😡😡😡😡