斗滾 (適安大廈)

营业中

休息中

📍斗滾Crazy fair for value all you can eat 3 course spot!Was attracted to try this new spot by fellow foodie’s introduction. And oh my, it is super high in CP value. First, you are served with a big chicken pot. You can choose the spiciness and you just simply need to cook it for 8 mins. You can choose to add or not add cilantro if you don’t like it. The flavor was good. I actually don’t like chicken pot as it is often too salty but this one is just right. The chicken was good quality as well! You

雞煲火鍋都唔係新奇事；不過，一次過食齊：雞煲+蒸海鮮+燉湯火鍋，仲要不限時，任飲任食。真係一口氣講唔曬! 收費都係三百元左右，唔試真係對唔住自己!一坐低先煮雞煲，冇聽錯，係要自己煮。店員哥哥比埋計時器你，每兩分鐘兜吓佢，總共煮八分鐘就食得。雞煲可辣可唔辣，BB辣、中辣，大辣你話事，唔夠可以再來!第二步曲蒜蓉蒸海鮮，以人頭計：每人有聖子、扇貝、鮑魚、花蜆、龍躉各一件、海蝦兩隻，仲有勝瓜、粟米及烏冬。第三步曲：先飲湯再火鍋，足料燉湯三人以上可免費享用，三人以下須補$38。另外有提供芫荽皮蛋鍋，蕃茄薯仔鍋，兩款都不加收費。不過養生燉湯值得一試，真係足料好飲!任食火鍋料種類很多，食物質量很有水準，任飲10餘款非酒精飲品，酒精飲品須另收費。牛肉選用手切牛頸脊，新鮮肉味濃，絕對優質!店舖新開業，裝修擺設都係簡約舒適路線。不過，咁超值嘅雞煲+火鍋就必定受歡迎。想試最好預先訂座!

今晚約左另一半來朝聖，由於6點未夠，店內得兩檯客，正正可以參觀下店内環境 講返雪柜內食物飲料種類都多，標示清楚擺放企理 食物系顺序上，先用鷄煲，我地嗌左小辣，檯上有計時器，每隔兩分鐘分四轉開蓋自己炒鷄件，又幾得意 然後上左碟蒸海鮮，份量吾算多但勝左種類廣有蝦聖子扇貝蚌龍躉，海鮮底下舖上大大塊荷葉，盡吸天地靈氣 主角黎啦 就系無限refill手切牛頸脊我地成晚食左4碟，值回票價啦喂，肉質嫩加上富有口感，吾會好似有d食肆甘第一碟就正，之後每况愈下甘 完美的一餐一定要有甜品就系椰汁雪燕，食完真系潤一潤感覺連加一 300左右系超值既

早前見到社交平台 某專頁介紹慕名前來的一餐，間舖有地面同隔離地庫，我哋一行4人被安排坐喺隔離地庫那邊，一入到店感覺都唔錯而且地方都乾淨。首先係上左個雞煲，有幾種辣度俾你選擇，我哋就選擇左BB辣，平心而論個雞煲係幾好味，雞煲係可以無限添食的。如果你覺得已經食夠雞煲可以叫店員上蒸海鮮拼盤，海鮮拼盤有聖子 鮑魚 蝦 勝瓜 帶子同烏冬。食完海鮮可以通知店子上邊爐。今晚我哋係「蟲草花烏雞湯」可以飲左湯之後用嚟打邊爐。一開始店員會上左2碟牛肉先，點知一開始打邊爐打算出去拎配料。一打開雪櫃發現絕對絕對唔係專面介紹有30種配料，我見得一、兩款菜、有菇、鵝腸、出前一丁、韓國即食麵、墨魚膠、響鈴，已經見唔到其他配料，而且墨魚膠同鵝腸新鮮程度好一般，最後我哋嘅只係食左牛肉就叫店員上甜品。值得一提係….因為我哋被安排坐喺地庫，我見長期得一名店員顧店面，所以每次你需要叫店員幫忙的時候，你都需要等一段時間或者叫好多好多次才會來幫忙…. 所以絕對係冇服務可言。其實我都明白店員但難處，但當你每次要添食雞煲、上海鮮拼盤、轉打邊爐、添食牛肉，你都叫很多很多次才會有店員來幫忙，最後係已經冇心機再食。總括：唔會再有下一次🙅🏻

就系廣告🪧令我認識「你」同吸引左我但系遲遲唔去食就只會因越黎越多人識「你」而越黎越難食到「你」所以真系要坐言起行，行動喇🏃🏻‍♀️Book 8:30,早左少少到,眼見都好full🈵好快就安排左張2人檯比我地🪑餐具企理乾淨唔會油淋淋出去拎枝五花茶飲下先可以改善地方唔系味道,系樽身😅成個樽都立痴痴,真系好難頂先黎個中辣雞煲🥘好香好攻鼻但系食落中辣都唔系好辣不過就好惹味,豆卜入晒味唔好貪心,食一轉好喇..好戲在後頭食完雞煲到蒸海鮮🦐🐟🌽🧄即刻蒸熱辣辣,好多蒜好香鮑魚已經處理好內臟,非常方便食開邊蝦唔會好霉,有6邊每人隻半蟶子同扇貝都唔會過火唔會un 唯獨系烏冬唔入味,如果全部粉絲就仲好牛魔王🐮既我地最期待都系手切牛🤤❗️❗️記得左社交平台先可以任食牛❗️❗️牛味重肉質嫩唔系一碟就夠掛事關我地2人行,冇得嗌燉湯,如果要都可以加錢轉所以我地就嗌左個皮蛋芫茜湯,清清地都唔錯👍🏽出面可以拎配料,有丸有腸魚皮餃果啲麵類都唔hea咖,有讚歧烏冬/一丁/韓麵而我就覺得出面既配料最正系鴨血同手打滑不過主打都系食牛…但系嗌左第2轉牛之後上牛既速度相對地慢左甜品❗️椰汁雪燕❗️份量非常少🤏🏽但系食到咁飽,少少點綴下ok既椰汁

食物質素很好 😋😋雞煲可以追加👍🏻👍🏻海鮮盛宴有鮑魚，聖子，花蜆，扇貝,，龍躉，海蝦很新鮮很鮮甜再加上讚岐烏冬令到烏冬吸入海鮮精華 👍🏻👍🏻養生燉湯有雞湯很好味再加上打邊爐材料都很新鮮 仲有手切牛頸脊都好好味 亦可以追加 牛丸 墨魚滑很爽口 😋😋仲有甜品 椰汁雪燕好好味 仲有很多款飲品可以選擇👍🏻👍🏻👍🏻職員服務態度十分好 👍🏻👍🏻本人漏了東西職員馬上追出來 謝謝你🙏🏻🙏🏻

朋友見到係屋企附近新開左呢間打邊爐，仲要係任食，我哋立刻book位，好好彩俾我地book到8.30個場！訂位個個姐姐好好，盡量安排位俾我，我來回咗幾次電話😅⋯⋯當日會有WhatsApp 俾我確認，同再三提醒🔔只收現金！去到等咗陣就有位，一去到就問我地雞煲要乜辣度，我個fd 唔食辣所以要咗原味！之後俾咗個計時⌛️我地2分鐘後打開兜吓佢，重覆呢個動作4次就可以食！重有一大碟芫茜😍正到暈！食完之後就上海鮮，有幾款。。。蒜蓉蒸蝦，鮑魚，扇貝等等等，自己睇相😂每種海鮮都有粉絲墊住喺面，中間有烏冬不過我同個朋友實在太細食啦！所以如果下次我再去嘅話我就會叫佢少啲烏冬無謂浪費！之後食飽就上湯，我哋要咗番茄薯仔花甲湯，無要到養生湯因為打邊爐我鍾意用番普通d嘅湯！首先，佢會俾豬同牛肉不過我拒絕❌咗豬因爲我至愛食牛。。。出面嘢飲都唔錯，有鴻福堂低糖菊花茶，烏龍茶，荔枝烏龍茶，台灣嘅涼粉乜乜，台灣嘅冬瓜茶可惜已經冇晒我冇飲過🙈除咗嘢飲，有d丸，菜同一般打邊爐嘅火鍋食物佢地都有，係雪櫃隔離有醬料，炸魚皮同埋響鈴。特別一提係蝦滑同墨魚滑超好味！一定要食！牛就好正唔洗多講！基本上牛你叫佢都俾你，最後，我地都叫咗豬肉，

今日早放工～與三位同事去呢間位於香港大學站行上少少就到的店舖，十分方便 ！我們吃六點， 沒有人等位，因為仲未係放工時間， 所以坐得好舒服！ 聽聞這間店舖很難book位 ，平日都全場滿座～ 所以今日能夠食到多麼幸福！今日是星期五，所以價錢貴少少， 首先來一個bb辣的雞煲 ！ 店鋪很貼心，畀埋個計時器我們計時！ 每分鐘炒一次共炒四次雞煲， 啲雞十分嫩滑！🐔🐔🐔跟住來一盒蒜茸蒸海鮮！🐚🐚🐚🐚 我們四個人每人一隻蟶子皇丶 一隻鮑魚丶 兩隻 蒸蝦丶 一隻大蜆 ～中間有少許蒜蓉蒸烏冬！十分彈牙及超級好味 最後來一個烏雞燉湯！首先我飲了兩碗湯好清！然後用這湯嚟打邊爐 ，外面有雪櫃任攞食物來打邊爐，菜類十分新鮮及很多食物品種選擇～例如：鴨血丶牛柏葉丶年藕丶雜丸類丶墨魚膠丶炸魚皮等全都係任食，不過一定要讚既係牛肩脊 ，十分有牛味啲牛非常新鮮！ 如果like佢哋這店舖更可以無添加! 最後每人送一碗椰汁燕窩糖水! 今晚的晚餐簡直豐富到爆炸!!!! 期待下次再book位去吃

秋風起，打邊爐。全店只有一款養生湯火鍋放題套餐，星期一至四每位268蚊，星期五至日、紅日及前夕每位298蚊，好食過市區差唔多價位甚至更貴嘅任食火鍋店，仲要無限時，連平日都座無虛席，記得要訂位。打響頭炮嘅係招牌大亂斗雞煲，揀咗小辣，落埋芫茜爆炒，麻辣味香而不嗆，雞肉唔會太肥，幾彈牙，唔鞋又無雪味，唔夠食仲可以任添。跟住出場嘅係海鮮盛宴，有鮑魚、花蜆、扇貝、蟶子、海蝦、龍躉，簡單用蔥蒜蒸熟，扇貝、龍躉最出色，非常鮮甜，中間嘅讚岐烏冬蒸得太腍。之後就到打邊爐時間，湯底係鮮淮山蟲草花燉竹絲雞，足料清甜，足足飲咗三碗，然後開始打邊爐，焦點係任食手切牛頸脊，油花靚，牛味濃，口感軟腍，食完一碟又一碟。出面雪櫃仲有多款配料同飲品任拎，黑椒牛丸彈牙多汁，墨汁墨魚滑夠香甜，墨魚膠混入大量墨魚粒，口感豐富。最後整返碗椰汁雪燕，椰香十足，冰涼清潤。📍斗滾西環山道54-66號適安大廈地舖

最近天氣轉涼，又係時候打邊爐。朋友訂咗呢間新開任食火鍋店，好彩有訂位，平日都爆晒棚，無限時任食火鍋每位只需$268，仲有得任食手切牛頸脊，難怪咁多人捧場。先上雞煲，小辣辣度剛好，香而不辣，雞肉幾滑，一啲雪味都無。食完雞煲就食蒸海鮮拼盤，有龍躉、鮑魚、花蜆、扇貝、蟶子、海蝦，全部都好鮮甜，蒜香唔會蓋過原本鮮味。跟住就開始打邊爐，湯底係淮山蟲草花燉烏雞，啖啖都係精華，飲完湯就出去拎配料，推介墨魚滑同黑椒牛丸，彈牙多汁。菜都好新鮮。除咗配料，當然唔少得主角手切牛頸脊，牛味濃郁又夠腍，食咗好幾碟。打完邊爐食返碗椰汁雪燕，充滿椰香，又甜又潤。

任食打邊爐周圍都有，但無限時既呢？我就真係唔知多唔多，不過高質既無限時，我就一定會揀斗滾！首先上個雞煲，任食既！不過，好戲其實在後頭，如果鍾意食牛既人，奉勸各位雞煲上半隻好喇！食完個雞煲，再黎海鮮拼盤！不得了，真係好食既冇吹水，非打手！不過，呢個就唔係任食既，同埋店員會好熱心提你，要盡快食，熱辣辣架！凍左就唔好食架喇！我真係第一次用燉湯打邊爐店員會建議先飲湯，覺得夠喇～先再去打邊爐。我見到煲湯果下真係嚇親 ，勁大煲囉！真係好飲唔係講黎！不過呢個湯要加錢既，+48蚊！放心，係全單+48蚊。唔係每位人頭加既！所以我覺得抵到爛！登登登櫈！重點黎喇！任食牛頸脊！我本身對肉其實就冇咩要求既，但呢碟牛，我輸喇！佢好食，真係好食！連我都忍唔住要encore…信我！堅得！當然，仲有好多配料都係任食任飲既，飲品都係大路野我就冇影喇！但佢有自家五花茶，不過想飲就要快手，我想再拎既時候已經冇曬，所以冇影相為証最後，但有個椰汁雪燕既甜品。係呀！都係任食架！但我唔得喇……真係好飽……大家記得要book位呀！佢無限時，好易爆場。無謂白行啦～

首先入到去坐，已經有人問你雞煲食咩辣，帶住唔食得辣嘅家人，只好叫BB 辣，隔咗一陣雞煲出嚟啦！好香呀之後佢會教你點煮，8 分鐘後食得原來雞煲任食，所以再叫咗一煲，好快就到！食完之後，佢哋已經準備好蒸海鮮，老實講蒸過籠，蒜蓉太多，但係都ok, 唔會話太老都食到！再嚟燉湯，好足料，好好飲，每人飲咗兩碗～ 剩返啲湯底打邊爐，任食打邊爐最正係任食牛頸脊性價比超高，最後仲要送糖水，嘩～ 三百幾食到咁真心推介，重點係仲要好食，全程任飲任食冇拖時間，食物出得快，所以我哋都好快飽咗

斗滾, 𝙎𝙝𝙚𝙠 𝙏𝙤𝙣𝙜 𝙏𝙨𝙪𝙞🍲Hotpot with family here on the Mooncake Day last month 🥮 The waitstaff were so helpful (funny too!😅) and very attentive, they checked in on us see if we need anything from time to time. Around $300+10% each for all-you-can-eat hotpot, chicken pot (yes! you can do all-you-can-eat for chicken pot too) plus that huge plate of seafood🦐🦞🦀 So fresh and tasty! I just wish that I have taken more photos to share with you all🤦🏻‍♀️.📍Shop A, G/F & Shop AB, 1/F, Sik On House, 54-66 Hill Roa

新開左間打邊爐，打邊爐之前佢會有幾樣野。首先可以任食雞煲，有唔同辣到揀，今次揀左小辣，下次可以挑戰吓中辣。下一樣餸係最期待嘅，就係蒜蓉粉絲蒸海鮮，即使係兩個人個盤都好大，當食完呢一樣之後其實已經覺得有啲飽。係打邊爐之前佢會有個湯底俾你，嗰個係蟲草花花膠烏雞湯，個湯好甜好養生好足料，當飲完個湯之後就可以加水打邊爐。打邊爐嘅料其實都好靚，有牛頸脊，蝦滑，墨魚滑等等。到最後仲有一份甜品，椰子燉雪燕都好好食，所以都要留返啲位食甜品。

本來book唔到，撞正8號風球，冷手執咗個熱煎堆。店舖不大檯數不太多，5人要坐4人檯確實有點迫。先來雞煲，因朋友不能吃太辣所以只叫了小辣。雞煲比我想像中好味 因平時出面食果啲唔係太鞋就太咸。依到啲雞好滑，味濃唔咸好入味。食完雞煲仲問我地要唔要再加雞。 我地唔要喇 咪飽晒打唔到邊爐。蒜蓉蒸海鮮有蝦，帶子，聖子，蜆，龍躉，烏冬。 職員話因打風冇咗鮑魚好唔開心呀。海鮮用荷葉墊底蒸，剛剛熟，好香蒜味 係隻蝦麻麻地太細隻冇咩肉。之後到蟲草烏雞湯。嘩。。正呀，好好味，飲咗兩碗。 其實食到依到已經飽，但仲未正式開始打邊爐。加湯後哥仔拎咗碟牛肉黎，太細碟了 每人得幾塊唔夠喉。飲品及其他邊爐食品在雪櫃取。 款式唔太多，基本野有齊 其實邊爐都係尾聲。都飽咗8成食唔到太多最後黎多個椰汁燕碎糖水 唔太甜都幾好。由於假期前夕要加多30蚊即269+30+10%=$330/位食物質素再加上冇時限，依個價錢可接受。會再番兜