影片
港铁土瓜湾站A出口, 步行约8分钟
继续阅读
营业时间
今日营业
06:00 - 01:00
星期一至日
06:00 - 01:00
以上资料只供参考，请与餐厅确认详情
細個住大埔， 經常會去大元邨大排檔嗰度食粥同腸粉做早餐， 當佢由冬菇亭搬咗去街市頂樓之後啲質素就慢慢跌，早排返屋企食飯中發現佢已經執咗⋯⋯近年搬左去紅磡，經過幾年(其實太太都係呢頭左十幾年野)係紅土黃食個6、7間粥，終於揾到一間係貼近細個果陣味道同質素既粥鋪(唔係食一次就寫，5月頭行過入去食一次已經回味無窮，再回頭咗三四次LOL)，白粥又綿又有米香，生滾粥一樣咁綿，但唔似得外面咁有味精。腸粉未至於最滑，不過有中上水準，最重要既係佢個豉油係有加到少少豬油，成件事唔同晒，令人成日都心掛掛～其他食過既炒麵就正正常常咁，炸兩就差啲啲(條油炸鬼唔咁鬆)，我知道呢間頭仲應該仲有其他好食既粥店，不過佢好食得黎又只係收街坊價，如果鍾意食粥係附近不防過去試下
继续阅读
嚟呢頭上堂，響呢度搵下嘢食，見到呢間粥店，舊式裝修，應該好有歷史吧？叫咗碗及弟粥，炸兩，粥夠綿，又夠味，內有豬膶，豬肚，豬腸，肉丸，豬膶夠滑，豬肚爽軟，豬腸粉香，肉丸應該是現成貨，如果肉丸用肉碎自己打就完美嘞！炸兩的油炸鬼夠脆，腸粉夠爽滑，加麻醬，甜醬，麻芝好好味！我家附近只有一間連首飾粥麵店，食到懷疑人生，去度呢啲舊區小店先可以食到真功夫，希望繼續留傳呀！我回家第一時間同我仔講，而家仲可以食到呢啲味道，叫佢去開呢頭要試下（因為試過買炸兩俾佢，因為車程要成45分鐘，返到屋企浸林左）
继续阅读
我好多時都會嚟呢度食粥，食炒米粉，食炒麵 ，炸兩同腸粉。 見到嘅周圍都係街坊， 或者老人家， 每次都見到事頭好關心佢哋， 有傾有講， 舖頭冇乜裝修 ， 但係配襯 呢種人情味， 感覺上就係大家生活咗幾十年香港🥰
继续阅读
Fair deal on price-value ratio. A good choice in the neighborhood if you want to eat something light and easy to stomach
继续阅读
要上興趣班，好在放工後交通暢順，早咗大半個鐘頭已經到達目的地上堂地點附近有一間舊式粥舖《新興發粥店》，今晚天氣轉涼，食一碗熱辣辣嘅生滾粥就啱哂！傳統粥舖，粥品選擇多，單拼、雙拼，三拼都得；另外當然有油炸鬼、腸粉、炸両，炒粉麵、糭，仲有糖水添今次揀咗”豬膶碎牛粥”，D粥上檯時仲滾滾吓㗎！碗粥大大碗，落足料豬潤同碎牛最重要嘅係確保佢哋熟透之餘，又唔會太熟！少少嘅薑絲辟左豬潤嘅腥味，豬潤火候啱啱好又爽又滑，主要嘅調味來自碎牛，呢個組合非常Perfect，係我最愛嘅粥品之一！食完碗熱辣辣嘅粥，醫咗個肚，成個人暖笠笠，係時候去上堂喇～ 🤓📝
继续阅读