新興發粥店 (已結業)

係皇都附近行街打卡,之後行到好熱求其搵間小店食,見到有間粥鋪就入黎啦~以前黎過食一次飯,粥就無咩特別,類似D小店制作,味道平平勝在價位合理,但求飽肚係OK的外賣櫃有好多唔同款,另外再叫左油條外賣,8蚊一條賣相對稱幾大條,但味道淡味,但油味唔重,咬落唔夠薄脆反而係個種厚實質感各有各好啦,一條油條飽半日,真係窮人救星?阿姐D態度就麻麻,真心應該無下次不過佢又真係幾多人幫襯,北角區可能少粥店選擇吧~新興發粥店北角電氣道308號地下

我同朋友叫咗兩個盅頭蒸飯（梅菜蒸肉餅and 臘腸蒸雞)，滿心歡喜等左十分鐘，終於有得食，結果係凍嘅，一啲都唔熱。個餐牌寫住即叫即蒸，但好明顯係一早蒸好然後擺喺度，等有人叫再喺咁易整熱佢(因為啲餸係熟嘅）。我地食左兩啖就放棄，因為越諗越唔妥。個門面裝修得再好都無用，垃圾食物。本來諗住下次去再叫煲仔飯食，不過一定唔會再嚟，點知佢會唔會又係晨早整好，然後求其加熱。最嬲係餐牌寫明「即叫即蒸」，我地就係因為呢四隻字先行入去食。如果做唔到，就唔好咁寫，欺騙消費者。

吃一個快速的午餐，到新興發叫個豬红粥配齋腸$26。豬红粥，豬红很幼滑，切成一粒粒入口容易也不會太碎，粥底有味也滑正。腸粉，蒸得很軟滑，自己加入各種醬料，計有麻醬、甜酱、再沈些芝麻吃，很滑口，若是能夠熱一些會更好吃。

到北角上堂，快速來個輕快晚餐，又唔想幫襯大XX例牌套餐，又貴，所以周圍貢，見到這粥店門面企理，價錢尚可，就衝進去。因時間尚早，秋天晚上氣溫仲係熱辣辣🔥，粥就留番下次試，只點了個腸粉+熱豆漿。1)先講食物:魚片腸粉 -> 叫左之後先知担心，魚片會否太熟會嚡?！ Mm...魚片唔可以話just make滑溜，但未至於嚡拾拾，可接受，腸粉皮係軟糯嗰類，滑但易散，整体7分 (10分滿)。豆漿-> 豆味不多，一杯甜飲吧了。2)員工工作氣氛及服務:我經常注意這點; 個人覺得在好嘅工作氛圍下吃飯，比較在靚靚裝修中進餐，吃得更舒適。 眼見幾個員工阿姐各自補位，動作又快，當我落完單 (我以為阿姐姐落左單)，繼續八下菜牌有咩食時，另一個阿姐姐主動走來問我落單未，好彩佢一問，先知道之前個阿姐太忙未去打單，我試過低、中、高檔餐廳，望住餐牌好耐，周圍揮手示意點菜，侍應見到當見唔到，有啲員工晌度咬交😓，咁對比下，我識揀。 在場有新員工，個同事就好耐心咁教佢工作步驟，咁和諧氣氛，真like架👍下次有機會，再試下粥、煲仔飯😋

依間原本環境幾惡劣嘅粥舖竟然裝修，煥然一新，見佢乾淨左就打算試吓🤔魚腩 排骨 雞 炒麵（$50）炒麵比想像中好😮炒得幾乾身唔係太油膩，啲餸方面份量都幾足。牛肉 豬丸 牛丸 粟米 米粉（$47）收得咁嘅價錢份量係足嘅。好多粟米好似食極都食唔完🤣牛肉都算腍。雞蛋 雞 蝦球 菠菜 米粉（$52）一碗咁嘅車仔麵都幾貴，但係米粉都多，料都足嘅。雞都幾滑👍🏻蝦球有啲失望因為要加$5但係俾蝦仁😓菠菜都好多😍好新鮮。鳳爪排骨盅飯（$37）叫咗最後尾一盅，其他盅頭飯都冇晒😓望落比較細碗，但係其實飯都幾多，飯都白雪雪。排骨就有D比較肥冇乜肉，但係都幾多舊。滑牛 公仔麵（$29）普普通通一碗麵，牛肉算腍，湯底唔會太鹹👌🏻。因為得兩個侍應，佢哋好忙碌，我個碗蝦米粉就等左好耐先到😶。環境係相對乾淨左但係都係粥舖一間。雖然價錢比較貴，但係份量都唔少嘅。食物質素又唔算差，但係唔會特登嚟食。

對上一次食新發已經好多年前最近放工經過 見到門口有賣糭同生滾粥就入去試試啦點知一入到去 覺得間鋪變乾淨左餐牌整齊左仲多左唔同種類既即拉腸粉今次食左個鮮蝦腸 姐姐建議我加埋蔥花好足料 岩晒食蔥既人 同埋食醬怪店面引入左收銀機所有野食都有單有據 唔會漏單👍唔知係咪轉左手 今日見唔到個大肚腩叔叔希望呢啲咁有歷史既小店唔會比街坊遺忘啦！

店面整潔，艇仔粥粥底是煲出嚟唔係漿糊粥，蝦米腸粉質地吃得出冇落澄面，幾啱口味。吃完感覺味精落得唔多，香港租金癲價，一碗日本拉面都成百蚊，呢d还是賣廿蚊樓下一早餐碗，個人覺得非常ok。店員都有禮，街坊小店值得支持！

我們突然行開，但不是太肚餓，不想吃太飽。看見舊式粥店，心想應該唔會有太大問題。怎知。。。完全不敢想像。舊式店舖，一定裝橫不會太美觀，但夠懷舊和風味，而且都是食粥底。我們兩個人都是點選了同一款粥，豬紅魚片粥，和炸兩。看上去好似好足料，應該好好味，點知食落啲豬紅，超入味，入味到帶點咸，好似有點怪，正常豬紅，應該無味，跟住朋友再睇睇餐牌，跟住同我講店舖有韮菜豬紅，我心諗唔係咁呀。但事實應該就係那種豬紅放落粥，唔係點會咁咸。啲魚片又霉霉地，簡直恐怖。碟炸兩算是最正常，但都麻麻好食。完全無諗過舊式粥店，碗粥會難食到咁，我諗有人請，我都不會食，食啲比微波爐叮急凍粥，都還比這店好食。真有點怒氣沖天，慘痛經歷

今日初一，一早諗下食乜好，不如吃白粥加齋腸粉吧！一直知道北角有這間粥店，也曾光顧過，今次再來覺得這舖比以前光鮮咗，吾知係裝修過還是易了手，坐下見到有粟米粥，咁就叫咗粟米粥及齋腸粉啦！粟米粥好夠味，粟米粒好甜，吾錯，不過那一刻有懷疑咁夠味，粥底有冇落骨類去淆呢？腸粉吾算滑，但我是食得出係自己整的，因為比較粗糙點，加埋豉油、甜醬麻醬，ok呀！

真係好耐都未去過呢間粥麵店，之前帶小孩返學，等放學，總會到這間店，食碗粥，腸粉，豆漿，最近，行經附近，又想起遺忘了味道，行入去，尋回昔日的味道。艇仔粥係我至愛，白粥底煲得綿綿，好有米香，粥底材料十足，豬皮爽滑，有口感，碎牛多，魚片鮮甜，再灑上蔥花，一碗美味噶艇仔粥系面前，再加上一碟腸粉，濃香豆味的豆漿，一個十分豐富的中式早點，百吃不厭。

腸粉一夾就鬆散開呢啲我叫佢'夾即散'唔滑唔好食一pat pat最爽就係汁醬任落食醬怪就ok gei熱豆漿反而okOk豆味唔夠杰身Service ok有啲汁滴出嚟A bit dirty

係炮台山做完野,大部分啲食肆都關門啦,又有啲肚餓想食啲野先番去於是去平時食開宵夜既地方食呢間鋪頭由細食到大,質素算係唔錯本身想食個煲仔飯,但奈何又咁夜,食唔落食個飯,唯有叫啲light啲既叫碗粥就最岩!艇仔粥貪佢乜都有啲,又足料又夠飽肚超多碎牛同豬皮,魷魚又爽口粥底都算幾綿,以十幾蚊碗既價錢黎講可以話係好抵食仲要開到咁夜,岩哂我地呢啲收工收得夜既人食啦!

自從身體出事後，每隔一個星期便要往北角走，在睇醫生前又不能大魚大肉，清清地倒不如食碗粥。對上一次光顧新興發，已經是不知多少年的事了。早餐只不過$25，街坊價夠便宜。炒麵夠乾身，份量亦足，有少許蔥段及芽菜，很傳統的平民早餐，下點甜辣醬最惹味。牛肉粥是廣東開花粥底，師傅不太重手，可以接受，牛肉份量較少，有時候將貨就價，也是沒辦法的事。入門口到離開不到15分鐘，夠快手。

今早因要到砲台山見朋友，就同我先生在附近找個地方先食早餐。正路過這間粥店，想起食腸粉，就一於試試。叫了一條油條，一碟义燒腸粉，魚片牛肉粥和魚片瘦肉。油條非常硬，少D牙力都食吾到，腸粉皮厚黏口，粥很快便變成水汪汪,未食過咁差的粥店

個次去食真系嚇死人，我碗粥有隻蟲! 同佢講後佢馬上咩都唔講同道歉就攞走碗粥，搞到我都嚟唔彻影相！之後我追住佢問佢點解決，佢既然態度好差同我講“咪攞走咯”， wow。。。我以為佢會被我換一碗。。。點知有個人入嚟要稳位，佢就同個人講我要走，叫佢坐我個位。。。omg。。。