文記車仔麵 (福榮街)

营业中

休息中

第一次來到馳名深水埗既文記車仔面，下午茶時段人流較少。原以為只收現金，原來這間分店是自助qr code 點菜，用電子支付，旁邊的分店才是只收現金。店內有很多調味料，任君選擇。亦採用迴轉輸送帶送餐。我點了牛孖根、陳皮魚蛋、豬紅、米粉。牛孖根軟嫩多汁，搭配腩汁的濃郁。陳皮魚蛋也不錯，彈牙爽口。不過，豬紅味道就有點怪，沒有預期中的滑順。

本人第一次寫食評，幾年前食過文記車仔麵覺得好好味，尤其辣汁，疫情後嚟過好多次，可能因為星期六日嘅關係，都係排長龍，今日見到條隊唔係好長，排隊入去食，發現食物質素差咗，尤其係雞翼同埋豬手，唔入味，由排隊開始已經俾人催趕，我哋三個人，安排咗一張四人枱，由於啱啱行完街，我哋買嘅嘢都係放咗喺地下，已經有侍應即刻衝埋嚟話，千祈唔可以放嘢喺張凳，好快會有人坐，但由頭到尾我哋都冇擺過嘢上去wo,最終到食完離開，都冇人坐低過，問樓面有冇水，佢話佢哋冇水，跟住想買汽水飲，當買第二支嘅時候,個樓面竟然問咗我個問題,我覺得非常愕然：佢問我叫咗幾多碗麵?我話兩碗堂食一碗外賣，佢話每一碗麵只可以嗌一支嘢飲，而每一支汽水係$9 我當下呆咗其實好生意 都可以有好嘅服務嘅 假如食物質素 每況愈下 越嚟越唔用心我相信排嗰條隊只會越嚟越短….

今日又嚟到深水埗，通常都會去食文記車仔麵，原來佢喺福榮街已經有五間分店，仲要每次都座無虛席，認真誇張！今次叫左我最愛既瑞士雞翼，係全香最正宗既雞翼，好入味但又唔會overcook！湯底叫左瑞士汁加小辣辣汁，今次湯底比之前淡，冇之前咁濃味，我覺得之前個湯底出色d另外叫左佢既墨魚角，佢用類似魚皮餃嘅皮去包住墨魚滑，似係自家製，味道幾好，非常彈牙！而且佢有免費嘅菜脯提供，菜脯味道辣辣地，送麵一流，爽脆可口

依家好多餐廳都好早last order 過左12點嘅選擇少左好多🥲有一晚宵夜時段太餓就諗起收凌晨4點嘅文記今次去咗新淨少少個間分店 環境乾淨光猛半夜2點半到堂食都有坐滿8成人😮一路食仲keep住有人排隊等位同叫外賣因為宵夜唔想太有罪惡感點左油麵+3餸 (豬紅, 花膠, 通菜)豬紅: 有5舊，夠滑花膠: 兩大塊，索曬啲湯🤤，超淋，用匙羹好易就分得開(朋友冇介紹錯 真係必食❤️‍🔥)通菜:分量好多，唔界口👍🏻湯底:叫左少辣，唔會過辣，剛剛好過到癮個種同朋友交換左件蘿蔔 又係超甜是個滿足的宵夜👏🏻

前幾年已經好Hit嘅文記車仔麵，我今日終於嚟試啦，入到門口，首先要喺門口揀定要咩面，跟住再揀餸菜，最後姐姐會加腩汁，當然自己都可以再添加沙嗲醬或者其他醬料。首先，叫咗個米粉+瑞士雞翼+生菜+炸腐竹湯底係偏甜嘅湯底，亦可以話係冇乜味，其實唔覺得有咩特別，啲料比得都唔夠多，真係試咗今次就冇下次另一碗叫咗腩肉，魚肉春卷+豬肚反而腩肉比得份量唔少，魚肉春卷味道都正常，自己加咗啲沙嗲醬，所以湯底味道還好。呢間鋪位置闊落，所以都唔使點樣排隊，不過名氣大過於食物味道,對於我嚟講試一次就OK啦

下班心血來潮想吃車仔麵，文記車仔麵一定是我的首選，無論你幾點過去都一定有大排長龍。剛好當晚經過沒有太多人龍，就堂食了。每次必點粗麵，配菜一定要有瑞士雞中翼，玻璃魷魚和蘿蔔。一定要記得加瑞士汁，辣菜脯！明知道一定有超多味精，吃完一定會口渴，但還是會忍不住狂喝湯，一個字 爽！另外之前都有吃過文記酸辣粉，味道同樣出色。但好多時候我都會選擇外賣，畢竟文記屹立不倒深水埗那麼多年衛生情況可想而知，所以眼不見為淨，住得近熱辣辣回家吃 還是很爽的。

一直以來都好鍾意食但係衛生情況真係冇改善都豬腸，韭菜餃 口味都唔錯排好隊就俾錢 但係最大問題係環境真係好污糟有啲嘢飛飛下然後廚房下欄盤嗰浸味 一邊食一邊聞到真係會無胃口有種酸嘅味道好似喺垃圾房食嘢

第一次成22:30 去食宵夜，叫左外賣自取，估唔到夜晚都係要排長龍，咁忙，但有個肥叔叔好好，見我到左，叫佢地起左我個外賣單先，一貫既好味👍🏻👍🏻👍🏻車仔面既世一😂 會𝓀𝑒𝑒𝓅 住不停想返去食😂

已經食過好多次的文記車仔麵，無論早午晚都超多人排隊🤣 好處就是佢開到好夜，凌晨一點肚餓時都可以黎買個宵夜醫下肚😗😍😍今次叫左雞翼、辣魷魚、豬大腸配米線一定要加腩汁同辣菜莆😍我心目中覺得最好味嘅餸，排名不分先後，雞翼、辣魷魚、酸齋、蘿白、小花菇、豬大腸、牛筋、牛腩….. 都係我最愛😍

文記就算在米芝蓮的加持之前, 已是深水埗的排長龍名店, 獲得必比登推介後, 基本上由早到晚也有人潮, 和其他連鎖車仔麵店不同的做法, 是不會在其他地方開分店, 反而在同一條街四間舖頭開, 除了可即時擴大店家面積作分流, 也強化了它在尖沙咀的稱霸形象, 對食客而言食物水準也更接近統一, 因為QC也更方便.沒有太多新奇𠮩𠹌的菜式, 就是做好每一道基本, 例如酸齋的外脆內軟及甜酸相融的味道, 內臟的乾淨及入味, 魷魚的爽彈, 魚肉的軟糯和魚香, 再加上自家辣醬和菜甫, 簡單直接但不令人失望, 價格不算最便宜, 但以米芝蓮來說已是平民價, 作為欣賞車仔麵這傳統港式小食的起點, 沒有什麼可以挑剔的.Man Kee, a renowned noodle shop in Sham Shui Po, was already popular before receiving Michelin recognition. Since being recommended by Bib Gourmand, it constantly attracts crowds throughout the day. Set

啱啱喺呢間評價爆燈嘅車仔麵店嚟過一轉🍜，真係令人驚喜連連！湯底滋味豐富，嗰啖湯韻味足夠過癮，仲有點點甘甜，多啖都唔會膩。我點咗碗經典配搭，有咁嘅蘿蔔、爽滑嘅魚皮餃，重點推介！👍 蘿蔔腍淋淋，甘香入口即溶，而魚皮餃滑唧唧，入口即化，魚旨香度十足。牛肚就腍得黎口感又唔會太爛，每一啖都充滿咀嚼樂趣；豬大腸更加係清清地，熱氣騰騰嚟到，啖啖肥美，彈牙得嚟唔係口感唔好㗎！💥又點忽略到店家送上嘅辣菜腌味好重，小食幾塊就已經辣到我痴線，但係就係停唔到口，咁嘅吸引力，真係啱晒鍾意重口味嘅食友哋。坐落喺人流如織嘅地帶，無論本地搵食客定係慕名而來嘅遊客，都要排少少隊，但味道實在值得等！今次黎食真係滿足到！各位睇我個盤嘅，快啲搵日子黎試吓，保證唔會令你失望！🌟🌟🌟

公司喺九龍灣，之前食開外賣平台廚房嘅文記車仔麵，摺咗之後冇得食，又想食。結果就喺Open rice 落左單，再叫GOGOVAN 去深水埗取，再送到公司樓下自取，都新鮮熱辣辣，

一班沒有禮貌，態度極其惡劣員工，不分國籍態度一樣極差。事件一一位非國籍外賣員，我諗溝通唔到好正常，外國員說外賣編號，其員工叫佢自己入去睇，外國員唔識聽好正常，外國員轉身想離開店內，可能想在門外等，其員工表達，「阿賓叫狗越叫越走」類似說話。事件二同國籍想食野的食客，面對面向職員查詢（請留意，係面對面）其員工聽完後轉身返入去，食客只係查詢同另一間在門外排晒隊，霸佔整條行人路個間有沒有分別。其職員一句也沒有回答返入去。

Intro: 深水埗有一間成日排長籠嘅車仔麵，唔洗講名大家都知係文記車仔麵啦！今次就趁5點尾嘅時間要食晚飯去排隊，發現排隊人數越黎越多，店內其實仲有好多位嘅，但要買完先安排個座位比你架，而味道係咪真係講到咁頂級呢？___________________🍽 玻璃魷魚+上湯花膠+蘿蔔+河粉💰 15+14+11+11 = 52 ⭐️ 7/10✍🏻 成碗車仔麵嘅賣相麻麻地，有d求其，✍🏻 魷魚份量多，好有咬口同彈牙，但唔入味✍🏻 花膠好大塊好長，爽口彈牙✍🏻 蘿蔔冇渣冇青味，但份量少比較細粒✍🏻 雖然湯底加左辣，但湯底嘅味道普通✍🏻 其實成碗車仔麵嘅餸正常發揮而不過不失，但就可能覺得價錢比較貴之餘，會諗諗究竟係咪值得咁多人排呢？___________________🏠 文記車仔麵📍 深水埗福榮街121號地下⭐️ 7/10___________________

之前間中就會過嚟食，因為真係好味又抵食，一排無嚟，好似退步咗，首先我哋去中間嗰個舖做咗安心出行，之後店員比咗張飛我哋去第三間舖到自己搵位，自助落單用八達通apps自行付款分別叫咗2碗麵同咸檸7，第1碗就叫咗蘿蔔、秘制牛孖根、鮮蝦腐皮卷配瑞士汁、咖喱汁（微辣）公仔麵，牛根夠淋，但唔知係咪太趕，一大舊無切開，蘿蔔無渣，但無之前咁清甜，最失望係個瑞士汁，之前好濃好好味，但今次好淡另1碗就叫咗酸齋、牛膀、豬大腸配瑞士汁、咖喱汁（微辣）公仔麵，由於我唔食內臟，所以淨係食咗酸齋，味道都keep到，有人話牛膀依然好味，但豬大腸似白烚希望遲啲再嚟可以食返之前嘅味道