敏華冰廳 (V Walk)

营业中

休息中

敏華冰廳開正係Vwalk 當然要去試下啦，聽就聽得多，食就味食過❤️酥皮蛋撻：熱騰騰，真係好好味，蛋漿滿滿的，充滿蛋的香氣，而酥皮仲到好鬆化不是死實個款，很可以❤️👍🏽炒滑蛋雙腸 多士：多士厚切是基本，烘得好脆身🎈加埋牛油一個滿足的All Day breakfast 🍳 滑蛋火喉剛剛好，應該用左牛奶🥛食落好滑身，不錯🥳叉燒湯意粉：叉燒係蜜汁叉燒，肥瘦適中，份量都算多，🐖，而且香氣四溢，意粉偏焾身，不過無所謂，值得一食。

心血來潮好想食酥皮蛋撻 剛好經過見到有茶餐廳 就二話不說去幫襯下先我叫左三樣野第一樣就係酥皮蛋撻 望表面金黃色既蛋黃超吸引食洛口蛋黃係熱辣辣做到浪下浪下既效果 蛋黃又香又滑 酥皮好有層次 多層次做出酥脆既口感 一整個酥皮蛋撻 微甜而不膩 真係好想食多幾個第二樣係暗然銷魂飯 姐係叉燒煎蛋飯 半肥瘦既叉燒 充滿蜜味又厚身 脂肪唔多令人放心食 配上煎到個邊邊脆口既煎蛋 同埋唔會太濕既米飯 沾上甜豉油 飽肚又滿足 誠意十足呀最後叫左茶餐杯必飲之一 涷檸茶 茶膽靚 無茶澀味 收貨👍🏼

一入去冇人帶位之餘，啲阿姐態度好差，扮到趕頭趕命，但係見到個個都冇咩嘢做，企係度傾計。我先落單，但係佢畀個餐畀後嚟嗰個，問佢「點解我落單先但係我嘅餐未到？」，然後又話張單個檯號唔係我嗰張，我就話「我嚟先㗎。點解我嘅餐未嚟，後到就咁快有。」個阿姐好晦氣咁丟個餐畀我，「你先咪先囉。」價錢唔平，但係態度好差。以後唔幫襯

今日星期六，遲左起身，本打算食午餐的，經過vwalk敏華見好多人排隊，發現早餐去到12點！太好了，哎左個五香肉丁麵早餐，配炒蛋同多士，公仔麵煮得剛剛好，五香肉丁好多。多士夠脆，炒蛋味道幾好，不過濕左dd 。敏華的常餐一向出名，平時來都會哎常餐，發現早餐同常餐除左價錢唔同之外，常餐會多左腸仔！另外想讚下個咖啡，幾香，好飲。不過如果想食早餐，記得早一點來排隊，因為都要排一陣，見好多客人會起12點前，起門口的電腦機落單哎外賣早餐。另外見倒原來有新鮮出爐的蛋撻，下次要試下！

開完會老闆放人晤洗番公司 梗係同好同事去食下午茶吹下水行下街啦😍😍😍深水埗呢個新商場 上次同老人家食飯其實無認真行下 今次同同事可以慢慢睇 😍😍😍行行下肚餓 就去食下午茶 想試敏華冰廳好耐 每次都好多人排隊難得呢到可以即入年紀大 邪惡食物真係晤可以成日食不過見到呢個三叔公馬來咖吔多士又好想食所以同朋友share左一份黎到見到份多士 決定好正確😂牛油厚到一個點 配埋咖吔一齊食 非常好食麵包焗得好脆👍👍👍脆皮雞中翼係我最鐘意既茶餐廳小食呢到都炸得好好 雞翼用料都幾好 好嫩滑 無炸乾👍叫埋杯凍檸茶先夠爽 茶底就濃 大大杯 正😂間晤中 邪惡下都可以既

趁今天假期就到處逛，不經不覺行到落南昌，見有一個商場叫V Walk，我印象中從未入去行過，就入去逛逛，看看有無特别之處，見有間敏華餐廳，見餓就入咗去。叫了個葱油豬扒煎雙蛋飯，第一眼就給雙蛋吸引，個型又靚又流心，豬扒大大件又夠厚，將蛋混入飯食，有蛋香又有葱油香，再咬一口豬扒，有咬口又很嫰滑，果然有驚喜，價錢又不算貴，$48算是很便宜，份量很足夠，醫飽了五藏廟，覺得非常之滿足，下次一定要再來試多幾款其他食物。

呢間敏華冰廳我發覺佢好似越做越大，越開越多分店，但我之前一直都無咩機會試，因為佢其他分店成日都要等位，我就心諗：茶餐廳都要等位咁勁？今日經過呢道咁啱見到呢間唔洗等位咼。咁好？試一試佢先。一坐低我就諗都無諗叫左個酥皮蛋撻先，食住再諗正餐食咩。嘩點知個蛋撻好新鮮滾熱辣，酥皮夠熱好香，蛋撻好滑好甜，又唔會一食就散哂，出色！好至於正餐我決定揀黯然銷魂飯，我相信大部分香港人都會知道即係叉燒蛋飯，我就即管睇下會唔會食到喊先。叉燒肉質唔錯，真係舊舊都半肥瘦，加埋半熟蛋撈飯，雖然簡單但處理得好好，食完好滿意，唔怪得平時咁多人排隊。

我每一次去敏華都要排隊，排好長龍...但敏華炒蛋真係好味，唔趕時間等下都好既。今朝老闆帶領我地去食早餐再開工，難得岩岩開，唔使排隊，正呀！呢個餐有叉燒湯意粉，呢個好味啲，個湯真心有味架，唔係水，意粉亦唔會好硬，已經變晒軟林林。叉燒偏瘦，唔會有肥膏肥肉。炒蛋係呢度名菜，自然好食，好軟滑又香蛋味！本身食左呢個已經夠飽，奈何對面枱叫左雞翼，好想食！叫左個脆皮雞中翼，所謂脆皮當然係炸過，雖然炸過但係一啲都唔油，唔會食完成口油，雞翼帶少少咸味，雞皮幾脆。臨走見到個部外賣機，宜家買外賣自己嘟八達通就得啦，好方便！

人生難得偶然邪惡，要食啲自己鍾意食既野！本身係馬來亞食物粉絲，咖央係人生興趣，見到呢度有三叔公馬來咖央多士就決定要試下佢。一上就見到舊牛油厚到一個點，今晚要跑番十個圈先夠補償了。講真我最尾無食哂，因為無quota了！😂個多士上既時候仲熱熱地所以幾脆口的，加上舊牛油咁大，其實都幾飽，絕對夠兩個人share。另外叫左個脆皮雞中翼，一客三隻的。熱辣辣，脆卜卜的。不過如果雞翼再大隻啲，油脂再勁啲就完美了。

鐘意食嘢嘅我，趁今日假期，又心思思去揾食喇！不經不覺行到南昌，入咗V Walk商場逛逛，感覺有點肚餓，就入咗敏華餐廳醫肚！買咗個超級雜扒飯，賣相的確唔錯，有豬扒、雞扒、香腸同餐肉四款。豬扒大大件好厚，心諗咁厚一定好鞋啦！真估唔到竟然肉質鬆軟，好有豬扒味又有口感，確實唔錯！還有雞扒，雞扒又嫩又滑，好有鮮味，係我嘅至愛，仲有香腸同餐肉，兩樣都唔會過鹹，唔錯！總括嚟講，單點只需50元，就食到我超飽，我就食唔晒啦，真係份量十足，又好味又抵食，一定會再試！正……👍👍👍

每次去到茶餐室，總係鍾意叫常餐！貪佢樣樣有啲，可以一次食幾款野！常餐一共有四款，全部都會配炒滑蛋雙腸同歐式軟多士～主食就有得揀五香肉丁公仔麵、沙茶牛肉公仔麵、叉燒湯意粉、豬潤牛肉湯米粉。原本想食豬膶牛肉湯米，可惜已經賣晒！所以轉左叉燒湯意粉！叉燒湯意粉個湯底同其他好唔同，個味道有啲似忌廉雞湯，湯底比一般傑身，好夠味！歐式軟多士好厚切！擦牛油或煮直接放啲滑蛋上去，都一樣好好食！仲有兩條香腸食！好飽好飽！

黯然銷魂飯我細細個就聽過e個名！今日終於俾我係敏華食到！不過長期都幾多人排隊下！夜少少去，等2-3個人就入得！黯然銷魂飯價錢唔貴，連埋凍飲加3蚊都係$68蚊！份量十足！大大碗！有兩隻太陽蛋！下面放咗好多件叉燒！舊舊都好厚身！最好係大件得嚟，但口感都仲好軟林！！最好食係有少少燶邊同肥肥地嘅位！味道夠晒香！！當然最緊要係隻太陽蛋，煎到燶燶地邊，好好食！飯底夠多，男仔食都夠晒飽！再飲埋杯凍檸茶，飽晒！！

見新開張，於是幫襯下，其他地方食過唔差今次，唉 極度失望😞出餐慢都算嗌左兩個餐一個煎蛋免治牛肉飯 加 凍鴛鴦走甜一個沙茶牛肉米粉 加 凍奶茶少甜簡單一個煎蛋免治牛飯 出錯左意粉俾我叫姐姐換返都等左3個幾字，仲要吹幾次先有一杯凍奶茶少甜 同 一杯凍鴛鴦走甜兩杯都糖水黎 鴛鴦換黎換去都係奶茶仲話沖定左喎，無走甜呢樣野，但落單就有走甜，咩道理🤨原來發現水吧個沖飲品既係一位菲律賓姐姐，佢識唔識沖都成問題總括而言 野飲太甜 飯餐太咸以後唔幫襯 可一不可再 失望

今日星期二，又去V Walk 搵食～～見到平日長龍人氣店「敏華冰廳」不用排隊，仲有個Cart 位，所以二話不說就衝佐入去第一次食，一定要試下佢地首本名菜「黯然銷魂飯」（叉燒蛋飯）雖然根據「商品說明條例」，個樣同張相又真係有所落差⋯⋯⋯但味道真係幾同食叉燒好軟滑、一咬即溶；煎蛋雖賣相一般、但煎得很香、流心蛋汁流到飯中，加上香甜的豉油汁、軟熟香糯的金鳯白飯，又真係配合得不錯。另外點了一個「蔥油豬扒飯」洗唔洗咁抵食呀!! 塊豬扒手版咁大豬扒好軟熟, 好juicy, 配上蔥油, 好好味流心煎蛋好香好JUICY我要求多些, 立即不吝嗇咁俾佐成碟仔我!!以上食物包熱飲, 凍飲加$3.0要試下間茶餐廳飲品好唔好飲, 一定要試下佢地個凍檸茶檸檬不吝嗇; 茶味都幾香, 不錯!!凍奶茶這個不過不失啦!!食食下, 聽到叫咪話有一於叫個試試!!不過可能期望太大, 又覺得普普通通, 撻皮不是太脆; 蛋槳又甜佐D。最後埋單, HK$137 價錢合理。總結:食物- OK 都有水準環境- 比一般茶餐廳乾淨企理服務 - 我覺得佢地好有禮貌, 好helpful價錢 - 比一般茶餐廳貴少少少, 但都算合理。

呢幾年因為成日都要出Trip , 所以多咗食國外唔同嘅美食，但講到每次離開香港最令我懷念嘅，始終都係微小但卻偉大嘅香港本土食物。沙嗲牛麵、厚多士同熱奶茶呢個組合，絕對係幾十年嚟不變嘅黃金搭配。作為香港人，無論食幾多次都唔會厭，因為冰室同茶記嘢食，係屬於我哋嘅集體回憶。講番呢間敏華冰廳先，由之前佢仲叫“文華冰室”嗰陣，我已經係忠實fans，就算改咗名又開咗咁多間分店，食物質素依然保持一貫嘅高水準，沙嗲牛麵香濃入味、牛肉新鮮嫩滑，厚多士烘得啱啱好、香脆可口，而多士表面淨低嘅餘溫，就令冰凍嘅牛油融化得恰到好處，令幼滑柔和嘅牛油觸感喺厚多士表面得到一種默契級嘅配合同提升，喺脆同軟、熱同冷之間，我已經被感動到無法言語。最後，唔可以唔提佢杯奶茶。茶香飽滿、奶味細滑、一口入魂、百轉千回。一路都覺得港式奶茶就係香港嘅文化符號，奶茶用料雖然簡單，都不過係紅茶同淡奶，而口感上醇厚絲滑的奧妙，就在於撞茶呢道工序。撞茶，講到底就係茶同水嘅撞擊，至於要撞擊幾多次先可以得到最順滑嘅質地，就有賴經驗豐富嘅師傅喇，而呢種唔怕苦、唔怕錯嘅精神，正正就係香港人最可貴嘅精彩財富。香港加油，香港人加油。